مبارك: عاوز أعرف ليه الكهرباء بتقطع مع إن عندنا إنتاج كبير من الكهرباء؟

هههههههههههههههههههههههههههههههههههههههههههههههههههههههههههههههههه
الكهربا بتقطع ليه ؟
مش عارف
إلا صحيح يا جماعة سؤال هوا الرئيس عنده تكييف ؟ ولا مراوح زى عندنا كده ولما تقطع الكهرباء بيبقى هيموت من الحر والجو المخنوق
إحنا النور قطع علينا إمبارح فى صلاة القيام كنا فى الأول ورغم إن الشيخ بقى يخفف فى القراءه وما يطولش بعد ما خلصنا يمكن كنا هنتزحلق على الأرض من العرق اللى غطى الأرضيه فى المسجد
أنا بصراحه كملت الصلاة واعتبرتها جهاد فى سبيل الله الواحد كان فعلا بينزف عرق .
بس بصراحه الريس يستاهل تكييف هوا الكهرباء ممكن تقطع عن الريس ؟
يعنى ممكن يكون فى الحمام والكهرباء تقطع عليه ؟ ولا دى تبقى جريمه قوميه إننا ممكن نخض الزعيم
مش عارف أنا أحيانا بسأل أسئله هبله أوى أكيد طبعا الرئيس ماعندوش تكييف وممكن يكون شارى المروحه اللى عنده بالقسط كمان وأكيد الكهرباء بتقطع عنده وممكن كمان يكون علشان ما دفعش وصل الكهرباء . هوا الرئيس بيدفع وصولات كهرباء وميه وتليفون زينا كده ولا ممكن يكونو مدخلين له الحاجات دى ببلاش علشان ظروفه الصعبه
هوا يعنى شغال إيه ده رئيس جمهوريه بياخد كام يعنى ؟ إلا صحيح هوا الريس ممكن يكون بياخد كام ومين اللى بيديله مرتبه ؟ هوا الريس موظف حكومى ؟
معلش أنا شكلى هيست أعذرونى