نفسى اشوفك فى الكوشه

فى جميع المناسبات سواء نجاح فى الدراسه او عيد ميلاد.....الخ

نلاحظ بعد التهنئه بأى من المناسبات المذكوره اعلاه للبنات مبروك او كل سنه وانتى طيبه
وان شاء الله السنه الجايه اشوفك فى الكوشه او اوشوفك بفستان الفرح
الكلام ده بيتقال للبنات من سن 12 سنه وانت طالع
البنت :- لسه بدرى ياطنط
-: بدرى ايه ياحبيبتى اناكنت فى سنك وكان ابنى على ايدى
طبعا الكلام ده بياثر على تفكيرالبنت وينتابها حاله من القلق والتوتر ان الوقت هيفوت

ومش هاتتجوز وتصيبها حاله من الاحباط لان دلوقتى سن الزواج ارتفع لاسباب كتير

تبدا البنت من كتر الاسئله والزن من الاقارب والاصدقاء عن اخبار العرسان تحاول الحصول على لقب مخطوبه اومتجوزة بشتى الطرق والكبارى"هند صبرى بقى"
وتبدا توافق على اى حد يتقدم مهما كانت مواصفاته دون النظر الى التكافؤالفكرى اوالمادى او حتى العاطفى من اجل الحصول على اللقب
ولكن للاسف بسر عة الحصول على اللقب هى نفس سرعة الحصول على لقب اخر
وهو لقب مطلقه!!!!!
ياريت نخفف الضغوط على البنات بكثرة الاسئله عن العرسان
وقد اعزر من بنجر....