تعمل ايه لو قابلت الرخم ده

مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعنى الجاكتة

فالأولانى قال له:نعم ؟

فالتانى قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

ايه؟

الكرافتة.....الكرافتة بسرعة

حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية

آه .معلش فكلى زراير القميص

لااااا دانت زّودتها أوى ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدى زراير القميص خلاص فكتها... دا كان يوم ايه المهبب ده، ها أى أوامر تانية؟

أيوه قلعنى بقه القميص

ياسيدى عيب مايصحش كده، دا احنا فى الشارع خللى عندك دم ..... لا حول ولا قوة الا بالله

أرجوك أرجوك بسرعة.....مفيش وقت

دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى

ارسملى على ظهرى خطوط بالطول وخطوط بالعرض

حسبى الله ونعم الوكيل...انت مجنون ياراجل أنت؟؟؟؟

من فضلك....أرجوك

رسمتلك زفت بالطول وزفت بالعرض

رقملى بقه المربعات للى اتكونت على ظهرى بالارقام من 1 الى 40

ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى فى المربع رقم 33

بس بس ياد انت

برده مش قلت هتعمل ايه لو قابلته

هعمل زى ما قال بالظبط وأخلعله المربع ده خالص من على ظهره

انا بقه هكمل جميلى واقللعه الجزمة وانزل بيها فوق دماغة وعلى قفاه!

انا بقه هكمل جميلى واقللعه الجزمة وانزل بيها فوق دماغة وعلى قفاه !
هو ده الكلام المظبوط

وعلى فكره يا بحراوى البنات أساتذه فى الحاجات دى خير من يضرب بالجزمه يعنى
يا ويله اللى بيقع تحت جزمتهم بيشوف علقه سوده
ربنا يعافينا .

ما تقلقوش الجزمة مش بتشتغل غير مع الناس ال مش محترمة والرخمة. اما الناس المحترمة بنشيلها فوق راسنا

وانا اية اللى يخلبينى استنة علية لحد الموضوع ما يطور للدرجة دية دنا اول ما يقولى اقلعينى الجاكيتة هتف فى وشة وانصر ا لشوز اللى انا لبساة ايا كان على دماغة ودماغ اللى يصد
رلة
ونفترض انى وصلت للدرجة دية هطعنة بالخنجر فى المربع دة
ويلا ربنا يسامحنى

ده حظه هيبقى أسود لو وقع واحد زى ده معاكى يا أميرة القلوب
ربنا يتغمده برحمته
فى الجنه ونعيمها إن شاء الله

فعلا واحد رخم قوي بس انا ممكن اكون ارخم منه
اسلط عليه عيال صفيره في الشارع وادي كل واحد فيهم 10 جنيه ويزفوه لغايه بيته ويقولوله المجنون اهوا المجنون اهوا

وما ادراك بقي بالفضيحه اللي هيكون فيه وبكدا احرمه يرخم ع اي حد تاني

كل واحد 10 جنيه إنتى كدا هتبوظى العيال
يا بنتى علبة كولا تروقى بيها العيال ولو قولتيلهم أعملو قرود هتلاقيهم بيتنططو ع الشجره

يا بنتى مش كاكولا
كولا بتشديد اللام اللى بتتشم إنتى من مدغشقر ولا إيه ؟
دى هيا المزاج كله عن أطفالنا رجال المستقبل

لا انا بقى ولله الحمد كنت كنت يعنى بلعب كارتيه اهه فرصه ارجع امجادى من تانى واعمله كل المربعات اللى هو عايزها بس على وشه من الضرب هههههههههه

هههههههههههههه
فكره كويسه بس ماتستبعديش ان رحم زي دا مايكونش معاها الجزام الأسود

ويتقلب الموقف من رخامه لخناقه
وساعتها ياتري هنقول يارحمن يارحيم ع مين فيكوا؟؟؟؟؟؟؟؟؟