هل سوف تساعدك زوجتك من الزواج بأخرى؟؟؟

دت طبياً بأن زوجتك لا تستطيع الإنجاب
[color=#0000FF]هل سوف تتزوج من أخرى؟؟؟
و إذا كنت تحب زوجتك ؟ هل سوف تبحث عن مجرد زوجه أم سوف تبحث عن زوجه و حبيبة؟

هل من الممكن أن تساعدك زوجتك وتبحث لك عن عروس؟؟؟

نرجو المشاركة بالتعليق ؟[

مممممممممم حلو الموضوع اووووووووى يادك ياريت كل الدكاتره يردوا عليه بس اكيد ده موضوع نسبى فيه ناس تستحمل وناس لا
انا هرد على اول سؤال بس عن نفسى
لو ثبت ان جوزى لاقدر الله لا ينجب عمرى ماهطلب الطلاق منه طالما انه بيتقى ربنا فيا وبيعاملنى بما يرضى الله اكيد هيعوضنى عن فقدان الاولاد وهيكون كل حاجه فى حياتى

نايس توبيك يادك بس ياريت تجاوب انت كمان

بصى يابريق بالنسبة ليا انا رايى من رايك اة طبعا الاولاد دول زينة الحياة الدنيا بس فى حاجات تانية اهم زى الحب والعشرة طبعا
اما انت ياحسام بالنسبة للكمبيوتر دة عندنا على فكرة ولازم ريسيفر وطبق دش معاة كمان واكيد انت اخرك واحدة بس

اما انت ياحسام بالنسبة للكمبيوتر دة عندنا على فكرة ولازم ريسيفر وطبق دش معاة كمان واكيد انت اخرك واحدة بس


اهو احنا عندنا الحاجات دى على العروسه تخيلو!!!!!!!!! والله العروسه دلوقتى بتجهز بفلوس اكتر من العريس بكتير ربنا يرحمنا برحمته اصلنا كده مش هنتجوز ولا بعد 20 سنه على الاقل

هههههههههههههههههههههههههههههههههههههههههههههههه
موضوع حلو وبعدين انت كده جيت فى ملعبى .

أكبر غلطة ممكن يرتكبها الراجل فى حياته إنه يخلى زوجته تختار له زوجته التانيه .

حكى الشيخ أبو إسحاق الحوينى أن زوجا أراد أن يعدد فقال لزوجته خيرى لى ( إختاريلى يعنى ) فاختارت له وبعد الزواج فوجئ الزوج بأن زوجته الثانيه مصابة بالسرطان فاستحيا الرجل أن يطلقها وقال أعالجها وأتقى الله فيها عل الله يغفر لى بها وقام على خدمتها طوال مرضها وأنفق عليها ماله ووقته وفى النهاية ماتت .

فعلق الشيخ على إختيار الزوجه الأولى ولم إختارت لزوجها إمرأة مصابه بالسرطان فقال أنها لم ترد له الراحه معها وأرادته أن يعمل عند زوجته الثانية مجرد ممرض وقد كان .

فأنا أنصح أى زوج يريد أن يعدد ألا يقع فى هذه الغلطة التى قد تكلفه زواجه الثانى كله .

أما رأيى فى مسألة التعدد فأنا من أشد أنصار التعدد للرجل إذا ألم بجوانب الإستطاعه بكل أنواعها وأولها أن يكون على دين حتى يعلم حق نسائه فيه وكيف يؤى لكل منهن حقها ولا يظلم .
وهو ما أنا عازم عليه إن قدر الله لى إمكانية التعدد وحصلت أمور الاستطاعة لأنه أولا سنة عن خير الخلق وثانيا هو إغاظة لأعداء الله الذين ينفقون من الأموال مالا يحصى لوقف زيادة أعداد المسلمين حتى لا تطغى نسبتهم على غيرهم وتصبح لهم الغلبه بحكم أغلبيتهم .
وكذلك لتخفيف نسبة العنوسه التى صارت طابعا للمجتمع المسلم والعربى الذى تزداد كل يوم أعداد النساء فيه بصورة ملحوظة جدا .

أظن دى أسباب مقنعة تخلينى أعدد ولا رأيكم إيه يا إخوانا .

لا ياريس ازاى بقى هيا واحدة بس ان شاء الله لان بردة لازم تفكر فى اولادك زنبهم ايةوماتقنعنيش انك ممكن تهتم ب 2 مثلا زى ماهتهتم ب 6 ولا 8
هيا واحدة بس وربنا يكرمك وتربى ولادك صح وتخليهم افراد محترمين بس خلاص

أظن دى أسباب مقنعة تخلينى أعدد ولا رأيكم إيه يا إخوانا .


لا طبعا مش مقنعه ولاحاجه دى حجه كل الرجاله بتاخدها دلوقتى عشان تعدد الزوجات قال ايه بينفذ السنه هو مجتمعنا زى مجتمع ايام الرسول عليه الصلاة والسلام اكيد لا دلوقتى احنا فى مجتمع مهبب بستين نيله ولازم ناخد بالنا من حق اولادنا علينا لان اكيد مستقبلهم هيكون اصعب مننا كمان وبعدين يادك لما تعدد الزوجات اكيد طبعا هتزود عدد الاطفال حتى انت قولت كده انت ماشوفتش اعلان (قبل مانزيد مولود نتأكد ان حقه علينا موجود) حلو اوى الاعلان ده لانه صح طفلين متربين على الاسلام والاخلاق ابرك من عشره فاشلين ويحملوا اسم الاسلام الحكايه مش حكاية عدد الحكايه حكايه جوهر عشان الامه دى تنهض لو بالعدد كان زمانا نهضنا من زمان

فعلا بريق الماس العقل المفكر

فعلا بريق الماس العقل المفكر

ربنا يخليك يادك انت اللى مأيدنى فى الليله دى لو مش انت كان زمانى اتضربت هههههههههه

اختلاف الرأى لا يفسد للود قضيه

هههههههههههه يحكى الشيخ المحدث شيخ الامة ابو اسحاق الحوينى قصة عجيبة عن رجل اراد ان يتزوج فقال لزوجته ان تختار له فاختارت له امراءة مصابة بالسرطان وهو لايعلم فتزوجها فصرف عليها وعلى علاجها مالا كثيرا كثيرا الى ان توفاها الله ثم بعدما استعاد الرجل عافيته وماله قال لها اختارى لى فتقول هى ابحث له الان على امراءة مصابة بالسل ههههههههههههههه
انا من رايى اذا لم يكن الزواج الثانى له داع يستوجبه فليس له بالاهمية بمكان لان الانسان لن يستطيع العدل بينهما الا قلة قليلة
موضوع جميل ومناقشتكم اجمل جزيتم خيرا

الله عليك يا حسام جيبت الزتونه يا ابنى وأصبت كبد الصواب .

يا دكتوره بريق زى ما حضرتك قولتى إن مجتمعنا مش زى مجتمع الرسول صلى الله عليه وسلم فأنا معاكى فعلا مجتمعنا مش زى مجتمع الرسول يعنى فى مجتمع الرسول كان الصحابى يتزوج إمرأه توزن بأمه من الرجال فى عصرنا هذا ورغم ذلك يتزوج معها غيرها وغيرها فما بالك بنساء اليوم ................. يعنى الواحد لو اتجوز منهم ميه مش هيوصلوا واحده من نساء المجتمع النبوى يبقى أربعه حلو قوى يمكن يكملولهم برع واحده ولا حاجه أهو أحسن من مفيش . وما تتحججيش إن الرجاله مش زى الصحابه ومش عارف إيه والله لو الرجاله مش زى الصحابه يبقى العيب فى المرأه برده لإنها هيا اللى ربت الراجل ده فلو كانت ربته على القرآن والسنه والإتباع أكيد لو إتجوز ميه مش أربعه هيعدل بينهم خوفا من الله .......................... مش كده برده ؟

أما بقى بالنسبه للإعلانات اللى حضرتك بتتكلمى عليها بتاعة تحديد السل وقوانين الأسره والطفل والحملات اللى بتمولها الولايات المتحده فدى غض الطرف عنها أكرم من مناقشتها لإنها بتجيب العيب عند الناس رغم إن العيب مش عندهم ولو فتحنا عنينا شويه هنشوف الصين اللى فيها ربع سكان العالم مش شوية ملايين زى عندنا وكمان ماعندهاش أى موارد طبيعيه ورغم ذلك بصى للتقدم والرقى والحضارة اللى عايش فيها الصينيين دى حجه خايبه على فكره يا دكتوره حجة العدد الكتير دى بتستخدمها الحكومه علشان تبرر فشلها المدقع فى إدارة أزوة البطاله فى مصر وبيبرر بيها الريس بتاعنا فشله فى إدارة البلد على مدار ثلاثين سنه وشاطر بس كل مل يطلع فى مؤتمر يقول مصر بتتقدم وبتذدهر ولكن التقدم غير ملحوظ علشان الزياده السكانية بتلتهم أى زياده فى الناتج القومى .............. بلا خيبه

أمريكا تعدادها 300 مليون فرد وحالها زى حال الصين مفيش موارد طبيعية وكمان مالهاش حضاره دى دوله لسا ناشئه يعتبر ومع ذلك حفرت لنفسها فى ذاكرة العالم مكانه وذكرى لن تنسى حتى بعد سقوطها فحكاية الزياده السكانية والكلام الفاضى ده بلاش نتكلم فيه أحسن .

والسلام ختام

أنا بشكر حضرتك يادكتور عنانى على النقاش الجميل ده يمكن حضرتك اقنعتنى فى موضوع الزياده السكانيه
بس برضه انا متمسكه برأيى فى عدم التعداد وانا بتكلم عن نفسى فانا مش استحمل ان يكون لى ضره مهما كان يانا يابلاش لكن مش هاخد نص راجل واسفه فى اللفظ يعنى بس هى دى الحقيقه لانى مش هضغط على اعصابى وعلى اعصاب اولادى بالطريقه دى .................يمكن المشكله فيا !!!!! يمكن لانى مابحبش حد ياخد منى حاجه بحبها!!!!!!!!

ياريت يا دكتورة بريق تفضلى فاكره كلامك ده لان بعد الزواج -ربنا يعف شباب المسلمين وارزقنا ربنا من ازواجنا قرة عين لنا- بعد الجواز الحال عند 99.999% بيتغير مشاكل على اقل تفاهه وحاجات كده ملهاش لازمه لكن اللى تخاف فعلا على زوجها تريحه وما تغمهوش وانا اعرف واحد مراته كانت زعلانه اقسسم لها فى بيت ابوها انها لو ما رجعتش معاه ليكون متجوزه عليها وفعلا اتجوز عليها كان بتحجج يعنى .... الظريف لما يكونوا رايحنى مشوار بيمشوا الاتنين ايديهم فى ايد بعض والنقاب وهو ملتحى قدامهم بيكون منظر يشرح الصدر لو الواحد اتخيله




وبعدين فيه قصة لشيخنا ابو اسحاق احاول اجيبها تفسر ليه التعدد