إمتحان الباطنه لهذا اليوم........... سكشن هـ

بسم الله الرحمن الرحيم
أولا برحب بكل أصدقائى وزمايلى وبشكرهم على مجهودهم الفترة الكبيرة دى
وكلنا فعلا استفدنا بكل الموضوعات التى طرحت فى المنتدى وقد آن الأوان أن نعمل بهذا المجهود
اليوم .......................... إمتحان شيت الباطنه لسكشن هـ
وأرجوا من أصدقائنا اللى حضروا إمتحانات تانيه النهارده يشاركوا ويعرفونا إيه الأخبار




النهارده كان شيت الباطنه لووووووووووووووووز من الآخر
فاكرين إمتحان النظرى الترم الأول جزء الدكتوره عزيزه هوا كان كده بالضبط
بيقص الجمله من الكتاب العملى وينسخها فى ورقة الأسئلة ويشيل منها كلمه أو إتنين أو خمسه
الإمتحان كان 3 أسئله
السؤال الأول أكمل بنفس النمط اللى حكيت لكم عليه
والسؤال التانى صح وغلط مع التصحيح وطبعا كان كله غلط
والسؤال التالت رسمه واللى كانت عندنا
area of percussion and auscultation in sheep on right side .
وغالبا هتكون هيا الرسمه فى كل السكاشن مع تغيير الحيوان أو ناحية الفحص



المهم الإمتحان كان لذيذ جدا بس بين السطور وبيختار جمل من قلب البراجرافات ممكن جدا تكون ما انتبهتش ليها أو حسيت إنها مهمه
معلومه هامه
لو قالك فى السؤال
mention the best way of clinical examination in case of ..............
وذكر أى حاجه زى الكبد أو الكرش أو غيره بتذكر أفضل طريقه للفحص والدكاتره قالوها فى السكاشن على ما أعتقد ولكن خد بالك
لو قال mention the method of clinical examination in each of the following
بدون ما يقول the best
برده هتذكر أفضل طريقه للفحص والمرجحه لأنه ذكر كلمة method بلفظ المفرد
زى ما جالنا النهارده


أهم جزء تركز عليه أوى هوا الـ
respiratory
Drug administration is not so important
وده كل اللى أقدر أقوله وربنا يوفقكم ويوفقنا
واللى عنده حاجه عايز يضيفها من الناس اللى إمتحنت النهارده باطنه فياريت ما يتأخرش ولا يكسل فى التعليق
علشان الناس تستفيد وكل واحد هيستفيد من اللى أنت هتكتبه هيكون فى ميزان حسناتك يوم القيامه



بالنسبه لإمتحان الباثولوجى بلغنا أنه كان هناك عشر صور ماكرو والحضور الساعة تسعه الصبح مهم جدا وأوعى تتأخر
علشان السكشن كله هيمتحن مره واحده بس فى خلال تلت ساعه بكتيره
والصور مطلوب منك الإسم بس من غير تعليق
وده اللى الناس قالوهولنا النهارده بعد الإمتحان واللى عنده إضافه أو تعديل من الناس اللى إمتحنت باثولوجى يتفضل وما يتأخرش ربنا يجزيه كل خير


اللهم بلغت............................. اللهم فاشهد

لا تعليق يليق بك ياعنانى دمت متالقا

شكرا جزيلا ليك يا دكتور
بس انا نفسي افهم المزاكره من الكتاب تكفي ولا لازم سكاشن
ياريت حد يرد عليا بسرعه يا جماعه وجزاكم الله كل خير

بسم الله الرحمن الرحيم
بنا يبارك فيكم يا جماعة والله بتحرجونى

ويا دكتوره المذاكرة من كتاب العملى وبس
وماتفتحيش السكاشن وعلى ضمانتى
شيت الترم الأول والترم ده بيقول كده
وزى ما قلت لحضرتك الجمل فى أكمل بتبقى قص ونسخ
وربنا يوفقكم يارب

تمام جدا بس بيقولوا urinary لازم سكاشن لان الكتاب مش فيه حاجه
نتصرف ازاي احنا بقا

يا دكتوره هوا مش محتاج غير اللى فى الكتاب
وقسم الباطنه بيلتزم باللى موجود فى الكتاب حرفيا
ودى مش أول مرة نجربه
صدقينى إلتزمى بالكتاب فى الأجزاء كلها وإنتى مش هتندمى

ماشاء الله يا دكتور ربنا يبارك فيك بجد
مافيش كلمه شكر تليق بيك
ربنا يوفأك