حلقة جديده من حلقات كرسى الاعتراف بتاعنا؟؟؟؟؟؟؟؟؟

يا خبر أبيض ده إنتى جيتى منطقتى جارى تجهيز القاعده بالصواريخ عابرة القارات ومدمرة الحصون والمغارات ومحطمة الأفكار والمعتقدات من طرف عنانى رئيس الجمهورية القادم
يالهوى دى هتبقى حلقه ضرب نار ............................ جاى فى السريع

ههههههههههه ماشى يادكتور

بس مجرد تذكره: يا
The Infintude
احنا رحمناكى اهو وجبناكى فى نص الاسبوع يعنى سايبينك يومين بحالهم متتسأليش مع ان المفروض نبتدى من اول يوم فى الاسبوع

بس عشان تعرفى اننا بنضحى

يللا ربنا معاكى

أولا اححب اتعرف عليكى أكتر .. يعنى مثلا أسرتك كام فرد؟
اخواتك؟منين بالظبط؟
هوايتك ايه؟
مواصفات فتى أحلامك؟
أحلامك ايه؟

اولا هى المتهمه فين ؟؟

ثانيا يابوتشى مينفعش كده الاسئله دول صغيرين اوى

عايزين توصيه جامده

لازم نطلع كل الحب اللى جوانا

اوك

أنا مش عارف هيا غطسانه فين اليومين دول مش عادت بتظهر ع المنتدى
شكلها عايزه تفك من الكرسى لا ما تقلقيش وراكى وراكى لحد ما تجاوبى
لسا جارى الإعداد للأسئله

هههههههههههههههههههه

أولا شكرا ليكوا كلكم وانا والله مابعدني عن النتدي وعن اصحابي الحلوين دول كلهم الا الشديد القوي

وانا ع اتم استعداد لكل الأسئله وللناس اللي هتنتهز الفرصه دي
هيا ياجاره واخدالي بالك انتي من الكلام مستيه الصواريخ عشان أفجئك بالمضادات والمدافع وهتبقي ارض جو وفي الصميم

أهلاوية جدا كتب:

اولا هى المتهمه فين ؟؟

ثانيا يابوتشى مينفعش كده الاسئله دول صغيرين اوى

عايزين توصيه جامده

لازم نطلع كل الحب اللى جوانا

اوك

اولا المتهمه وصلت وبعدين خالي بالك المتهم برئ حتي تثبت ادانته ولسه ماحدش مسك عليا حاجه
هههههههههههههههههههه

ثانيا مستنيه الحب الجامد قوي بس خفوا عليا عشان زكي رمضان

يااهلا يااهلا جارى تحضير الاسئلة

اية دة مشتول السوق منين فى مشتول

ايه ده اسألتى فين ياجماعه؟

عمتا هدور عليها اهو

بس لازم نركز فى الاسئله مش هينفع نحط اى اسئله كده

خاصة

انك طلعتى من نفس بلد صاحبتى انتيمتى




جااااااارى الاعداد

ههههههههه اة يا infintude طلعنا بلديات

[ندعوك للتسجيل في المنتدى أو التعريف بنفسك لمعاينة هذه الصورة]



اممممممممم نبتدى الاسئله ع طول بدووووووووون مقدمات


1- هل انتى سعيده باللى حققتيه فى حياتك لغاية دلوقتى ولا ؟؟؟

ولو فيه إنجاز حققتيه في حياتك....ايه هو؟


لديك ثلاث وردات لمن تهديهم؟


ما هو حلم طفولتك؟


ماذا يعني لك الحب؟


لما تكونى متدايقه ايه اول شي يخطر في بالك او بتعمليه؟


ما هو طموحك في الحياه وازاى بتشوفى نفسك بعد 5 سنوات؟


الحياه خير معلم فماذا تعلمت منها؟


ما هي التجربه التي تتمنىن تتكرارها؟ واخرى لاتتمنين تكرارها؟


موقف هز كيانك ومش هتنسيه طول عمرك؟



انا بقول كفايه كده بس عايزين الصراحه

وزى مانتى عارفه الصراحه راحه

ماشي يا أهلاويه نجاوب وبنتهي الصراحه

أهلاوية جدا كتب:

1- هل انتى سعيده باللى حققتيه فى حياتك لغاية دلوقتى ولا ؟؟؟

انا لسه ماحققتش حاجه تخليني سعيده بتحققها لأن سعاتي هتكون بتحقيق ذاتي في المجتمع ودا له أشكال كتير
بس الواحد يخلص بس وان شاء الله ساعتها ربنا هيسرها

ولو فيه إنجاز حققتيه في حياتك....ايه هو؟
الأنجاز اللي حقتته في حياتي كان انجاز معنوي بأن اتغيرت بجد وللأحسن
لأن كان عندي عقده جامده قوي بسبب عدم الثقه في الأخرين وكنت دايما بفرد النيه السيئه
ودا كان دايما بخليني أبيع اللي قدامي بسرعه لو عمل اي حاجه وحشه فيا
لكن دلوقتي الحمد لله بدأت أتغير وربنا يستر وما يحصليش حاجه تخليني ارجع تاني زي ما كنت

لديك ثلاث وردات لمن تهديهم؟
اهدي اول ورده لماما لأنها فعلا تستحق ضحت بحياتها وسعادتها كلها عشاني انا واختي ودايما مابتفكرش في نفسها ومفضالنا ع اي حاجه في حياتها فهيا فعلا ام عظيمه
وتاني ورده اديها للساعدني ع التغير وخلني أتغير
والتالته اديها [ندعوك للتسجيل في المنتدى أو التعريف بنفسك لمعاينة هذه الصورة] أه لواحده جارتنا ع مواجهتا مشاكل جامده قوي وهيا لوحدها من غير راجل

ما هو حلم طفولتك؟
انا طول عمري كنت بحلم اني ادخل كليه سياسه واقتصاد عشان اكون سيده اعمال لأني بحب التجاره وعقلي شغال في المنطقه دي شويه
بس للأسف حبي الشديد لبابا هو اللي خلني أحلم الحلم بتاعه هوا اني أكون دكتوره وأدخل كليه صيدله انا وأختي عشان يفتح صيدليه لينا ونفضل مع بعض طول عمرنا حتي دلوقتي مصمم اني أكمل في الأدويه عشان يحقق حلمه برده

ماذا يعني لك الحب؟
الحب عندي هو احساس بالأمان بانه يخليني ماخفش من الظروف والناس
الحب عندي هو احساس جميل يخليني أضحي للبحبه من غير تفكير يخليني أحققله السعاده حتي لو كانت سعاته ع حساب تعاستي

لما تكونى متدايقه ايه اول شي يخطر في بالك او بتعمليه؟
لما بكون مضايقه تلقيني أعده في جنب لوحدي وما كلمش حد وادني ساكته خالص لغايه ماخرج من اللي انا فيه

ما هو طموحك في الحياه وازاى بتشوفى نفسك بعد 5 سنوات؟
طموحي في الحياه اني اكون اسره سعيده وأعرف اربي ولادي كويس
بعد 5 سنين شايفه نفسي اني هكون زوجه ذكيه ودكتوره ناجحه في شغلها ان شاء الله
الحياه خير معلم فماذا تعلمت منها؟
ياااااااااااااااااااااااااااه انا لسه صغيره صحيح بس اللي حصلي كتير واتعلمت اكتر من الدنيا
أتعلمت الصبر ع الأزمات أتعلمت اني ماوهمش نفسي بالدنيا الحلوي
أتعلمت اني أحرص من الناس لكن ماغدرش أتعلمت ان ما تعشمش في حد قوي
أتعلمت ان الحب مش بالكلمه الحب بالفعل أتعلمت ارضي بنصيبي واللي مكتبلي
أتعلمت اني ما أسخطش ع الدنيا
أتعلمت اني لو عايزه السعاده انا اللي اخققها لنفسي مش استني حد يحققهالي
أتعلمت ان تفكيري انا هو الصح مش تفكير الأخرين ومافيش حد هيخاف عليا ويهمه مصلحتي غير انا بس

ما هي التجربه التي تتمنىن تتكرارها؟ واخرى لاتتمنين تكرارها؟
مافيش تجربه اتمني تكررها
لكن ما اتمناش اني اتخطب تاني لواحد مش مرتاحاله

موقف هز كيانك ومش هتنسيه طول عمرك؟
موقف خطبتي لواحد انا مش عايزاه والضغط الشديد عليا من كل اللي بحبهم عشان أوافق وطريقه الفسخ اللي حصلتلي بتهيألي عمري ماهنسي أبدا الحكايه دي


فعلا كفايه انتي عاصرتيني

بصى ياستى انا مش هطول فى الاسئلة عشان انتى طلعتى بلدياتى ولازم اكرمك
اولا \على الرغم من ان فكرتى عندك انك عندك وجهة نظر كويسة جدا وبنشوفى الامور كويس بس انك تتخطبى غصب عنك او عشان ناس تانيين عايزين كدة مش شايفة ان دة غريب شوية على شخصيتك
ثانيا\تسمحى للناس اللى حواليكى سواء اسرتك اصحابك او او انهم يتدخلوا فى حياتك وقراراتك لغاية كام فى المية يعنى فى حدود ولا
ثالثا\انطباعك اية عن المنتدى والاعضاء الللى فيهم وياريت توصفى كل واحد تعرفية فية او تقولى انطباعك او رايك عنة يعنى مثلا انا واهلوية جدا وعنانى والبحراوى واميرة القلوب وبوتشى وغيرة وغيرة

ماشي ياسيدي وانا هجاوب عليك بصراحه طالما طلعين بلديات بس اوي تسيحلي في المنطقه اصل احنا مشهورين قوي

أولا موضوع خطبتي دا ليه كذا سبب
اول حاجه انا مشكلتي اني بحب بابا قوي ومرتبطه بي جدا لدرجه انه اما بيتعب نفسيا ويكون مضايق تلاقيني زيه مضايقه فبحاول اني انفذله كل رغباته حتي لو كان ع حسابي فكان هوا معجب جدا بالعريس وكان عايزه لي
تاني حاجه انا وجهه نظري ان البنت ماينفعش تقف قصاد أهلها لأني ساعتها كنت ممكن أخسرهم وبالذات اني مش مرتبطه عاطفيا فمش محتاجه اني أعاند معاهم
تالت حاجه انا كان سبب رفضي اني مش مرتاحه نفسيا للعريس وماكنتش لاقي سبب مقنع للرفض غير اني مش مرتاحاله واني مش شايفه نفسي معاها وطبعا دا كان من وجهه نظرهم دلع وكان تحليلهم للحكايه دي اني اول مره أرتبط ودا بيكون احساس طبيعي لأي بنت وانه بالوقت هيزول
لكن الحمد لله دلوقتي هما عرفوا ان أهم حاجه الراحه النفسيه وانها أهم من الحاجات التانيه واكيد مش هيحصل دا تاني لأني كنت بدمرأدامهم

ثانيا انا من الناس اللي بتحب تسمع اراء الأخرين ووجهات نظرهم وبعدين اقعد مع نفسي واوازن كل الأراء واقارنهم مع راي وأنفذ اللي انا شايفه صح والحكايه دي كمان زادت عندي بعد موضوع الخطوبه

ثالثا انا بحب المنتدي لأني حاسه اننا كلنا في مركب واحده ولينا نفس التفكير تقريبا
وكل واحد بتعامل معاه في المنتدي رسماله صوره وشخصيه في خيالي وبتعامل ع اساسها
اسمحلي اقول انطباعي عن ناس ورايي عن الناس اللي اتعملت معاهم في المنتدي

اولا راي في الحج ميتشو
انه هوا الواد الروش الطحن اللي بيحب يخطف من كل بستان ورده
هوا عجينه من الضحك والتهيس والتنكيت واحلي حاجه انه مابيزعلش لو حد رخم عليه بل بيحاول اناه يعدي الموقف بطريقه شيك
وعارف حدوده فين في التعامل وغير مجادل خالص بقول رايه لو حد اعترض عليه مش مهم هوا مع نفسه طالما مقتنع
بس بحس انه بيهرب من شخصيته الخقيقيه يعني ماحدش عارف اهتماماته أوطريقه تفكيره او مبداه
بس في النهايه هو جدع وممكن الأعتماد عليه

ثانيا مناكفي اللدود عناني
دا بقي شخصيه تقيله وراسيه مووووووووت ليها مبدءها وأراءها الخاصه اللي مستحيل حد يعرف يغيرها مهما حاول بس أظن ان الوحيد اللي بيقدر عليه وانه يغير في صواميل عقله هوا والده
عناني حاسس انه عقله كبير قوي وان كل الشباب دماغهم تافهه فعشان كدا بيلاقي نفسه قوي اما حد يجادل معاه يحس ان عقله كبير شويه
عناني شخصيه خدومه ومجامله ويعرف في الأصول والمجاملات كويس
وهوا ذكي جدا وبيحب يختبر اللي قدامه وبيعرف ازاي يجيب أخر مع اللي قدامه وبيتعامل ع هذا الأساس انه خلاص عرف انت بتحب ايه وبتزعل من ايه فبيعملك من المنطلق دا
مجادل جدا ولازم يقنعك توجهه نظره او انك ترفع الرايه البيضا
شخصيه الضحك والتنكيت والتهيس اللي هوا بيعمله دي شخصيه مصطنعه فيه يعني هوا بيحاول يجاري اللي حاوليه
ومابيزعلش من حد ومش عصبي ويعرف ازاي يخدك ع قد عقلك من غير ماتحس
كفايه كدا عليه

نقول بقي الأنطباعات
البحراوي شخصيه نيرفز جدا وسريع الغضب وما بيسمحش لحد يعارضه هوا يعمل ويقول اللي هوا عايزه لكن انت ماينفعش ترد عليه وسرعه غضبه دي ممكن تخليه يغلط في اللي قدامه من غير مايحس بس دا دليل ع انه شخصيه واضحه وطيبه واللي في قلبه ع لسانه وما بيحبش المجاملات لو هوا بيكرهك هيقولك انا بكرهك وماتتعاملش معايا تاني أو يطردك من مواضيعه زي ما عمل معايا مثلا [ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههه والله يابحراوي انا مازعلانه منك بس انا زعلانه اني زعلتك مني ماتزعلش احنا اخوات وما فيش اخوات بتزعل من بغضها عايزه منك رد ماشي يعني ماتكبرليش

بوتشي طيبه جدا ورقيقه خالص وبحب قوي طريقه كلامها وصوتها الهادي خااااااااااااااااالص

بريق الماس بحب أشوفها في المواضيع لأني بحس انها عامله زي الطفله الجميله اللي بتخلي الموضوع جميل

جمال العيسوي بحس انه قيادي ولازم كلنا ننفذ قرراته والا مايكلمكش تاني

لؤلؤه طيبه جدا وبحس انها في دنيا غير الدنيا خالص

ناصف شخصيه رومانسيه عايشه في الخيال وبتهرب من الواقع وعمال يدور ع الحب بس لسه مش لاقهه

بس كد كفايه انت هتعلن الحرب عليا
ياجماعه ماحدش بزعل مني دي مجرد ارايي انا الشخصيه يفني مش معترف بيها

[ندعوك للتسجيل في المنتدى أو التعريف بنفسك لمعاينة هذه الصورة]

ايه ده

مكانش العشا ولا الغدا حتى

ياخسارة تعبى وسهر الليالى وانا بحضرلك فى الاسئله


ولا عشان النهارده الجمعه مثلا واخر يوم ليكى

ماشى ماشى

ليكى يوم يا

the infintude


كده ولا كلمه عنى؟؟؟

البحراوى كتب:

متشكر جدا على الراى الجميل ده وانا مازعلتش منك
بسى انا مش نيرفز انا سريع الغضب وانا عارف ان ده عيب فيا
اما باقى الكلام كله متطابق مع شخصيتى وده لانى بحب الجد

انا سعيده جدا لردك والله
ماهوا ما محبه الا بعد عداوه
هههههههههههه
ياجماعه خليكوا شاهدين البحراوي سمحلي تاني بدخول مواضيعه وانه مش زعلان مني

طيب سوري يعني يابحراوي ماقولتليش ارخم تاني عليك ولا؟؟؟؟
أظن بقي انت اخدت مناعه يعني ارخم براحتي ماشي
ماشي ربنا ما يحرمنيش من سماع كله ماشي منك ابدا

بعد ايه خلاص

اتجرحت وجرح عميق كمان

بس يللا خليها عليا زكاة رمضان

ميرسى لذوقك يا infintude
انت كمان رقيقة واحساسك عالى اوى