مصر هيا أمى ولا بتشتغلنى ............. قصيده جامده .

مصر هى امى
ولابتشتغلنى
انا ابنها وضناها
ولا ابن بالتبنى
بتفرق ليه مابينى
...وبين اخويا الكبير
وتطلع ليه فى عينى
لجل ما يلبس حرير
وتقولى اصبر شوية
يا ضنايا يانور عنيا
امى بتضحك عليا
مانا شايف خير كتير
مش لاقى فى بلدى شقة
وامى تقولى الظروف
افطر واتغدى دقة
واللحمة للضيوف
واخويا ابن اللذينا
واخد فيللا فى مارينا
وبسين وكمان جنينة
وانا اسكت غصب عنى
ماهى امى بتشتغلنى
مش لاقى وظيفة ليا
اصرف منها واعيش
ومعنديش محسوبية
بالتالى دخلت جيش
واخويا حظه نار
وبيقبض بالدولار
امى بتدله كوسه
وتصدرلى الخيار

منقوله من الفيس بوك
وشوف كمان بيرم التونسى بيقول ايه عن فلوس الضرايب وبتروح فين

يسرني و يهنيني
أدفع ضرايب على عيني
أدفع ألوفي و ملاييني
لكن تعالوا حاسبوني
أكون سعيد و أكون شافع
لو تتصرف على شيء نافع
مثلاً مصانع و مدافع
و لا على القصر العيني
و اقطع لكم لحم كتافي
و أبيع هدومي و لحافي
و لااشوفش جايع و لا حافي
يغمني و يبكيني
و بادعي أيام و ليالي
أشوف كده السد العالي
و أقول دا مبني من مالي
و كد إيدي و جبيني
و يا سلام لما تجيلنا
النفاثات مع أساطيلنا
يومها صحيح نبقى وصلنا
و اقول يا عالم هنوني
و ابات مضمضم متكدر
لما الضريبة تتبحتر
مهيه للأستاذ بعجر
و عبده شخرم بسيوني
اللي ابنه بعته ف أوروبا
و من فلوسي بيتربى
قريب يعود زي الضربه
و يقول مع والدي خدوني
جثه على المكتب قاعده
أو في القهاوي متواعده
ماهيش سياسة و لا عداله
الأمة نصها شغاله
و نصها التاني عاله
يتبط و يقول رقوني

مصر هى أمى مش بتشتغلنى يا عنانى

جميله .............تسلم يا عنانى

عشان أكيد وراها شغل تانى يا لؤلؤه هههههههههههههههه
بس أكيد لو عرفت ممكن تفضيلك نفسها بعد الظهر يعنى فى الآخر هتشتغلك هتشتغلك .

واخويا ابن اللذينا
واخد فيللا فى مارينا
وبسين وكمان جنينة


كفانا ار وحسد على الناس هههههههههههههههه

جميله يا محمد تسلم

محمد عنانى كتب:

عشان أكيد وراها شغل تانى يا لؤلؤه هههههههههههههههه
بس أكيد لو عرفت ممكن تفضيلك نفسها بعد الظهر يعنى فى الآخر هتشتغلك هتشتغلك .

هى مش عندها وقت ليه خلصت وقتها معايا خلاص وبقينا صحاب ممكن اعرفك عليها والله دى مصر طيبه جدا
ومش بتشتغل اى حد

اقتباس :

دى مصر طيبه جدا
ومش بتشتغل اى حد

عاطله يعنى
معلش ده حال كل المصريين

طيب هنشوف يا دكتور بعد ما تتخرج هتشتغل ولا هتقعد جنب مصر

أروح اشتغل واسيبها لوحدها دى حتى تبقى قلة اصل منى لأ طبعا هقعد جنبها هههههههه
بس لو لقيت شغل هقلبها فى ثانيه ده انا مصرى ياخوانا وبحب مصر

hhhhhhhhhhhhhhhhhhhhhhhhhhhhhh

اقتباس :

hhhhhhhhhhhhhhhhhhhhhhhhhhhhhh

يا سلام ده على اساس ان كيبورد طويله عريضه ما بتكتبش غير حرف واحد يعنى
الله يكون فى عون مصر

عليه كذا وكذلك انت هتتمسك وانا هزورك بفينو وحلاوه دا اذا عرفت مكانك
ياواد اعقل ياواد

روعة جدااااااااااا