بركات.. مرفوع من الخدمة الدولية ........

بصراحه ربنا يستر عليهم فى الجزائر وياريت من غير جماهير مصريه خالص علشان الفريق يلعب من غير ضغط
مش عايزين هزيمه تانيه من الجزائر فى المرحله الجايه على الأقل

اوك يادكتور بس ماتعليقك على ترك بركات المنتخب؟؟؟؟

بركات أدى وعمل اللى عليه وإذا كان عايز يرحل عن المنتخب للسبب ده فعلا يبقى أنا أحترم قراره وبعدين المنتخب مش هيقف عند بركات مع إحترامى ليه وتقديرى للعبه ورجولته فى الآداء

بقى راجل كان هيصعدنا كاس عالم تقول عليه كده


بس ع فكره ده احسن قرار هو اصلا هياخد من ورا المنتخب ايه لافلوس ولا حاجه

كل اللى هياخده اصابات والراجل بصراحه اما سدقنا خلص م الموضوع ده

هو المنتخب كان هيخلي الناس بره تبص عليه وهو مش عايز يحترف

فخلاص فى داهيه المنتخب

ماله الاهلى يعنى

أنا مش عارف إنتى فى إيه بينك وبين المنتخب مش طايقاه كده ليه
أنا على العكس منك تماما يتحرق الأهلى على الزمالك على كل فرق مصر لكن أهم حاجه عندى المنتخب
على الرغم من حبى للأهلى لكن ما أفضلوش أبدا على المنتخب

انا عارفه ان تفكيرى غريب شوية

بس اسمى ع المنتدى اكبر دليل

طيب وممكن يكون إيه السبب ؟
حمى الأهلى أصابتك مثلا وانتى صغيره
أصلها لما بتيجى للواحد وهوا صغير ما بيعرفش يتخلص منها أبدا غير لما تجيله وهوا كبير زيى مثلا فبيتعايش معاها عادى يعنى
يعنى أنا بحب الأهلى وبشجعه جدا لكن ما أتخيلش إن ممكن يجيلى أزمه قلبيه لو الأهلى خسر ماتش مهم ولا حاجه ولا أتخيل إنى ممكن أعمل وليمه لإن الأهلى خد بطوله ولا أتخانق مع صاحبى علشان بيشجع الزمالك مثلا الحاجات اللى بنسمع عنها عن المشجعين دى
ولا ممكن حتى أخسر دولة شقيقه علشان ماتش كورة أنا بحب الكوره لكن ترفيه بس مش أكتر
الكورة عندى مش هدف سامى يعنى مثلا عمرى ما حلمت إنى أسلم على أبو تريكه ولا أبوس محمد بركات مع إنى بحبهم كتير الكوره جميله بس مش أجمل حاجه وتشجيعها لذيذ بس وقت الجد يبقى ولا حاجه .
ده رأييى بصراحه

المنتخف مش هيقف على اهلى ولا زمالك وولا اسماعيلى والله لو حسن شحاته نزل المحافظات هياخد منها لعيبة كويسة جدا يعمل بيها منتخب المهم اسم مصر يكون فى كل مكان خلونا نكسب فى حاجة بقى هنفضل نخسر فى كل حاجة يعنى

حسن شحاته مين: اللى جايه ممعاه ببركة دعاء الوالدين

معرفش بس شكل مامته بتدعيله

باايضاله فى القفص بصراحه

لما تلاقيه واخد كل لاعيبة الاهلى يلعبوا فى المنتخب طب مانجيب البدرى كمان يدرب



تانى حاجه ياد/عنانى

انا قلت قبل كده انى شجعت الاهلى وانا كبيره

ومكانتش حمى ولا حاجه متخافش

يعنى برضه مبعيطش لو الاهلى خسر بس بتقهر نفسيا لو اتظلم او خسر

وكمان مش حلم حياتى انى اسلم على حد فيهم مش لان السلام حرام لا حتى ولو شفوى

بس اكيد لو شفتهم فى الشارع صدفه مش هبقى حزينه خاصة لو واحد محترم زى ابو تريكه



فمش كل اللى بيحبوا الاهلى مهبولين للدرجة دى يعنى


انا اكيد بحب منتخب بلدى ولو لعب هشجعه ضد اى دوله

بس صعب اوجه كل مشاعرى وحبى للاهلى للمنتخب

يعنى مابتقهرش لو المنتخب خسر وبفرح جدا لو حد م الاهلى جاب جون فى المنتخب

واصلا بتفرج ع المنتخب عشان ابو تريكه

وهاتلى واحد مابيتفرجش ع المنتخب عشان ابو تريكه








وبعدين نرجع ونقول اللاعيبه اكتر ناس بيستفيدوا من الكوره ماديا وكل حاجه يعنى

يعنى انا مش هستفيد حاجه بس انا بحب اشجع الاهلى ولاعيبته مافيهاش حاجه يعنى

بركات تقريبا انتهى من حسابات المنتخب من بعد 2007 بعد دورة الالعاب العربية في القاهرة لانه شارك في 2006 كاس الامم وماتش واحد في دورة الالعاب الرياضية العربية
انا بقول كفاية عليه كده وبعدين في ليه كذا بديل في نفس المركز وكفاية مجهوده مع الاهلي وممكن نعوضه بالاخ شيكابالا

تسلملى روحك الرياضيه يا متعب باشا وحلوه الأخ شيكابالا دى

ثانيا يا أهلاويه أنا لما اتكلمت عن المشجعين الأهلاويه والحاجات اللى بتحصلهم دى ماكنتش أقصد حد أنا كنت بقصد وانا بكتب حوادث حصلت لناس بعينهم وأكيد سمعنا عنهم فانا ما كنتش بفترض حد غير أصحاب الحوادث دى
وبعدين مالك اتعصبتى كدا حد جاب سيرة الاهلى بسوء وأنا ما قلتش انك مهبوله بالاهلى ولا حاجه بتحبيه مافيش مشكله كلنا بنحبه بس بصراحه أول مرة كنت اشوف حد بيفضل فريق على المنتخب
وده وجه استغرابى غير كده آسفين للإزعاج واننا عصبناكى وانتى صايمه سورى

لا على فكرة حسن شحاته مش ماشية مع بالحظ ومبحبش الكلمة دى اصلا لان مش هتمشي بالحظ 3 كؤوس على 6 سنين
انا اهلاوى جدا جدا بس بحب الاعتراف بالحقيقة لانها بتوصلنا لاماكن بنتمنى نوصلها