حالات عسر الولادة وكيفية علاجها

الولادة من اهم الحاجات اللي لازم يكون الطبيب البيطري قادر علي تنفيذها باي طريقة مناسبة وتعتبر اختبار جاد لقدرة الطبيب البيطري علي التعامل مع الحالات لانها يا ابيض يا اسود ما ينفعش نفتي فيها زي الباطنة والمعدية
المهم هحاول اتكلم باختصار عن حالات عسر الولادة المختلفة
----- غالبا الطبيب البيطري اخر من يلجأ اليه المواطن في حالات الولادة الدكتور بيروح يلاقي ناس كتيرة تدخلت قبليه وكله فشل
المهم من اهم الاشياء قبل ما تحاول تفحص اي حاجة ان عنق الرحم يكون في تمام الانفتاح عشان ما نشدش بغشم ونسبب تمزق عنق الرحم rupture of cervix اللذي يؤدي الي وفاة الام
لو لقيت العنق فاتح هتبدأ تدور علي المشكلة فين اول حاجة نبص عليها هي وضع الجنين هل طبيعي ام لا
بالنسبة للوضع الطبيعي تلاقي القوائم extended والدماغ وسطهم هنا هنشد علي طول من غير مشاكل
وهوصفلكم الاوضاع الغير طبيعية لمتكررة في الفيلض
----1-----
head deviation التواء الدماغ لليمين او الشمال
كيفية التعامل معاه انك تجيب حبل غسيل وتعمل خية في مقدمته وتدخل بيها بين صوابعك لو كان الجنين حي تدخل الخية في الدماغ والفم الضغط هنا بيكون علي عظم الجمجمة
لو كان ميت تحط الخية في الفك السفلي وتشد
لكن بصراحة انا بستعمل الخية في الفك السفلي سواء كان حي او ميت لان حكاية انك تدخل الخية في الدمخ صعبة جدا تطبيقها في ارض الواقع
-----2---------
carpel flexion ودا اسهل من تعديل الدمغ بكتير
طريقة التعديل انك تمسك ال claw كويس وتلف الرجل لجوا ناحية جسم الجنين وفي نفس الوقت تشدها عليك عشان تعدلها لو لقيته صعبة نوم الحيوان هتلاقيها جات بسهول معاك
----3-----
shoulder flexion
,ودي اقل تكرار وعلاجه بمساعد الحبل لكن المرة دي مش هنعمل خية وندخل باحد طرفي الحبل نلفة علي منطقة الكتف ونطلع من الناحية التانية ونشده هيتحول الي carpel flexion نكمل زي رقم 2
-------------------
ممكن تروح تلاقي الناس مطلعين الدماغ واحد الارجل برا والرجل التانية متنية لجوا وهنا لازم ترجع كله لورا عشان تعدل الرجل دي وبعدين تطلعه معدول ------ احيان تروح تلاقيهم مطلعين الرجلين وعمالين يشدوا لكن الراس deviated ووهنا برضه لازم تزق الحاجات دي لورا وتعدل الوضع
------------------

المشكلة التانية بعد الاوضاع هي انك تلاقي الناس اللي قبلك فتحوا الاغشية الجنينية وكان الوضع مش مظبوط فلما تروح وتعدل الوضع تشد الجنين تلاقيه مش جاي معاك لانه نشف بعد نزول السوائل الجنينية وهنا سوف نحتاج لحاجة تقوم بالزفلطة او تزحلق الجنين للخارج لاننا لو شدينا كدة ممكن الرحم يطلع مع الجنين وتعملنا مشاكل اكبر
يتم استخدام الفزلين او زيت البرافين ليقوم بمحل السوائل في عملية الزفلطة
------------------

المشكلة التالتة نك تلاقي فيه التواء رحمي سواء بزاوية 45 او درجة 90 الاكثر تكرارا وهنا ننوم الحيوان علي الناحية اللي ناحيتها الالتواء ونقوم باللف للناحية الاخري(عكس ناحية الالتواء بعد وضع عرق خشب كبير او فلق او نخلي حد يقعد فوق البطن قدام الضرة ليثبت الرحم مكانه في اللحظة اللتي يتم فيها لف الحيوان
نكرر اللفات حتي يتم فك الالتواء وبعد كل لفة يتم الفحص لرؤية هل انفك ولا لا
يجب تلافي الاخطاء مثلا ما نسرحش او ننسي ونلف الحيوان ناحية الالتواء لان كدة ممكن نعمل RUPTURE OF UTERUS
بعد فك الالتواء نشوف عنق الرحم فاتح ولا لا لو لسة مش في تمام انفتحة نحقن لويتاليز وديكسا ووفولون لو متوفر
---------------

مشكلة اخري هي انعدام الطلق UTERINE INERTIA ودي سببها نقص كالسيوم او هرمون الاوكسيتوسن ونعالجه باوكسيتوسن وكال دي ماج لو فشل انزال الجنين بالشد ودي بتتكرر في المعيز تلاقيها نزلت وا حد ولا اتنين والتالت مش قادرة تنزلة فنديها كال دي ماج غالبا تروح منزلاه تاني يوم
---------------

المشاكل التانية انك تروح تلاقي الناس فقعت الاكياس الجنينية في حين ان عنق الرحم مش فاتح تماما هنا هنحقن لويتاليز وديكسا وفولون عشان نسرع من عملية توسع العنق قبل الجنين ما يموت
----------------
فيه اوضاع اخري تانية بس انا تكلمت عن الاكثر تكرارا
يعني مرة كانت حالة والجنين ميت بس كن ضهره تحت ورجليه فوق نومنا الحيوان علي ضهره وحاولنا التعديل لكن خفنا ع الام من صعوبة الشد والجزب فقمنا بتقطيع الجنين وكدة كدة هو ميت
-----------------
حالات اخري موجودة لكن لم اراها ان يأتي الجنين بالعرضTRANSVERSE
وهنا لازم نشد الجنين لبرا من طرف ونزق الطرف الاخر لجوا ويفضل اننا نشد الطرف الامامي عشان فيه الدماغ ونزق الطرف الخلفي لجوا لحد ما يتعدل الوضع ويصبح longitudinal وبعد كدة نشد

جزيت خيرا

الله عليك هوا كده المواضيع
أنا كنت فى حالة ولاده مع الدكتور اللى بتدرب معاه كانت الحاله لسا مادخلتش فى ميعاد الولاده المحدد اللى كان فاضل عليه بعض ايام يعنى نعتبرها premature birth وبعد ما الدكتور دخل ايده طلب منى امد ايدى فوجدت الـ cervix كان fully dilated وحسيت الجنين ولكنه كان جاى بالرجل الخلفيه وكان وضع distocia واسمه dog sitting position يعنى الجنين جاى بمنطقة الـ hunch بالذيل والرجلان الخلفيتان ممتدتان الى الداخل فبعد التعديل والتعب الشديد وباستخدام الحبل قدرنا نخرج الجنين بس كان طبعا ميت والرحم كان سليم من غير نزيف .
وبعدين الدكتور خلع الجواند وكان على وشك انه يغسل وقالى مد ايدك اطمن على الرحم وشوف ليكون فيه نزيف ولا حاجه فلما مديت ايدى وبعنايه وهدوء ومن غير توتر ( مهم جدا تبقى دى حالتك علشان تلاقى اللى انت بتدور عليه ) وبتحسس الرحم من الداخل وجدت جنين اخر وبرده كان جاى بالرجل الخلفيه فقلت للدكتور فلبس جواند تانى وبدأ يربط الرجلين الخلفيتين بالحبل وبالشد خرج الجنين التانى وكان برده ميت .
والشاهد ان لازم تاخد بالك جدا ومن الاهمية بمكان حاجتين بعد ما تخرج الجنين وهما :-
اولا تمد ايدك مرة تانيه علشان تدور على جنين تانى او تشوف لو فى نزيف وتطمن على فصل المشيمه
وثانيا لازم الام تقوم تقف بعد الولاده باى طريقه علشان تطمن انها مش بقت dawner وان كانت milk fever يبقى عليك بالكالسيوم من زجاجه الى اربع او خمس زجاجات وفى حالات بتعدى كده .
ويا جماعه معلومه مهمه جدا الـ milk fever ممكن تيجى قبل الولاده او بعد الولاد وفى الحالتين الكالسيوم مهم جدا علشان الام وعلشان انقباض الرحم سواء قبل الولاده علشان يخرج الجنين أو بعد الولاده علشان يخرج المشيمه .
معلش طولت عليكم بس يارب تكون المعلومه كويسه وتستاهل .

ى حظكم ع اللى بتعملوه بجد تحفه ربنا يجزيكم عنه خير

ياعنانى يا بتاع الفيلد يا معلم

» بعض امراض الخيول وكيفية الوقاية منها
» الولادة كلاكيت اخر مرة
» امتحان الولادة
» يلا بينا نجمع الولادة
» سكشن مراجعة الولادة