ايقاف للاعضاء البخلاء

بسم الله الرحمن الرحيم
لما كان المنتدى مكانا للتعاون والمشاركة وواجب على كل فرد استطاع ان يستفيد من المنتدى وجبت عليه افادة المنتدى
ولما وجدنا غالبية الاعضاء يدخلون ليحصلو على مايشاؤؤن دون ذكر حتى كلمة شكرا
وتقديرا منا لجهود هؤلاء الذين تعبو فى رفع المواد وكتابة الموضوع
فانه وبقرار من ادارة المنتدى وعن اقتناع تام منها سيتم ايقاف الاعضاء الذين لم تصل مشاركاتهم الى العشرة مشاركات بدءا من يوم الجمعة المقبل الموافق العاشر من الشهر الجارى بحيث ستكون المواضيع مخفية لايستطيعون الاستفادة او الافادة ويتوجب عليهم تسجيل عضوية جديدة
هذا وقد قررت بالا اعطى شيئا قد وضعته على صفحات المنتدى لاحد على فلاشة لذا لاتحرجونى باعطائى الفلاشات فهذا قرار لن ارجع عنه
وارجو منكم المشاركة اذا ما اردتم الاستمرار معنا وتكملة الرحلة معنا
هذا ولا انسى ان اقدم التحية لاعضائنا المشاركين معنا فكل من يشارك يمثل تقدما لمنتدانا

وامرهم شورى بينهم

رأي


أعترض بشده

اسف لقلة المشاركة لكن ان شاء الله انا بدات اشارك وان شاء الله نكبر المنتدى وفعلا ربنا يجازيكو خير على كل اللى انتم عملتوه فعلا لازم كل واحد يفيد ويستفاد ماينفعش يستفيد بس وان شاء الله انا معاك

بداية اشكرك يايسرى على رايك لكن اختلف معاك فيه
اولا انت عارف الواحد بيضيع وقت اد ايه ع المنتدى والرفع وماالى ذلك وبعدين فيه ناس يقدرو يفيدونا بمعلومات وافكار اكثر مما تتخيل لكن ماعرفش السبب ف عدم مشاركتهم دا لو انت عايز تكتب موضوع مايخدش منك وقت ياخى خلى لينا كل اسبوع ولو موضوع زى ماتاخد ادى قدر الناس والله لما تقول معلومه وانا اقول معلومه هنتقدم وتبقا عندنا محصلة
فين روح التعاون اللى احنا بنتكلم عنها فيها ايه لما تقول كلمه تفدنا بيها الاوائل بتوعنا ليه كل واحد مايدخلش معانا ويقلنا حاجه تفيدنا ولا يدخلو ويحملو وخلاص دا مايكلفوش نفسهم يقولو شكرا لالالالالالالالالالالالالالالالالالالالالالا
انا مختلف معاك تماما يايسرى
انا لما طلبت منك واجهة للمنتدى قلتلى معلش ماكنتش فاضى لانى كنت برفع حاجات طيب يقدرو ده ولا ايه يارب الاقى ناس تسمع

انا معاك ياجيمى 100 فى الميى وللاسف الشديد ان كلامك كلة مظبوط وانا بقترح عليك ان عدد المشاركات يبقى 20 او 30 على الاقل عشان الناس اللى بتهتنم بالمنتدى بجد يستحقوا التميييز

كلام جميل بس خرجنا عن المبدأ

ايه المبدأ المبدأ انه يكون وسيله الطالب اللي ميعرفش يجي ياخد من اللي يعرف

لو الشخص طيب هيدعى وكفاية والله دعوة واحده

من فرج كربه عن مسلم فرج الله عنه كربه من كرب يوم القيامه لازم النيه تكون موجوده ومتجدده

جميل بس لو كان الواحد اطيب شويه كمان هتلاقيه حط رد

ولو كان اطيب شويه كمان هتلاقيه حط موضوع الكلام مش اجبار الكلام نداء للي يقدر ومبيعملش بس

لكن بالطريقه دي اللي ميقدرش ومبيعملش مش هيعرف يستفيد ولا هتفرج عنه كربه اللي هيا النيه الاصليه


انا اعترض على الفكره بشده

اعتذر لقلة المشاركة ولكن البركة بكم وجزاكم الله الخير
وارى بانه وجب على كل من استفاد من هذا المنتدى ان يفيد اخوانه واصحابه ومالمنتدى الا تبادل للخبرات وربنا يوفقكم

أنا مع يسري
كل واحد حر في ناس بتخجل أنها تقول كلمه الشكر أصلا لآنهم داخلين بأسمأهم الحقيقيه
فبلاش نضغط عليهم كل واحد حر
والحمد لله المنتدي قايم ع ناس تانيه كتير ونشيطه
زي كدا يعني هههههههههه

أنا مع يسري
كل واحد حر في ناس بتخجل أنها تقول كلمه الشكر أصلا لآنهم داخلين بأسمأهم الحقيقيه
فبلاش نضغط عليهم كل واحد حر
والحمد لله المنتدي قايم ع ناس تانيه كتير ونشيطه
زي كدا يعني هههههههههه

ههههههههههههههههههه تمام بالظبط كده زى ما بتقولى
زيك يعنى ....... إشحال انك بقالك فوق من شهر ما عتبتيش المنتدى علشان تقولى حتى سلامو عليكو
عموما حمدللى ع السلامه

هههههههههههههههههه عندك حق ياعنانى عالم غرييييييييييييبة ياجدع

تغيبى يانفنتيود ثم تعودى بالمفاجئات ههههه يعنى انتى متاخده غياب كام يوم وراجعه تقولى كل واحد حر قلى ياعنانى نعمل ايه بقا انتا وميتشو
المهم انتى عضو مرشح للاشراف اختارى القسم اللى انتى عايزاه وابعتيلى رساله بييه وياريت مانتحرمش من دخلتك علينا

موصلناش لكلام جد احنا بنتكلم في الفرع وسبنا الاصل

وانتا يا ميتشوا معاهم معاهم عليهم عليهم

المهم وجهة نظري ان الواحد يحط الحاجه له نية واحده لو اخلصها مش هبص لغريها


لله وطبعا كلنا بنقول لله بس الاسلام بالعمل مش بالقول

مثلا كلنا بنقول لازم منتلهيش عن الصلاة بس هل صلينا الفجر؟؟؟


غيره كتير ان النيه الأصل خير ويجي الشيطان مورهوش غيرانه يلتمس للعبد مخارج عن الطريق بس الواحد لو ركز

هيلاقي انه خرج عن الأصل لهذا كان من الدين تجديد النية واستحضار النيه مع كل مره مش مجمل زي الصيام مثلا

ليه نية كل يوم لو انتا عارف انك هتصوم؟ علشان النيه دي عباد اولا ثانيه هتنسيك مداخل الشيطان اللي بتخرج

عن الاساس زي موقع بتحمل منه سور قران فقط لازم ترد علشان تحمل طب يا........... انتا الكسبان لو حمل

المهم الفكره رأي مش تحكم رأي اجتهاد يارب اكون اقنعت

بس عندنا منقولش مشكله وخلاص لا نقول الحل

ان الترتيب بأقل الناس مشاركه في موضوع مثبت او اعلان ده مش عيب ده بيقول

فين الشخص اللي بيستفيد ومبيفيدش فلو الشخص شاف ممكن يتشجع بس ده مش النيه دي سبب يخليه يشتغل

لكن منمنعش حد عن خير الواحد بيبقى عامله مش عايز كلمه شكر عايز دعاء فقط بظهر الغيييييييييييييييييييييييييييييييييييييييب

في واحد ياعمي بيدخل النت للضروه بدايل اب كده يبقى بنعزبه لو هيرد وفي اللي بيدخل بموبايل وفي اللي حاصله مشكله

يارب الكلام يكون وصل

معاهم معاهم عليهم عليهم اية بس ياعم يسرى اعتقد ان رايى واضح من الاول وقولت ان انا متفق مع جمال وزيادة
ركز شوية

مش موضوع للنقاش ى دكاتره لان ى جمال ف ناس مش عندها نت ف بيتها ففى الاوقات دى بتطلب منك تنزلها ع فلاشه وانت طيب جدا ومحترم فبلاش تعمل حاجه مش فيك اصلا
وربنا هيبارك ليك اما عن المشاركات فممكن انك تقفل الرابط واللى يرد يحمل وده ف منتديات كتير مش هيبقى هنا بس
وربنا يثبتكم ع الاصح والارشد ان شاء الله

جزيتم خيرا جميعا

يايسرى ماتغيرش ف الكلام اظن انت عارف مبداى م الاول انا قلت ياجماعه اللى ماعندوش نت او فاصل النت يقلى وانا اجيبهاله على فلاشته ولو ماعندوش فلاشه يقلى وانا اجيبهاله على فلاشتى على عنيا لكن لو تشوف النهارده الناس عملت معايا ايه ف الكليه انا مش هقول اللى حصل لكن اسال ايمن عدد كبير جدا جدا يقلى هاجيبلك الفلاشه يوم الاربعاء وحط عليها الحاجه اقله عندك نت يقلى اه طيب مايدخلش ليه ده ويحملها يقلك لسه هادخل انا سمعت الرد ده النهارده ومارضيتش اعلق عليه بس انتا عارف لما بيقلى الكلمة دى انا بحس بايه ومعلش بقا ف اللفظ اعذرونى بجد لانى اتغظت اوى
الاول بحس انه شخص تافه ولايستحق التقدير
الثانى بحس انه بيقلى مش مهم انت تذاكر ارفع ع النت وضيع وقت وتاخد فلاشتنا وتحط عليها وطظ فيك على اساس ان انا مش مهم اذاكر يعنى ولا ايه والله العظيم حرام
وبعدين يايسرى لو واحد غيرك اللى كاتب الكلام كنت قلت اهو بيقول لكن انت عارف زعلتنى اوى من كلامك يايسرى وشكرا ع الكلام

انا معاك ياعم يسرى ..... ياجمال الحاجات دى لك اجرك عند الله انته بتعمل كده علشان الثواب مش علشان كلمه شكر

فى ناس كتير اوى معندهاش نت ومش بيعرفوا ياخدوا الحاجات اللى بتنزل...بلاش الفكره دى

لالالالالالالالالالالا كده زادت اوى ياجماعه معلش انت مابتقروش اللى انا بكتبه ولا ايه انا بقول اللى ماعندوش نت اجيبهاله على عنيا ولو ماعندوش فلاشه يقلى وانا اجيبهاله على فلاشتى لكن اللى عنده ومكسل
والله العظيم حرام انا اتخنقت وربنا يستر بقا

يا جماعة لو سمحتو محدش يزعل من التانى والموضوع فى الاصل مش مستاهل
واحنا كمان ان دكتور جمال او دكتور يسرى لو حد طلب منهم مساعدة مش هيسيبوه
والاختلاف فى وجهات النظر لايفسدللود قضية
وربنا يسهل الفترة اللى جاية
وان شاء الله تعدى على خير
ربنا يوفقنا كلنا

سبحان الله
بجد ياجماعه يبدو ان انا مش قادر اوصل المعلومه اللى انا عايز اقولها يا ابراهيم عيب عليك بجد الكلام اللى انتا قلته انت ويسرى بجد يعنى علشان انتو عارفين ان انا على ايه
انا ماقلتش عايز شكر يابراهيم
انا كل اللى قلته ان المنتدى مكان لتبادل المعلومات يعنى اشارك وانت تشارك نعمل شغل جامد ده اللى انا عايزه لكن الحكايه مش حكاية شكر والله
الحاجه التانيه مين بلغ سيادتك انى قلت لحد لا ياراجل اقرا الكلام اللى انا كاتبه كويس
وبعدين يامجاهد تخيل لما ترفع حاجه وتكتب موضوع بيها وتمام وتلاقى ماحدش بينزلها من ع المنتدى والكل بيقلك خد هاتها على فلاشه يبقا نقفل المنتدى وخلاص ولا ايه رايك ياريت توصلى الكلام اللى انتا عايز تقوله انت ويسرى

يا ابراهيم النهارده صورت شيت الصحه من واحد صاحبنا قالى باللفظ ماتحطهاش ع المنتدى سالته ليه قالى باللفظ واسال ايمن
ليه وانا اتعب والناس تاخد تعبى ع الجاهز تخيل لما واحد يقلى الكلام ده وهو لم تتعدى مشاركاته ع المنتدى عشرة قلتله يعنى انتا مش عايز تدى تعبك للناس وتاخد تعبى دا مثال لكل الناس اللى بتدخل ع المنتدى تحمل الحاجه اللى هى عايزاها وتمش ولا تضيف موضوع ولا تقول شكرا انت عارف ان كلمة شكرا مش محتاجه ليا لكنها بتزود ترتيب المنتدى ياجماعه الكلام يتفهم صح ياريت مش يبقا هجوم مالوش اى اساس من الصحه

يا جماعة حصل خير انتو هتتخانقوا
ماللى يخش ينزل حاجه يقول شكرا ايده مش هتتشل يعنى
وبلاش حد يقول للراجل هات حاجه الراجل مش فاضى وعنده امتحانات زينا وحاجه من اتنين يا يرفع الحاجه ع المنتدى يا اما يفتح سايبر ويقعد ادامه وكل واحد عايز الحاجات يفضل ينسخله ويسيب الكليه وخلاص ويبقى لقى شغل - والله فكره - مبروك يا جيمى بس تشغلنى معاك .

بالراحه شويه الموضوع ابسط من كده يا ساده نوسع صدورنا ونتقبل الآخر وأكيد مفيش حد مستنى شكر من حد لان الشكر لا هيزود فى الواحد حته ولا الذم هياكل منه ربع ولا حاجه .

والحمد لله على عطاه ورضاه وربنا يوفق وبارك الله فيما رزق ولا انا غلطان

ياجدعان الراجل ماتكلمش على الفلاشات ومش الفلاشات الراجل كلامة واضح انة بيضايق من الناس اللى بتدخل على المنتدى تنزل المحاضرات من غير ماتعلق ولاحتى تكتب كلمة شكر وبعدين كلمة الشكر دى لاهتزود جمال ولا هتنقصة لكن هو بيتكلم على الاستغلال والدليل على كدة قبل الامتحانات ولا اثناء الامتحانات تلاقى المنتدى علية مثلا 30 ولا 40 عضو لكن ايام الاجازة هما 10 بالعافية اللى بيدخلوا يعنى العملية استغلال ومصلحة مش اكتر جمال بيتكلم على كدة
اما انت ياميجا فهدى نفسك ياواد انت حبيب الكل وانت عارف وجمال بردو حبيب الكل
عنانى باشا مااقدرش اعارضك لانى عارفك تقدر تحط الحديد فى ايدى امرك ياسيدى