سلامة مرارتك جناب الرئيس ....... إضحك .

هذه الأرجوزه نقلتها من على الفيس بوك وقد أعجبتنى وأضحكتنى وأبكت مشاعرى تجاه بلدى

سلامة مرارتك يا ريس

سلامة مرارتك
يا فاقع مرارة مراة الفقير
فلا جوزها جايب
ولا الفقر تايب
ولا حتي سايب

مَيَّة في قُلة
ولا كوز في زير
سلامة مرارتك

سلامة مرارتك

مرارة العُـزاز
وإيه يعني إحنا

ما نِوْلع بجاز
إنتَ الحقيقة وإحنا المجاز
تفضلْ وييجي بدالنا البديل
شوية خباثة
وعوامل وراثة
نصبح بهايم ... ونصبح بديل
فتقدر ساعتها تنام مَلو عينك

ويعلى الشخير

سلامة مرارتك
سلامة مرارتك
سلامة المرارة
يا واقع علينا بسعر الخسارة
فلا فيه صناعة
ولا فيه تجارة
ولا فيه مدير
ولا فيه إدارة
ولا فيه وزارة تسيب الوزير
سلامة مرارتك

***

سلامة مرارتك
فداها المواطن
أبو قلب راطن كلام الهموم
فلا نفس راضية
ولا جتة فاضية
بلاوي وسموم
ولا علاج مداوي
مفيش غير حكاوي
بتاخد بإيدنا لآخر المصير
سلامة مرارتك
***
سلامة مرارتك
وألفين سلامة
يا سايب في كل المنازل علامة
مجاعة ... أنين ... كآبة ... ندامة
جهل وبطالة وعوالة وعيا
وفنون رخيصة وقِلِّة حيا
وهموم بتكتر ... وهموم تزيد
إنت في زيادة همومنا خبير
سلامة مرارتك

سلامة مرارتك يا ابو القد فارع
يا مالي عنينا بزبالة الشوارع
أمال بندفع ضرايب لمين
شمالك بتاخد ...
وواخدة اليمين
شكلك بتحلف علينا اليمين
ما تجعل في جيبنا قليل أو كتير
سلامة مرارتك

سلامة مرارتك
دي واخدة الحصانة
بنشقى وتاكل علينا شقانا
لا خلِّيت أمامنا ولا فيه ورانا
ضرايب ... عوايد ... فاتورة ... رسوم
ننام بالفاتورة
وبيها نقوم
على البصَّة ندفع فاتورة لعِنينا
ولو نعمى ندفع فاتورة ضرير
سلامة مرارتك

سلامة مرارتك يا صاحب الهمم
بخطبة بنطلع لأعلى قمم
وننزل على جدورنا بين الرمم
على الوهم ياما وياما بنينا
أوامر تجيبنا
أوامر تجينا
على خطوة واحدة في محلك نسير
سلامة مرارتك

سلامة مرارتك
إحنا فداها
تفرقع مرارتك
نفرقع وراها
حالنا بدونك عمره ما ماشي
إحنا بدونك شوية مواشي
من غير راعيها ... ومن غير كبير
سلامة مرارتك

يانهارك ابيض اية الجراة دية كلها
يلا نقول عليك السلام
اللة يكون فى عونك

إيه هوا أنا مت ولا إيه ؟

ع العموم مشكوره يعنى هلاقى حد يعيط عليا ولا هتستندلو ومش هتعيطوا ....... ميتشو مش هيعيط أنا عارفه بيحبنى موت وهيقول الحمد الله خلصنا منه كان داوشنا ع المنتدى ومصدعنا وخلاص .

لا يامعلم انت مش هتموت انت هتقفلنا المنتدى واى خدمه هههههههههههدا اذا شفناك تانى

لا متخافش بس موت انت بس وانت هتلاقى اللى يعيط ويعمل كل اللى نفسك فية
هههههههههههههههههه
بعد الشرعليك طبعا بهزر معاك
بس تسمحلى اقولك هو انت مش خايف على نفسك واسرتك ولا اية
ماشى الجرأة حلوة بس مش للدرجة دية ياباشا

انصحك تغير اسمك والا هتطب
هههههههههههههههههههه

واضح إن الناس كلها إتفقت على حاجه واحده وهيا إنهم مستنينى أموت وبعدين يشوفوا بأه إذا كانو هيعيطوا ولا لأ . يالهوى ع الموده دى كلها أنا مش عارف بصراحة أشكركم إزاى ........ يعنى أبلغ عنكم مثلا قولولى أردلكم الود ده إزاى ؟

ع العموم ما تقلقوش قاعد لكم وعلى قلبكم مش هتخلصوا منى بالساهل كده
هههههههههههههههه

وعلى فكرة يا أميرة أنا بخاف على نفسى وعلى أمى اللى بموت فيها وعلى والدى وإخواتى بس ............... بخاف على مصر أكثر من الكل .

ياجااااااااااااامد
أيه الكلام الكبير دا
بخاف ع مصر أكتر من الكل

هوا دا جيل التغير
بس ياخوفي من الجرأه دي تجيبك لورا

ماتزعلش مني الخوف مطلوب وبالذات أننا مازلنا دوله ديقتاطوريه في الآساس
وماعندناش حريه مطلقه
أنا عاجبني حماسك جدا وجرأتك وقليل قوي مانلاقي ذيك دلوقتي
بس دا مش معناه أنك ترمي نفسك في النار وتقول ماخافش
أعمل كل اللي أنت عايزه مس من وراء الستار
لأن يوم مايجرالك حاجه عمرك ماهتضر زي ما الناس اللي بيحبوك هيضره

سوري ع تدخلي بس فعلا أنا بحب الناس اللي ذيك وبخاف قوي من حماسهم
ربنا يحميك ويارب أشوفك رئيس جمهوريه
بس أوعي تنسانا

خلى بالك انا اسمى اميرة القلوب وليست اميرة فقط لان اصلا اسمى الحقيقى مش اميرة
وعلى العموم يادوك ربنا معاك وتقدر تكون من اللى يقدروا يعملوا حاجة لمصر
مصر هى امنا العظمى
وانا رايى من راى the infintude

The Infintude كتب:

ربنا يحميك ويارب أشوفك رئيس جمهوريه[/color]
بس أوعي تنسانا

ربنا يباركلك يا رب
وبعدين أنا أبقى رئيس جمهورية بس وتشوفو هعملكوا إيه ده أنا أحبسكم خميس وجمعة من كل أسبوع هههههههه وأنا ليا بركه إلا أنتم

وساعتها أحلى طقم حاجه ساقعة ينزل وعلى حسابى - طبعا مش هدفع ما أنا رئيس - ههههههههه

اميرة القلوب كتب:

خلى بالك انا اسمى اميرة القلوب وليست اميرة فقط لان اصلا اسمى الحقيقى مش اميرة
وعلى العموم يادوك ربنا معاك وتقدر تكون من اللى يقدروا يعملوا حاجة لمصر
مصر هى امنا العظمى
وانا رايى من راى the infintude

والله أنا عارف أنا بس إختصرت الإسم وأنا برد بدل ما أقول يا أميرة القلوب قلت يا أميره وآسف لو كان ده زعلك وبعدين يا دكتورة أيا كان إسمك فأكيد إحنا إخوات وأتمنالك التوفيق .

وشكرا جدا على الشعور الطيب ده ويارب أكون عند حسن ظنكم .

اللهم اجعلنى خيرا مما يظنون واغفر لى مالا يعلمون .

للأسف كتبت ردى أكتر من صفحة 5مرات بس للأسف فى مشكلة ف الجهاز وكل ما أخلص كتابة الجهاز يمسحها
عموما مسيرى أرد لأن الموضوع كبيييييييييييييير
وبعدين عيب عليكو ياجماعة .المنتدى ما يبقاش منتدى من غير د.عنانى

وساعتها أحلى طقم حاجه ساقعة ينزل وعلى حسابى -
طبعا مش هدفع ما أنا رئيس - ههههههههه
يافقر يعنى يوم ماتمسك رئيس جمهورية اللى ربنا هيقدرك علية انك تعزمنا على حاجة ساقعة ياجماعة الراجل دة معرفووووووووش

لا انتى مش واخدة بالك انا ماكلمتش على موضوع الحبس دة لانة مايقدرش يقرب من اعضاء المنتدى وانا موجود انتوا وراكوا رجالة دة انا من بكرة اعقد اجتماع هام مع السكشن وانقلة من سكشنا ماتقلقيش وبعدين لنعيش عيشة فل لنموت احنا الكل

metcho كتب:

انتوا وراكوا رجالة دة انا من بكرة اعقد اجتماع هام مع السكشن وانقلة من سكشنا ماتقلقيش وبعدين لنعيش عيشة فل لنموت احنا الكل

شكلك هتموت لوحدك ياد وشكلى هروقك أول واحد بعد ما أمسك الرئاسة يلا استعد إنت اللى جيبته لنفسك .

ههههههههههههههههههه خلى بالك انا مش لوحدى انت حر

The Infintude كتب:

هوا دا اللي لفت نظرك بس ياميتشو الحاجه الساقعه بس وطمعان كمان في زياده
اه اه ياني منك
ما أختش بالك أنه هيحبسنا خميس وجمعه
أه مانتا تلاقيك صحبه بقي ومش هيهون عليه يحبسك معانا
أنا أعترض ولي حق الفيتو
ومش هديك صوتي ياعناني لو ماحبستيش ميتشو معانا أو ممكن تخرجنا كلنا
بس مش عشان خاطر ميتشو دا عشان تحقق المساواه

بس كده عز الطلب ده أنا أخرجكم كلكم وأحبسه هوا إنفرادى ده حبيبى وعارف إنى نفسى أخدمه بس تيجى الفرصة بس .

هلا هلا هلا هلا برئيس جمهوريتنا الجاي

نقدم فروض الولاء والطاعه

سامح صديقنا ميتشو مش فاهم حاجه

الشيطان لاعب بعقله شويه
وبعد كرم أخلاق معاليك ماتحبسوش وماتغضبش عليه

هههههههههههه
ياميشتو انا نصحتك وماسمعتليش

ياحبيبى ياعنانى للدرجة دى بتحبنى كدة ماشى ياسيدى نهايتك قريت وعلى ايدى ان شاء الله خد بالك انت حر
اما انتى يا infintude كدة تستسلمى من اول جولة ماشى ياستى الشراكة اللى مابينا تعتبر ملغية وملكيش حتى مكافاة نهاية خدمة

metcho كتب:

ههههههههههههههههههه خلى بالك انا مش لوحدى انت حر

أيا كان اللى معاك إنت ما تعرفش أنا ورايا مين يا ابنى أنا ورايا مصر ...... وشكلها هتودينى فى داهيه هههههه بس فداها
ونفسى أضحى بأى حاجه علشان مصر ومش لاقى عندى أغلى منك يا ميتشو علشان أضحى بيه دى مصر يا ميتشو مصر
يعنى لو فى جيبك اتنين جنيه ونص ما تعزهمش عليها أبدا إديهم لها وقولها ترجعهم لك إما ربنا يفرجها ههههههههه
حبيبى يا أبيض .

ياعم والنبى ماتحسسنيش انى رافت الهجان وعمال تقولى دى مصر يارافت قصدى ياميتشو وبتاع اعيط طب ولا اعمل اية ولا افجرلكوا السكشن

حلوة مسألة تفجير السكشن دى موافق عليها بس قوللى هتفجره إمتى علشان أبقى أروح الحمام أنا أصلى ودانى بتوجعنى من الصوت العالى ومش هتستحمل صوت القنبله .