مذكرات بنوته عايزه تتجوز

اليوم : أحد الأيام

التاريخ : مش فاكرة ـ هو تحقيق ؟

الوقت : الصبح وأنا رايحة الكليه

اللى حصل ......

نزلت من بيتنا لرحلة العذاب اليومية فى الميكروباص .... بطرف عينى لمحته على أول الشارع .... شاب طول

بعرض .... وسيم .... جوه نفسى صرخت (( وااااااااااااااااو )) مشيت باتزان ولا باين على اى حاجة .... بس

بصراحة هو يتاكل أكل البدلة جنان والشعر ولا ليوناردو دى كابريو فى تيتانيك ... وماسك شنطة ... دبلوماسى ده

يا خواتى ولا ايه !! جه الميكروباص ...حشرت نفسى فى الكرسى الوسطانى .. وكانت المفاجأة ...صاحبنا ركب

جنبى ..... يا حلولى يا حلولى .... قولت لنفسى أربطى يا بت ....

بعد حوالى محطة لقيته فجأة قالى

(( لو سمحتى حضرتك مرتبطة ؟؟؟؟؟ ))) صرخت جوايا (((( جوووووووووووووون و جون وجون وجون ))

رديت بكل تناكة ( هو ده يخص حضرتك ؟؟؟؟))

وشه راح لون وجه لون وقالى

( بصراحة انا دوغرى انا متابع حضرتك من فترة وعازم انى اتقدم حضرتك لو مافيش مانع ؟؟؟؟ ))

فضلت بنفس الوش الخشب بس جوايا كنت بقول ((( هيييييييييييييييييه ))

قولتله ( متهيألى موضوع زى ده ميبقاش هنا وبما انك متابعنى يعنى عارف بيتنا يعنى ممكن تيجى وتسأل والدى ـ
فى حاجة تانى ؟))

حسيت انه أنكبس بعيد عنكم

بس مش مهم ما انا قولتله ممكن تسأل والدىيعنى مقفلتش الباب برضه .....

هنا جاء صوت الصبى اللى بيلم الأجرة مثل الرعد (( يا فنديا فيه اتنين مدفوعش هتركبوا ببلاش ولا ايه ...؟؟؟ ))

لسه همد ايدى واطلع الفلوس من الشنطة لقيت صاحبكوا ثار وقالى (( لالالالا يا أنسة أنتى كده بتشتمينى أنا

مقبلش ان واحدة هاتقدم لها تدفع وانا معاها )) حسيت ان الرجولة نقحت عليه وانا منظرى هيبقى نص كم فى الميكروباص سبته دفع ............
نزلت من الميكروباص لقيته ورايا وقالى (( يلا ادينى وفرت لك أجرة الميكروباص النهاردة أخر الشهر وتلاقى الأمور

مش تمام )) بينى وبينكم استفزنى وجرح كبريائى وانتوا متعرفونيش رحت بكل جرأة فاتحة الشنطة وطلعت كل ما

أملك و والنهارده كان ميعاد الجمعية وبكل ثقة قلتله(( الحمد لله الخير كتير ))

فى لمح البصر يا اخوانا لقيته قبض على الفلوس اللى فى ايدى وحطهم فى جيبه وقالى (( خلاص بقى خليهم

معاى تذكار ) وقبل ما أنطق كان البعيد راكب ورا واحد على موتسيكل وبيشاورلى

( هبقى أردوهملك لما أجى أخطبك ))

بقى (( اللى هو ماى ماوس ....فمى يعنى ))

ده يا اخوانا اتفتح على مصرعيه زى ما بيقولوا وحسيت بالفك السفلى

خاصم الفك العلوى بشكل وحش ............ ......... .....

ولأول مرة أعرف يعنى ايه الشعور بالبلاهة .... الأشارة فتحت .. والكلاكسات بييب يبيب ...... وانا ولا هنا ...... هبل وجانى بعيد عنكم

اخينا شكله كده طلع حرامى

ههههههههههههههههههههههههههههههههههه
حلوه مووووووووووووووووووت
حتته كبسه
الحمد لله ان الواحد مابركبش المواصلات
دا بيحصل بلاوي
بتوع الملاكي أرقي
هههههههههههههههههههههههه

لالالالا ديت احسن من بتاعت السن توب
شكرررررررررررررررررررررا

جمييييييييييييييييييييييييله يا بحراوى تسلم إيدك يا كبير
وعلى فكرة الميكروباص أحسن من الملاكى
بيدعم الشعور بالأخوه لدرجة إننا بنبقى لازقين فى بعض ومش قادرين ناخد نفسنا من الحب يا جدعان

ههههههههههههههههه
أيوا فعلا الميكروباص بيدعم الأخوه لدرجه اني بلاقي محفظتي في جيب اللي جنبي
والله منتهي الأخوه

ههههههههههههههههههههههه حلوة جدا دى ربنا يقدرك وتساعدى حرامى غلبان
الناس عايزه تصيف يا جماعة وده من حقها اللى مش لاقيين بقى يعملوا إيه ؟
إنتى فهمتينى صح يا infintude فعلا هيا دى روح الأخوة اللى على حق إنتى أخت أخت يعنى مش أى كلام

والله مانا فهمانا حاجه

ع العموم اللي مش لاقين يبتخبوا عناني اللي ان شاء الله هيجبهم ورا الشمس

أجيبهم ورا الشمس مين يا ماما
ده أنا هجيبلهم الشمس لحد عندهم أنا ليا بركه غير ولاد بلدى
أنا بس أمسكها وهخليها بظرميط والكل هيصيف بس البحر غدار والناس بتغرق كتير اليومين دول
أنا مش بخوفكم لا سمح الله أنا بس بوعيكم

ماشي يا أبني
بردوا عندك حق التوعيه خير من العلاج

ههههههههههههههههههههههههه
ماما زمانها جايه جايه بعد شويه شايله سنج وحاجات كتير كده مش عارف هيا إيه بصراحه

الشنطه ماكنش فيها سنج وحاجات
كان فيها بطه ووزه وكانوا بيقولوا واك واك واك
من فضلك ماتحرفش في الأغنيه عشان فؤاد المهندس والأطفال الصغيرين مش يزعلوا منك

يعنى مش سنج
وكمان وزه وبطه إيه الريش ده كله ؟
ع العموم إحنا عينينا لفؤاد المهندس والأطفال الصغيرين

هههههههههههههههه. تجننوا يا كتاكيت!!

هههههههههههههههههههه
ضحكتى بوتشى علينا ازاى .......... كتاكيت دى آخرتها فيه رئيس جمهوريه يتقاله كتاكيت برده

ههههههههههههههههه
لأ طبفا رئيس الجمهوريه بتاعنامش كتكوت دا هوا ديك كبير ونافش ريشه كمان علينا

اما انا بقي فأيوا انا كتكوته صغنونه

هههههههههههههههه

لالا جامده موووووت صعبت عليا والله مشكلة العنوسه بقى

» اسمع اللى انت عايزه من القراء