احنا الشعب نص .. والحكومة نص

تمام يا عجينه بس سامحنى لو قولتلك الشعب ما أحملوش أكتر من 10% لكن الحكومة أحملها الباقى لإن ببساطه الشعب ده هوا الشعب اللى حارب وراء لواء صلاح الدين وطرد الصليبيين من العالم العربى هما أجدادنا واحنا أولادهم وصفاتنا هيا صفاتهم لكن للأسف الحكومه دى مش هيا حكومة صلاح الدين
الشعب ده هوا اللى قاتل ورا قطز ووقف زحف الطوفان المغولى وزلزل عرش المغول لكن للأسف الحكومه دى مش هيا حكومة قطز
الشعب ده هوا اللى قدر يعمل بيه محمد على نهضة مصر الحديثه ويجعلها فخر الخلافه العثمانيه ببساطه لإنه حط كل واحد فى مكانه فقدر يبدع فيه رغم إنه كان جبار ومتكبر لكن كان بيفهم وعنده هدف بس للأف الحكومه دى مش حكومة محمد على .
كان عندنا مدرس إقتصاد فى الثانوية العامه كان دايما يقولنا كلمه لسا معلقه فى دماغى وهيا اللى أنا مقتنع بيها وهيا السلم بينضف من فوق مش من تحت والهرم بيتبنى من تحت مش من فوق
عارف معناها إيه ؟
يعنى لما يكون فى فساد يبقى أول حاجه أبص فوق وأنضف لكن لما أكون هبنى على نضيف يبقى أبص الأول لتحت وابنى فى الناس وأعلمهم وأأدبهم
صعب يا أخى على ناس عاشت عصور من الخضوع والإهانه والجبروت من حكامهم إنهم بين يوم وليله يطالبو بحقهم لازم الأول أعلمهم إن ليهم حق وأعرفهم يطالبو بيه إزاى وبعد كده أخليهم يطالبو
صعب عى واحد إتعود إنه يرمى الزباله قدام بيته إنه ييجى من نفسه ويبطل يرميها لأ كمان ينزل ينضفها من قدام بيته لازم الأول أعلمه خطر الغلط اللى عمله ويعرف إن فى عقاب عليه وأعرفه فائدة الصح لما يعمله ويعرف إن فى ثواب عليه .
أنا أعتقد لو الحكومه اتصلحت ونفضت إيديها من الفساد والظلم والمحاباه والمجاملات على حساب الشعب أكيد بعد كده هتفكر إزاى تصلح حال الناس وساعتها الناس هتخضع لها فى الصح زى بالظبط ما خضعت لها فى الغلط من قبل .

تقريبا الاخ محمد عجينة حزب وطني
لكن في جزء من كلامه صحيح

كلامك صح