اسرار البنات الكيميائيه والفيزيائيه

أسرار البنات

اسم العنصر: الـبـنـت

الخواص الفيزيائية:

1. يصل لدرجة الغليان لأتفه الأسباب.
2. يمكن أن يتجمد في أي وقت.
3. يذوب بسهولة عند معاملته بالشكل اللائق.
4. شديد المرارة إذا لم يستعمل بالطريقة الصحيحة.

الخواص الكيميائية:
1. عضو نشط جداً.
2. غير مستقر.
3. يملك حساسية قوية للذهب والفضة والبلاتين والأحجار الكريمة.
4. عنيف إذا ترك وحيداً.
5. قابل لامتصاص كمية هائلة من الطعام الدسم.
6. يتحول إلى اللون الأحمر عند وضعه بجانب عنصراً مشابهاً أكثر جمالاً.

الاستخدامات:
1. يتميز بصفات جمالية تؤهله لأن يصلح للزينة في أي مكان.
2. محفز مثالي للحصول على الثروة.
3. افضل العناصر المبددة للدخل التي عرفت حتى الآن.

تحذير:
قابل للانفجار إذا وضع في مأزق.

ههههههههههههههههههههه دة اية الجمال دة

ديه مش اسرار
هو ده الواقع
و(الستات اادام)
هاهاهاهاهه
الله ينور...................... يابحراوي

ههههههههههههههههه
فعلا دي مش اسرار ها دا الواقع

ودا اللي بيزيدنا جمالا وتألقا
ويزود تمسكم بينا وعدم قدرتكم ع العيش بدونا

زي مابيقولوا احنا الفلفل والشطه اللي بنخلي للحياه طعم

هههههههههههههههههههههههههههههه
فعلا الفلفل والشطه اللى بتخلى للحياه طعم بس لما بتزيد بتعمل مشاكل فى الهضم وإمساك وحاجات تانيه الله أعلم بيها
تسلم إيدك يا بحراوى معبر والله يا ابنى
وحشتنى والله يا أخى

ههههههههههههه
اللي بيخلي في مشاكل في الهضم وامساك وحاجات تانيه
أنكوا بتحطوا منها زياده شويه فشئ طبيعي لازم تتعبوا

مش برده لكل فعل له رد فعل مساوي له في المقدار والقوه

يبقي بردوا نقول مييييييييييييييييييييييييييين السبب؟؟؟؟؟؟؟؟؟؟؟؟؟؟؟؟؟

الستات طبعا مفيش كلام
وبعدين بصى للخصائص بتاعة العنصر وانتى تعرفى رغم إن فى بعض الخصائص التانيه يعنى مثلا

1- البنت عنصر مشع يصيبك بالعمى إذا أنت حاولت أن تملأ نظرك منه.
2- البنت عنصر ذو طباع حاده إذا حاولت الإختلاط به فإنه يصيبك بتقرحات بدنيه على الوجه والقفا وربما على الصدر والظهر ( طبعا من اللى بيعمله أبو ورده )
3- يصيبك هذا العنصر الغريب بالأرق الشديد وعدم النوم إذا تملك تفكيرك أما حين تمتلكه فإنه يصيبك بأمراض متنوعه يدخل من ضمنها السكر والضغط وأمراض القلب بأنواعها وربما وافتك المنيه إذا حاولت أن تمتلك منه أكثر من النسبه المصرح بها شرعيا .

وكتير لو الواحد حاول يكتب في العنصر ده مجلدات هتنفذ الأقلام والأوراق ومش هيكون كتب فيهم ربع اللى فيهم لكن كل اللى نقدر نقوله سبحان الخلاق ." ويخلق مالا تعلمون "

هههههههههههههههههههههههههه لابجد ختمتها يادكتور عنانى شايل ده كله فى قلبك وساكت

بس بجد عندكو حق انتو فعلا ماكدبتوش الاعتراف بالحق فضيحه قصدى فضيله

ههههههههههه

حلوة اوى

بس معرفش ليه د/ البحراوى حاطط البنات على دماغك وزاعق ع طول كده؟؟

بس معرفش ليه د/ البحراوى حاطط البنات على دماغك وزاعق ع طول كده؟؟


والله يا اهلاويه جدا انا مقصدش بالموضوع ده اساءه للبنات او حاطط البنات على دماغى وبعدين انتو النص الحلو ههههههههه يعنى من غيركو ما نسواش بصله ههههههههه بسى انا نزلته من باب الضحك والهزار واعرف ايه رد الفعل بتاع البنات من الموضوع ده

i did know

أهلاوية جدا كتب:

i did know

يا اهلاويه بقى فيه حاجه برده كده ازاى تجيبى فعل فى الماضى وراه فعل فى المصدر يا لا لضياع اللغه الانجليزيه هههههههههه على العموم اسمها i know وده الزمن المضارع او كنتى تقولى i knew وده الزمن الماضى لاما من الاول كنتى تريحينى وتكتبى بالعربى انا عارفه هههههههههه يلا ادى حصه انجليزى ببلاش ههههههههه

لا حصة الانجليزى تاخدها عندى انا بقى

هيا لما قالت Idid know كانت تقصد التأكيد يا دكتور

لو تفتكر كنا خدنا إنك لو عايز تأكد الفعل اللى أنت بتعمله ممكن تستخدم قبله verb to Do

بس برده كان الأفضل إننا نقول I do know لإن استخدامها فى حالة الماضى بتدل على سابق المعرفه قبل وقوع الحدث .

معلش يا جماعه لو اتخنقتوا منى نصيبكم هتعملوا إيه ؟

ايه الفصاحه دي كلها
مادقوش قووووووووي كدا

هههههههههههههه

معرفش المووضوع ده وقع ف ايدى تانى ازاى

صح يادكتور عنانى انا اقصد اللى انت بتقوله

ان بعض الظن اثم

مالها اللغه العربية الفصحى يعنى

هههههههههههههههههههههههههههههههههههههههههههه

بجد فظاعه يعنى مفيش غير البنات هى اللى ليها اسرار كيميائيه وفيزيائيه

يعنى الولاد محرومين من تلك الخصائص

ده من اهم خصائصهم انهم عندهم حته التريقه ع البنات وانهم يقللوا من شأنها وقدرها

ويعنى ما شاء الله هما اللى بيفهموا كل حاجه والله صعبانين عليه لانهم اكتر حد بينضحك عليه

الله يسهلكم ى دكاتره


نايس توبك ى دكتور

شكرا لمرورك يا د/لؤلؤه
بس على فكره انا برده كنت نزلت موضوع تانى اسمه الخواص الفزيائيه والكيميائيه للولد وبرده ليهم خصائص يعنى مش البنات بس وتفضلى اللينك بتاع الموضوع علشان ماتتعبيش نفسك وانت بتدورى عليه
[ندعوك للتسجيل في المنتدى أو التعريف بنفسك لمعاينة هذا الرابط]

يا سلام عليك يل بحراوى موضوع فى الجون

شكرا ليك يا محمد بس انا منزله من شهر 8 اللى فات