هتعمل إيه؟؟؟

الحمد لله والصلاة والسلام علي رسول الله أما بعد:
عايز أعرف لو أنته في الموقف ده هتعمل إيه؟ وده موقف وارد أنه يحصل لأي حد فينا
لو انت مذاكر وقاعد في اللجنه وحليت سؤال غلط
وجه المعيد (المراقب)بص في ورقتك وراح مشاورلك ع الاجابة الصح
أو سمعت أتنين بيغشوا وأكتشفت إن السؤال اللي مذاكره ده أتلخبط فيه أنت عارف الصح بس لخبطة إمتحانات
هتعمل إيه انته كده عرفت إنك حاليت غلط والإجابه الصح أنت عارفها لكن هتكتبها ولا لا؟
ولو كتبتها ده يعتبر غش؟

اسيبها زى ما انا حلتها واكيد ربنه هيعوضهالى فى حاجه تانيه والسوال اكيد مش مستاهل دى كلها نصف درجه وربنه هيعوضها فى سوال عليه درجه اكبر

طب لو كان السؤال يستاهل 5 درجات مثلا يبقي الوضع إيه؟؟؟؟

و الله ياعم انا مبتكلمش من ناحية الدين انا بأخذ اراء شخصيه بس
لأني لو عايز رأي الدين مش هأخد رأي جمهور المنتدي؟؟؟؟؟؟؟
وبعدين حد قالك إني بقول الدين عسر بس زي ما هو يسر هو مش استهبال
ده مجرد موقف وعايز أشوف لو انا او اي حد في مكاني هيعمل ايه؟

الله اعلم ممكن يكون اختبار من ربنا او ربنا عالم ظروفك وعارف انك اد ايه تعبت وبعت ليك الاشاره دى
وانت لما سمعت الكلمه دى افتكرت الصح وافتكرت انك اتلخبط وكتبت اجابتك اللى انت مذاكرها
مش كتبت بالنص اللى سمعته
الله اعلم
ربنا كريم ومفيش حاجه وبتحصل الا وربنا بيسر فيها
ساعات والله كلمه واحده بتفكرك بحاجات كتير لان دماغنا فى الامتحا بتبقى مقفوله قفله ما يعلم بيها الا ربنا
الحمد لله

بسم الله
احبتى فى كل مكان استطاع الشيطان ان يجعل من قضية اراد السائل فيها معرفة اراء شخصية فحسب الى قضية دخل فيها الدين
احمد شعبان اخطات بكلمة جمهور المنتدى وبها بعض الاستهزاء ولكنه يقبل اذ اننا لسنا مصدر فتوى فى ذلك
اميرة القلوب اخطاتى بفهمكى لوجهة نظر احمد شعبان فهو لم يقصد الا كوننا لسنا مصدرا للفتوى فحسب
the infintude اخطات بفهمك فاحمد لم يرد تعسيرا وماقلت عليه لكنه اراد ان يرى اراءا فحسب
انتم جميعا اخطااتم اذ لابد ان يكون الحوار مفتوحا بطريقة جذابة وكلنا هنا اخوة واصدقاء لافرق بيننا ولكننا لبعض قوام
احبتى كان شيئا لم يكن وتقبلو نقدى
اما عن القضيه فانا لو كنت ف المكان ده بصراحه ومن غير رياء ولانفاق كنت هغير اللى انا كاتبه

اوكى ياجمال انا عارفة اللى يقصدة بس هو عبر غلط كان المفروض يقول هسال اهل الدين
وعلى العموم حصل خير

براحه يا جماعه على الشيخ احمد....
هو الراجل مش غلط يا جماعه ...
هو يعنى انتوا فقهاء او علماء او زى البخارى مثلا...
الراجل بيسال سؤال بعيد عن الدين

وبعدين ياعم جمال اهد شويه الله يخليك ..انا معدش......علشان.......

ياريت محدش يزعل يا جماعه
ولكن اهم حاجه,.,.,
صلى على الحبيب

هههههههههههههههههههههههههههههههههه
والله انتم ملكوش حل خالص
الموقف ده حصل معايا النهارده
المعيد جه ع ورقه الاسئله ومسك القلم وبدا يكتبلي ارقام وصل جنب الكلمات
بمنتهى البساطه مسكت قلمي بعد ماكتب اول رقم وشخبطت عليه وقلتله شكرا يادكتور بمنتهى الاحترام
هو الراجل حب يساعد مش اكتر
وانت كطالب عندك مبدا انك مش بتغش خلاص مش هتقبل كده
وده ممكن يكون ابتلاء مش هنقول ربنا حاسس بتعبك فبعتلك واحد
والا كان كل واحد حلل لنفسه الرشوه وهكذا ويقول ربنا حاسس بيا
انا شايفه انك من الاول متوكل ع الله وواثق فيه خلاص لو جاتلك الورقه محلوله استغنى عنها خالص
والله الموفق

عين العقل يا لولو

والله يا جمال عندك حق
وأنا إن كنت أخطأت في حق[b]The Infintude
فأنا عل أستعداد أبوس راسه بس هو يقابلني في الكليه
وأنا والله ما كان قصدي أستهزاء لما قلت جمهور أهل المنتدي لكن كنت أقصد زي ما قلتم كده إن هأسأل أهل العلم وأنا بحاول أتصل بالشيخ مصطفي العدوي لكنه مشغول فلما أحصل منه علي فتوي هأديكم خبر
وأنا مش بحلل الرشوه ولا الغش لكن الكلمة أتقالت وسمعتها من المعيد أو تقدر تقول كانت عندي المعلومه فسمعت نفسي علي لسان المعيد بس مش أكتر
[/b]

نبقى نحط قطن فى ودننا وإحنا داخلين لو كنت هسمع حاجه زى دى

هيا مش ناقصه خلى الساعة اللى الواحد بيخش يقعدها ويطلع تعدى على خير

يعنى يبقى مفيش حل وكمان نخبط شوية ذنوب قبل ما نطلع .......... مش منطق خالص

وبعدين هوا ده الهدف الأساسى من الإمتحان قبل ما يختبر مذاكرتك وتحصيلك وعلمك - اللى هوا مش موجود أصلا - هوا عايزك تتعود تعيش الفترة الصغيره دى تحت ضغط علشان يعرف أنت هتقدر تنجز إيه تحت القدر الكبير من الضغط ده حتى وإن كنت على أتم إستعداد لإنك هتخرج من الكلية وتعيش حياتك بعد كده كلها تحت الضغط علشان ماتتجننش مصحات الأمراض العقلية ما فيهاش أسرة فاضية البلد كلها قاعده هناك

على العموم يا أبو حميد زى ما انت قلت الشخ مصطفى العدوى هوا اللى هيفتيك ويفتينا فى المسأله دى وبعدين المسأله دى ما كانش لها غير أنها تطرح من وجهة نظر الدين مش من وجهة نظر الآراء الشخصية لأن الآراء الشخصية هتستند لمدى أخلاق الفرد وتمسكه بمبادئه والأخلاق هى أصل الدين يعنى رجعنا تانى للدين وفى الحالة دى يبقى المسأله لا تلقى فى ملعب الأفراد لأن رقيق الدين سيفتيك بغير ما يقوله صحيح الدين أو قويه وفى الحاله دى يبقى الحكم مش عادل

يبقى نسمع لرأى الدين من علماء الدين

وربنا يجازيك خير يا أخى لأن أنا كنت ممكن أتعرض للموقف ده عارف سؤال miliary TB فى الإمتحان
السؤال ده أنا كنت مذاكره كويس وعارف الإجابه وحافظها لكن أمام ورقة الأسئلة الإجابه إتمسحت وما كنتش عارف هيا فين فى الورق علشان أكتبها وكلمه واحده زى اللى انت بتفترض انك ممكن تسمعها كانت هتحللى الموقف ده وأجاوب السؤال ده لكن دلوقتى بقول الحمد لله إنى ما سمعتهاش

الحلال بين والحرام بين وبينهما أمور مشتبهات فمن اتقى الشبهات فقد إستبرأ لدينه وعرضه

اما عن النقاش وردود الافعال عن الموضوع ف::

وضع الندى فى موضع السيف بالردى.........عيب كوضع الردى فى موضع الندى




واما عن اصل الموضوع ف::

خلنا فى زماننا....عن حديث المكارم
من كفى الناس شره....فهو فى جود حاتم



واخيرا........................اللهم اهدنا وسددنا

dr.hadi كتب:

اما عن النقاش وردود الافعال عن الموضوع ف::

وضع الندى فى موضع السيف بالردى.........عيب كوضع الردى فى موضع الندى




واما عن اصل الموضوع ف::

خلنا فى زماننا....عن حديث المكارم
من كفى الناس شره....فهو فى جود حاتم



واخيرا........................اللهم اهدنا وسددنا

جزاكم الله خيرا أخى فى الله على التقييم والنقد الرائعين

ولكن كنت أتمنى ألا تكتفى بالتقييم وأن تشاركنا برأيك

dr.hadi كتب:

اما عن النقاش وردود الافعال عن الموضوع ف::

وضع الندى فى موضع السيف بالردى.........عيب كوضع الردى فى موضع الندى




واما عن اصل الموضوع ف::

خلنا فى زماننا....عن حديث المكارم
من كفى الناس شره....فهو فى جود حاتم



واخيرا........................اللهم اهدنا وسددنا

ربنا يجزيك خير بس الواحد بيغلط ويتعلم من نصايحك

محمد عنانى كتب:

جزاكم الله خيرا أخى فى الله على التقييم والنقد الرائعين

ولكن كنت أتمنى ألا تكتفى بالتقييم وأن تشاركنا برأيك

ومثله جزاك
اما عن رأيى فقد ابديته بالفعل وفهمه صاحب المشاركة الاصليه والدليل رده

اقتباس :

ربنا يجزيك خير بس الواحد بيغلط ويتعلم من نصايحك

وما ابرىء نفسى من عجزى عن البيان فاللهم استرنا انت المستعان
..............................................................................................................



بعدين دكتور عنانى احنا لينا قعادات مع بعض لسه هنفهم فيها بعض اكتر يارب تكون فاكر وعدك ليا والظن بك انك وفىّ الوعد

أحمد شعبان كتب:

والله يا جمال عندك حق
وأنا إن كنت أخطأت في حق[b]The Infintude
فأنا عل أستعداد أبوس راسه بس هو يقابلني في الكليه
وأنا والله ما كان قصدي أستهزاء لما قلت جمهور أهل المنتدي لكن كنت أقصد زي ما قلتم كده إن هأسأل أهل العلم وأنا بحاول أتصل بالشيخ مصطفي العدوي لكنه مشغول فلما أحصل منه علي فتوي هأديكم خبر
وأنا مش بحلل الرشوه ولا الغش لكن الكلمة أتقالت وسمعتها من المعيد أو تقدر تقول كانت عندي المعلومه فسمعت نفسي علي لسان المعيد بس مش أكتر
[/b]

شكرا يا دكتور الحكايه ماتستهلش كدا

بس يادكتور احنا ماينفعش نفصل الدين عن اراءنا ومعاملاتنا
اني لومش عارف ان الكدب حرام يبقي هكدب
ولو مش عارف ان الغش حرام يبقي هغش
وكمان القرأن ورسولنا الكريم ماسابوش اي حاجه من تصرفتنا اليوميه وتعاملاتنا مع الناس حتي اصحاب الاديان الاخري الا وعلموهلنا
فالدين داخل في كل حاجه في حياتنا وهو اللي علمنا اداب الحوار والنقاش واختلاف وجهات النظر
وازاي اعترض من غير غلط او تجريح لان ممكن اللي ادامي يكون عنده دين ويكون افضل عند الله مني

اقتباس :

بس يادكتور احنا ماينفعش نفصل الدين عن
اراءنا ومعاملاتنا

أنا كان قصدي إن رأي الدين معروف لكن كنت عايز أعرف تصرفنا هيبقي ازاي في موقف زي ده
يعني كلنا عارفين إن الغيبه حرام لكن كام واحد مننا في كلامه ما بيغتبش حد ...إلا من رحم ربي

اقتباس :

وازاي اعترض من غير غلط او تجريح

يا أخي والله ما قصدت إني أعيب وأنقص من قدر أحد أو أجرح في أحد فالتمس لأخيك سبعين عذرا فإن لم تجد فقل لعل له عذر
وأنا والله زعلان جدا لأن كلامي زعلك وبالله عليك تقابلني في المسجد بكره في الكليه قبل او بعد الإمتحان علشن أعتذر لك

اقتباس :

لان
ممكن اللي ادامي يكون عنده دين ويكون افضل عند الله مني

والله لا أعلم عند أحد من الذنوب مقدار ما أعلم عندي ولكني أستغفر الله

سبحانك اللهم وبحمدك أشهد أن لا إله إلا أنت أستغفرك وأتوب إليك

ياريت يا جمال تقفل الموضوع أو حتي تحذفه خالص يكون أحسن

بناءا على طلب فاتح الموضوع تم غلق الموضوع ونرجو من المشرفين عدم فتحه ثانية

الادارة مش شغالة كويس انا حيكون ليا موقف معاها ....الموضوع ماتقفلش

انا لو فى الموقف ده ممكن اعمل حل اخر او اقول للدكتور يحل سؤال انا لسه ماحلتهوش ههههههههه

طبعا ماينفعش قال رسول الله صلى الله عليه وسلم (لايؤمن احدكم حتى يكون هواه تبعاً لما جئت به )صدق رسول الله -مع ان شرح الحديث ليس كما هو ظاهر من النص او لقصارى الفهم مثلى ان يكون البديهى لهوى للنفس انه يكون غير مخالف للشرع لاننا مش زى الفاروق رضى الله عنه

الشاهد من الحديث اللى ساق بعضه عنانى -رحمه الله-فمن اتقى الشبهات فقد استبرأ لدينه وعرضه وكان السلف رحمهم الله يتركون بعض الحلال خوفا من الله ومن الوقوع فى الشبهات

معلش انت غلطت يا احمد لما قلت جمهور المنتدى ان كان قصدك اخذ راى فى الدين كان المفروض تقول عوام المنتدى اللى انا واحد منهم وكلنا كذلك مع احترامى للجميع لانى ما اظنش انه فينا مجتهد وان كان فيه طلب علم يا شيخنا الكريم يعنى استحدم المصطلح بما انه حوّلها دين
اسف للتطويل بس النت كان فاصل واسمعت الجدل حول الموضوع فى الكلية قلت اكتب شوية مع انى ما اعرفش اكتب ولا اتكلم وماليش حظ فى البيان مع انى بحب البيان يعنى تسمع خطب عائلة القرنى الشيخ على وعائض يعنى يُشرح قلبك من بديع القول
المهم مافيش خصام ولاحدش زعلان هه يلا سلام من حسام

نرجو من اعضاء الادارة ومشرفى المنتدى التزام اعمال الادارة الخاصه بهم وتعتبر قرارات الادارة لهم الزامية ونرجو عدم فتح موضوع تم غلقه من قبل احد افرادها وان كان مشرفا الا اذا كان بسبب تم الاجماع عليه