ايقاف للاعضاء البخلاء

تذكير بمساهمة فاتح الموضوع :

بسم الله الرحمن الرحيم
لما كان المنتدى مكانا للتعاون والمشاركة وواجب على كل فرد استطاع ان يستفيد من المنتدى وجبت عليه افادة المنتدى
ولما وجدنا غالبية الاعضاء يدخلون ليحصلو على مايشاؤؤن دون ذكر حتى كلمة شكرا
وتقديرا منا لجهود هؤلاء الذين تعبو فى رفع المواد وكتابة الموضوع
فانه وبقرار من ادارة المنتدى وعن اقتناع تام منها سيتم ايقاف الاعضاء الذين لم تصل مشاركاتهم الى العشرة مشاركات بدءا من يوم الجمعة المقبل الموافق العاشر من الشهر الجارى بحيث ستكون المواضيع مخفية لايستطيعون الاستفادة او الافادة ويتوجب عليهم تسجيل عضوية جديدة
هذا وقد قررت بالا اعطى شيئا قد وضعته على صفحات المنتدى لاحد على فلاشة لذا لاتحرجونى باعطائى الفلاشات فهذا قرار لن ارجع عنه
وارجو منكم المشاركة اذا ما اردتم الاستمرار معنا وتكملة الرحلة معنا
هذا ولا انسى ان اقدم التحية لاعضائنا المشاركين معنا فكل من يشارك يمثل تقدما لمنتدانا

ممكن يا دكتور جمال يكون عندك حق بالنسبة للناس اللى مبتحبش تفيد حد بس وقتها كمان مش هيفيدوا حد وكل اللى هيفكروا فيه انهم يشاركوا اكتر علشان العضوية متتلغيش حتى لو هيشاركوا بكلام فاضى ووقتها كمان محدش هيستفاد او يفضلوا يقولوا شكرا على كل موضوع وكده مش حلينا المشكلة

تمام بس الامور على منوال خواتيمها
يعنى لما المره دى يشارك ويقول شكرا والمره التانيه يقول بس لو كان كذا كان بقى أفضل والمره اللى بعدها يقول لأ أنا عندى فكره أحسن ويطرح فكرته شويه بشويه هيحس ان المنتدى بقى بتاعه وانه مرتبط بيه وهيحب الناس اللى عليه لما يقرب منته أكتر ويتناقش معاهم فيلاقى جواه بعد كده الدافع لخدمتهم وافادتهم ان كان يقدر .

وده علشان اللى بيتكسف يقول شكرا زى ما يسرى وانفنتيود بيقولوا يتجرا ويبقى افدناه من حيث لا يدرى وكذلك البخيل اللى عاوز يستفيد من الناس اللى بتتعب علشان تجيب الحاجه اللى موجوده دى وفى نفس الوقت تبقى عنده حاجه ممكن تفيد ويكسل يرفعها أو يشارك بيها حتى عن طريق انه يديها لجمال او يسرى او حسام وهما يرفعوها ده يبقى اعذرونى زى ما قلت بخيييييييييل ودى أقبح صفه ممكن يوصف بها المرء .

وبعدين يا جماعه الواحد ممكن يعمل العمل الجيد ولا يؤجر عليه علشان ببساطه إنه مانواش ان العمل يكون لوجه الله واعمال كتير بتضيع مننا بسبب اغفال النيه واصحاب النبى صلى الله عليه وسلم كانو تجار نيات كان الواحد منهم لا يرفع قدمه ولا يضعها الا بنيه . فلو الواحد كتب شكرا ونوى انها تكون لله من باب قول النبى صلى الله عليه وسلم من لم يشكر الناس لم يشكر الله هياخد ثواب ويا بخت من نفع واستنفع وهنايالك يا فاعل الخير والثواب .

عندك حق يا جمال عموما انا بعتذر عن غيابى طول المدة ال فاتت بس اكيد لازم تقدر ظروف بع ض الاعضاء
يعن انا مثلا مقدرش اكون ملتزمة اوى معاكم اثناء الدراسة .انا عشان آجى الكلية باخد6 ساعات سفر رايح جاى. يادوب اروح آكل لقمة واصلى وانام واترمى ف السرير عشان اقدر اجى تانى يوم
واكيد فى اعضاء تانية عندها ظروفها
وياسيدى خليك انت احسن مننا.

ياجماعه انا ماقلتش ان انا عايز كلمة شكرا لكن انا بقول اكتب موضوع تفيدنا بيه
قالو فى ناس مابتعرفش تكتب مواضيع
قلت طيب يقولو شكرا بعد ماياخدو اللى هعماعايزينه
ياجماعه اى مشاركة ع المنتدى بتزود ترتيبه وتقدمه هذا ما اردت فقط لاغير
امما عن الفلاشات فانا لقيت حل ان شاء الله يرضى جميع الاطراف وان شاء الله هنقول عليه بكرة باذن الله

ياجماعه انا ماقلتش ان انا عايز كلمة شكرا لكن انا بقول اكتب موضوع تفيدنا بيه
قالو فى ناس مابتعرفش تكتب مواضيع
قلت طيب يقولو شكرا بعد ماياخدو اللى هعماعايزينه
ياجماعه اى مشاركة ع المنتدى بتزود ترتيبه وتقدمه هذا ما اردت فقط لاغير
امما عن الفلاشات فانا لقيت حل ان شاء الله يرضى جميع الاطراف وان شاء الله هنقول عليه بكرة باذن الله

botshy
انتى بتتكلمى ف ايه انا بتكلم ع الناس اللى ماشاركتش ولا مشاركة واحده حتى
مش غياب انا بقدر الناسوعارف ظروفهم كويس
المهم حمدلله ع السلامة

الله يسلمك يا جمال. ميرسى لذوقك. انا برده كنت مستنية منك كدة

حقق ولا اى شخص يقدر يلومك

يا جماعة جمال عنده حق علشان جمال عايز تعاون من كل الدفهة مقابل الوقت اللى بيضيع منه
الراجل الله يكون فى عونه مش عارف يذاكر ومع كل كده بيرفع الحاجات على المنتدى
لأ وايه فى ناس كمان عايزين جمال يديهم كل الحاجه المرفوعة على الفلاشة ياحلاوة ايه الدلع ده على الرغم انهم عندهم نت بس بيستخدمه فى حاجات فاضية زى الافلام و......... الخ من التفهات وما اكثرها
فأرجوكم ماحدش يزعل من جمال الراجل عايز حب بينا وبس ونقدر مجهوداته لان الدفعة ديه من غير جمال ولا محمد يسرى ولا احمد ندا عمرها ماتمشى خالص واكترهم هو جمال الراجل شايل بجد الدفعة ويستحق انه يكون الاول علينا لانه هواكثر واحد بيخدم اصحابه بجد ولله مش من اجل رياء ولا سمعة ولكن من اجل الله سبحانه وتعالى
وربنا يديم المحبه بينا لاننا مهما حصل بينا فاحنا اخوات فى المقام الاول والاخير
ارجوكم مش عايز حد يزعل من جمال ابدا هو والله من اطيب الناس وقلبه ابيض على الرغم من انه اهلاوى بس هو عمره مابيشيل من حد
احمد الله انى اصاحب شخص مثل جمال وعلى فكرة فى زيه عندا فى الدفعه فعلى سبيل المثال وليس الحصر محمد يسرى وحسام ....................................الخ
قال الله عز وجل :وتعاونوا على البر والتقوى ولا تعاونوا على الاثم والعدوان

السلام عليكم ورحمة الله وبركاته
بخصوص موضوع الغاء عضوية الغير مشاركين فى المنتدى اوجه حديثى لصديقى جمالوارجو ان يتسع صدره لذلك علما باننى اكتب هذه الرسالة بصعوبة
اولا وقبل كل شئ اود ان اذكرك يا جمال اننى رابع واحد يسجل فى هذا المنتدىبعد ايمن وبيشوى وقت ان كان المنتدى فى مهده وغير معروف فى الدفعة او غيرها
ثانيا كان يجب ان يكون هذا القرار منذ انشاء المنتدى و قانونا ملزما عندالتسجيل و ليس فرضا على كل من سجل فى المنتدى او الغاء عضويته اذا لم يشارك
ثالثا ان سبب قلة مشاركاتى يعود لاسباب شخصية وغيرها لا داعى لذكرها واننىاعى جيدا ان الانسان لا يحيا لنفسه ابدا وانه كما يستفيد فلابد ان يفيد
رابعا بخصوص شيت الصحة اللى صورته منى و اللى انا رفضت تنزيله على المنتدىفهذا حقى نعم و مجهودى الشخصى وان اى زميل يمكن ان يحله بمجهوده افضل منى علىالاقل ان يدرب نفسه على الامتحان
خامسا وهو المهم انك تقول ان امثالى يستفيدون من المنتدى دون ان يفيدوا بشئواننى اخذ مجهودك ( المحاضرات ) لذلك دعنى اقول لك انه يجب ان تعلم جيدا ان هذا هومجهود الدكاترة وان المنتدى فى هذا الخصوص هو وسيلة الحصول عليها ( كعلم ينتفع به) وان مجهودك فى رفع ذلك على المنتدى و انا اشكرك جزيل الشكر على ذلك و اعلم جيداكم من الوقت تضيعه فى سبيل افادة زملائك و اقدر ذلك جيدا ونفس الشئ بالنسبةلفيديوهات العملى فانا اشكر سكشن ب علىذلك و لكن دعنى اذكرك بما فعله سكشن ا السنة اللى فاتت فى الباثولوجى و الجراحة وخصوصا اسامة حمدان واحمدندا فلم ينتظروا شكرا من احد حتى منزمايلهم فى السكشن
انظر الان كلنا فى السكشن وغيره ملتفين حولهم ولا نؤخر لهم طلب .....لماذا؟ لانها صنائع المعروف
اخيرا وليس اخرا ان هذا القرار لا يرضينى انا على الاقل و ارفضه تماما ليسلاننى دائما انا المستفيد .... ابدا والله اعلم بذلك و لكن لان لدى ظروفى و اسبابىولو كان ذلك منذ البداية وعند التسجيل فى المنتدى لاختلف الوضع
وانا متاسف على كل حاجة خدتها من المنتدى ( مجهودك ) ولم اقدم امامها مايساويها من الافادة و المشاركة
اخرا اود ان تعلم جيدا يا جمال اننى لم و لن اكون فى يوم من الايام صديقيسغل صداقته لتحقيق مصالحه فقط ودون ان يهتم بغيره
وانا متعودتش حد يجبرنى على حاجة لرفضى اسلوب فرض الامر الواقع فالمفترض انهذا الكلام ليس بيننا
ولذلك لن انتظر الطرد يوم الجمعة او غيره وافضل الانسحاب بشرف الان وارجو انيتم الغاء عضويتى وجميع بياناتى من المنتدى بمجرد وصول و تبليغ هذه الرسالة

وشكرا يا صاحبى

الحمد لله وكفىوالصلاة والسلام على امام الخلق وسيدهم سيد البشر محمد بن عبدالله صلى الله عليه وسلم وبعد
احييكم بتحية طيبة معطرة بازهى عطور الفل والياسمين موجهة من قلب محب وارجو الله العلى القدير ان تصل الى قلوب احبته
احبائى واصدقائى فالحياة التى نحياها نعمة قد من الله بها علينا بحلوها ومرها بسعادتها وشقائهاولكن الحياة بدون اصدقاء لاتكون حياة كنت قد قررت بالغاء عضوية من لا يشاركون معنا واشهد الله على ان نيتى ومبتغاى كان لصالح المنتدى وليس لصالحى او لقول شكرا لى كما اتهمنى البعض ممن لم اكن اتخيل بان يقولو مثل ذلك
وعليه
اعتذر اليكم جميعا وارجو ان تقبلو اعتذارى فلن يتم الغاء عضوية لاحد وانما هو اسلوب ترهيب وجدته فى احد المنتديات ليجعل الناس يتكلمون ويكتبون مايشاؤؤن
اصحابى اردت ان تكتبو مواضيع ف المنتدى ليستفيد منها الجميع فخيركم من تعلم القران وعلمه والقصد بالقران يشمل جميع العلوم
هذا ماكنت ابغى وما كنت اتوقع مثل تلك الهجمة على ولكن لا يسعنى الا ان اقول اصدقائى سعادتهم تسعدنى وشقاؤهم يشقينى والله احبكم جميعا لامصلحة وانما حبا ف الله
وفقنا الله واياكم لما فيه الخير للجميع
ولا انسى كل من تفهم وجهة نظرى وارجو من هاجمنى ان يعيد النظر فيما قال فتلك ليست بشخصيتى ولكنى دائما اؤكد
يدا بيدا لمستقبل افضل لنا
****************
***************
*************
***********
********
******
****
***
**
*

ياااااااااااااااااااااااااااااااااااااااااااااااااااااااااااااه ادا كله الحكايه مش مستهله خالص
ناخد برأي الأجماعيه واضح ان الكل متفق ان تتلغي العضويه يبقي أوكي بس نخلي المشاركات 10 بس مش زياده عن كدا عشان نراعي ظروووف الناس

سوري فعلا ع غيابي بس انتوا أكيد عارفييين مايمنعنيش عنكوا الا الشديد القوي والله
وكلكم واحشتوووووووووووووووني جدا

جمييييييييل ياجمال
ماشى ياانفنتيود انا عارف اية اللى كان باعدك عننا ربنا يكرمك

والله يادكتور جمال انا بحترمك كل يوم عن اليوم اللى قبله انت وكل الدكاترة اللى بيحبوا يساعدوا زمايلهم علشان منساش حد من غير ذكر اسماء وربنا يجازيكم خير ويجعلوا فى ميزان حسناتكم

انا كنت فاكره الكلمه غلطه مطبعيه ولا حاجه "البخلاء"
بس بصراحه دكتور جمال عنده حق
الراجل مطلبش نشارك بمواضيع يعنى كشرط لعدم الايقاف

لو حتى كلمة شكر تكفى اللى كاتب الموضوع انه يحس ان تعبه مرحش بلاش يعنى

احيانا الكلمه البسيطه بتفرق جدا

واه اكيد الواحد مش بيستنى كلمة شكر وعامل الكلام ده لله بس مافيهاش حاجه اننا نشكره على تعبه

بس احساسى ان القرار ده جه ف وقت غضب بس لك كل الحق يادكتور جمال واعتقد قرار صحيح

وكلامك اللى قلته ف بداية الموضوع تمام جدا "اصل مش كل دفعتنا ملايكه فيه ناس فعلا تستفز الواحد جدا"

يللا خير ان شاء الله

metcho كتب:

جمييييييييل ياجمال
ماشى ياانفنتيود انا عارف اية اللى كان باعدك عننا ربنا يكرمك

دا استنكار
ولاأنت عارف ايه اللي كان باعدني

هههههههه لا مش استنكار انا عارف اية اللى كان باعدك

ا لا لا لا لا لالا لا.........لا
اية كل اللى انتو عملينو فى الراجل دة ياناس حرام عليكو اية كل الهجوم اللى انتو عملينو علية دة
بالراحة بالراحة كل حاجة بتيجى باللخناق الا بين اعضاء المنتدى المتحابين دة كل حاجة بتيجى بالاتفاق
وبعدين دة الا جمال دة لولاة ولولا منتدانا الجميل دة دحنا كنا ضيعنا والحمد لله
طبعا ياجمال مفيش كلمة شكر توفى جمايلك علينا
مقدرش اقولك غير جزاك الله كل خير

ربنا يجازيكو خير ويرزقنا الاخلاص ف القول والعمل اللهم امين

بجد يا دكتور جمال مفيش كلمة شكر توفى المجهود الروعة دة منك ومن باقى الدكاترة المتعاونين ومش عارفين من غير المنتدى كنا عملنا اية جزاكم اللة الف خير