حكم التسمى بعاشق وعاشقه فى المتديات

أى خدمه معلومه ببلاش أهه
وبعدين يعنى إيه بعشق ماحدش يقدر على العشق يا جماعة لإنه بيستوجب من التضحيات مالا يقوى عليه كل من يدعى أنه عاشق
يعنى البنت تقول بعشق النبى نقولها طيب يا بنتى النبى أخبر بلعن الله للنامصه تقولك ما أنا عارفه وتطنشك
والولد يقول بعشق النبى تقوله طيب يا ابنى إلتحى يقولك دى سنه أمال يعنى إيه بعشقه بقى إذا كانت سنته بتطنشها
أنا بصراحه ما عنتش فاهم الناس تقصد إيه بالحب
الشاعر بيقول
من يدعى حب النبى .................... ولم يفد من هديه فسفاهة وهراء
فالحب أول شرطه وفروضه ...........إن كان صدقا طاعة ووفاء

أنا أثق بعقلى الشيخ لما بيقول حاجه يبقى لازم يجيبلى عليها دليل والشيخ اللى بيعمل كده بحس إنه بيحترم عقل الواحد لكن كونى أصدق شيخ بعينه وآخد من كلامه هوا بس علشان بحبه وهوا ممكن يكون أصلا مش فاهم حاجه يبقى معلش العيب فيا أنا
أنا عندى مخ وأقدر أوصل بيه للحق والنت مش مخلى حاجه صعبه أدخل على جوجل واكتب حكم كذا هيجيبلك الحكم على طول لكن يا أختى المشكلة إن اللى مقتنع فينا برأى لإنه موافق هواه ما بيبقاش عايز يشوف غيره ولا مستعد إنه يعرف خلافه حتى لو كان هوا غلط

أيوه بس شيخ واحد ما ينفعش لإن الشيخ الواحد ده ممكن يقصر يستوفى علمه فى جانب ويقصر فى جانب آخر
يعنى المذاهب الأربعه إيه اللى أدى إلى إختلافها فى بعض الأحكام ؟
إختلاف الدليل يبقى أنا أتبع صاحب الدليل الأقوى ومفيش حاجه اسمها أنا حنفى ولا مالكى ولا شافعى ولا حتى حنبلى
أنا متجرد لله من أى مذهب ولا أتبع إلا صاحب الدليل الحق فربما الشيخ الآخر قد غاب عند الدليل ولم يعلم به أصلا الأمر فى البدايه ما كانش زى دلوقتى يا جماعه ده كان الشيخ أو العالم بيقطع آلاف الأميال علشان يبحث عن حديث رسول الله وربما على ما يوصل المكان اللى هوا رايحه يكون الشيخ اللى راح عشانه مات
مش زى دلوقتى لو فتح النت هيجيب فتوى العالم حتى لو فى كازاخستان فلازم نعذر المقهور بالدليل وأقدر إنه اجتهد فى الحصول على الدليل ولكنه لم يبلغه وكلم سادتنا يكفى أنهم حبسوا وقتهم للعلم عن الله ورسوله وربما هجروا أوطانهم وأهلهم فى سبيل ذلك جزاهم الله عن الإسلام خيرا

نحن لا نتعصب لأشخاص ولا لمذاهب وإنما نتعصب للحق أنى وجد ومن أى فيه خرج

انا اعرف ان العشق مش من الاسلام


بس اول مره اعرف حرمانيتها كالقاب تقال

ثانكس