لماذا تكذب المرأة على زوجها ؟

الله عليك يا حوده جميل القمال الرائع ده

بس مش الزوجات الى بتخشى أزواجها بس هيا اللى بتكذب على زوجها فى بعض الأحيان حب المرأة الزائد لزوجها يدفعها إلى الكذب عليه فى أمر قد تظن أنه سيسبب له حزنا أو ألما أو ضيق .

فأحيانا إذا ما تعبت المرأة واشتد ألمها ألما عضويا وسألها زوجها كيف حالك تقول بخير حال والحمد لله رغم ما يعتريها من ألم خشية أن تحمل زوجها هما أو ضيقا من مرضها وأنا أعلم نساء على هذا .

هناك نساء تحمل طباعا تجعلك تود أن تهرع إلى الزواج علك أن تلاقى مثيلتهن وهناك نساء تحمل طباعا تجعلك تنفر من الزواج وكأنه داء تخشى أن يصيبك ضرره .

ولكن أنا عندى سؤال للنساء والرجال على حد سواء تعتقدون يا أصحابى من الأشد إحتياجا إلى الزواج ؟ المرأة أم الرجل ؟ ومن الذى يفكر فيه أولا المرأة أم الرجل ؟ وما الأسباب إلى ذلك ؟

يلا موضوع نقاش إجتماعى أهه على غير عادتى علشان ما نشمعش المنتدى ولا حاجه . وربنا يستر .

هو فى مجتمعنا البنت بتبقى عايزة تتجوز اسرع لخوفها من انها تعنس مثلا وكل ماتتاخر عن الجواز تبتدى تخاف ان قطر الجواز يفوتها عكس الراجل اللى اكيد عايز يتجوز بس ممكن ياخر الموضوع مثلا لغاية سن 25 او 30 او حتى 40 كل واحد حسب ظروفة
اما من الناحية العضوية اكيد الاتنين عايزين الجواز لان دى سنة الحياة وتعمير الارض هيا دى الرسالة اللى ربنا خلقنها عشانها
وبعدين انت غبت لية النهاردة من التدريب ياعنانى طب انا راجل بايع القضية وبعدين رايح لاختى فى مصر عشان عقبال عندك بقيت خال لكن انت غايب لييييييييييييية

اما عن استفتاء عناني
أنا راي ان المرأه هي الأشد اجتياجا والأولي في التفكير في الزواج لعدده اسباب

المراه كائن ضعيف يحتاج للشعور بالأمان
والأمان هو الرجل الذي يحميها من اي شئ

والأسر المصريه دايما بتقول لبناتها
ان البنت ضيفه في بيت ابيها وبيتها الحقيقي هو بيت الزوج فهذا يؤثر ع تفكير البنت

ومن طبيعه المراه انها تحب ان تشعر بانها أمير وسيده عرش وهذا الحساس لا يتحقق الا في بيت الزوج مش دايما بيقولوا ان البيت هو مملكه المراه وعشان كدا بنلاقي مشاكل كتييييييييير مع البنات اللي بيجوزوا في بيت عايله

والمرأه عارفه وواثقه انها خلقت أولا للزواج والعمل داخل منزلها وانتاج اطفال صالحين ليس للعمل خارج المنزل

كلامكم صح لحد كبير. بس احيانا بتلاقى البعض سواء بنت او ولد رافض الجواز لانه هيفقد الحرية وهيحس دايما ان فى رقيب عليه
وف الاخر هيدفعه للكدب. لكن فعلا اهم سبب بيجذب البنت للزواج هو انها تحس انه الملكة المتوجة على العرش

أنا متفق معاكى جدا يا infintude فى السبب الأول وهو حاجة المرأة إلى الأمان بالفعل المرأة تحتاج دائما إلى رجل تتستر وراءه وتستمد من قوته مهما إدعت المرأة من القوة والإستقلالية وما إلى غير ذلك من أسباب واهيه أمدتنا بها الحضارة الغربية التى تريد أن تخرج المرأة عن طبيعتها وأن تعاملها مثل الرجل فى كل شئ بينما هى كائن رقيق لا يقوى على ما يقوى عليه الرجال .

والدتى كانت قالتلى حكايه مش عارف صحتها إيه بس بتأكد المعنى اللى بنتكلم فيه .................

بتقول كان فيه زوجه على خلاف مع زوجها وفى يوم ضجرت الزوجه من زوجها وذهبت إلى منزل والدها ولما حكت له ما كان من قسوة زوجها ثار الوالد قائلا " مش أنا اللى بنتى يتعمل فيها كده أنا لازم أطلقك " وما أن سمعت الإبنة تلك الكلمة حتى تجمدت مكانها وكأن صاعقة من السماء قد نزلت عليها ودخلت مسرعة إلى أمها تبكى أشد البكاء ليس مما فعله معها زوجها وإنما مما سمعته من أبيها أنه ينوى تطليقها فتحدثت الأم إلى الوالد ولكن دون جدوى وأصر الوالد على موقفه فى سخط شديد على الزوج فأدركت الأم أنه لابد لها من حيلة تثنى بها زوجها عن قراره .
أرسل الأب فى طلب الزوج ليخبره بقراره وليتم إجراءات الطلاق فلما قدم الزوج إلى بيت حماه هو ووالده وأخيه وبعض من أهله وجلس الجميع فلما أخبر الوالد صهره بقراره أصر الصهر على أن يسمع بأذنيه من زوجته أنها تبغى الطلاق منه وهى على عكس ذلك فقال الأب مستهزئا " بس كده من عينيا " ثم طلب الأب ابنته لدخول المجلس وهنا أعدت الأم حيلتها فأمرت إبنتها أن تتجرد من ثيابها ولا تبقى عليها إلا الشئ اليسير الذى يستر مالا يجب فضحه ففعلت الإبنه ثم أمرتها أمها بأن تدخل على أبيها ومن معه فى المجلس فاستغربت الإبنه طلب الأم ورفضت رفضا قطعيا وأصرت الأم وهنا دفعت إبنتها دفعا إلى المجلس أمام الناس فوجدت نفسها فجأة أمام الناس فإلى من كانت وجهتها حتى تتستر فيه من عيون الناظرين ؟؟؟؟؟؟؟؟؟؟

بالطبع كما خيل إليكم إنه الزوج أسرعت إلى زوجها تتستر فيه وتخفى نفسها خلف ظهره وما كان منه إلا أن خلع عنه عباءته مسرعا ولفها بها وضمها إليه وهى تبكى وهنا أدرك الأب الحقيقة أنه مهما بلغت محبته فى قلب إبنته ومهما رأت فيه إبنته من الحماية والمنعة فإن زوجها هو حصنها الحصين الذى تلجأ إليه وإليه فقط إذا عظم الخطب واشتدت النازلة فقال لصهره بخضوع المدرك والفاهم " قوم يا ابنى خد مراتك وروح بيتك " .

كلنا يعلم مدى إحتياج المرأة إلى أن يكون لها زوج يدفع عنها كيد الحياة ويحمل عنها ألمها .

اللهم ارزق كل شاب فتاة صالحة تعينه على دينه ودنياه وتحفظه فى عرضه وماله وبيته وأولاده وارزق اللهم كل فتاة زوجا صالحا يكون لها كما كان النبى الكريم صلى الله عليه وسلم لأهل بيته من الود والحب والرحمة .......... بالطبع مع فارق المنزلة للنبى صلى الله عليه وسلم وأهل بيته .

وألف ألف مبروك يا جناب المشرف العام ويارب تبقى خال بجد كويس وجميل وتكون قدوة صالة لأبن أختك أو بنت أختك ولازم تقولنا طبعا هيا جابت إيه ومستنى السبوع .

انا كمان سمعت القصة دى ياعنانى. زى مابنقول بالبلدى كده الراجل ومراته ستر وغطا على بعض

حكايتك حلوه قوي ياعناني
ودا فعلا اللي بيحصل مع اي زوجه انها مهما يكون زوجه مزعله ولكنها ترفد الأنفصال

وأنا دايما ماما بتقولي انك اما تجوزي وتيجي عندنا البيت هتكوني حاسه انك غريبه ومش واخده راحتك فيه
ودا فعلا بيأكد أن صعب ع الزوجه انها تهد بيتها بل بتحافظ عليها الي ابعد حد لدرجه انها ممكن تتنازل عن اخطاء جسيمه بيعملها بعض الأزواج اللي عينهم فارغه عشان البيت يفضل قائم


ومبروك طبعا لمشرفنا العزيز ميتشو وأنا برده مستنيه السبوع مش تتوصي بس بالسكشن بتاعك

تمام يا بوتشى وزى ما بنقول برده الراجل ومراته زى الجردل والغطاء أما بقى مين الجردل ومين الغطا فدى معروفه بيتهيألى هههههههههههه

وبعدين يا infintude الراجل لما عينيه تبقى فارغة ده بيكون للزوجه فيه ضلع ليس بالصغير فالرجل يبحث بالخارج عما لا يجده فى بيته وطبعا علشان نتجنب ده لازم نتمسك بديننا ونصبر على الفتنه ولازم الزوجه تعين زوجها على التمسك بدينه لأن ده هيصب فى مصلحتها برده فى اللآخر .

طبعا الراجل هو الجردل وده ببساطة لأن لما وحدة بتضحكله بيقع زي الجردل ولو اتجوزها يبقي جردلين ! هاهاها

ههههههههههههههه حلوة
الراجل جردل علشان فكر يتجوز أصلا كان فاكر إنه هيلاقى غطا بس للأسف بيلاقية غطا متخرم من كل ناحية ما يعرفش يقفل ع الحاجه اللى جواة وعلى طول الأسرار عماله تطلع منه .

بصى يابوتشى بالنسبة للراجل جردل لانة لما بيشوف واحدة حلوة بيدهول لا انا اختلف معاكى مش عايزين نعمم
اما ياعنانى الغطا مفيهوش اخرام ولا حاجة الاخرام دى الراجل والست هما اللى بيعملوها اولا قبل الارتباط كل واحد واخد فكرة غلط الراجل حاسس انة داخل سجن اما البنت فحاسة انها داخلة معركة واخيرا هيبقى ليها بيت تتحكم فية براحتها وتسيطر علية والنتيجة حياة مملة بعيد عنك

وبعيد عنى ليه ماهو أذى ولابد منه وأيام بيضه هنشوفها هنشوفها .

بجد توبيك جامد
تسلموا كلكوا يادكاتره على النقاش الجميل ده

metcho كتب:

بصى يابوتشى بالنسبة للراجل جردل لانة لما بيشوف واحدة حلوة بيدهول لا انا اختلف معاكى مش عايزين نعمم
اما ياعنانى الغطا مفيهوش اخرام ولا حاجة الاخرام دى الراجل والست هما اللى بيعملوها اولا قبل الارتباط كل واحد واخد فكرة غلط الراجل حاسس انة داخل سجن اما البنت فحاسة انها داخلة معركة واخيرا هيبقى ليها بيت تتحكم فية براحتها وتسيطر علية والنتيجة حياة مملة بعيد عنك

فعلا زي ماقولت
ودا بسبب التفكير الغلط في شكل الجواز والأسره
وكمان الراجل والست بيجوزوا لأنها سنت الحياه مابيبقوش عارفين هما عايزين ايه من الجواز
وأيه هوا الهدف الأساسي منه
وعشان كدا بتبقي حياه روتينيه وممله مووووووت

ع فكره اللي عايز السعاده بيقدر يحققها بس محتاجه بعض التنازلات

دة اية العقل والكلام المظبوط دة انا هحسد كدة

لا وحياتك هيا مش ناقصه خلي الواحد محافظ ع شويه العقل اللي عنده

وأه بردوا تنويع