ده رأى الشخصى لما قاله مبارك و ما فعله جنود الله ف الارض الله عليكوا يا مصرين

عمليه يموت وهو رئيس عارف لما جدك يوصى بانه يدفن ف مكان معين ...ده كده بالظبط هو خلاص عايز يقضى اخر لحظات حياته ف مصر
العمليه ازاى ع حسب رأى الشخصى الانسان لما بيكبر بيطلب من ابنه يمسك الشغل معاه وكل الناس اللى شغاله معاهم بتبقى موافقه عشان اهى عشره والراجل ليه خاطر عندى وكده
بس المره دى كانت ع دوله اب وابن ماسكين دوله مش مصنع ولا شركة
واحنا رافضنا وهنرفض ان مبارك يبقى رئيس تانى واحسن له عشان يموت ع ارض مصر انه يلتزم بما قال من غير تزوير لان شعب مصر مش كلاب تقفل عليهم وتقطع عنهم النت وتعمل لهم حظر تجوال هو اهان كرامه المصرين اكتر بس عشان مستقبل مصر يا ريت نوافقه ونصبر
وشخصيا فرحانه وفخوره بكونى مصريه بجد اللى حصل ف شوارع مصر الفتره اللى فاتت كان اجمل من اى حد يتوقعه ويلمسه ع ارض مصر الناس اللى كانت سهرانه ف الشارع طوووول الليل بتحرس البيوت الله عليهم بجد ولا الناس بتوع بولاق بجد يفرحوا قلب الناس لما جعوا المسروقات الله عليهم بجد توحد الشعب والروح الجميله دى مش هنلاقيها ف اى شعب
فخوره بجد اننى مصريه
الحمد لله
ربنا يعدى الايام الجايه ع خير
اللهم احفظ مصر والمصرين


ولو صبر القاتل ع المقتول كان مات لوحده
يا رب يحفظ مصر والمصرين

قطع النت اكيد حتى لايحرض اى احد هؤلاء الشباب ويستغلهم وحظر التجوال لتقليل الاعداد المتوافده ومنع الشغب والقبض على الهاربين وهذا ما حدث وهذا الشخص مهما عمل من اخطاء لا يستحق هذه النهايه لانه حارب من اجل البلد دى من ايام حرب اكتوبر وفى عهده ام نقم بايهحروب وكنا نعييش فى امان والايام اللى فاتت علمتنا يعنى اه امان لما نكون فى بيتنا وسط اهلنا ومع ذلك خايفيين ياريت ما نتحاملشى عليه اكتر من كده ولااااااااااااااااااااااااااا للبرادعىىىىىىىىىىى والاخوان

ربنا ينصر مبارك..ان شاء الله الله
وحسبنا الله ونعم الوكيل فى اللى ولعوها


.,.,.,
صلى على الحبيب

لا للبرادعى ولا للاخوان
قضيتنا دلوقتى مش الرئيس ولا غيره
قضيتنا هى مصر ياجماعه
مصر بس وقبل اى شئ وكل شئ البلد بتخرب
ياشماته العدو فينا
يارب نفوق
يارب عدى الازمه دى على خير
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
يااااااااااارب احفظ مصر للمصريين
اميييييين

يارب يحفظك يابلدى
يارب كل اللى يدمر يدمر
لا للفتنه
لا لمبارك
لا للاخوان
لا للبرادعى لا لايمن نور
نعم لوحدة الشعب
نعم لرئيس نحن من نختاره

مبارك ده ماهو الا انسان خبيث

عايز يمشى بمزاجه وعامل لنفسه بريستيج مش عايز يتطرد

عنده حاجه وتمانين سنه ولسه بنفس الخبث وفيه دماغ تفكر


انا نفسى اعرف ايه ذنب الناس اللى ماتت وهل دمهم رخيص ودم عياله اللى سفرهم بره ايه

لو ابنه اللى مات كان هيسكت

حاجه تانيه لو هو لاينوى جاه ولا سلطه ماسك ومتبت ليه ف الكرسى ومش عايز يسيبه

كان خاف ع الناس اللى عماله تموت كان اتلهى ف اللى هو فيه مش بيفكر يموت الناس اللى بتتظاهر

انسان لايستحق كلمة انسان

نفسى الناس تروحله بيته وتتطرده م البلد دى كلها

لايستحق اصلا يدفن ف البلد دى

لو كان عاش زيه زى اى مواطن كان انتحر زى اللى انتحروا عشان رغيف العيش

( وأنا لا ندري أشر أريد بمن في الأرض أم أراد بهم ربهم رشدا ) .
ربنا يستر
والله يا جماعة الشعب المصري ده غريب في مطش كورة يقول : أطمن يا ريس منتخبنا كويس
ولما يقول كلمة عايز أموت في بلدي نص الشعب يقعد يعيط

بيفكر بقلبه مش بعقله
لكن تعليقا علي الوضع الراهن ( الكلام التخين الي بنسمعه كتير اليومين دول )
فيه سيناريوهين سيناريو معلوم النهاية وسيناريو طريقه مسدود مسدود
أما الأول إننا أستحملنا الراجل 30 سنه مجش علي كام شهر ونحقن الدماء ونروح بيوتنا ونمشي حالنا ونناقش التعديلات الدستورية ونشوف الوزارة الجديدة وبعد كده نختار الرئيس الأصلح للمرحلة القادمة
السيناريو التاني إن حسني يقول فهمتكم ويفلق وفي الحالة دي سيكون هرج لا يعلم عواقبه إلا الله كل من هب ودب هيكون عايز يبقي له كرسي اللي بيطمع في الرئاسة واللي بيطمع في وزارة وهكذا
وأنا من وجهة نظري لازم النظام يتغير ولازم المعارضة كمان تتغير وأنا لا يرضيني إلا دولة دستورها القران لكن لأن ده صعب دلوقتي لإن قدمنا 150سنه كده لما ده يحصل فإحنا عايز اللي يمسكنا بعد كده يقرب المسافة وتبقي 100 سنه بس بدل ما تبقي 200

وأنا أتفق معاك تماما يا دكتور أحمد ومبارك ممكن يظل فى السلطه لكن زى ما قلنا يتنحى عن أى عمل رئاسى ويسلم البلد للنائب بتاعه عمر سليمان يصحح الأوضاع ويصلح اللى اتكسر وفور انتهاء فترة الرئاسه يتم تقديم الرئيس وكافة قيادات الحزب الوطنى التى رافقته رحلة الفساد إلى المحاكمه علشان لو لهم يوم كويس نشكرهم عليه ولو لهم يوم غير كده نحاسبهم عليه وده من حقنا كمصريين .
وأنا نفسى أقترح فى الدستور الجديد إنه يبقى فى ماده تقضى بمحاكمة كل رئيس جمهوريه بعد إنتهاء فترة رئاسته على كل المشاريع والسياسات التى تمت فى عهده علشان يبقى عامل فى حسبه وهوا بيترشح إنه مش رايح يصيف وهيتحاسب فى النهايه على كل حاجه عملها .
ولله المثل الأعلى ده قانون الله سبحانه وتعالى فى الخلق ....... أمر الناس أن يفعلوا الخير وأن يتجنبوا الشر وأخبرهم أنهم فى نهاية المطاف سيحاسبون عما أتته أيديهم فكان الحساب رادعا للمسئ وداعيا للمحسن إلى فعل الخيرات وما تجبر وتسلط المشركون إلا لزعمهم أنه لا حساب بعد الموت ولا عقاب على الشر الذى فعلوه فى الدنيا وقالوا
" إن هى إلا حياتنا الدنيا نموت ونحيا وما نحن بمبعوثين "
بيتهيألى ده هيصلح كتير فى سياسات الرؤساء وتكون المحكمه من 3 أجزاء
محكمه مدنيه لكل ما أقترفته يديه فى حق شعبه سياسيا واقتصاديا وحتى إجتماعيا
ومحكمه عسكريه يحاكم فيها لما آلت إليه أوضاع الجيش فى عهده إن خيرا فخير وإن شرا فشر
ومحكمه دينيه لما تم سنه فى عهده من القوانين التى تخالف الشرع إن وجدت ويجازى على ما قدمه للدين إن فعل .
وده من حقنا نحن المصريين ............................ ومصر هتفضل فوق الجميع
فوق مبارك والبرادعى ونور والعادلى وسليمان وسرور الشريف وكلهم .

بصوا عشان بس نوضح الامور عشان الحاجات عندنا ساعات بتدخل على بعضها
اولا بالنسبة لثورة 25 يناير اللى قام بيها هو الشباب المصرى المحترم يعنى لا اخوان ولا برادعى ولا ايمن نور ولا كفاية ولا اى احزاب معارضة ولا اى حد من الاشكال القذرة دى تمام الشباب دة هو نفسة اللى اعلن بعد خطاب الرئيس انة هينسحب من التحرير لان الريس حقق مطالبهم ولازم ندى فرصة للناس تشتغل
والدليل على كدة ان عمرو اديب كان مستضيف شباب من التحرير 3بنات وولدين المهم كانوا بيتكلموا عن مطالبهم وبتاع فعمرو اديب قالهم تعالوا نسمع خطاب الريس على الهوا بعد الخطاب الشباب قال خلاص احنا بنشكرالريس وهننسحب ماعدا واحدة طلعت بينهم كدة وقالت لا لازم حسنى يمشى عشان نمشى فلما عمرو سالها انتى منتمية لحد قالت اة انا تبع حركة كفاية وطبعا الشباب الموجود اتخانق معاها والناس اتصلت بهدلتها
المهم اللى عايز اقولة اية ان الشباب المحترم اللى قام بالثورة انسحب اصلا من الميدان وعلى فكرة جماعة خالد سعيد معظمها انسحب طب امال مين موجود دلوقتى فى التحرير خد عندك ياسيدى اولا الاخوان اللى الريس بتاعهم امبارح طلع على قناة الخنزيرة وقال طظ فى مصر على الهوا
ثانيا الاخ البرادعى اللى اجتمع امبارح مع السفيرة الامريكية تقريبا كانت جاية تقولة اخر التعليمات واخد بالك يااخ عنانى ياللى كنت بتعتبرة رمزك وزعيمك ثالثا تشكيلة بقى ايمن نور والشلة بتاعتة على شوية احزاب محارضة على كفاية على حماس على ايران علىعلىعلى
طبعا دى ناس بتجيلهم اليورو من برة مش هاممهم ان فى ناس لغاية دلوقتى ماقبضتش مش هاممهم ان فى 12مليون مصرى بيعملوا باليومية الهم الاكبر انهم يخربوها وياريت تقروا وثيقة ويكيليكس قالت اية عن مصر
بالنسبة للريس انا مش عارف اية المشكلة انه يكمل للاخر لانة هو الوحيد اللى ممكن يدى اوامر بتعديلات دستورية وبعدين عيب اوى لما يتعامل كدة زى مالية مساوىء كتير لية حاجات كزيسة بردو لكنن للاسف احنا بنحب نركب الموجة
لكى الله يامصر

أنا بستغرب منك يا ميتشو مش عارف أنت على فكره عندك نص فى مخك شغال والنص التانى ضارب كابلات خالص ومش عاوز تسمع غير اللى انت عاوز تفهمه للأسف .
إحنا عشنا فى بلد طول عمرنا أهالينا يقولولنا الريس الريس ومفيش غير الريس يقدر يحكم البلد وكل واحد يطلع أمام الريس وتبقى له حبة شعبيه وإن كانت لا تذكر تطلع حواليه ألف إشاعه وإشاعه والإشاعه السخيفه اللى بقت موضه قديمه أوى حكاية العماله دى وإنه عميل لأمريكا وإسائيل أو عميل لإيران .. المهم نلبسه فى أى حد بره وخلاص علشان اللى مابيعرفوش يقروا الأخبار كويس أو اللى بيشربوا الأخبار من مصدر واحد يتفوا عليه ويدوله على دماغه .
عمالين نقول البرادعى عميل لأمريكا وابن كلب وجاى بأجنده من بره على أساس إن الريس هوا اللى كان خضره الشريفه وإيديه طاهره مش هوا اللى كان بينفذ الأجنده الأمريكيه فى المنطقه ويعتبر أكبر حليف إستيراتيجى للولايات المتحده فى المنطقه وطلع محلل على القناه الإسرائيليه العاشره وقال إن سقوط نظام مبارك هيضر بالمصالح الإسرائيليه ذلك أنه فى وجود مبارك لم تكن إسرائيل تعمل حسابا لمصر مطلقا يعنى من الآخر شايلاها من دماغها ولا كإنها فى الخريطه أصلا .
ولو بتكلمنى يا ميتشو عن الناس اللى بتشتغل باليوميه ومش هتلاقى تاكل إحنا طلعنا عشانهم علشان اللى بياخد 90 جنيه فى الشهر ياخد 900 بدل ما فلوسه رايحه فى كرش الحزب الواطى اللى رباه حسنى على إيديه الطاهره ورماله الشعب أدامه زى الفريسه التى لا روح فيها وقاله إتغذى أنا شايلك لعوزه المهم الكرسى ما يتلخلخش من تحتى وطظ فى أم الشعب يولع بجاز وسخ أمام مجلس الشعب ولا فى أى نصيبه تاخده .
ومين اللى قال لمعاليك إن الشباب اللى خرجوا فى 25 يناير مالهاش توجهات سياسيه ولا فيهم أحزاب وحركات ؟ جيبتها منين المعلومه دى أنا كنت معاهم خطوه بخطوه من أول الدعوه اللى اتوجهت ع الفيس بوك قبل 25 يناير وكان فيهم وعلى رأسهم كفايه و6 إبريل وكلنا خالد سعيد والباقى هوا الشباب اللى استجاب للدعوه وكل يوم كان اللى بينزل بسبب الناس دى وأكيد طبعا حضرتك ما نزلتش ولا نزلت ؟
على فكره أنا أصبحت مش فاهم الشعب ده اللى يديهم بالجزمه على دماغهم طول عمرهم ويطلع فى الآخر يعيطلهم ويقولهم كلمتين واحد كاتبهم له يعيطوا وراه ويقولوا حبيبنا وكلنا وراك واللى يدخل عشانهم السجن ويتمرمط على إيد كلاب النظام فى شرطة الأرانب - بتكلم عن أيمن نور - يبقى خاين وعميل وابن كلب وطالب مجد شخصر على أساس ان الريس يبتغى وجه الله ...................................
العيب مش علينا إحنا كنا طول عمرنا كده تحت جزمة حكامنا من أيام الفراعنه اللى كانو بيستعبدوا الشعوب وأيام الرومان وأيام محمد على - كان طاغيه بس كان بيفهم - وأيام الإنجليز ولما دخل عمرو بن العاص مصر وأرسل لعمر بن الخطاب يصف له مصر فى كتاب وصف له حدائقها الغناء وقصورها الفارهه وأرضها الخصبه وذيل كتابه بقوله وشعبها عبيد لحكامهم
بس أنا لن أستعبد بعد اليوم يا أخ محمود .

وكل يوم كان اللى بينزل بسبب الناس دى وأكيد طبعا حضرتك ما نزلتش ولا نزلت ؟
دة على اساس انك نزلت يوم 25 وانا مش واخد بالى يااخ عنانى اما بالنسبة لباقى كلامك بجد والله انت صعبان عليا وربنا يعلم

ر إن كنتم تريدون فوضي ..... فقد
حققتوها إن كنتم تريدون تغيير ..... فقد غيرتوه إن كنتم تريدون الرئيس
..... فهو معنا حتي نهايه الفتره إن كنتم لا تريدون الرئيس ..... فقال لن
يرشح نفسه مره اخري إن كنتم تريدون النهضه ..... فقد حان الوقت لنساعد
بعضنا لننهض مره أخري إن كنتم تتظاهرون بدون هدف ..... فأتركوا مصر لأن
شعبها أعظم الشعوب

وبعدين دة لراييى يااخ عنانى مش معنى انى اختلفت معاك او ان الكلام مش على هواك لسبب او اخر ان عقلى معرفش اية لكن للاسف فى ناس لو اختلفت معاهم يبقى انت غبى ومش بتفهم ووو على الرغم من انهم اول من يطالبون بالديمقراطية زى بالظبط الاحزاب المعارضة اول امبارح لما دعوا للتفاوض قالول لا مش هنتفاوض الا لما كل طلباتنا تتنفذ طب ماهو دة مش من الديمقراطية ياجدعان محدش بقى فاهم حاجة خالص

اقتباس :

دة على اساس انك نزلت يوم 25 وانا مش واخد بالى يااخ عنانى اما بالنسبة لباقى كلامك بجد والله انت صعبان عليا وربنا يعلم

بيتهيألى يوم 25 ظروفنا كانت معروفه لكن أنا نزلن يوم السبت بعد ما خلصت الإمتحانات مباشرة وبعديها كمان .................. سيادتك كنت فين ؟

اقتباس :

لكن للاسف فى ناس لو اختلفت معاهم يبقى انت غبى ومش بتفهم ووو

ماحدش قال ان انت غبى ولا لمح لكده أصلا بس لو انت شايف كده انا معاك
انا لما بتناقش بسمع قبل ما اتكلم ومش علشان صوتى عالى يبقى بتهجم ع الناس
سامحنى لو عندك حجه قويه قولها ما عندكش يبقى اسمع علشان تعرف تقرر انت مع مين بس اسمع للطرفين لو سمحت

اب ايه

انا بستغرب اوى ع اللى بيقولوا ده بابانا ياجماعه معلش ياحبيبى ياريسنا متزعلش مننا

مهو عايز يفضل لغاية مافترته تخلص

والشعب ييجى ع شهر سبعه كده يقولوله لا ياريس احنا بنحبك ياريس خليك عشان خاطرنا ياحبيبى شوية

احنا عايزينك ويرجع يقول طيب الناس اللى عايزه اما استنى شوية كمان

احنا اما سدقنا اى حاجه تحصل تخليه يمشى ف داهيه

قال بابانا قال

انا الحمد لله بابايا موجود وميشرفنيش واحد عميل لاسرائيل وامريكا يبقى بابايا من قلة ابهات يعنى

واحد مجوع تلت اربع شعبه وعايش ف قصر ويقوللك انا حاسس بالشعب

بيضحك ع نفسه والله وحتى خطاباته بيضحك بيها ع الستات والفلاحين اللى قلبهم طيب ومستحملينه

والمصحف ده لا بيسمع ولا بيشوف ومتبت ف الحكم بطريقة متخلفه

والله يااخ عنانى انا عارف انا مع مين بالظبط ومقتنع الحمد لله بكلامى الدور والباقى على اللى مسلم دماغة لناس يقولوا تعمل اية وتتصرف ازاى واخدلى بالك انت
تقدر تقولى لو هو مشى مين ممكن يتخذ قرار بالتغيرات الدستورية اللى احنا طالبنها طبعا انت مش فى دماغك دة لان اللى فى دماغك هو انة يمشى وانك تشتغل على كدة وخلاص ربنا يكون فى العون لانك لو واخد بالك من دة ماكنتش طلبت رحيلة دلوقتى حالا
كل الشباب المحترم خد بالك من كلمة ممحترم دى اللى هو فعلا قام بثورة 25 اعلن انة هينسحب خصوصا بعد خطاب الريس واكتر النهاردة بعد قرار منع احمد عز والعادلى وزهير جرانة والمغربى من السفر وتجميد ارصدتهم وكمان بعد لقاء الاحزاب مع النايب
اللى هيفضل بقى فى التحرير هو اللى انكشف خلاص فاهمنى ربنا يكون فى العون

صللو ع النبى ياجماعه

الخوف انه يحصل حرب اهليه هنا ع المنتدى

اهدوا

اولا الحمد للة على كل حاجة وصلناها بعد اللى حصل اليومين اللى فاتو و لسة بيحصل من مهازل و ضرب نار واهلنا السهرانين فى الشارع اسمع النهاردة ان دى اشاعات حد يقول حاجة عشان بجد مش فاهمة حاجة --اما بقى موضوع بابا حسنى و الثورة عايزة اعرف مين اللى عملها و لية هى من مطالبها التنحى فورا ؟المظاهرة دى احنا اللى عملناها و لو مشركناش فيها بس المشكلة اكيد مش هينفع طبعا ينطرد كدة بعد اللى عملة من خير لمصر الواحد يقول اللى لية و اللى عية فين الشرطة ولية سايبين ناس تانى تتظاهر ف التحرير الناس دى انتهازيين بعد ما شباب مصر المحترم عملوا مظاهرة محترمة و راح منهم شهدا دول عايزنها تولع و بس و بكدة كشفوا نفسهم بغباء .و انا شايفة ان الريس لو كان قال اخر خطاب دة من اول الموضوع مكنش الناس دى طلعت من الشقوق و كان كل حاجة انتهت و مكنش كل الناس دى ماتت و كان كسب تعاطف الشعب زى محنا شايفيين دلوقتى وكان كل حاجة بقت تحت السيطرة منة للة العادلى و امثالة دول اللى مشيين البلد و عايزين يتحاكموا وادية شاف كمية الناس اللى زعلت عشانة يا خسارة عاش مع المصريين اد معاش و معرفش هما طيبين اد اية و كلمة ممكن تقلب حالهم انا شايفة ان الثورة حققت اهدافها و كفاية بقى بلاش نتمادى فعلا مصر فيها رجالة و مفيش حاجة فى الدنيا تعوض دم الشهدا لهم الجنة ان شاء اللة م

يارب بس اللى بيدعوا لدة ياشادوا يفهموا الكلام اللى بتقولية دة بس للاسف مش هيفهموا لانهم عايزين دة

بالراحه يا ميتشو شويه ده انت حبه وهتقوللى انت قابض كام
انت ما بتعرفش تتحمل ان حد يخالفك فى الرأى ولا اللى يخالفك يبقى عميل ومكشوف ومفضوح ومتمول من بره والكلام التخين اوى ده
انت ليك رأى ومش رأيك لوحدك رأى فئه كبيره من الناس أنا أحترمه بس أنا كمان ليا رأى تانى مخالف وده مش معناه إن أنا واللى زييى فى الرأى عملاء ولا مأجورين زى ما إنتو مش عملاء برده
والدليل يا أخ محمود ميدان التحرير النهارده لما غص عن آخره مرة أخرى بالمحتجين على بقاء مبارك فى السلطه وانضموا الى المعتصمين فى التحرير ولا الكل اصبح عملاء برده
المهم بعيدا عن التهم لإننا مش بنتهم حد وقول عملاء زى مانت عايز ده مش هيغير الواقع فى حاجه .لو تنحى مبارك هيهز مصر تبقى مصيبه وكارثه أن دولة عظيمه كمصر لها من التاريخ ما يعجز السان عن إحصاء أحداثه تصبح منوطه بفرد تسقط إذا سقط وتقوم حين يصحوا ........... مصر ليست مبارك وليست أى أحد بل الكل يشرف بإنتسابه إلى هذا البلد ولن تقف مصر على مبارك ولا غيره مصر أكبر من ذلك بكثير.
وحبيب العادلى والوزراء اللى تحت الإقامه الجبريه دلوقتى مين اللى عينهم ؟ أبويا ؟
ولا حبيب اللى بيحكم عرش الأمن فى مصر ويخدم حسنى منذ عام 1997 هو من تعيين حسنى ذاته ؟ وما الدليل على بقائه كل هذه الفتره يحمى عرش مبارك ولولا هذه الانتفاضه الشعبيه لما اقترب منه شخص .
13 سنه من تولى حبيب العادلى وزارة الداخليه والريس واخد حقنة بنج ومش عارف اللى بيعمله فى الناس ونايم عن فضايح وزير الاسكان ولسا جاى يحاكمه دلوقتى ؟ أمال إيه بقى انا مع الشعب وقريب من الشعب ؟ ده كلام كفته ده ولا ايه ؟
انا مش عميل يا محمود صدقنى بس واحد بيحب بلده وشايف الخير ليها من وجهة نظره ولو انت شايف الخير عكس اللى انا شايفه مش قدر اقول عليك عميل .

آهو انا نفسى اعرف ايه هيا الاغراض الشخصيه والاجندات الخاصة اللى اتكلم عنها الريس
ما هى الاجنده الخاصة يعنى فى شباب من المتظاهرين عايز يبقى ريس مثلا ودى اجنده خاصه ؟
والناس اللى عايزين يزعزعوا امن مصر واستقرارها وبيندسوا وسط الجموع فى ميدان التحرير طيب ما يطلع الباشا ويتنحى علشان يبقى الشباب دول مالهمش حجه ويحقن الدماء ويخرس الاصوات فى الغرب وامريكا ويقطع على اى صاحب مخطط مخططه .
مش عايز يتنحى ليه لما بيقول للـ ABC انا تعبت وعايز اتنحى بس خايف على البلد طيب ماهو لو تنحى يبقى هتبدأ مشاكل البلد تتحل وطالما فيه نائب خايفين ليه من الفوضى ؟
ماخفناش من الفوضى السنين اللى فاتت دى كلها إنه يموت فجأة وكل يوم يخش فى غيبوبه ويصحى تانى وماكانش له نائب يعنى لو صبح مات البلد هتاكل فى بعضها ولاحظنا اللى حصل فى إشاعة وفاته الأخيره والخسائر اللى تكبدتها البورصه لمجرد إشاعه إنه مات
دلوقتى فيه نائب لما يتنحى هيمسك السلطه لحد الانتخابات الجديده والناس متمسكه بالمطلب ده بالذات ورافضه بقءه حتى نهاية المده لأنها تريد أن ترى سقوط رمز الطغيان الذى قبع على نفوسهم 30 عاما يريدون أن يروه يحاسب على السنوات هذه وانه لا يستحق فرصه اخرى
ومن امتى كان الفساد رمز لمصر ؟ مبارك لم يكن رمزا لمصر وإنما كان رمزا لنظام حكم سقطت شرعيته حين رفضه الشعب .
وعايز حد يعدد ليا الحاجات الكويسه اللى عملها الريس للبلد علشان اعدد الحاجات المطينه اللى عملها فى مصر .وماحدش يقوللى الامان والسلام ........ اليابان كانت طالعه من الحرب العالميه التانيه تراب زى ما شفناها لكن دلوقتى شوفوا هيا فين واحنا فين وبرده أمان والهند اللى مهدده دايما بالحرب من باكستان شوفوا هيا بقت فين واحنا لسا فين وإسرائيل اللى عايشه على شفا حفرة شوفوا علماءها فى امريكا واوروبا وصناعاتها وشوفوا احنا فين
يعنى احنا فى سلم او حرب حالنا زى الطين والبركه فى سياسات الريس الحكيمه

ياريته هوا اللى عمله كان خفف من ذنوبه شويه
ميدان التحرير واللى كان اسمه ميدان الإسماعيليه سابقا دايما كان ساحه لرفض المصريين الظلم والطغيان وشوفو حتى فلسطينيين رفعوا اسم ميدان التحرير على أحد الميادين فى اسرائيل اعتزازا بميدان الحريه والكرامه .
ربنا يخليهولنا .
[ندعوك للتسجيل في المنتدى أو التعريف بنفسك لمعاينة هذه الصورة]