عودة حلقات كرسى الاعتراف مع ثمرة الحياة

بصى بقه انا مش هطول عليكى خالص بس عايزة اعرف ايه الحاجة ال لو حققتيها هتحسى انها ثمرة حياتك بجد؟؟؟؟

اه اكتر شعر كتبتيه ولاتى نفسك فيه وحاساتى انه معبر عنك

انا بئه هقولك شويه جمل توجهيها لاى عضو على المنتدى او اى حد تبعك....


مثلك نادر الوجود :
- للأسف ماتوقعتها منك :
- أنت غريب الطباع :
- دمك خفيف :
- أنت مبدع :
- الله يحقق اللي في بالك :
- فقدناك :
- يهمني رأيك :سامحني :
- لك مستقبل :
- الله يهديك:
- الحمدلله على السلامة :
- ودي اتعرف عليك أكثر :
- الي متى ؟ :
- أنت اللي فاهمني :
- أحبك في الله :
أنت جريْ **
أنت خجول **
صراحتك تعجبني **
ما في منك فايدة **
محبوب من قبل الكل **
عضو هادئ **
يا غايب متى تعود **
شخصيتك حلوة **
المنتدى من دونك ما يسوى **
قلبك كيبر **
أنا آسف **
تستاهل ماجاك **
لك مستقبل حلو **
الله يكثر من امثالك **

(كفايه كده عليكى)

المهم.,.,.,.
صلى على الحبيب

انا كل اللى عايزه فى دنيتى
م.ت.ن.م

للعلم بالشىء احمد عاصى وابوكامل كرسى الاعتراف فقط لتوجيه الاسئله للعضو الموجود على الكرسى وليس للاضافات شكرا لكما على الاهتمام ونرجو الالتزام

ابو كامل_م.ت.ن.م كتب:

انا كل اللى عايزه فى دنيتى
م.ت.ن.م

والله يا ابنى انته تعبتنى اكتر ما انا ........
انا مش قلتلك امنيتك دى على الله وعليا
احمد ربنا ان امنيتك فى حاجه زى دى
لكن انا رنا يتولانى يا ما ب........او.....

ولكن .,.,.,. (انا اسف يا جمال لان المشاركه د مهمه جدا)


صلى على الحبيب

رغم اننا مش فاهمين اى حاجه

بس ماشى يعنى


اما بقى ثمرة الحياااااااااة

لما تفوق من الامتحانات دى وتدخلى هكون حضرتلك شوية اسئله فى الجووون؟؟

بس ادخلى بسرعه

botshy كتب:

بصى بقه انا مش هطول عليكى خالص بس عايزة اعرف ايه الحاجة ال لو حققتيها هتحسى انها ثمرة حياتك بجد؟؟؟؟

اولاقبل ماجاوبك احب انك تعرفي ان ثمرة الحياة معناه الثمرة اللي انبتتها الحياة يعني نيتجتها وصنعها

ثانيا صعب أوي إنك تلخصي حياتك في حلم بس عشان اجاوبك حلمي أني أعيش حياة ترضي ربنا وأكون راضية عنها .......... حياة فيها حاجات كتير من اللي بحلم بيها ......... حياة أكون متصالحة فيها مع نفسي ومع اللي حواليا ..... حياة تكون متصالحة معايا ........ حياة يشاركني فيها الزوج اللي يتقي الله فيا ونربي ولادنا زي ما كل واحد فينا حلم

naghamvet كتب:

اه اكتر شعر كتبتيه ولاتى نفسك فيه وحاساتى انه معبر عنك

اولا انا مش بكتب شعر ولا حاجة ....... دي مجرد خواطر

ثانيا معظم اللي بكتبه بيكون مرتبط باحداث عامة او خاصة ووقت ما باكتبه بيكون فعلا معبر عني ............ فصعب اوي اني اختار حاجه من اللي كتبته واقول انه هو انا

تعملي أيه لو أتعرضت لخيانه من أقرب الناس ليكي
ممكن تسمحي وتنسي ولا هتقطعي المعامله؟؟

أيه أكتر حاجه حصلتلك أو لو حصلتلك
ينتابك احباط غير عادي وتحسي ان الدنيا بقت سودا قوي في عينيكي؟؟

كفايه كده عليكي عشان مش أديئك

السلام عليكم اخواتى واخوانى
انا مستعدو لكرسي الاعتراف بعد اختى ثمرة الحياة

انما بقى اختى سؤالى
ايه اكتر موقف حسيتى فيه بجد انك وحيدة بالرغم انك جنب اصحابك واحبتك واهلك وبكيتى لانك وحدك ؟

The Infintude كتب:

تعملي أيه لو أتعرضت لخيانه من أقرب الناس ليكي
ممكن تسمحي وتنسي ولا هتقطعي المعامله؟؟

أيه أكتر حاجه حصلتلك أو لو حصلتلك
ينتابك احباط غير عادي وتحسي ان الدنيا بقت سودا قوي في عينيكي؟؟

كفايه كده عليكي عشان مش أديئك

خيانة من أي نوع ؟
عموما إذا أتاكدت فعلا أن الخيانة دي حقيقة بعد مراجعة الشخص المتهم بالخيانة دي عملا بأية ( إن جاءكم فاسق بنبأ فتبينوا أن تصيبوا قوما بجهالة فتصبحوا علي فعلتم نادمين) أكيد هيبقي رد فعلي أني هقطع المعاملة ع الأقل لحد ما نفسيتى تهدي وبعد كده لو الشخص ده أعتذر وفعلا ندم ممكن أسامح بس مقدرش أقول أن كل حاجة هترجع زي الأول ....... لازم هيتبقي شرخ ممكن الزمن يقدر يلمه وممكن لأ

أكتر حاجة بتحبطني الظلم سواء كنت أنا الحد اللي وقع عليه الظلم أو كان غيري واللي بيزود إحباطي جدا وبيخلي الدنيا سودا في عنيا العجز عن رد الظلم ده وسلبية اللي أي طرف تاني ممكن كان يعمل حاجة بس اكتفي أنه يكون متفرج وده للأسف بيحصل كتير وبقي حاجه موجوده ف حياتنا اليومية يعني مثلا لو بنت أتعاكست ف الشارع أوحتي الموضوع تطور لأكتر من كده وانتو طبعا فاهمين قصدي وكان ماشي جنبها رجالة بشنبات أو شباب من اللي بيقولو عليهم زي الورد كل واحد بيعمل نفسة مش واخد باله ويتبع سياسة المشي جوا الحيط مش جنبه!!!!!!!
انت مش دايقتني ولا حاجة وشكرا ع مشاركتك

[quot0e="يوجا"]انما بقى اختى سؤالى
ايه اكتر موقف حسيتى فيه بجد انك وحيدة بالرغم انك جنب اصحابك واحبتك واهلك وبكيتى لانك وحدك ؟[/quote]

والله بجد مش حاضر في ذهني غير مرة بالظبط كان يوم 18/8/2008 كان عندي أكتئاب وللأسف قريت يومها قصه أسمها (الحائرة) زودت إحساسي بالكتئاب جدا ....... كنت ساعتها فعلا حاسة بالوحدة أوي ومكنتش عندي قدرة أني اتواصل مع اي حد ولا اتكلم حتي مع نفسي وده كان بسبب مشكله مركبة ........ وساعات كتير الفكرة مبتبقاش في المشكلة الفكرة بتبقي في أستعدادك النفسي للحزن ....... بمعني أن ممكن مشكله معينه لو قابلتك في الفترة x تحس أنها نهاية العالم ولو نفس المشكلة في الفترة y يبقي جواك يقين أنها هتعدي وان الموضوع بسيط
يلرب أكون عرفت أرد ع سؤالك












+910

يوجا كتب:

انما بقى اختى سؤالى
ايه اكتر موقف حسيتى فيه بجد انك وحيدة بالرغم انك جنب اصحابك واحبتك واهلك وبكيتى لانك وحدك ؟

والله بجد مش حاضر في ذهني غير مرة بالظبط كان يوم 18/8/2008 كان عندي أكتئاب وللأسف قريت يومها قصه أسمها (الحائرة) زودت إحساسي بالكتئاب جدا ....... كنت ساعتها فعلا حاسة بالوحدة أوي ومكنتش عندي قدرة أني اتواصل مع اي حد ولا اتكلم حتي مع نفسي وده كان بسبب مشكله مركبة ........ وساعات كتير الفكرة مبتبقاش في المشكلة الفكرة بتبقي في أستعدادك النفسي للحزن ....... بمعني أن ممكن مشكله معينه لو قابلتك في الفترة x تحس أنها نهاية العالم ولو نفس المشكلة في الفترة y يبقي جواك يقين أنها هتعدي وان الموضوع بسيط
يلرب أكون عرفت أرد ع سؤالك

ايه يا ثمرة ..الاسئلة صعبة ولا ايه؟؟
لو مش عاوزه تجاوبى ..براااااحتك..

بس اهم حاجه,.,.,


صلى على الحبيب

اه عرفت تردى اختى عارفة المشكلة مش فى المشكله نفسها المشكله انك ساعات بتوهى فى افكارك وتتشتتى كلامك صح ممكن مشكله تكون نهاية العالم فى وقت معين ونفسها فى وقت تانى تكون حاجة بسيطة وتعدى عارفة ممكن ساعات متفهميش نفسك ومش عارفى عاوزة ايه وتحطى نفسك فى اكتئاب ومش طايقة اللى حاواليك بس حاجة واحدة ترجعك لحالتك الطبيعة ركعتين لله سبحانه وتعالى وتتفضفضى ليه على اللى جواك تتحل كل المشاكل
تقبلى مرورى اختى

احب اشكرك ع الكلمة الجميلة اللى اتقالت عنى وكمان اسالك عن رايك ف موضوع شاغلنى

"لما البنى ادم يتعرض لظروف وحشة يكون بعدها مبادئة وسلوكة اتغير اية اللى ممكن يعملة عشان ما يفقدش الحاجة الحلوة اللى كان عايش عشانها مع العلم ان الحيرة اللى جتلة دى فى صميم مبداة وقناعتة بالحاجة دى وهى لا تندرج تحت اى حرمانية او قيل وقال "


ارجو الرد ولو حد من الاعضاء يقدر يفيدنى يتفضل

بصى صدقينى معنى ان الواحد حاسس بالاحساس دة وعندة رغبة انة عايز يرجع لمبادئة بتاعت زمان صدقينى الموضوع سهل جدا محتاج بس شوية محاولات واصرار وتغييير لان الرغبة لوحدها مش كفاية

رغم انى مش فاهمه حاجه يازهره

بس كلام ميتشو صح

أكيد هوا ميتشو يقول حاجه غلط برده
شكرا على الإطراء بس بيقولوا إن الصراحة أحيانا بتكون درب من الحماقه إيه رأيك ؟

اللهم اجعلنى خيرا مما يظنون واغفر لى مالا يعلمون

محمد عنانى كتب:

أكيد هوا ميتشو يقول حاجه غلط برده
شكرا على الإطراء بس بيقولوا إن الصراحة أحيانا بتكون درب من الحماقه إيه رأيك ؟

اللهم اجعلنى خيرا مما يظنون واغفر لى مالا يعلمون

فقط عندما تكون ف الوقت الغير مناسب
انا شخصيا بيقولو عليا صريحه ودي حاجه اعتز بيها
مره واحده صاحبتي قالتلي صراحتك وصدقك مع نفسك ومع الناس خلتك تحتفظي بالحاجات الحلوه اللي جواكي رغم ظروف كتير زي التغيرات اللي كلنا مرينا بيها من أولي جامعه لحد دلوقتي
ولا شكر ع واجب

زهرة الياسمين كتب:

احب اشكرك ع الكلمة الجميلة اللى اتقالت عنى وكمان اسالك عن رايك ف موضوع شاغلنى

"لما البنى ادم يتعرض لظروف وحشة يكون بعدها مبادئة وسلوكة اتغير اية اللى ممكن يعملة عشان ما يفقدش الحاجة الحلوة اللى كان عايش عشانها مع العلم ان الحيرة اللى جتلة دى فى صميم مبداة وقناعتة بالحاجة دى وهى لا تندرج تحت اى حرمانية او قيل وقال "


ارجو الرد ولو حد من الاعضاء يقدر يفيدنى يتفضل

أولا لا شكر ع واجب وأنتي عارفه كويس ان اللي جوايا تجاهك أكبر بكتير من الكلمه دي
ثانيا بالنسبة لسؤالك : البداية هي ان الواحد يحط إيده ع المشكلة ويقتنع إنها محتاجه حل وده اللي انتي عملتيه واحييكي عليه
بعد كده يقف مع نفسه ويشوف هي عايزه توديه فين وهو عايز يروح فين ......... وبعدين يجي دور مجاهدة النفس ........ وأتأكدي ان أي حاجة جواكي ملكك مش أنتي اللي ملكها ....... وبمنتهي الصراحة أنا عارفه كويس أنك طالما بدأتي الطريق يبقي هتوصلي....... استعيني بالله
عارفه انتي مش محتاجه جد يقولك تعملي أيه صدقيني انتي عارفه اكتر من ناس كتير