سلامة مرارتك جناب الرئيس ....... إضحك .

تذكير بمساهمة فاتح الموضوع :

هذه الأرجوزه نقلتها من على الفيس بوك وقد أعجبتنى وأضحكتنى وأبكت مشاعرى تجاه بلدى

سلامة مرارتك يا ريس

سلامة مرارتك
يا فاقع مرارة مراة الفقير
فلا جوزها جايب
ولا الفقر تايب
ولا حتي سايب

مَيَّة في قُلة
ولا كوز في زير
سلامة مرارتك

سلامة مرارتك

مرارة العُـزاز
وإيه يعني إحنا

ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة
وعوامل وراثة
نصبح بهايم ... ونصبح بديل
فتقدر ساعتها تنام مَلو عينك

ويعلى الشخير

سلامة مرارتك
سلامة مرارتك
سلامة المرارة
يا واقع علينا بسعر الخسارة
فلا فيه صناعة
ولا فيه تجارة
ولا فيه مدير
ولا فيه إدارة
ولا فيه وزارة تسيب الوزير
سلامة مرارتك

***

سلامة مرارتك
فداها المواطن
أبو قلب راطن كلام الهموم
فلا نفس راضية
ولا جتة فاضية
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير
سلامة مرارتك
***
سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير
سلامة مرارتك

سلامة مرارتك يا ابو القد فارع
يا مالي عنينا بزبالة الشوارع
أمال بندفع ضرايب لمين
شمالك بتاخد ...
وواخدة اليمين
شكلك بتحلف علينا اليمين
ما تجعل في جيبنا قليل أو كتير
سلامة مرارتك

سلامة مرارتك
دي واخدة الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير
سلامة مرارتك

سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا
أوامر تجينا
على خطوة واحدة في محلك نسير
سلامة مرارتك

سلامة مرارتك
إحنا فداها
تفرقع مرارتك
نفرقع وراها
حالنا بدونك عمره ما ماشي
إحنا بدونك شوية مواشي
من غير راعيها ... ومن غير كبير
سلامة مرارتك

فجر السكشن كله بس سيب البنات
عشان هما ماعملوش حاجه حراااااااااااااااااااام

ماشي ويوم ماتفجره ممكن اجيبلك متفجرات قويه واساعدك كمان
اه عشان اثبتلك حسن النيه

البنات ههههههههههههههههههههههه
لا ما تقلقيش فى بلدنا الرجالة بس هيا اللى بتموت يعنى لو جيبنا لهم أحدث ما أنتجته الآلة العسكرية الأمريكية من مفجرات مش هيحوق أطمنى .

أنا يا جماعة مضطر أسيبكم علشان عندى فرح ولازم أمشى دلوقتى ........ على فكرة خالى بيتجوز والنهارده الدخله طبعا كلكم مدعوين وبما إنكم مش جايين علشان بصراحة مفيش عشا فأنا هصور الفرح وأعملكم بيه توبيك أول ما أرجع ........... يلا عقبالكم كلكم ووأدعو الله لكم وأقول ربنا يفرج عليكم خلقه - طبعا وأنتو فى الكوشه - هههههههههه

سلام يا أصحاب

هههههههههههههههه
الحمد لله طمنتني ربنا يخليك

ومبروك لخالك
وعقبلنا وعقبالك انت كمان ان شاء الله

ويارب يكون فرح حلو قوووووووووووووي

[ندعوك للتسجيل في المنتدى أو التعريف بنفسك لمعاينة هذه الصورة]

ماشى ياستىهنبقى نشوف موضوع المتفجرات دة بعدين
الف مبروك ليك ياعنانى بس ربنا بيستر وماتبوظش الفرح بافكارك وحد يجيب سيرة السياسة هتروح انت طالع فية وهتحبس خالك ربنا يستر

ههههههههههههه
لالالالالا عناني عاقل وهيراعي ان دا فرح خالوا ان شاء الله

اوعي تكسفني ياعناني ونلاقيك معتقل بكره
وتفرح فيك الاعدقائي

لأ ما تقلقيش الفرح عدا زى الفل مش كان ناقصنا غير الصحبة العسل بتاعة المنتدى دى وعقبالكم جميعا يارب .

اة الصحبة اة ماانا مجاليش دعوة ياريس والموضوع كبير كبير يعنى

كويس إنك ما جيتش علشان لو كنت جيت كنت هتخلينى أبوظ الفرح بجد أحسن أنا معبى منك .

ماشلى ياسيدى