سى السيد وامينه 2010

سى السيد: مساء الخير يا امينة من فضلك تحضريلى الاكل عشان جى تعبان من الشغل.

امينة: اولا:اسمى ست امينة , مش امينة كده حاف.
ثانيا:مفيش اكل لانى اتغديت فى النادى انا والعيال وانا لما بكون شبعانه مابعرفش اطبخ.
ثالثا:ياروح الروح كنت تخلى اللى انت جاى من عندها وش الفجر تعملك السم الهارى ولا انت فاكرنى خدامة
يورفازر..اوفففففف

سى السيد: خلاص يا ست امينة انا اسف اخر مرة اطلب اكل.
طب ممكن تندهيلى العيال اسلم عليهم عشان واحشونى ؟
وفى سره .(يشلوكى على نقاله يا امينه)

امينة: عيالى ياحبيبى مابيسلموش على حد ومش فاضيين دلوقتى.البنات بتبص من الشبابيك على اللى رايح
واللى جاى ,والولاد قاعدين على القهوة بيعاكسوا البنات الى رايحة واللى جاية.طلبات تانيه ياسوسو..

سى السيد(والدمعة هتفر من عينه) : لا يا قويه يا مفتريه اهئ اهئ والله لابعتك عند ماما .هه بس

امينة: يامامى انا خايفة اوى,اغمن عليا , خش نام يالا وبلاش كلام فاضى ,انا اروح لماما وقت مايعجبنى
واللى مش عاجبه عنده القلة يشربها ويبلع بالزير...فاااهم




فى اليوم التالى


سى السيد ينتظر فى الشباك امينة لما ترجع من مسرحيه(كشكش بيه)

ويسمع صوتها اتيا من بعيد فيهرول(ياربى مايكلهاش تورماى وهى جايه) حاملا لمبة الجاز لكى يضئ لها الطريق.

امينة: ايه اللى مسهرك يا سوسو انا مش قلتلك تنام انت عشان انا هتاخر بتسهر انت اليومين دول وحالك
مش عاجبنى ياسيسى

سى السيد: معلش يا ست امينة انا قلت برضه يمكن تحتاجى حاجة كده ولا كده

امينة: طيب طيب ,,, مش عايزة ابوظ الليلة بقى متوجعش دماغى ياسوسو
وانا الصبح هاحكيلك المسرحيه كلها..اوكـــ

سى السيد: ربنا يخليكى ويحميكى ومايحرمنيش من دخلتك عليا الساعة واحدة بعد نص الليل يا حبيبتى

امينة تضحك ثم تدخل لتنام وتصفق الباب فى وجهه


فى اليوم التالى


امينة فى فترة المساء والسهرة مخاطبة سى السيد

امينة: اعمل حسابك ياسى سى,ان فى عريس جاى لعائشه بكره

سى السيد: مين ياترى..لو كان يعنى من حقى اسال

امينة: الواد الظابط ده اللى كانت بتعاكسه من الشباك مش فاكره يا سى

سى السيد: الواحد حيفتكر ايه ولا ايه يا ست امينة على العموم لو انت شايفاه كويس خلاص الشورة شورتك.

امينة: خلاص نتكل على الله ونخلى الفرح فى نفس يوم فرح خديجة

سى السيد: ايه ده!هى خديجة بنتى هتتجوز الف

امينه: عقبال ولادك يا سوسو


يوم الفرح


امينة تستقبل الراقصات وترحب بهن وياتى سى السيد ليمارس هوايته المحببه, ان يحاول ان يكون رجلا

-ايه ده ازاى مش ممكن راقصات فى بيتى.

امينة تتجاهله تماما وتقود الراقصات الى غرف تبديل الملابس ثم تعود متجهه الى سى السيد قائلة:

-اعمل حسابك انك بعد الفرح حتروح لمامتك لغايه ما ابعتلك العيال ياخدوك..مفهووووم
عشان تبقى تقول بيتى دى تانى..رجاله اخر زمن..

وبعد الفرح تم ترحيل سى السيد الى منزل والدته ومازال ينتظر ان تبعث له امينه بالاولاد كى يعيدوه الى بيته
اه لا مؤاخذه ... بيتها

ههههههههههههههه
الله يرحمك يارجوله
دلوقتى انتوا اللى بتطالبو بالمسواه
يعمر بيتك ياقاسم امين

صحيح الله يرحمك يا رجوله
الله يخرب بيتك يا قاسم أمين مطرح ما انت مرمى
الراجل كان بيحارب علشان يخلى المرأه تقدر تكشف وشها وكفها فى الشارع
ودلوقتى الرجاله اللى هتمشى فى الشارع مغطياهم علشان ما يشوفوش اللى عاملينه الستات
منك لله يا قاسم ضيعتنا

هههههههههههههههههه
حلوه والله
بس اظن ياعناني ان قاسم امين ماكنش بيطالب بالحريه اللي احنا فيها دلوقتي لانه لو كان عارف اللي هيحصل دا ماكنش طالب بخروج المراه

ع العموم احنا السبب احنا اللي فهمين الحريه غلط وبنفذها بطرق خاطئه جدا
ربنا يسترها ع الرجاله

البركان كان موجود والنساء على إستعداد للحريه الموهومه دى فى كل زمان ومكان قاسم مجرد إنه فتح فوهه للبركان على السطح فبدأت الحمم تخرج بدون توقف لحد ما غطت الأرض كلها
الإسلام يعلم تماما ذلك عن إستعداد النساء للإنفلات بسهوله من حظيرة الدين وغتباع الأهواء لذلك كانت قوانين الإسلام صارمه تجاه المرأه حتى تقيها أولا شر نفسها وتقى المجتمع شرها إذا تم لها ما أرادت
أما قاسم لو كان يعرف إن الأمر هيوصل للى هوا عليه دلوقتى كان دفن مراته بالحيا
ربنا يستر ع الرجاله على رأيك يا infintude
Happy Ramadan رمضان كريم