عزيزتي حواء … الزواج الناجح أساسه الثقة المتبادلة

الثقة عنصرا أساسي في نمو الحب والاحترام بين أي
زوجين، لذا من الضروري جدا أن تكون هناك ثقة متبادلة بين أي زوجين

من السهل جدا أن نقع في
الحب، خصوصا عندما يكون الرجل مثاليا ومتوافقا مع متطلباتنا الشخصية في
الزوج المثالي، ولكن من الصعب جدا الحياة مع رجل لا تثقين به. فالعلاقة، أي
علاقة تبنى على الحب تهدم فور انعدام الثقة بين الطرفين أما أساس العلاقات
الناجحة فهو الثقة.

تعتبر الثقة عنصرا أساسي في نمو الحب والاحترام بين
أي زوجين، لذا من الضروري جدا أن تكون هناك ثقة متبادلة بين أي زوجين وهذه
الثقة لا يجب أن تكون آنية وإنما ثقة تمتد لجميع تفاصيل الحياة في الحاضر
والمستقبل أيضا.

و يتطلب بناء الثقة بين الأزواج الكثير من الجهد
والوقت، إلا أن فقدان الثقة قد يحدث في لحظات، ومن الصعب جدا عندها إعادة
بناء جسور هذه الثقة مرة أخرى. لكنك إذا كنت مستعدة لبناء هذه الثقة فأنك
تحصلين في النهاية على العلاقة الزوجية المثالية التي طالما حلمت بها.

الخطوة الأولى نحو الحصول على ثقة متبادلة بين
الأزواج تبدأ في الكشف عن ذاتك الحقيقية أمام الشريك. ففي المراحل الأولى
من التعارف يحاول كل من الطرفين إظهار أفضل ما عنده للطرف الآخر و ذلك أمر
طبيعي كون كل من الطرفين يريد الحصول على إعجاب الطرف الآخر و حبة. لذلك
الخطوات الأولى من العلاقة لا تخلو من تصنع قد يكون في معظم الأحيان غير
مقصود.

لكن مع زيادة الترابط بين الطرفين فأن أقنعة التزلف و
التجمل تأخذ بالزوال و تبدأ الشخصية الحقيقية للطرفين بالظهور. و لا نقصد
هنا الجانب السيئ في الطرفين بل نقصد أنة كلما زادت معرفتك بالشخص المقابل
كلنا كنت أكثر ارتياحا في التعامل معه و بالتالي تكون أكثر عفوية في
التعامل معه.

أي انك تكون قد بدأت بالكشف عن ذاتك الحقيقية أمام
الشريك دون أي تزلف أو تصنع الأمر الذي يجعلك أكثر ثقة بالشريك. فإذا أدركت
أن الشخص المقابل معجب بك فأنك تكف عن الاجتهاد في إثارة إعجابه لأنه
ببساطة معجب بك فعلا و هذا بحد ذاته يعطيك شعورا رائعا بالثقة والارتياح.

وأشمعنا عزيزتي حواء
ماهوا برده في علاقات زوجيه بتنهدم بسبب عدم ثقه ادم في حواء

راءي ان مفاتيح السعاده معظمها مع الرجل

اسمحولي انا بقه ألفت نظركم لحاجة أخطر وأهم وهي الثقة الزايدة.!
ماينفعش أثق ثقة مطلقة وأغمض عيني عن تصرفات مراتي أو زوجي. المرأة دايما بتبقي عايزة تحس بغيرة جوزها واهتمامة بتصرفاتها وخوفة انها تضيع من ايده؛ فللأسف تبدأ هي ال تخلق الشك جواه عشان تحس بغيرته وبعدين تزود الجرعة شويتين لحد ماتجنن الزوج لحد ماتدمر بيتها بإيديها..!
كذلك الزوجة ماينفعش تسيب لجوزها الحبل لحد ماييجي يوم ماتعرفش تلمه أو تتفاجيئ انه علي علاقة بواحدة تانية وده لأنها كانت بتثق فيه ثقة عمياء وشيفاه ملاك..!
لازم يكون في ثقة بس لازم يكون كل شيئ بحساب

آه لو خطيبك يعرف أفكارك دى ؟
غلبان ربنا يصبره .
هههههههه أنا بهزر إوعى تزعلى

بنقول عزيزتى حواء لان دايما هيا اللى بتشك من حاجات تافهة نمرة غريبة على الموبايل رنت لازم تعرف مين اللى رن ومابتهداش الا لما ارن على النمرة دى وتشوف مين اللى هيرد غير بقى لو لقت قلم جديد مثلا او ساعة وحاجات كتير مش بقول ثقة عمياء بس لازم تثق فى نفسها اكتر عشان تثق فى زوجها لان انا شايف ان عدم ثقتا فى حبيبها راجع الى عدم ثقتها فى نفسها

لا يا ميتشو انا مش معاك دي حاجه ملهاش دعوه بثقه الزوجه في نفسها
في زوجات مافهمش غلطه عشان جوزها يخونها فيها كل المواصفات اللي ممكن يتمناها اي راجل من تدين وأخلاق ومال وجمال وعلم
ومع ذلك بيخونها وأما تيجي تسأل يرد وبكل برود
أصلي زهقت من المانجه هوا كل يوم مانجه حبيت أجرب الخيار

فافعلا ماينفعش نثق بالرجل
دا مجرد ما بتجري في أيده الفلوس أول حاجه بيعملها يقولك عاوز أتجوز
وتقولي ثقه بالرجاله
دأنا أثق في أمريكا وماأثقش في جنس راجل أبدا

ماتقلقش ياعناني ؛هو عارف ان دماغ خطيبته يودي ف داهية بس طبعا راضي!!!

ههههههههههههههههه طب الحمد لله طمنتينى عليه
بس حلوة ( طبعا ) راضى دى يعنى لا مفر .
ربنا يتمم بخير وعايزين حلاوة الفرح إن شاء الله .طبعا بعد الكلية ولا ...............

ان شاء الله بعد الكلية؛ وطبعا هعزم المنتدي كلة بس هكلفكم مشوار لطنطا وطبعا ماينفعش تدخلوا بإيدكوا فاضية.!.. زمانك بتقول بلاها عزومة!

يا نهار أبيض ده لو حتى مصر الجديده نجيلك يا مشرفتنا مش هتدفعيلنا بدل سفر
وبعدين بيتهيألى 2 كيلو قشر برتقال يبقى عملنا اللى علينا
وع العموم مش هنقولك عشا علشان مش نبقى كده يعنى بس ممكن ناخد حقنا ناشف

هههههههههههههههه
حتي عناني طلع طفس

لا يابوتش نجيلك ولو كنتي فين كفايه اننا هنزور السيد البدوي
بس أعمليها انت بس
وهتشوفي

بس ابقي حني علينا وهاتلنا تويوتا توصلنا بس

ما تقلقوش احنا مش بخلة وانا معنديش اغلى منكم

The Infintude كتب:: هههههههههههههههه
حتي عناني طلع طفس

هوا اللى يطالب بحقه يبقى طفس ؟
مش مشرفتنا يبقى تعشينا هههههههههههههههه
ولا الفرح هيعدى علينا أونطه ؟

موضوع حلو اوى تسلم ايدك يادك
بس موضوع الخيانه ده بقى منتشر اوى والمشكله انه من غير اسباب مقنعه
والمشكله الاكبر انه منتشر فى النساء دلوقتى
والله انا كنت فى منتهى الزهول لما عرفت ان كذا واحده متزوجه ومحترمه ومتعلمه وبتخون جوزها فى التليفون
والاعجب تقول هى دى خيانه!!!!!!!!!!!!!

ربنا يعافينا يااااااااااااااااااااااااارب

وبالنسبه للفرح ماتنسوش حقى ياجماعه والا هعيط وابهدل الدنيا
بما انى الصغيره فيكوا
هههههههههههههههههههه

فعلا عندك حق والله يا بريق الماس الخيانه دلوقتي مش للراجل بس دا بقي في زوجات بتخون ازواجها
وانا بردوا صعقت اما عرفت واحده كانت بتخون زوجها ع الشات
كان اخر حاجه ممكن تخطرلي ع بال
ان الزوجه تخون

ازاي دي تكون ام مثاليه تعلم اولادها القيم والمبادئ وتعرفهم الدين والتقاليد والفرق بين الصح والغلط
تعلمهم ازاي قيمه الأسره
ازاي تطلع شباب يكملوا الرساله ويحفظوا ع دينهم وبلدهم

يااااااااااااااااااااااااااااه ربنا يحفظ عقول بنات وشباب المسلمين
أميييييييييييييييييييييييييييييييييييين يارب

آمين وربنا يهدى يا رب

» سر الزواج الناجح
» هل سوف تساعدك زوجتك من الزواج بأخرى؟؟؟
» حواء افتخرى بانك ناقصه عقل
» ايها الرجل , ما هي الاشياء التي تحسدك عليها حواء ؟!
» ماهو الزواج