فرحاااااااااااااانة اوى والله

الحمد لله
النهاردة رحت ااقول صوتى فى الاستفتاء على الدستور
بجد كان يوم رااااااااااائع
اول تجربة ديمقراطية تمر بها مصر
الناس ماشاء الله ايجابيين ونازلين يشاركوا
.........الكبار والعواجيز قبل الشباب
كله هدفه واحد وهو مصلحة مصر وخوفه عليها سواء قال نعم او لا
فى احترام للاراء
الناس واقفه منظمة وفى طوابير
فى ولاد وبنات مفيش ولد عاكس بنت
فخورة اوى بمصر والمصريين وفرحانه بنسيم الحريه
يارب كل البلاد العربية تتنفس هذا النسيم
يارب انصر المسلمين فى مشارق الارض ومغاربها
وان شاء الله هنكون راضيين بالنتيجة سواء اه او لا
وواثقين فى ربنا انه الخير لينا
يارب لك الحمد كما ينبغى لجلال وجهك وعظيم سلطانك

هه وانتوا عملتوا ايه النهاردة وحسيتوا بايه؟؟؟؟؟؟؟؟؟؟؟؟

انا كمان فرحان الحمد لله على فضله وكرمه
اتمنى نتقبل النتيجه كلنا
انا قلت نعم وليا اسبابى بس لو النتيجه طلعت لا هحترمها وهبدأ أفكر فى الخطوه اللى بعدها

بس يا جماعه نفتكر فى الوقت اللى عمالين نتناقش فيه فى نعم ولا ليبيا تعيش أوقاتا صعبه وبعد العمليات العسكريه لقوات التحالف ضد قوات قوات القذافى المجنون هيفتح مخازن السلاح علشان كل من هب ودب يحمل سلاح وكذلك الأطفال فيصبحوا بذلك هدفا لقوات التحالف
اللهم انصر ليبيا وشعبها المسلم على العدو الظالم القذافى
اللهم عجل بهلاكه وهلاك شرذمته انك ولى ذلك ومولاه يا أرحم الراحمين

الحمد لله اهى النتيجة فرحتنا كمان اكتر واكتر
وهنستقران شاء الله
انا كمان فرحت اوى ....ربنا يفرحنا كلنا بطاعته ورضاه عنا...امين

وبالنسبة لليبيا فربنا عالم بيها وقادر انه ينصرها بس حنا ما فى ايدينا الا الدعاء
انا خايفة احسن تتبقى فلسطين التانية .....ربنا يستر
وخاصة ان قوات التحالف باعتين قوىة وعدة وعتاد جامدين اوى
فكرتنى بالمثل اللى بيقول (((وجنت على نفسها مراكش))))
استر يارب

انا رحت واخذت امى واختى وعمتو وجارتى وبجد كنا فرحانيين اوى وقلنا نعم