أسباب عشق الرجل للمقهى ....

--------------------------------------------------------------------------------

لعل المرأة تندهش من الرجل الذى يتركها فجأة وينزل من البيت ولا يطيق أن يجلس مع مامتها اللى هى حماته ويستمتع بالقفشات اللذيذة وخفة دمها وبساطتها فى التعامل وروحها المرحة(وده من وجهة نظر الزوجة طبعا) ههههههههههه

يتركها وينزل يجلس على المقهى العفن مع أصحابه الرجالة المقاطيع وسط دوشة وكراسى خشب متعبة ودخان كثيف(وده أيضا من وجهة نظر المرأة)

ربما لا نعرف أن هناك 5 أسباب تجعل الرجل عاشقا للمقهى مهما كان بسيط ولا تتوفر فيه سبل الراحة

هنستعرض مع بعض الاسباب دى وهى كالتاتى:

(1)

لا يرفض له طلب

عمرك شوفت واحد راح القهوة وقال للقهوجى : واحد شاى على بوسطة سكر برة

ويرد عليه القهوجى : أنا تعبان قوم اعمل أنت...وبالمرة وأنت واقف هتلاقى كوبايات مش نضيفة اغسلها...ومتنساش ترجع كوبايتك المطبخ وتغسلها مش هجرى أنا ورا كوبايات الشاى اللى بتسيبها فى كل مكان

ههههههههههههههه

الجملة دى بتقولها الزوجة لزوجها واحنا كمان بنقولها احيانا لاخواتنا فى البيت صح والا لأ

لكن فى القهوة عمر الراجل ما بتتقاله الجملة دىحتى لو القهوجى تعبان فعلا ووراه مواعين قد كدددددددددددددددده

فى القهوة الراجل يأمر فيطاع لكن فى البيت يأمر فمراته تسقعله حتى لو صحتها بمب وحديد كمان

ههههههههههههههههه

(2)

يتكلم براحته

لا يمكن يحكى الراجل عن مديره البصباص اللى ماشى مع السكرتيرة وهو فى القهوة ويلاقى واحد صاحبه قاعد جنبه يرد عليه ويقوله : تلاقيك أنت كمان زيه...صنف نمرود مايملاش عنيه الا التراب...ما انتوا عجينة واحدة... بوريه من الرجالة بوريه...أيوه يا اخويا اعمل انك مش سامع...ياما تحت السواهى دواهى...

ههههههههههههههههه

الجملة دى بيسمعها الراجل فى البيت من مراته رغم انه ما ابداش اعجابه بالسكرتيرة لكن بيحكى عن مديره البصباص وبينتقد ده ولكن رغم ذلك مراته تقف له ع الواحدة وهات يا تقطيم ورمى كلام وتجريح ع الفاضى

الراجل بيتكلم براحته على القهوة ومش بيخاف ابدا وهو بيقول "يارب الأهلى يكسب أسمنت أسيوط"

فلو قالها فى البيت

هيلاقى كائن منعكش خارج من المطبخ ولابس المريلة وبيقول: ومالك مش طايق الأسايطة كده..عملنالك إيه يا أخويا

ههههههههههههههههههه

(3)

يتصرف بحرية

هل بيحصل ان الراجل يروح القهوة ويقعد فى ركن كده وييجى القهوجى يقوله : لو سمحت قوم من هنا عشان أنا لسه منضف الحتة دى..؟ لأ طبعا

عمر ما القهوجى يقول كده الزوجة بس هى اللى ممكن تقول لجوزها : ما تقعد فى حتة تانية..حبكت القراية فى الحتة دى..ده أنا حيلى اتهد فى ترتيبها وتنضيفها

ههههههههههههه

هنا لا يجد الزوج الا ان يرفع يديه الى السماء ويسأل سؤال بديهيا جدا : يا رب يعنى عشان هى منضفة يبقى أنا مقعدش عشان موسخش المكان..لازم اقعد فى حتة متوسخة..امال هى بتنضف علشان مييييييييييين..؟

الراجل ع القهوة يقوم ويقعد ويغير مكان الكراسى ويطلب طقطوقة(ترابيزة يعنى)ومبسم شيشة يقعد يعضعض فى أمه ويتفتف ع الارض بدون أى حرج

لكن فى البيت لو وقعت منه لبيسة القلم مش محتاجة اقولكم مراته بتعمل ايه نظرتها بس تكفى انه يتنطر ويفز من مكانه ويجيبها بسرعة

ههههههههههههههههه

(4)

يشعر برجولته

هل يمكن أن يقوم صديق الرجل بتغيير القناة عندما تعرض كليب بوس الواوا أو فيلم لايناس الدغيدى..؟ويذهب الى قناة تعرض فيلم حبيبى دائما..؟

استحالة الصديق الصدوق يعمل كده أما خوف من الوحوش المتسمرة ع كراسى القهوة او رغبة فى مشاهدة فيلم ايناس الدغيدى

لكن الزوجة تفعل أكثر من ذلك كما أنها لا تقترب من ميلودى ومزيكا طول ما جوزها ف البيت عشان ميتهورش باللى فى ايده ويعملها واوا حين يشاهد بوس الواوا

كما ان الراجل لو تنح لكليب معين ربما يجد صديقه يداعبه " كفاية يا جدع ده انت كلتها بعنيك"
وهنا يشعر برجولته ويبدى اعجابه الشديد بها دون اى خجل

لكن اذا لم يأخذ حذره وبان عليه اعجاب بكليب معين فى البيت

يلاقى مراته بترمى عليه كلام ملوش اى لزمة

زى

يا راجل نظرك هيروح من البص...ده هو الحاجة الوحيدة السليمة فيك ومباظتش بدرى

ههههههههههههههههه

(5)

يتذكر أيام العذوبية

صهللة وسهر وضحك وأكل وتكريع ومعاكسة وتهييس وكلها أشياء تحدث أيام العذوبية وتحديدا على القهوة

فالزواج خالى من الصهللة لانها دوشة

ومن السهر لان الهانم تعبانة من شغل البيت(رغم انها معملتش حاجة)

والضحك هو نوع من الروقان الزيادة والتفاهة

والأكل بشراهة هو نوع من البوهيمية وعدم الاتيكيت

والتكريع حاجة مقرفة ولا تدعو للفخر

أما التهييس فهو لأصحاب الفلوس والبال المرتاح(وأنت لست منهم بالطبع على حد زعم زوجتك)

بالإضافة أن معاكسة الناس فى الشارع فيها قطع رقبتك

كل المتع دى كانت تتحقق على القهوة فقط ايام العذوبية لكنها تختفى بعد الزواج بفرمان ملكى من مراتك

كمان تبص فى الساعة تلاقيها يدوب 11 فتتفزع وتقول : يا نهار أسود لازم أروح أنا اتأخرت أووووووووووى

فأيام العزوبية كنت تبص فى الساعة تلاقيها 11 بالليل وانت لسه فى بيتكم وبتتصل بصاحبك وتقوله ها فاضى ننزل النهاردة بالليل..؟

ههههههههههههههههههه

محدش يزعل منى يا جماعة مع انى عارفة ان البنات هيأكلونى ع التوبيك ده اللى شردتهم فيه بس معلش هو الحاجت دى فيه منها بيحصل من الرجالة وفيها منها بيحصل من البنات

يعنى نوعيات ونوعيات وكله بيعدى

موضوع جامد جدا ؛انا عن نفسي لو جوزي سابني وقعد ف القهوة هتبقي ليلته سودة

ياخرابييييييييييييييييييييييييييييي
حلوه بجد وانا بردوا لو جوزي سابني واقعد ع القهوه هتجنننننننننننننننننن

قبل ما أتخطب هبقي اخليه يجبلي شهاده مختومه بختم النسر تؤكد حسن سيره وسلوكه
وبالذات الجلوس ع القهوه

ههههههههههههه
هيا الرجالة بتقلب من شئ شوية ارحموا بقى ربنا يرحمكم
لو الراجل عايز يفضفض شوية مع واحد صاحبه يرمح يلاقى المشنقة متعلقة فى البيت ...... ليه ؟
ما بلاها يا عم الموضوع ده خالص ونقعد براحتنا ناكل ونشرب ونسهر وننام متأخر ولا الحوجة للجواز ده خالص إيه هنموت ؟

موضوع جميل خالص يا اهلاويه
على القهوه كله متساوى الفراش والوزير والكل حاطط رجل على رجل وعامل احلى مزاج فى الدنيا كلها
والراجل عموما بيحب يكون له سلطه مطلقه والسلطه دى هى فى الفلوس اللى بيدفعها وللاسف بيدفع اكتر منها فى بيته بس مش بيلاقى نفس الاحترام والتقدير اللى بيلاقيه لما يدفع بقشيش زياده على القهوه
بجد مووووووووووووت كنت نفسى اكتب عن القهوه وشكلها ومواصفتها حتى ولو كانت خرابه
بس بتروح تدفع فلوس ويتقال لك يا بيه حتى وان كنت بتشتغل زبال بس على القهوه فانت الكل فى الكل
بس نفسى حد يكتب هو جرب يقعد على القهوه ويشوف الناس بتتصرف ازاى بجد
واكيد الرد ده عند الاولاد مش البنات

وليه يفضفض لصاحبه! مراته أكيد أقربله وأكتر حد يخاف عليه؛ بس طبعا لازم تبقي حنونة وتقدر تحتويه ومين عارف... يمكن هو ال مايبقاش عايز يسيبها ويخرج!

تحتويه ؟ ههههههههههههههه
هيا فعلا بتحتويه بس بالظبط زى ما الطوفان بيحتوى الغرقى رافضا أن يفلت أحد من قبضته .
ربنا يكفينا ..................

ههههههههههه طب ماياخد مراتة وينزلوا هما التنين يقعدوا على القهوة ويريحونا
اما بالنسبة للؤلؤة انا قعدت على القهوة قبل كدة كتير بصى هو احلى حاجة انك بتلاقى وكالة رويتر مفتوحة كل واحد بيحكى عن مشاكلة سواء مع مراتة او شغلة او اخواتة صحيح هو بيكون بيكلم اللى قاعد معاة بس بس طبعا كعادة المصريين لازم يتكلموا بصوت عالى وطبعا باقى القهوة راميين ودانهم مع اللى بيتكلم لو رايحةومع حد صاحبك مثلا تقعدوا وتطلبوا اتنين شاى على مية بضا وطبعا قبل ماتخلص طلبك للشاى يكون دومنة او شطرنج نزلت على الطربيزة حسب طلبك اكتر حاجة بتضايقنى ان كباية الشاى اللى بتخلصيها فى 5 دقايق بكتيرة تلاقى ناس ممكن تخلصها فى نص ساعة مثلا

لا يا بوتشي ما تصدقيش عناني أنتي صح
ممكن الزوجه تخلي جوزها مرابط جنبها في البيت يحكلها هيا بسوما يحتاجش للقهوه
وزي ماقولتي الزوجه الحنونه واللي تقدر تحتوي جوزها
والأحتواء دايما بيجي من ذكاء المرأه ومعرفتها لمفاتيح كسب الزوج
وبكدا مايحتاجش للقهوه خالص
أنا بابا عمروا ماقعد ع قهوه الا في أوقات بسيطه جدا لاتذكر

وع فكره ممكن يكون تربيه الرجل هيا اللي ماتخلهوش يعد ع القهوه أصلا بأنه مايكونش متعود عليها
فمن شب ع شئ شاب عليه

metcho كتب:: ههههههههههه طب ماياخد مراتة وينزلوا هما التنين يقعدوا على القهوة ويريحونا
اما بالنسبة للؤلؤة انا قعدت على القهوة قبل كدة كتير بصى هو احلى حاجة انك بتلاقى وكالة رويتر مفتوحة كل واحد بيحكى عن مشاكلة سواء مع مراتة او شغلة او اخواتة صحيح هو بيكون بيكلم اللى قاعد معاة بس بس طبعا كعادة المصريين لازم يتكلموا بصوت عالى وطبعا باقى القهوة راميين ودانهم مع اللى بيتكلم لو رايحةومع حد صاحبك مثلا تقعدوا وتطلبوا اتنين شاى على مية بضا وطبعا قبل ماتخلص طلبك للشاى يكون دومنة او شطرنج نزلت على الطربيزة حسب طلبك اكتر حاجة بتضايقنى ان كباية الشاى اللى بتخلصيها فى 5 دقايق بكتيرة تلاقى ناس ممكن تخلصها فى نص ساعة مثلا

حمدالله ع السلامه
المنتدي كان مضلم من غيرك أفتقدناك والله كتيييييييييييير
أه أخبار لقبك الجديد
النونو هيطلع لخاله ولاأيه؟؟؟؟؟؟؟؟؟؟

هههههههههههههه ربنا يخليكى
اة طبعا احنا بنلعب

» الفرق بين حب الرجل وحب المرأه0000
» في البيت الكبير: 7 أسباب تهدد مستقبل البدري مع الأهلي
» من هو الرجل التعيس ؟؟ قصة مضحكة
» قالوا عن الرجل ...
» من الذي قتل ذلك الرجل؟؟؟؟؟؟؟؟؟؟؟