نكت من القلب.......اتفرج وشوف...متجدد

1_ 2 محششين واحد بيقول للتانى هوا يحصل ايه يا جدع لو الواحد قام من النوم الصبح التقى نفسه ميت.......
رد التانى بس يا جدع متقولش كده والله الواحد كان اتشل فيها

2_ واحدة وحشة قوى بتقول لجوزها مبتعمليش ليه زى ما أبو محمد بيعمل مع أم محمد...
قال لها بيعمل ايه يا وليه .....
قالت له بيدلعها بيقولها بحبك يأخدها السيما
قال لها خلاص يا ولية أنا مستعد أعمل زى أبو محمد (بس أم محمد هتوافق)

3: حدث بالفعل في دمياط

واحد من الناس مات وقرر الناس انهم يصلوا عليه ركعتين قبل صلاة الجنازة ودخلوا راجل كبير من الناس يصلي بيهم....
الرجل طاعن في السن وخاف بعض الناس انه يغلط في الصلاة
لكن الحمد لله الراجل صلي زي الفل الركعة الاولي والتانية
وفي نهاية الركعة التانية وقبل ما يسلم مباشرة لف وشه ناخية الناس وراح قايل لهم
(الا صحيح يا أخوانا هوا كيلو البصل بكام ب 30 قرش ولا ب 35 في ناس بتقول ب 30 وناس بتقول ب35 والواحد معدش عارف يصدق مين)

4_واحد بيقول لابوه يا بابا أنا عايز اتزوج مني بنت جارتنا اللي تحت منا ...

الأب قال لابنه يا ابني انا كنت اعرف امها وممكن تطلع أختك شوف لك واحدة تانية......

قاله خلاص جوزني رشا بنت جارتنا اللي فوق مننا ......

الأب قال لابنه برضه دي كنت أعرف أمها وممكن تطلع أختك....

الابن قعد يبكي وأشتكي لأمه .....

قالت له اتجوز اللي أنت عايزه هوا أصلا مش أبوك....

5:
5 افراد دخلوا يصلوا العشاء وهما مستعجلين ومحدش لحق يعرف هما في الركعة الكام....
فقام واحد ناصح منهم سأل اللي جمبه هما في الركعة الكام
رد التاني .......والله ما أعرف
رد الثالث........انتوا بتتكلموا في الصلاة
رد الرابع........والله ولا واحد فيكم صلاته مقبولة
رد الخامس.....الحمد لله انا متكلمتش

6_واحد بيقول لواحد صاحبه انا عايزك تجاوبني بصراحه
قال له وماله
قال له الاغلي عندك ابوك ولا كيلو اللحمة
قال له عيب عليك يا جدع
والله شوية الشوربة احسن من امه

7_واحد صعيدى حطوه علي جهاز كشف الكذب وقالوا له أوعى تكذب لو كذبت اللمبة هتنور....
فهمت قال لهم ايوة فهمت (قامت اللمبة منورة)

8_ واحدة وحشة قوى بتقول لجوزها تحب أظهر على مين واستخبى من مين ...جوزها قرفان منها قوى
قال لها :أظهرى على كل الناس واستخبى منى أنا

9_اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو الظاهر انها الحلقه الاخيره.....

10_مرة اثنين مساطيل قاعدين على القهوة فواحد بيقول للتانى فيك من يكتم السر ، فقالة فى بير ، قالة بصراحة محتاج عشرة جنية قام المسطول التانى لافف وشه وقايل ولا كأنى سمعت حاجة

11_واحد صينى بيقول لواحد صعيدى شانج شونج شوانج كوكاكولا
رد عليا الصعيدى : بتقول عايز 10 ازايز أيه؟

12_سألو واحد بخيل طحن: تعمل ايه لو الدنيا بردت؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية

13_حدث بالفعل شيخ فى احد المساجد كان عندهم عقد قران فبيهزر فبيقول طيب اللى حماته مزعلاه يقوم يقف الجامع كله وقف الا واحد الشيخ راح جمبه وقال له ماشاء الله انت الوحيد اللى حماتك مش مزعلاك قال له : لا والله يا عم الشيخ المسألة مش كده بس أنا من كتر الضرب معتش قادر أقف....

14_سألوا محشش: منو أهم الشمس ولا القمر؟
قال القمر طبعا..القمر يطلع بالليل ينور لنا والدنيا ظلمة..
أما الشمس تطلع بالنهار والدنيا نور أصلا...

15_اثنين توائم واحد محظوظ والتانى منحوس كل شوية يروحوا يسرقوا الموز من بستان الفلاح......
المهم المنحوس يطلع يهز الشجرة والمحظوظ يلم اللى يوقع...
يجى الفلاح يلاقيهم يقول لرجالته امسكوا اللى على الشجرة المحظوظ يهرب من الفلاح والمنحوس ميلحقش ينزل من على الشجر ويأكل علقة وكل يوم من دا ........
لحد ما جيه يوم المنحوس رفض يطلع الشجرة وقال للمحظوظ اطلع انت انا قفايا ورم من الضرب جه الفلاح كالعادة راحوا الرجالة يمسكوا المحظوظ من على الشجرة قال لهم لأ احنا كل مرة بنضرب الغلبان ده حاتولى ابن الكلب اللى كل مرة يهرب ده...

16_اخترعوا ألة جديدة فى امريكا بتمسك الحرامية ودوها انجلترا مسكت 100 حلرامى ودوها فرنسا مسكت 150 جابوها مصر
الألة اتسرقت....

__________________

17_بيقول لك واحد صاحبنا كان عنده عربية مهكعة وعايز يبيعها ب 200 ألف جنيه فكل واحد يتمألت عليه ويسيبه ويمشى لحد ما واحد سأله هيا فيها ايه يستاهل ال 200 ألف ورد عليا تعاله اركب فيها وانا اقول لك ......
ال 2 ركبوا العربية قام المعلم قايل لها اعملى لنا 2شاى وعلى الفور جاله ال 2 الشاى صاحبنا قال له شفت فيها عفريت بينفز كل طلاباتك
الزبون دفع ال 200 الف وراح البيت ونده مراته واولاده واستدعى العفريت وقال له انا عايز مليون جنيه وفيلا وطيارة وووووو..........
رد عليه العفريت حيلك حيلك مبعملش الا شاى بس....

18_واحد بلديتنا بخيل قوى راكب القطر هوا وابنه الصغير وكل ما الكمثرى يعدى يقوم شايل ابنه وحاطه بره الشباك ويمسكه بايده اليمين علشان ميحاسب عليه......
فالكمثرى استغرب وراح سأله ايه اللى فى ايدك اليمين
صاحبنا راح ضارب كف على كف وقايل :اهوه مش فى ايديا حاجة...

19_مسطول راح المحكمة القاضى بيسأله انت متجوز مين؟قاله:واحدة ست,القاضى قاله
انت هتهرج؟ امال فى حد بيتجوز راجل , قاله :اه اختى متجوزة واحد راجل

20_مسطول ماشى فى الشارع فقابل واحد قاله :أزيك يا محمد أنت اتغيرت قوى يا محمد عنيك ووشك وكل شكلك اتغيرت قوى يا محمد ..
رد عليه لكن أنا مش محمد
قال له وكمان غيرت اسمك يا محمد...

21-واحد بلدياتنا أعمى راح يزوربنت خالته وكانت بتستحمى لما سمعته على الباب قالت مش مشكلة مهوا اعمى....وخرجت فتحت له وهيا عريانة..
صاحبنا دخل وقعد وقام قايل لها :متدريش باللى حصل يا نهى....
قالت له أيه اللى حصل يا عوضين قال لها لا والله شكلك ما تعرفى ...
قالت له أنجز أيه اللى حصل...
قال لها :مش أنا فتحت.......

22_أستاذ بيسأل الطلبة عن حيوان بيطير رد عليه واحد وقال له الفيل يا أستاذ قال له أنت غبى الفيل بيطير انت أبوك بيشتغل ايه قال له فى المخبرات يا استاذ
قال له والله يا ابنى الفيل ممكن يطير بس لو شد حيله....

23_مرة واحد عاقل كان ماشى فى الشارع فشاف طابور طويل فراح يسأل فى ايه يمكن بيوزعوا لحمة كل مايسال واحد يقول له اسال اللى قدامك لحد ما وصل لاول واحد قال له فى ايه يا بلادينا انت واقف كده ليه قال له والله يا باشا ما فى حاجة انا كنت تعبان وقفت أسند على الجدار لقيت الناس وقفت ورايا قلت اقف بأه قال له العاقل يعنى مش هيوزعوا حاجة قال له لأ يا محترم أنت فهمت غلط قال له طيب عايزين الناس دى تروح مصالحها قال له وانا أعملهم ايه قال له لو أنت مشيت هيمشوا كلهم قال له يعنى المطلوب ايه قال له أمشى من هنا.....
رد عليه الغبى : أمشى مين دا أنا جاى أول واحد...

24_واحد قاعد على القهوة لقى جنازة معدية فيها ولا 300 راجل وره بعض فى طابور وتابوتين وقدامهم واحد ماشى ومعاه كلب فاستغرب والفضول دفعه أنه يسأل فى ايه..
فسأل الراجل اللى معاه الكلب قال له أنا عارف ان الوقت مش مناسب بس المنظر محير قوى فيه أيه؟؟؟.......
فرد عليه : التابوت الأولانى فيه مراتى الكلب ده هجم عليها وموتها...
قال له والتانى :قال له فيه حماتى حاولت تدافع عن مراتى راح الكلب قتلها هيا كمان ....
الراجل قعد يفكر شوية وبعدين قال له : ممكن استلف الكلب بتاعك
رد عليه :روح أقف فى الطابور....

25_واحد صعيدى سافر امريكيا واول ما وصل راح المكان اللى هيسكن فيه لقه دوشة وفرح سال واحد قال له فرح مين دى ؟
رد الامريكى : i don't knew....
جه الصعيدى تانى يوم لقه دوشه برده وجنازة سال واحد تانى جنازة مين دى
ورد عليه الأمريكى: i don't knew
الصعيدى قعد يعيط ويقول لا حول ولا قوة الا بالله العلى العظيم دا كان فرحه امبارح...

26_واحد بلدياتنا بيقول لخطيبته لما ازمرلك انزليلي ماشى
قالتله:انت جبت عربيه جديده … قالها:لا جبت زماره …

27_مرة واحد ندل الهلا ل الأحمر خصم من مرتيه 20 جنيه تبرع لفلسطين قام اتبرع بباقى المرتب لليهود....

28_مرة 10 صعايدة بيلعبوا على الطريق الصحراوى واللى تخبطه العربية مرتين يطلع بره....

29_مرة واحد ندل ركب اتوبيس شاف واحدة قاعدة بصلها بصتله غمزلها غمزتله قال لها انزلى المحطة الجاية نزلت راح قاعد مكانها...

30_واحد غبى وقف سواق تاكس وقاله تخد كام وتنزلى فين قال له اخد 5 جنيه وانزلك هنا

31_ جماعة بلدياتنا فى فرح شعبى وواحد جاى ومعاه 3 أولاد زى البغول ...وجه وقت النقطة الابن الأول طلع ضرب طلقة ونقط ب 200 جنيه ..الابن التانى اتغاض منه طلع ضرب طلقتين ونقط ب 500 جنيه ....الابن الثالث حب يتحداهم طلع نقط ب 800 جنيه وضرب 3 طلقات

ابوهم قام وقف وقال انا اجدع منكم كلكم طلع نقط ب 1000 جنيه ورمى قنبلة......

32_واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لمل وصلوا قالهم” نسيت
الفلوس” فرجعوا طول الطريق قاعد يقول” ب ب ب ” فلما وصلوا قالهم” بهزر معاكم ....

33_ صعايدة جابوا حصانين محمدين قال لعضوين تعالى كله واحد يعلم حصانة علامة علشان ميتخلطوش فى بعض..
وبالفعل كان
اليوم الاول : جه محمدين قال لعوضين عملت ايه قال له قطعت ديلة قاله يخربيتك دا أنا قطعت ديله أنا كمان......
اليوم الثانى :جه محمدين قال لعوضين عملت ايه قال له قطعت ودنه قاله يخربيتك دا أنا قطعت ودنه أنا كمان....
اليوم الثالث :جه محمدين قال لعوضين عملت ايه قال له قطعت رجله الشمال قاله يخربيتك أنا قطعت رجله الشمال أنا كمان...
مسكوا فى بغض قال له هوا أنا كل ما أعلم علامة تعلملى علامة زيها ......
واحد بلادينا معدى بالصدفة لقاهم بيشاكلوا راح يحكم بينهم وحلها
قال لهم : محمدين أنت تأخد الحصان الابيض
عوضين أنت تأخد الحصان الأسود

34_مرة كان هناك حمار وقرد كل ما الحمار يشوف القرد يضربه ويقول له ملبستش البورنيطة ليه كل ما يشوفه يضربه
راح القرد اشتكى للأسد فسأل الاسد للحمار بتضربه ليه قال له والله يا ملك انا كل ما بشوفه بيبقى نفسه اضربه ومبلقيش حجة فبقول له ملبستش البورنيطة ليه؟
فالأسد قال للحمار طيب متشوف حجة (حمار بقى مش عارف يفكر) قال له زى ايه قال له اطلب منه بلح لو جابه احمر قوله مجبتوش اسود ليه لو جابه اسود اقول له مجبتوش اصفر ليه وعلى كده
المهم أن القرد سمع كلامهم ده
راح الحمار للقرد كالعادة وقال له " روح هاتلى بلح

فرد عليه القرد :أصفر ولا احمر ولا اسود
الحمار قعد يفكر شوية وقام ضربه
القرد: فيه ايه يا حمار
الحمار قال : ملبستش البورنيطة ليه

35_ واحد بخيل قوى كل يوم يجيب لأولاده عيش وعنده طبق جبنة يحطه فى غرفة مجاورة ويفتحها ويفرجهم عليها ويقول لهم أتخيلوا أنكوا بتأكلوا عيش وجبنة كل يوم على هذا المنوال ومحدش معاه مفتاح القوضة الا هوا
جه يوم روح البيت متأخر قال لهم ايه يا ولاد عملتوا ايه قالوا له متخفش يا بابا بصينا من خرم الباب وشفنا الجبنة
قال لهم :أه يا ولاد الكلب مفيش يوم تأكلوا بحاف

36_ دكتور قلب طلع على المعاش عملوله حفلة معاش كبيرة ورسموا صورته وسط قلب فى صور حفلة التخرج واحد تانى هلكان من الضحك بيسألوه بتضحك ليه

قال لهم :أصل أنا دكتور مسالك بولية وطالع معاش الأسبوع الجاى... .

37_2 صعايدة ركبوا قطر من اللى بدورين واحد ركب فوق والتانى ركب تحت وركبوا جمب الشباك هما ال2
بعديها بشوية صاحبنا اللى فوق بيقول للى تحت ايه الأخبار عندك قال له دا السواق هنا مجنون قوى وسايق على سرعة 120
قال له طيب والجو عندك ايه
رد عليه : لا والله السواق بتاعنا لسه مجاش

38_ 2صعايدة بيلعبوا على قهوة واحد بيقول للتانى جهار بيك رد عليه التانى لأ والله شيش ببيج قال له لأ جهار بيك قال له لا والله ما نازل الا شيش ببيج مسكوا فى بعض
صاحب القهوة للصبى قوم يا ابنى هات الشطرنج ده من قدامهم

39_ 3 بلدياتنا بيلعبوا على القهوة واحد قال كش ملك والتاني قال دبش
والثالث راح قايم واخد الكوتشينة وماشى

40_ الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه.

41_جماعة صعايدة اتدايقوا من أن كل شوية الناس تطلع نكت عليهم قال لك أحنا نلبس جلاليب ونروح المقطم نصطاد سمك علشان الناس تطلع نكت على الشراقوة
وبالفعل كان خدوا سنانير وراحوا يصطادوا سمك من المقطم ......وكل ما الناس تعدى تضحك عليهم ....بعدها بيومين الناس ابتدوا يطلعوا نكت على الشراقوة ونجحت الخطة...
جماعة صعايدة معديين شافوا المنظر قلعوا هدومهم ونطوا فى الميه

42_واحد صعيدى دخل فى رجله مسمار معرفش يطلعه تناه

43_واحد صعيدى دخل امتحان لوحده طلع التانى

44_واحد مصراوى نزل الصعيد وراح بلد وقف واحد وقال له دى البلد اللى بتنطق الجيم دال
قال له لع دى البلد اللى دمبينا

45_عملوا مسابقة للصعايدة اللى ينطق الجيم جيم يأخد ألف جنيه
جابوا أول واحد قالوا له قول جوافة
راح قايل:دوافة
التانى قول جوافة
راح قايل :دوافة
الثالث قول جوافة
اتكى على نفسه وقال :ج ج جوافة
شاطر شاطر خالص بتزرع فين
رد عليه :فى الدنينة

46_بيسألوا واحد ايه الفرق ين القضاء والقدر والمصيبة
قال لهم :القضاء والقدر لما حماتى تبقى ماشية فى الشارع يلهفها قطر ينيمها على الأرض ( قولوا أمين)
قالوا له طيب والمصيبة
قال : المصيبة بقى لو قامت

47_2 مجانين واحد بيقول للدكتور أنا ابن نابليون مش مصدقنى ليه راح التانى يسقف على ايديه ويقول له يا ابنى بطل جنان والله أنت مجنون
فالدكتور قال له لا والله انت شكلك عاقل ومش مصدقه يعنى انت مش مصدق أنه ابن نابليون
قال له سيبك منه يا دكتور دا لا ابنى ولا أعرفه

48_2 ضباط بيتراهنوا على اللى عنده عسكرى اغبى من التانى ندهوا العساكر وقرروا يختبروهم ......
الضابط الأول للعسكرى :خد الربع جنيه دهوه وروح هات لى عربية مرسيدس 2010 من الاجنص اللى على أول الشارع
قال له حاضر يا باشا...
الضابط التانى للعسكرى :طيب روح شفنى موجود فى البيت ولا لأ قال له حاضر يا باشا...
خرج العسكرى التانى لقى العسكرى الأولانى واقف بره فراح يشتكى له وبيقول له شايف الضابط الغبى المتخلف باعتنى أشوف هوا فى البيت ولا لأ مش عارف يتصل بيهم فى البيت وهما يقولوا له هوا موجود ولا لأ ...
رد العسكرى التانى أمال أنا أعمل ايه فى الضابط الغبى بتاعى: أدانى ربع جنيه علشان اجيب له عربية مرسيدس مش عارف ان النهاردة الجمعة والمحلات قافلة

49_سواق تاكسى سايق ولا همه كل شوية يكسر الاشارة ويعدى والزبون هيتجن تبقى الاشارة حمراء يعدى فالزبون قال له يا أسطى حاسب الاشارة حمراء قال له متخفش معاك سواق بروفشنال كل مرة يا أسطى هتموتتنا يا عم متخفش معاك سواق محصلش جه بعدها بشوية الاشارة خضراء راح السواق واقف الزبون اتجن وقال له: وقفت ليه

قال له يمكن سواق بروفشنال يكون معدى من الناحية التانية...

50_واحد كل شوية يروح للبقال يقول له عندك جبنة يقول له ايوه يقول له طيب هات بيض ..عندك بيض يقول له ايوه يقول له طيب هات مربى.. وعلى كده كل يوم
البقال اتخنق منه راح لأبوه يشتكيله
قام ابوه قايل له عندك عصاية قال له ايوه
قال له :اضربه جوز اقلام....

51_واحد بيقول لنينته تيتة أيه رايك تتجوزى ولا تأكلى مهلبية
قالتله يخيبك أنا مليش سنان للمهلبية..

52_واحدة دمياطية بخيلة قوى بعتت ابنها يجيب 3 أرغفة وعند عودته وجدها بتصوت قال له فى ايه يا ماما قالت له رجع الرغيف الثالث أبوك مات..

53_واحدى صعيدى دخل محل أجهزة كهربائية وقال للبياع مساء الخير بكام التليفزيون؟
رد عليه البياع بقرف امشى ياض مبنبعش لصعايدة ...
زعل الصعيدىمن التفرقة العنصرية وقرر أنه يشترى التليفزيون على سبيل العند ..فحلق شنبه ولبس بدلة شيك ودخل المحل وقال للبياع...
لو سمحت بكام التليفزيون ده من فضلك؟
رد البياع أمشى ياض مبنبعش لصعايدة...
وهنا جن جنون الصعيدى وقرر أنه لازم يشترى التليفزيون مهما كان الثمن ..فلبس الصعيدى لبس واحدة منقبة ودخل المحل ورفع بصوت وقال :لو سمحت حضرتك بكم تبيعون هذا التليفزيون باذن الله؟
رد صاحب المحل:امشى ياض مبنبعش لصعايدة...
فخلع الصعيدى النقاب وقال لصاحب المحل أنت كل مرة بتعرفنى ازاىيا ولد الفرطوس...
قال له :أصل دا مش تليفزيون دى غسالة..

54_صعيدى باع التليفزيون واشترى بثمنه فيديو...

55_صعيدى اشترى مصفاه لقيها مخرمة رجعها...

56_بواب صعيدى وقع من على السلم أنجرح راحل للطبيب اداله مرهم قال له أدهن مكان الجرح
راح دهن السلم...

شكرا يا اهلاويه على تعبك فى الموضوع ده بسى عايزه رايى فيه وما تزعليش منى كل النكت دى سمعتها قبل كده والصراحه ما بضححكشى ياريت ماتزعليش اصلا انا بحب الصراحه شويه

هههههههههه وانا كمان تخيل

بس هو الموضوع متجدد يعنى كل فتره هنزل شوية جداد

اتمنى يعجبوك

لا بجد نكت كويسه وفى شويه أنا ما سمعتهمش قبل كده
شكرا ع المجهود يا أهلاوية

ههههههههه جمييييييييييييييل

جميلة اوى

ههههههههههههههههه
نكت حلوه

الاب كان مسافر ولما رجع لقى ابنه مستنيه فى المطار
الاب:ايه احوال البيت وانا مش موجود. حصل حاجه وحشه؟
الابن:كل حاجه ميه ميه.....ماتقلقش هو حصل حاجه بسيطه بس
الاب:ايه حصل؟
الابن:عصايه المكنسه انكسرت
الاب:بس كده ولا يهمك..بس ايه كسرها؟
الابن:انت عارف ان البقره لو وقعت على حاجه تكسرها
الاب:انت تقصد بقرتنا
الابن:اه
الاب:ايه اللى حصل؟!
الابن:كانت بتهرب وهى خايفه فوقعت على عصايه المكنسه فكسرتها
الاب:المهم البقره حصلها حاجه؟
الابن:لا مافيش حاجه....ماتت
الاب:يالهوى ماتت!!..وهى كانت بتجرى خايفه من ايه؟
الابن:لا دى كانت بتهرب من الحريقه
الاب:حريقه! ....حريقه ايه؟!
الابن :لا مافيش اصل بيتنا اتحرق
الاب:اتحرق!!يالهوى...من ايه؟
الابن:اخويا الكبير الله يرحمه
الاب:ايه...اخوك مات ازاااى؟!!
الابن:ايوه مات..كان بيشرب سجاير وقعت حرقت البيت وهو جواه
الاب: يالهوى اخوك بيشرب سجاير؟!!
الابن :هو كان بيشرب سجاره علشان ينسى حزنه
الاب:حزنه على ايه؟!
الابن: على امى الله يرحمها
الاب:ايه؟ ..امك ماتت؟!!

فراح الاب مات من غباء ابنه...

الابن:بابا ماتعملشى فى نفسك كده فداك الف مكنسه...

متشكره ياجماعه ع المرور الطيب

57_ اثنين محششين واحد وقع فى خزان المياه التانى راح يستناه عند الحنفية....

58_ واحد معدى لقى ناس بتهيص قوى قال لهم فيه ايه قالوله فى واحد بلدياتناعايز ينط من سطح العمارة قالهم خلاص انا طالعله... طلعله وقاله عايز تنتحر ليه... بلدياتنا قاله اصل انا غبى وكل الناس بتقول عليا غبى راح الراجل قايله هاقولك فزوره لو حلتها ماتبقاش غبى حاجة اسمها زى شكلها بلدياتنا : ماخبرش... الراجل:البيضة. اقولك واحدة تانية حاجتين اسمهم زى شكلهم بلدياتنا :ماخبرش الراجل: بيضتين.. اقولك واحدة تانية بسيطه و سهله حاجة كبيرةوسودة وبتجيب لبن واسمها جاموسة بلدياتنا: 3 بيضات راح الراجل ماسكه وراميه...

59_الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة . الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن....

60_واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"....

61_ حدث فى الجو
في الطائرة
بعد الإقلاع .
الكابتن في المايكرفون يرحب بالركاب ويقدم لهم بعض النصائح والمعلومات
وفجأة .. يصرخ مذعورا ً ... : يا ساتر يا رب؟ يا ساتر يا رب؟ ! لا حول ولا قوة إلا بالله
معقوله المصيبة دى ..!!! ساد صمت ثقيل في الطائرة بين الركاب
لا حس ولا خبر ثم يـُسمع صوت الكابتن مرة ثانية
وهو يقول : أنا اسف ياجماعة
المضيفة دلقت كباية الشاي السخنة علييّ وبهدلتلى بنطلوني الأبيض من قدام ..!
يصيح أحد الركاب : أبوك على أبو بنطلونك تعالى شوف بنطلوناتنا واللى حصل فيها من قدام ومن ورا ...!

62_بخيل اخذ ولده الى السوبر ماركت، اخذ الولد بسكوت وشوكلاته قال يابابا أحبه فقال له الأب : بوسه ورجعه

63_واحد بخيل اشترى 3 برتقالات فتح الأولى لقاها معفنة رماها فتحت التانية لقاها معفنة رماها وقام طفى النور قطع الثالثة وأكلها....

64_واحد أعمى فتّح ... من الفرحة اتشل.....

65_ثلاثة حكموا عليهم بالإعدام معاهم واحد صعيدي ، قالوا للأول عايز المنشار

الكهربائي أو شنق ، قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي ، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش...

66_ مرة عالم صعيدى عايز يألف نظرية عن ضفدعة فقطع رجل وقال لها فطى ففطت ثم عاد وقطع رجل أخرى وقال لها فطى :ففطت ثم عاد وقطع الرجل الثالثة وقال لها فطى ففطت ثم قطع الرجل الاخيرة وقال لها فطى فلم تفط وهنا نظر العالم للموجودين بكل غرور وتكبر ثم عاد وكتب نظريته الجديدة بكل فخر :حين تقطع الرجل الرابعة للضفدعة فأنها تفقد حاسةالسمع ...

67_ بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك سمى، صدرى اتحرق!" ...

68_ مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا الغناء اثناء العمل قعدوا يغنوا " هيلا هيلا صلوا عا النبي " المقاول سمعهم قالهم هاتخربوا بيتي مش معقول تبنوا كنيسة وتغنوا " صلوا عا النبي " غنوا اي حاجة تانية ، في اليوم التالي سمعهم بيغنوا " هيلا هيلا بص عا الحيطة " بص للحيطة شاف مكتوب عليه " صلوا عا النبي " ...

69- مرة إتنين مساطيل واحد بيقول التانى هما القدماء المصرين بنو الهرم فى اد اية .... قالو 50 سنة ...قالو يا لية ؟؟ قالو اصل كل ما يرصوا حجرين الحكومة تكبس عليهم ...

70_ دكتور دخل على مجانين لقاهم معلقين واحد فى السقف وكاتبين علية نجفه ، وواحد مجنون قاعد بعيد عنهم فى الركن ، فسالة اية اللى بيحصل؟ قالة شوف المجانين معلقين الراجل ازاى !! الدكتور قاله ماتروح وتنزله .... رد علية المجنون وقاله ونقعد فى الضلمة يا خويا...

71_بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك...

72_مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين...

هذا الموضوع عبارة عن خطاب أرسله الوالد الذى يعمل فى أمريكا إلى إبنه الذى يعيش فى مصر ... ثم يرد الإبن على أبيه بخطاب آخر :

أولا : خطاب الأب إلى إبنه :
ولدى الغالي :

أبعث إليك بأشواقي وقبلاتي أنت والعائلة ... ويعلم الله أن ما يمنعني عنكم هو الشديد القوى .. فبالتأكيد وصلتكم أخبار الغارات الغاشمة التي شنتها القوات الموزمبيقية على أمريكا التي كنت أعمل بها ومنعت من العودة منها بعد تفشى المجاعة ... وتابعتم على شاشات الفضائيات التي تبث من مدينة الإعلام الفضائي الإثيوبي من القمر مشاهد المجازر والتعذيب التي تقوم بها القوات الإثيوبية في الشعب الأمريكي المسكين ونحن معه وذلك بعد أن عمت المجاعة أرجاء الولايات المتحدة ...

وشاهدتم استخدام موزمبيق القنابل المحرمة دولياً مثل " قنابل العطس " وشاهدتم الآلاف من الشعب الأمريكي وهو يعطس .. لكن أحب أن أطمئنكم أن العطس لم يصل إلى الولاية التي أقيم بها بعد .. وأنني بخير بحمد الله لم أعطس منذ شهور .. ورغم كل الضغوط من المجتمع الدولي إلا أن الدول الكبرى صاحبة حق الفيتو وهى ( الصومال وموزمبيق وبنجلاديش وتشاد وجزر القمر وعزبة النخل ) لم ترضخ لمجلس الأمن وأصرت على احتلال أمريكا بل إنهم يفكرون في إعدام الرئيس الأمريكي الحالي يوم عيد الاستقلال القادم بعد أن وصف الموزمبيقيين في إحدى خطبه بعد تهديدهم لبلاده بأنهم " علوج ".. وانت عارف الكلمة دى صعبة عليهم قد إيه ؟؟

يبدو أنني سأعود إليكم قريبا يا ولدى في أقرب رحلة وسائد هوائية طائرة.. وإن كانت خطوط الوسائد غير صالحة للسفر نظراً للاحتلال فأمري لله سأستقل أقرب طائرة قديمة وآتى إليكم بعد فك الحصار قريباً ... سلامي لك وللعائلة .

ــــــــــــــــــــــــــــــــــــــــــــــــــ ــــــــــــــــــــــ

ثانياً : خطاب الإبن إلى والده :
والدى العزيز

وصلني خطابك الغالي بعد شهر من إرساله كعادة بريدنا المصري الغالي وذلك يوم أن ذهبت للبريد لأرسل صورتي للقراصنة الصوماليين لقبولي معهم كعضو عامل .. وسألت موظف البريد عن أي خطاب من أمريكا فقال لي إن خطابك وصل منذ شهر ولكن ساعي البريد انتحر منذ فترة لأنه خسر ستين جنيها في البورصة ... المهم أنه وصل ..

لك منى كل أشواقي وقبلاتي أنا والعائلة.. وقلوبنا جميعا معك في غربتك وفى ظل النظام الموزمبيقي الغاشم .. وأحب أن أبلغك أخبار العائلة جميعا .. فأخي عادل قد نجح في الصف الثالث الابتدائي مما سيؤهله لدخول كلية الطب العام القادم .. بعد أن جعلت الحكومة الشهادة الابتدائية ثلاث سنوات فقط وألغت الشهادتين الإعدادية والثانوية .. وأختي سعاد قد شفاها الله سبحانه وتعالى من " أنفلونزا الفول " بعد علاج في كل المستشفيات ، وذلك بعد أن أكد وزير الصحة أن أنفلونزا الفول التي قتلت مليون مصري لم تدخل مصر أساسا .. رغم أن منظمة الصحة العالمية تؤكد أن أنفلونزا الفول مصدرها مصر أصلا .. وتحديدا من ( قِدْرة عم جمعة ) بتاع دار السلام !!

أما بالنسبة لأحوال بلدنا السياسية فكل شيء تمام وكما تركته يا والدي العزيز .. فمجلس الشعب قد خصص كل مقاعده للمرأة بينما صار مجلس الشورى كله من الرجال باعتبار أن ( مشورة الراجل مالهاش لازمة ) !! ... ووكالة الطاقة الذرية قد أعطت مصر الضوء الأخضر لإنشاء المحطة النووية الكبرى في الشرق الأوسط لتصنيع " نوى بلح " عالي الجودة ...

74_ثلاثة بخلة قرروا يتبرعوا بأى فلوس علشان كلام الناس كتر عليهم الأول قال انا هرسم دائرة على الأرض اللى يقع فيها بتاع الفقراء واللى يقع بره بتاعى أما الثانى كان أكثر منه بخلا قال انا هرسم خط واللى يقع براه بتاعى واللى ينزل فوقه بتاع الفقراء أما الثالث فكان أكثرهم بخلا فقال انا هأخد كبشة فلوس وأحدفها فى السماء اللى يقع بتاعى واللى يفضل فى السماء للفقراء ...

75_ واحد قبل ما يموت جمع ولادة التلاتة وحب يوصيهم يفضلوا يد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم...

76_واحد مسطول بيسأل صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر...

77_اسد وكلب اتفقوا ان كل واحد يضرب الثاني علي قفاه بدأ الكلب وضرب الاسد ولما جاء الدور علي الاسد الكلب جري والاسد بيجري وراءه الاسد سال قرد بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد...

78_ مجانين حط لهم الدكتور أغنيه ... قامو يرقصون الا واحد !! قال له الدكتور ليه ما مبترقش معاهم قال اصل انا العروسة...

79_ مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله ...

80_اتنين سكرانين واحد قال للتاني:لما أموت ابقى اشرب لي الكاس بتاعي فصاحبنا مات ، وبعد كام يوم التاني راح البار وطلب كاسين قاله:ايوه بس انت لوحدك فحكى له على الموضوع وبقى كل يوم يشرب كاسين لحد ما فى يوم طلب كاس واحد الراجل قالوه اشمعنى قاله: اصل انا بطلت اشرب ...

81_مرة تلاتة صعايده راحوا محطه القطار لقوا القطر ماشى اتنين منهم طلعوا يجروا ورا القطر و التالت واقف يضحك عليهم
الناس سألوه بتضحك ليه قالهم اصل انا اللى مسافر والاتنين التانين جايين يوصلونى...

جامدة!!!!!!!!

انا مش عارف ليه وانا بقرا موضوع خطاب الوالد من امريكا حسيت انى بستمع ل سيد ابو حفيظه على قناه موجه كوميدى هههههههههههههههه الصراحه كويسه
ومنتظر المزيد

قصه اربع توائم مؤثره
قبل أن أبدأ... أنصح ضعاف القلوب بعدم القراءة ..!

حيث أنجبت امرأة بعد انتظار هي و زوجها و لأكثر من 15 عامآ
4 توائم

وقد كانوا جميعا ً صغار الحجم

وتم نقلهم إلى غرفة خاصة

بسبب حالتهم الصعبة

وبعد حوالي 3 ايام

في الصباح الباكر

جاءت إحدى الممرضات

المسئولة عن التنظيف في قسم الولادة

وحملت ( الشرشف ) إلى الغسالة

وهنا كانت الكارثة !!!

لا حول ولا قوة إلا بالله

إنا لله وإنا إليه راجعون

فقد كان حجم الاطفال الاربعة

صغير جدا ً

بحيث لم ترهم الممرضة

وحملتهم مع الشرشف إلى الغسالة !!!

يااااااااااا إلهي

وعندما جاء الطبيب المسئول عن حالة الاطفال

ليكشف عليهم

لم يجدهم

لا مجال للصدمة

ركض مسرعا ً نحو الاستعلامات

سأل و هو يصرخ : أين الأطفال

الموظفة : في الغرفة !!

الطبيب : ليسوا بالغرفة ,, من آخر شخص دخل الغرفة ؟؟

الموظفة : الممرضة المسئولة عن التنظيف ..

ركض مسرعا ً لها

سألها : أين الأطفال ؟؟

الممرضة باستغراب : أي أطفال ؟؟!!

الطبيب : الأطفال الذين كانوا على سرير كذا في غرفة كذا

الممرضة وهي تبكي : يااااااااااااا ويلي

لا مجال للسؤال

لا مجال للوم هذا أو ذاك

أسرعت الممرضة و هي في حالة من الجنون نحو الغسالة ومعها الطبيب ..

الغسالة تدور

الغسيل ينقلب رأسا ً على عقب

مااااا العمل ؟؟

أسرع الطبيب

فصل التيار الكهربائي عنها

فتح الباب وهنا كانت الكارثة و المفاجآة,,

7
7
7
7
7
7
7

خرج الأطفال الأربعة يهتفون
7
7
7
7

مع تايد للغسيل... مفيش مستحيل.

» عمرك شفت سلحفاه من غير بيتها ........طب تعالى وشوف؟؟؟
» هل وزنك يناسب طولك أدخل وشوف ؟؟؟؟
» مرض القلب المائى
» قوة القلب في سرعة صعود الطوابق
» بالموبايل دقات القلب الى المختبر