حلقة مثيرة من كرسى الاعتراف مع المدير العام للمنتدى

تذكير بمساهمة فاتح الموضوع :

اصدقائى اينما كنتم احييكم بتحية الاسلام فالسلام عليكم ورحمة الله وبركاته وبعد بعد طلب من الاعضاء وكنظام من انظمة الديمقراضية فى دولة فيت2010 اجلس على كرسى الاعتراف واتعهد امامكم بان اجيب على اسئلتكم ولكن مع احترام قوانين كرسى الاعتراف
اتمنى منكم المشاركة والتفاعل

انا بس عايز اقول حاجة واحدة ليك ياحسام متقولش لو تانى لان لو بتفتح عمل الشيطان دى نصيحة وشكرا يامحمود على النصيحة بس انا عارف كويس لما بتكلم بتكلم مع مين وازاى يعنى لو اى حد فى المنتدى غير جمال مش هسأله السؤال دا طبعا وطالما صاحب الشأن موافق انا اسف دا تقليل من شانه انك تتكلم بالنيابة عنه وشكرا على نصايحكم الغالية تقبلو مرورى[right]

بالنسبة للدكتور جمال انت كمان متقولش لو وبعدين متقسمش لانك لازم تاخد راى اختك وهيا اللى هتوافق او هترفض انت مش سي السيد ياخويا ههههههههههه

ايه يا عم متعب اهدى علينا شويه انت وبحراوى وان واحد شد التانى يسيب خالص عشان الحبل مايتقطعش والجموسة بقه تطفش وتنطح كل اللى معانا معلش شويه بيطرى


بحراوى انت مش عارف ....لازم الواحد يربط امال لسه حيدور لما يخلص هيلاقيها طارت وانا كنت عايز المنتدى يشهد بس هيه بس تشد حيلها وتعدى خمس ولا عشر سنين فى سنة واحده عشان تلحقنى هيا.



متعب لو حرف شرط يفيد امتناع جواب الشرط لامتناع فعل الشرط يعنى جمال مش هيملك لو شبر فى المدينة لو _تانى _ لو حتى كان امير اى منطقة فى العالم غير السعودية هوه ده القانون خصوصا بقه المدينه انت عارف الدجال وخطره

معلش بغرّب كتير اصلى كان نفسى اكون طيار
اما الحديث
عن أبى هريرة رضى الله عنه قال قال رسول الله صلى الله عليه وسلم المؤمن القوى خير وأحب إلى الله من المؤمن الضعيف وفى كل خير احرص على ما ينفعك واستعن بالله ولا تعجز وان اصابك شئ فلا تقل لو أنى فعلت لكان كذا وكذا ولكن قل قدر الله وما شاء فعل فان لو تفتح عمل الشيطان - رواه مسلم في الصحيح

من الواضح ان النبى صلى الله عليه وسلم يحث على عدم الندم على ما مضى والحسرة على ما فات وما يحصل من ضرر كان من الممكن تجنبه بعمل عملا ما ولكن يجب ان تكون مؤمنا با كل ما يقع لك من احداث فهى بامر الله وبقضائه
وليس النهى من استخدامها طلقا والا فان الله عز وجل استخدمها فى القران الذى هو ابلغ الكلم يقول تعالى فى كتابه (( وَدَّ كَثِيرٌ مِنْ أَهْلِ الْكِتَابِ لَوْ يَرُدُّونَكُمْ مِنْ بَعْدِ إِيمَانِكُمْ كُفَّارًا حَسَدًا مِنْ عِنْدِ أَنْفُسِهِمْ مِنْ بَعْدِ مَا تَبَيَّنَ لَهُمُ الْحَقُّ))

المهم عادى يعنى لما نحلم ولكن الامنيات راس مال المفلس والقاعده دى نفسى اعمل بيها واوعاها بقلبى مع ان دماغى وعياها

يعنى الاسلام معلمكش تكون واقعى وددايما تنظر للى اقل منك عشان تعرف قيمة النعمة اللى انت فيها وتحمد ربنا وبعدين مع احترامى الكلام مش مستاهل خطب لانه واضح جدا متقولش حاجة ممكن تكون شبهة او مغرية للنفس لان مش كلنا ائمة ولا مشايخ دا للنصيحة فقط وشكرا على توضيحك

شكلنا هنسيبك من جمال وكرسيه وهنكون اصدقاء لان دخلةك شمال ديما فيا وانا مسكيييييييييييييين وطييييييييييييييييييب

الله علينا شباب زى الورد يسلم اللى جمعكم .

أما الأسئلة فموعدها قريب جدا يا جمال وصدقنى هتعجبك .

انا بحب اسجلى اعتراضى

اينعم معرفش على ايه بس لازم اعترض

عايزين اسئله ياجماعه


الله؟؟؟؟؟؟؟؟؟؟

شاطرين بس الناس اللى كانوا ف الاول اتهروا اسئله والمدير يعدى عادى كده

يللا ؟؟؟؟؟؟؟؟؟؟؟

لا طبعا من حقك

من حق كل إنسان إنه يعترض حتى لو مش عارف هوا بيعترض على إيه وأنا كمان معترض معاكى على الحاجه اللى إنتى مش عارفاها دى .




[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههه ياجماعه فكرو زى مانتو عايزين انا مستنى بس مدتى هتخلص يو الجمعه الجايه وهيستلم واحد جديد

بص ياسى جمال انا كنت ناوى مااسالكش عشان مضايق منك بس مش مشكلة عشان انت عزيز عليا بس
اولا\رايك اية فى اللى المنتدى وصلة لغاية دلوقتى وياترى هو ناقصة اية
ثانيا\ رايك فيا ايه واكتب عن كل عضو مشارك كلمة
ثالثا\انت لية بتحب تقعد فى تانى بنج كدة على طول ياجمال طب بزمتك انت لما رجعت امبارح وقعدت ورايا مش فهمت احسن انت صحيح كنت نايم بس اكيد فهمت احسن
رابعا\ناوى تشتغل فى ايى ياجيمى بعد ماتتخرج وياريت اعرف رايك فى كل مجال من مجالات شغل بيطرى
خامسا\انت مش شايف ان فى المنتدى بتاعنا فى سوء توزيع وانت فاهمنى
سادسا\سامع عنك اخبار زى الفل هقولهالك لما اقابلك
بس كفاية كدة

ميتشو للم نفسك واحذف السؤال الخامس وماتنساش جمال مابيعزك قد كده يعنى...اه انا بصفى النفوس بس انت ما شفتش لما طلبت منه الورق اللى بيتوزع رفض يدهولك لى طول واداه للاسد الابيض


وبعدين سيب الراجل فى حاله ولا لازم يكون نايم طول الحاضرات عشان ترضه عنه ياباى على الحقد

ههههههههههههههههههههههههههه وبعد طول انتظار حبيب قلبى يشارك ميتشو ياحبى انا ماقدرش على زعلك يارب الكلبه السودا ندخل ف الجد بقا ونشوف اسئلتك يلا
الاولرايى ف المنتدى واللى وصل ليه
والله ياحبيبى المنتدى الحمد لله وصل لدرجه يحسد عليها والحمد لله وده والله بفضل مشاركة الناس معانا طبعا اعذرونى مش هقدر اقول اسماء والا انسى حد يزعل منى بس الحق السبب ف نجاح المنتدى هو ان الناس اللى موجوده بتتعامل مع بعض كانهم عيله واحده ماحدش بيزعل من التانى وكل واحد بيحب التانى وبيستنى مشاركته واى منتدى اعضاؤه تحب بعض اعتقد ان النجاح هيكون من نصيبه واحب اقلك ياحبى المنتدى وصل لدرجه ان فى شركات بتعرض علينا ان اننا نحط اعلانات لكن طبعا احنا وعدنا الناس ان مافيش اعلانات يبقا باذن الله ماهنحطش اعلانات
التانى اعذرنى ياميتشو مش هقدر اعطى كل عضو كلمه لان ممكن انسى حد سهوا فيزعل منى لكن لو هقول رايى فيك طبعا ياميتشو انتا من الاعمده الاساسيه ف المنتدى مع كونك زملكاوى لكن مش مشكله ولايهمك ودا اللى بيدى للمنافسه بينا طعم وماتنساش النده ليك الاهلاويه بس ماعرفش هيا غيرت اسمها ليه لكن عادى فى غيرها كتير لكن والله ياحبيبى انتا عارف رايى بغض النظر عن وجود المنتدى او عدمه
التالتهههههههههههه والله انا اتعودت انى اقعد ف البيدج ده وبعدين فى قصور شويه ف العين الشمال وعلشان الواحد يقعد مركز انتا عارف انا لما برجع ورا ببقا راجع علشان انام مش اكتر وعمرى ماقعدت ورا وفهمت محاضرة ولو كان مين وده اللى بيغظنى م البنات اللى بتيجى تقعد مكانا ماتتخيلش انا ببقا نفسى اكلهم واشرب حاجه ساقعه وراهم يلا ربنا يهديهم مع العلم اننا بنسيب البيدج الاول والتالت ليهم لكن ليه التانى الله اعلم لكن مع كده دول ناس من دفعتى وقعدنا مع بعض 5 سنين ماينفعش اقلهم كلمه تجرحهم وربنا يهديم ويسيبو البيدج

الرابع طبعا ياميتشو انا ناوى اشتغل دكتور بيطرى لكن اتمنى انى اعمل شغل خاص ليا مزرعه او مستشفى حاجه زى كده او اننا اسافر وربنا ييسر اى الامور وكلها خير ان شاء الله واحتمالى الاخير والملاذ هو شركة ادويه لكن انا مابفكرش فيها دلوقتى وربنا ييسر
الخامس ههههههه اه ياميتشو احنا اتكلمنا ف الموضوع ده واعتقد ان اقتراحى هيبقا عادل وهطبقه قريب لكن لازم ادى الناس فكره عنه هنعمل عنه اعلان ف الاعلانات الاداريه وهندى الناس فرصه اسبوع وبعد كده هنطبقه ان شاء الله
السادس يارب ياميتشو تبقا اخبارك زيك ياحبيبى
طبعا شرفنى مرورك واسئلتك ياميتشو وسيببك من حسام انما هو من الحاقدين عايز يوقع بينا لما عرف انه ممكن يتقلش ف التعديل الجاى فقال طيب اوقع بقا بينهم
شرفنى مرورك يامعظمى وربنا يهديك ويبارك فيكم احلى حبايب احلى اعضاء ادام الله بيننا المودة والمحبه انه ولى ذلك والقادر عليه

ههههههههههههه ماشى ياجيمى على الرغم من الكفرات اللى انت استخسرتها فى اخوك بس مش مشكلة

جمال
أيه الوقت اللى بتقف فيه وأنت عايز تقعد
أيه الوقت اللى تاكل فيه وأنت مش جعان
أيه الوقت اللى أنت لا تنام فيه وأنت تعبان
أيه اللى أنت كنت بتحلم بيه وضاع منك
أيه نظرتك للدنيا 000000000وهل تعمل طبقا لهذه النظرة
أيه أخر شىء تتمناه قبل الموت 00000000000000000000 ربنا يطول عمرك

أجب بحرص وامانة لان هذه الأسئلة البسيطة ستبين الكثير من شخصيتك

ياهلا ياهلا بالاسد الابيض نجاوب ياسيدى
الاول لما ابقا راكب السرفيس ووانا ف الطريق تركب واحدهلازم باقوم واقعدها مكانى لكن لو راكبه من الاول وهى واقفه مابقفش وبسيبها واقفه لان بتبقا فيه فرصه قدامها لكن هى حبت تقف
التانى لما ابقا قاعد مع حد ويعزم عليا وابقا عارف انه ماهيسيبنيش الا اذا كلت معاه
الثالث لا ف دى لا انا وقت مابقا تعبان بنام والدليل السكشن بتاعنا كله عارف كده لكن لو فى حاجه تستدعى انى ابقا صاحى اكيد هصحى
اللى كنت بحلم بيه وضاع لا ماحلمتش بحاجه وضاعت الحمد لله حتى الكليه ماكنتش احلم انى اوصل ليها اصلا لكن الحمد لله
نظرتى للدنيا مافيش حاجه تستاهل انك تزعل نفسك الا كرامتك اوعى تسيب حد يدوس عليها والدنيا جميله والحمد لله
اخر شىء اتمناه قبل الموت انى اموت قبل والدتى علشان ماضمنش نفسى لو الهديه دى اتاخدت منى هعمل ايه واتمنى انى اموت على طاعه وف سن مابقاش تقلت على حد ولو كان ولادى
شرفنى مرورك

تصدق عيونى دمعت ياجيمى مش تريقة بس خفف كلامك شوية ياعم سيبها على ربك الاعمار بيد الله وبعدين اللى يخليك تعدى من احمد عرابى يبقى الامل موجود هههههههه فاهمنى طبعا

ربنا يخلى ليك والدتك يا حمال ويبارك فى عمركم أنتم الاتنين ويجعلك بار بهاويرزقك رضاها عليك