الحلقه الاولى من المفتش كرومبو

بسم الله الرحمن الرحيم

ياجماعه انا لقيت المواضيع كده جافه فقلت اجيبلكو موضوع يفرفش شوية كابة الامتحانات دى
الموضوع متجدد ان شاء الله الجائزه لكل حلقه ستحدد من ادارة المنتدى وياريت كلنا نشارك ونكسب علشان يعلنو افلاسهم ونستريح
طبعا الناس اللى هتيجى ف الحلقات من اعضاء المنتدى ياريت ماحدش يزعل ونتقبل الموضوع على سبيل المزاح لا اكثر

الحلقه الاولى

امبارح ياجماعه بعد امتحان الباطنه والكل كان طالع ينفخ كان خالد كاسبر سايب كتاب الباطنه وشوية ورق بتوع جراحه عند عمى بخيت
وياعينى الراجل طلع م الامتحان وطبعا كالمعتاد ماحلش حاجه لكن المهم طلع مالقاش ورق الجراحه حظه حلو ان انا كنت لابس فى قفاه
قالى الحقنى هسقط ف الجراحه الورق بتاع الجراحه اتسرق قلتله ولا يهمك نصوره من مكتبة عباد الرحمن قالى الورق ده مش موجود ف المكتبه
قلتله مش مهم هنلاقى ورق زيه هناك روحنا والمفاجاه لقينا ورق خالد موجود سالنا احمد الورق ده جاى منين قالنا واحد لسه جايبه وجاى بصيت حوليا لقيتلك 3 وهما
اهلاويه جدا
metcho
د/ جمال العيسوى

طبعا وبذكاء المفتش كرومبو قدرت اوصل للفاعل الحقيقى طبعا انا حددت واحد وبعت اسمه للاداره لكن ماينفعش واحد م الاعضاء يكتب الحل مرتين او 3 ها مافيش غش اللى يجاوب هياخد جايزه
والجايزه مفاجاه
يلا عايزين اجابات واكسب مع المفتش كرومبو

الحلقه الاولى من المفتش كرومبو Sigpic275242

ههههههههههه ياراجل انتا لما كتبتلنا قلت هتعمل المفتش كرومبو مش تطلع الاداره والمشرفين حراميه هههههههههههه عامة ياجماعه ماتقلقوش الراجل بصؤاحه شغال وقدر يعرف الحرامى وقالنا عليه لو عرفت الحرامى قلنا وانتا هتكسب معانا طبعا ياجماعه الجايزه اتفقت مع الراجل عليها بس الجايزه بجد مفاجاه يلا شاركو مع المفتش كرومبو واول اجابه صح هو اللى هيكسب معانا

والله أنت ماجيبتش حاجه تتعلق بالأشخاص التلاته اللى انت ذكرتهم علشان اقدر أعرف الحل

لكن ميتشو ما أعتقدش ده صاحبى وأنا عارفه
والدكتور جمال أعتقد إنه راجل بيحضر محاضرات وبيكتب كويس وبيذاكر من الكتاب يعنى مش محتاج ورق
أما الأخت أهلاويه جدا فرغم إنى ما أعرفهاش إلا أن ظنى بها أنها تترفع عن مثل هذا وده من كلامها اللى بقرأه على المنتدى

كان لازم يا دكتور snake ترميلنا مفتاح لكن انت احتفظت بالمفتاح لنفسك

صح ياعنانى هو ماداش مفتاح الحل ههههههههه وعملك المفتش كرومبو والكارثه مش لاقى غير الاداره والمشرفين لا وكمان هههههههههه مايقلش الجايزه من عندى لا دا قلنا اعملو جايزه وقلنا على حاجه بجد مفاجاه هتذهل الجميع بس ربنا يستر

أنا عندي إقتراح
إنت لو غيرت التلت أسماء ممكن يكون اللغز له حل يعني مثلا ممكن يكونوا
محمد عناني
unforgiven
ميخا
مع العلم إني معرفش حد فيهم بس أنا بنيت دا من خلال ردود المنتدى
يعني ممكن تعتمد على كده لأننا طبيعي نش كلنا نعرف بعض

هههههههههههه معلش ياجماعه نسيت اديلكم المفتاح هقوله حاضر لما سالنا اهلاويه جدا قالت ان انا مش ف اللجنه من اساسه وبعدين انا طالعه قرفانه من امتحان الباطنه ازاى هسرق بقا ياكرمبو باشا
ولما سالنا metcho قال ايه نعم ياخويا سرقه لا والله سرقه قال دا كمان خطى احسن من خط خالد
ولما سالنا د/ جمال العيسوى قال هههههههه اه دا اللى ناقص دانا طالع بعد خالد يبقا هسرقه ازاى

هههههههههههههههههههههه
كده هتوقع متشو
وخالد اصلا مش بيحضر عشان يكتب محاضرات
انت كده حاطط المفتاح مش مظبوط
هيطلعوك يا متشو حرااااااااااااااااااااااااااااااااااااامى
بس والله غلبان يوم ما تيجى تسرق تسرق ورق
يا شيخ كنت سرقت ورقه الاسئله بتاعه الجراحه والاجابه النموذجيه وبعتها والله كنت كسبت بالهبل
محدش يزعل منى ده تهيس عادى

amaal anwer كتب:: أنا عندي إقتراح
إنت لو غيرت التلت أسماء ممكن يكون اللغز له حل يعني مثلا ممكن يكونوا
محمد عناني
unforgiven
ميخا
مع العلم إني معرفش حد فيهم بس أنا بنيت دا من خلال ردود المنتدى
يعني ممكن تعتمد على كده لأننا طبيعي نش كلنا نعرف بعض

طيب أنا ما كنتش معاهم لما الورق إتاخد ولا أعرف مين صلاح أصلا

ولا الغلبان اللى هيشيلها يعنى ؟

ع العموم فداكم ....... بس ورق ؟ طيب خليها فى حاجه تستاهل على رأى المثل إن سرقت إسرق جمل لكن ورق ده حتى عيب

أنا بقول دا مجرد إقتراح بنيته على أساس الردود ال ف الموضوع مش أكتر
وبعدين دي لعبه بس بنفك بيها كآبة الإمتحانات

كدة ياسناك طلعتنى حرامى ماشى عموما ايامك اللى جاية معايا مايعلم بيها الا ربنا بقى بتشتم الادارة والمشرفين ماشى وانتى يالؤلؤة مفيش اى دفاع عنى ولاحاجة وبعدين عنانى كمان ساكت وجمال سكت ماشى
ويوم ماسرق هسرق ورق باطنة انا عرفتدلوقتى لية ماحليتش فيها

ياميتشو بتفضح نفسك ليه مانتا سرقت وخلاص لازم تسيح الناس دلوقتى يقولو ادارة المنتدى حراميه ومادمت حرقت اللعبه ارجو من التعبان يعمل الحلقه التانيه ويعتبر دى انتهت هى فعلا ياميتشو انتا اللى كنت الحرامى معلش يابنى هى الدنيا كده والجايزه مش هتصدقو كانت خمسة قروش فقط لاغير هههههههههههه يلا تعوضوها المره الجايه الله يسامحك ياميتشو

انا عندى اقتراح ان الى سرق الورق هو كاتب الموضوع وحب يلبسها لغيره هههههههههههه

ايوة تمام يانغم فيت

هوا أنت ما صدقت حد يطلعك من الليلة يا أبو سعيد ولا إيه

يا ابنى أنت ما تعلقش فى الموضوع ده انت خلاص بقيت شبهه

ولازم ترفع موضوع رد شرف وأنا معاك يا كبير

هوا أكيد مش هيرفع حاجه لأنه هوا الكسبان أكيد هياخد المبلغ ويسكت عايزين نعرف هتعمل إيه بالجايزه الكبيره دي المفروض تعمل وليمه وتعزم كل أعضاء المنتدى عليها

لا بقى كده مينفعش
انا دافعت عن متشو
وده كان ورق جراحه مش باطنه يا معلم
وانــــــــــــــــــــــا اللى جاوبت وقلت متشو مسرقش الورق وده دليل انى فهمت ثعبان snake
كان يقصد مين اللى سرق
جمال الجايزه ليه
انــــــــــــــا عايزه الخمس قروش مليش دعوه
عشان ابدأ احوش ويبقى اسمى طلعت بحاجه من الكليه اللى زى القشطه دى

يعنى كمان الخمس قروش باصين ليا فيهم ماشى خديهم كلهم ياامال مش عايز منهم حاجة او قسميهم بينك وبين لؤلؤة
اما انت ياعنانى فايامك اللى جاية معايا مايعلم بيها الا ربنا

» عندما تتحول الزوجة إلى المفتش كرومبو…أسئلة استفزازية تثير سخط الأزواج
» كلام فى الصيام .. الحلقة الاولى
» تجربة العملى الاولى ف الصحة
» التجربة الاولى والثانية العملى لحوووووووووووووم
» المحاضرتين الاولى والثانية للدكتور حاتم