مناقشة حول ماحدث بامتحان الالبان

السلام عليكم
اولا الامتحان فيه نقط مش خدناها
وكمان رخم مش زي امتحانات السنين اللي فاتت كانت حلوه
والاسئلة كانت فعلا الحاجات اللي الدكاترة كانوا بيركزو عليها

طبعا الامتحان مش محتاج commentالامتحان في مستوى الطالب الدحيح

لا طبعا مكنش ف مستوى الطالب الدحيح.............. الامتحان كان خارق للعادة لانة كان مركز على هامش المادة وسايب كل حاجة مهمة وموضع اهتمام

فعلا الامتحان ماكنش متوقع و جه حاجات كتير مش خدناها و حاجات خرجت عن حدود المحاضرات
بجد الامتحان كان مش حلو خالص.

الامتحان بصراحه كان فوق الوصف ... وقدرتها انه يشل تفكيرك ويخليك تقعد تفكر انته هتنجح ازاى وانته قاعد جوووه اللجنه قدره فظيعه ...كل اللى يقال عن امتحان اللبن انه خرج عن سياق الحاجات المهمه واهتم بالهوامش بالاضافه طبعا الى الاسئله الكتير اللى مش علينا اصلا...

ياجماعه معلش لو سمحتوا اللى يقول حاجه يجيب سؤال دليل لو حاجه نوع من التوثيق يعنى

meno09 كتب:

طبعا الامتحان مش محتاج commentالامتحان في مستوى الطالب الدحيح

والله بالعكس كان الامتحان فى مستوى الطالب المتخلف
دا لا دح نافع معاهم ولامذاكرة ولا اى حاجة خالص

لا بكاء على اللبن المسكوب

قدر الله وماشاء فعل

وبعدين احنا ورانا امتحان سمك

نركز فى الى جاي افضل
بس انا زعلان على manfcature الى انا اعدت احفظ فيها طول الليل

ههههههههههههههههههههههههههههه

الامتحان كان غريب اوي وفعلا اساسيات الماده مجتش حتى الدرجات مش متوزعه صح على الشباتر يعني انا نفسي يا جماعه اسال حاجه شبتر زي الايس كريم تاريبا ما جاش عليه غير سؤال واحد وكمان كان سؤال غريب جدا clssification of icecream طيب انا سمعت عن clssification of chees بس ايس كريم ما سمعتش عنها قبل كدا ولا ايه يا جماعه

هو امتحان الصراحه كان مفاجاة من العيار الثقيل(على راى......)

بس على فكره اسئله اللى مش علينا الواحد حلها بالفكاكه صح
المهم يا جماعه مفيش حد يزعل على حاجه
انا على نفسى بزاكر واحل ومش بجيب درجات استحقها والله (انا كده دايما مظلوم فى الدنيا دى والله)

الهم حاجه الواحد يعمل اللى عليه علشان يكون راضى نفسه والباقى على ربنا والواحد واثق فى كده والحمد لله

معلش طولت عليكم س اعذرونى ن انا..............

اهم حاجه
صلى على الحبيب

no comment

طبعا انتو قلتوا كل الى لازم يتقال وزياده والله حرام الى هما بيعملوا ده ربنااااااااااااااااااااااااااااا يستر

كلمه واحده هقولها حسبي الله ونعم الوكيل

هههههههههههههههههههههههههه
المشكله انه مش نافع مزاكره طول السنه ولا حتى مزاكره قبل الامتحان
والله الواحد ما عارف يعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا قعدت ساعه بسطر ورقه الاجابه عقبال ما فقت من الصدمه
ربنا يكمل المفاجأت على خير

ههههههههه ههههههههههه هههههههههه ف الولاده كانو بيختبرو قدرتنا على الكتابه السريعه اما ف اللبن فكانو بيختبرو قدرتنا على تحمل الصدمات بصراحه لا تعليق على اللى حصل ........... واللى احنا كنا بنعمله وكنا فاكرين انهم زى اباانا وهيعملونا كويس لكن الامتحان لا تعليق
حسبى الله ونعم الوكيل

بما ان القسم هيشوف كلامنا ده
يبقى مش علشان الجوده يطلع عين الطلاب
الجوده دى لينا مش ضدنا
ولسه البقيه تأتى فى باقى المواد
ومدام فيه اقتراحات يبقى الاسئله اللى مش خدناها فى المنهج واكيد هما عارفين ايه هى الاسئله
درجاتها توزع على باقى الاسئله
بحد حسينا بالندم على حضور المحاضرات
ياريت يراعو ربنا فينا
الواحد مهما اتكلم مش قادر يعبر عن اللى جواه
يعنى حلينا تمام فى امتحان مفيش درجات
محليناش برضه مفيش درجات
بس

والله الواحد ما عارف يقول ايه
فعلا الامتحان كان صدمه حقيقيه
احنا كنا عارفين انه هيجي صعب بس مش مستحيل الحل
اما يجي سؤال والواحد مش مذاكر ماشي ده تقصير منه
لكن مش يجي سؤال الواحد مش دارسه أصلا
فدي كارثه بكل معني الكلمه

حسبي الله ونعم الوكيل
مش عارفين هيعملوا ايه تاني فينا
أرحموا من في الآرض يرحمكم من في السماء

الغريب اننا اتصدمنا ومش عملنا حسابنا على ان في صح وغلط وعليها درجة كبيرة كمان
آخر حاجة عارفينها انه امتحان سهل وشورت نوت وحاطاه د.مديحة
فوجئنا ان اللي حاطه د.مجدي وان الامتحان غريييب وفي صح وغلط !!!!!! وعليها درجة كبيرة كمان
غير كده كمان في 3 نقط شورت نوت اول مرة نسمع عنهم كمان ومش اتشرحوا في المحاضرات
طيب احنا بنحضر محاضرات ليه بقى ادام الامتحان بيخرج عنها !!! ننسى التقدير وننسى الالتزام ونخلينا في البيت احسن
بصراحة الامتحان صدمة بكل المقاييس

لكن اللي مطمني شوية إن أكيد د.إبراهيم عامر هيتدخل علشان يعالج الكارثة دي
وإن شاء الله هيكون في صالحنا زي ماحنا متعودين منه
قسم اللبن من أفضل أقسام الكلية بفضله وخصوصا في موضوع الدرجات فأعتقد إن القرار اللي هياخده أكيد هيكون في صالحنا

قوووووووووووووووووووووول
يــــــــــــــــــــــــا رب

ههههههههههههههههههههههه ربنا يستر بجد

بصراحه انا احب قسم الالبان لانهم متساهلين معانا لكن ما حدث كان غير المتوقع وكنت اتمنى ان اكمل واحصل على جيد جدا كما حدث فى الترم الاول لكنى كنت ابحث عن درجات النجاح وانا كنت احضر ا لمحاضرات لكن لم ياتى منها الامتحان كما حدث فى الترم الاول وتوجد بعض المقارنات التى لم نعرف كيف نقارنها وبحد ما كنتش عارفه اكتب اه ولما تيجى فى اللبن باقى المواد هتكون اه ؟؟؟؟؟؟؟؟؟؟؟؟ هههههههههههههههههههههههه كيف احل اسئله لم تشرح وبعدين احنا فى ثانويه عامه علشان الامتحان لا يخرج عن كتاب المدرسه!!!!!!!!!!؟؟؟؟؟؟؟؟

ايه يا جماعه ما اتصلو على النبى كده وايه النكد والزعل اللى انتو فيه ده كل حاجه تهون المهم الصحه (هههههههههههه)
وبعدين لا داعى من البكاء على اللبن المسكوب وهننسى اللى حصل فى الالبان زى ما نسينا اللى حصل فى عملى الشرعى ولا ايه وبعدين كتبنا وقلنا على اللى حصل فى الشر عى والاخر ما فيش حد عبرنا وبرده مفيش حد هيعبرنا فى الالبان يعنى من الاخر انسو اللى حصل فى الالبان ويلا نهتم شويه بالاسماك لان الامتحان ده كده شكله هيكون صعب وربنا يستر

قدر الله وما شاء فعل

يا جماعة ما عادش فيه كلام فى موضوع المحاضرات الدكتور مجدى دخلنا فى اللجنه وقال الامتحان من الكتاب

كتاب اللبن الكتاب المقدس الذى لا يجوز الخروج عن نصه لصالح أى محاضرة أو أى دكتور

يا ريت نسيبنا من اللبن ونفكر فى الماده اللى جايه يمكن ربنا ينصفنا فيها

ربنا يوفقنا يا رب

قدر الله وما شاء فعل
أولا انا عندي سؤال للدكتورابراهيم عامر : هل د/مجدي ناقش أسئلة الأمتحان مع اساتذة الماده ممن دخلو المحاضرات ...... لأنه لو تمت مناقشه الأسئله معهم ونالت رضاهم ووافقو عليها رغم انهم لم يهتموا بتدريسها للطلاب فانها كارثه .... ولو وضع الأمتحان دون الرجوع لأساتذة المادة تكون الكارثة اكبر

ثانيا اوجه الأعتراض علي الأمتحان (وعذرا أعلم انني كطالبة لا يجوز لي تقييم أمتحان او واضعه لكنني أعبر عن رأيي للمصلحة العامه)
1- الأمتحان ككل لم يكن ممثلا للمنهج بشكل يخدم التطبيق الفعلي لما تم دراسته أنما كان يهدف أن يقيس قدره الطالب علي حفظ كل تفصيلة دون التركير علي المضمون .
2_ هناك العديد من النقاط التي لم يتم تدريسها في المحاضرات وهو ما سيؤدي الي فقدان الطلاب الثقة في أهمية حضور المحاضرة بل علي العكس بعضهم يري في عدم الحضور فائدة عظيمة لأنه لو حضر المحاضره لعلم أن ghee لم يتم شرحه وبالتالي لما استطاع ان يجيب هذا السؤال!
3_ صيغة الأمتحان لم تكن هي الصيغة اللي ابلغها أ.د أبراهيم عامر رئيس القسم للطلاب وهذا أيضا يجعل من الثقه بين الطالب وأستاذه قيمة لا معني لها .

أرجوكم أن كانت هذه هي جودة التعليم ( أن تكون المحاضرات في أتجاه والأمتحان فب الأتجاه المضاد ) فلا نريدها
وان كان وضع الأمتحان بهذا الشكل ينتمي الي الجوده علي طريقه (الشماعة )
فكفانا كذبا علي انفسنا وعلي الله