هوه طوارئ ....... شعر جامد بجد من الآخر .

هوه طوارئ
ولا مطارق
شيئ مش فارق
اوعى تكون قاعد متضايق
ظابط جندى
...عامل افندى
جه مشى عندى
ضربنى ف ودنى
رحت انا زاعق
قالى طوارئ
اققفل بؤك
لاحسن ازقك
واكسر حٌؤك
قمت سالته
قولى جريمتى
ليه تضربنى
قول اكدلى
انا مسطول
ولا انا فايق
قالى طوارئ
خدنى سحلنى
وغمى عنيه
وراح دخلنى
على المدريه
قلت ارحمنى
وفك اديه
رد شتمنى
وشخط فيه
قلت سعتك
انا مش سارق
قالى طوارئ
فتحم محضر
مكتوب فيه
ان المخبر
شاف بعنيه
ان معايا
نص جنيه
مرسوم فيه صورة حامورابى
على طول شك ان انا ارهابى
وبعد ما فتش جوه جيوبى
اتاكدله ان انا متواطئ
قلتله معناها ايه متواطئ
قالى طوارئ
فك عنيه وبصلى بصه
وراح مدينى شلوط واتوصى
وقال هديلك اخر فرصه
اوعى اشوفك يوم فى مظاهرة
والا هتبقى فضيحتك جرسه
قلت له صادق
قالى طوارئ
فجأه سمعت هيصه وزيطه
وحطوا وشى فوش الحيطه
قالوا الباشا وصل ياحسام
رد يافندم كله تمام
دخل الباشا...
وقالى اتقدم هنا قدام
ايه تهمته دوة يا حسام
قاله ياباشا عامل مقدام
شوفناه ماشى رافع اعلام
قلت ياباشا دى كت شمسيه
كنت شريها لزوجتى هديه
اصلى شافتها فى ايد نبويه
وزجتى سعاتك مخها طاقق
قالى طوارئ
رد وقالى
روح واوعى اشوفك تانى
يالله غور من هنا ف ثوانى
خدتها جرى لحد البيت
مراتى شافيتنى
وهات يا صويت
مش قولتلى راجع ف دقايق
مالك كده راجع متضايق
قلت سبينى انا مش طايق
قالت ابداً
لازم اعرف
ايه اللى شقلبلك حالك
قولت طوارئ
هوه طوارئ
.................................................................................................
ودى قصيده تانيه بعنوان هلل واستهبل واستعبط . عن الساده رؤساء وملوك الدول العربية

هلل واستهبل واستعبط
واستعرض نفسك باللؤم

وافضل مستنكر ومندِد
...
وممدِد على كرسي الحُكم

طب ما انت مطبَّع مع ليفى

ومسَلِّم دقنك لـ كوهين

وسيادتك أرضك متَّاخدة

ومُحتلة ومقسومة إتنين

وسعادتك عادتك معروفة

الشجب وضرب الكفين

وجنابك دايماً بتهاود

ومطاطى الراس والخدين

وجلالتك مبسوط بالكرسى

والحاشية الماشية فــ صفين

وعَظمتك ساكت ومسَكِّت

الأمة بقالك قرنين

وفخامتك مش بس مطَبَّع

لأ ده انت مرَكِّب قرنين

وفضيلتك أصبحت موظف

واهى فرصة تطلع قرشين

ونيافتك جايب م الآخر

ومركِّب دايماً وشين

وسموك على أرضك قاعدة

بتوجه صواريخها لـ فين ؟

ومعالى الغالي مِكَبَّرها

ومنَفض ومغَمض عين

إخوانَّا مش لاقية اللُقمة

مع ذلك كِرشك مترين

خليك متعلَّق بالكرسي

ومتعلَّق فى رقبتك دين

.....................................................................................................
القصيدتين منقولتين من الفيس بوك صفحة أنا اسمى خالد محمد سعيد

المهم إنها كويسة سيبك من المنتدى والكلية دى كلها حاجات بتاعة ربنا
قل لن يصيبنا إلا ما كتب الله لنا

ايه ده ياعناني يانت ماعرفتش انهم لاغو ومنعوا هذا القانون
والحمدلله عملةنا قانون الارهاب ودوت من اهم الحاجات اللي حصلت في فترة سيادة الريس السادسة من الحكم الانهائي
وبعدين الشعر بتاعك مبالغ فيه جدا لان مافيش حاجة زي اللي انت بتوله ده بتحصل
ارجوك تحرى الدقة لان الحاجات ديه ما باقتش تحصل الان و
Modern دلوقتي اصبح فيه حاجات
اخر حااااجة جامدة مووووووت
زي حاجة حكاها واحد من المساجين السابقين والكلام ده على ذمته ان ظابط امن دولة اجبر مسجون على
بلع فأر حي

الواحد يتشد من قفاه ف الشارع ويقولك طوارئ
الواحد حزين ع البلد وبحس بمرارة لوجيت اتكلم وبفضل اسكت .أو بمعنى ادق بخرس!!!!!!!!!!!!!!!!!!!!!!!

الطوارئ معناها مفتاح الإباحة لكل محظور
يسجن الناس فى المعتقلات بلا محاكمة لسنين طوال ........................... طوارئ
يقتل الناس على الطرقات وفى الشوارع ...........................................طوارئ
يفتش الرجال والنساء على حد سواء بإهانة وتهجم من كلاب الأمن وبكل وقاحة ............. طوارئ

هنقول إيه دى حاجة تجنن فى رئيس يحكم 30 سنة هى فترة حكمه يحكمها كلها تحت ظل الطوارئ بتحصل فين دى ؟.................. آه آسف نسيت إن إحنا فى مصر

من عينيا دى مصر هيا أمى وست الحدايد يا حديدة
وسمعنى سلام وطنى حبيبى الوطن الأكبر يوم ورا يوم أراضية بتتبعتر

شكلنا هنقفل بدرى الترم دا ياعنانى ههههههه

عيب عليك هوا أنت لوحدك اللى هتحط البصمة الرئيسية ف المنتدى أنت فتحت المنتدى وأنا هقفله متعادلين ههههههههههههه

ربنا ما يجيب قفل ولو إتقفل يا سيدى نبقى نفتح غيره وهكذا دواليك

إحنا نفسنا نخدم بس والله وبعدين إنتو ناس عسل وتستاهل ههههههههههه

يلا ربنا يتقبل بس ويجعله فى ميزان حسناتنا

هذا من فضل ربى ربنا يرزقنا الهداية جميعا يا رب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

وطبعا دى صورة خالد محمد سعيد اللى قتلته الشرطة فى إسكندرية من الضرب المبرح ودى صورته بعد الضرب اللى إتعرضله ومات على إثره .

[ندعوك للتسجيل في المنتدى أو التعريف بنفسك لمعاينة هذه الصورة]

يا لهوى يا ريس دى البلد بتحبك بشكل وحش
بس فى النهاية بنقولهم

[ندعوك للتسجيل في المنتدى أو التعريف بنفسك لمعاينة هذه الصورة]

لا بجد كلمات ولا اروع


تحفه بجد


منتظرين المزيد يادكتور