البنت أحسن من الولد

بعد البحث والتدقبق ثبت أن البنت أحسن من الولد :
1- البنت بتتكلم براحتها فى التليفون وأبوها أو جوزها هو أللى
بيدفع الفاتورة فى الأخر
2- البنت مش ملزمة تجهز نفسها أبوها أو البيه (خطيبها) هم أللى
هايدفعوا دم قلبهم
3- مفيش حد بيبص على بدلة العريس كله بيبص على فستان العروسة
4- لو واحدة عملت مخالفة وعيطت شوية للظابط هايعديها لو راجل
هاياخد على
دماغه
5- لو واحدة ماأدتش قرايبها عيدية مش
هايقولوا عليها بخيلة
...هايقولوا أصل العيب على جوزها
6- لو واحدة أتأخرت على المحاضرة ممكن الدكاترة يدخلوها لو ولد
هايقولوا روح يابابا كمل نوم برة فى الشمس
7- لو حصل زعل بين البنت وباباها مش هايطردها برة البيت ...وهى
بس يادوب تعيط شوية وبابا هايروح يصالحها علطول .... أما الولد فايدوب
يلحق مكان ينام فيه جنب البواب
8- دلع البنات:
ياختى قميلة ( سنتين )
ياعسولة ( 5 سنين )
ياعروسة ( 12 سنة )
ياقمر ( 18 سنة )
يا هانم ( 40 سنة )
يا أم العيال ( 50 سنة )

يا ست الكل ( 60 سنة )
دلع الولاد :
انت ياد ( 10 سنين )
انت ياشحط بقيت طول الباب ( 18 سنة )
يارا جل ( 40 سنة )
ياعم الحاج ( 50 سنة )
ياراجل يا عجوز مناخيرك أد الكوز ( 60 سنه )
شوفتوا ان الولاد مظلومين وحقهم رايح أوى
لكن البنات ماشاء الله
الله أكبر عليهم
مش عايزين حسد من الناساللي بتتغاص منا00000000
هما عارفين نفسهم

يعنى أنا لو رديت هبقى منهم ولا إيه ؟

بس أنا على فكرة مش عارف نفسى يعنى لو حد يعرفنى ممكن يتصل عليا يبلغنى عموما الموضوع كالعادة بيرد على النظرة الشرقيه للرجل الغلبان التعبان اللى طالع عين أهله فى الشغل لحساب زوجته اللى ماصة دمه وجايبه أجله .

إمتى المجتمع الشرقى يفوق من كبوته وينفض عنه ظلم المرأه وتجبرها وإستحواذها على الناتج القومى عن طريق الرجالة اللى شغالين عندهم زى الكلافين لازم نناضل من أجل أن نعيد للرجل حقوقه المسلوبة فى مجتمع لا يعترف إلا بالمرأة ويهمل الرجل .

اللي ع راسه بطحه بيحسس عليها هههههههههه

وياساتر يارب أنتوا دايما كدا
قال ايه احنا ماصين دامكوا
داحنا بأقل فلوس بنعيش وراضين ومستحملين ذلكوا وساكتين
ومع ذالك بيطلبوا بحقكوا
أه ماهوا اللي اختاشوا ماتوا

اقتباس :

اللي ع راسه بطحه بيحسس عليها

أنا الحمد لله راسى نضيفة ولسا مغسل يعنى لا بطحة ولا يحزنون

اقتباس :

داحنا بأقل فلوس بنعيش وراضين ومستحملين ذلكوا وساكتين

ساكتين ده أنتو فاضحينا وسط سكان العالم خليتو العالم التلات المتخلف يضحك علينا منكم لله ضيعتوا سمعتنا خليتوا الناس يقولو ستاتهم بتمشيهم . بس وليه ما هيا دى الحقيقة هننكر يلا ربنا ع الظالم والمفترى .

اقتباس :

أه ماهوا اللي اختاشوا ماتوا

طيب الحمد لله إنهم ماتوا وعقبال البواقى

أنا أصلى قلبى كبييييييييييييير يعمله ييجى نص كيلو كده فلازم أملاه ولا أسيبه فاضى يعنى فيعشش فيه العنكبوت بقى وعايزين ننضف وشغل الربو ده ..................... ربنا يستر

هههههههههههههههه
ماشي يابو قلب كبيييييييييييييييييييير

والله حرام دايما ظالمين الولاد كدا

ياعاني ليك حق والله ياجمال الولاد مظلومين ومهدور حقهم ياعاني

قطعت قلبي والله اربا اربا

إربا إربا ....................... إيه المسلسل التاريخى ده ؟
الكلمة دى ما استعملوهاش من أيام إزدا العدى أبو جهل .

طسأت طسأة فسقطت فى البلبع هههههههههههه كان قالهالنا مدرس العربى بتاعنا معناها إيه ؟
يلا والجايزة تى شيرت أنت تاخد التى وأنا آخد الشيرت .هههههههههه

طسأت طسأه فسقطت في البلبع

أيه الطاسه اللي أنت واقع فيها؟؟؟؟؟؟؟؟

يارجاااااااااااااااااال العالم اتحدوااااااااااا
الواضح ان احنا الايام اللى جاية دى هنطالب ان شاء الله بالمساواة بالمرأة

يافضيحه الرجاله
ماتقولش كدا أستروا ع نفسكوا

واضح بقي علينا اننا هنجيب رجالتنا من الصين بعد كدا طالما ما فيش رجاله في البلدي

يعنى انتى بتقولى البنت احسن من الولد وبتاع طب عايزانى اعمل اية

ترد رد ديبلوماسي
مش تقول يا رجال العالم اتحدوا

يتحدوا ايه اكتر من اللي هما فيه
أنت عايزهم يبيدوا النساء بقي

ههههههههههههههه فكرة والله وعلى فكرة يا ميتشو أنا بقى شايف إن ده الحل الأمثل للقضاء على مشاكل البشرية

أنا معاكى يا infintude بس رأيك نبدأ بمين ؟ ههههههههههه

ها ها ها ها ها ها ها ها ها
عاجباك اوي دي ياعناني قال تبيدوا النساء قال
وكمان عايزني أقولك تبدا بمين
دا عشمم ابليس في الجنه
دا البنات دول هما حلوه الدنيا ما بتوجدوش في مكان الا اما يخلو حلو كدا ومسكر زيهم

تخيل كدا المنتدي من غير البنات وبالأخص انا
كان ايه حالكم؟؟؟؟؟؟؟؟؟؟؟؟؟؟؟

اة طبعا فى دى عندك حق احنا نقدر نستغنى عنك