تضامناً مع غزة .. كاسياس يرفض الإحتفال بكأس العالم ويساهم في "أسطول الحرية 2"

كشفت "الحملة الأوروبية لرفع الحصار عن غزة" عن مساعيها للمساعدة في بناء
أسطول الحرية 2 المقرر أن يبحر إلى قطاع غزة أواخر شهر سبتمبر المقبل.


وطبقاً لموقع "جي جي نيوز" الإسباني فإن الحملة الأوروبية لرفع الحصار
عن غزة ستقوم قريباً بإجراء إتصالات مع عدد من اللاعبين الدوليين
المشهورين، لا سيما في أوروبا، من أجل إستطلاع إمكانية مشاركتهم في "أسطول
الحرية 2".


ومن جانبه، قال رامي عبدو عضو في هذه الحملة من باريس "بعد أن أبدى
العديد من الرياضيين إهتمامهم في المساعدة ببناء أسطول الحرية 2, سنقوم
بإجراء إتصالات جدية مع عدد من النجوم في فرنسا وإسبانيا أمثال الحارس إيكر
كاسياس لنرى إمكانية مشاركتهم في كسر الحصار عن غزة".


وأشار عبدو إلى أن التحركات والإتصالات تتم في سرية تامة، لا سيما حول
أسماء اللاعبين المتوقع مشاركتهم في "أسطول الحرية 2" تحسباً لتعرضهم
وأنديتهم لضغوط من قبل الإحتلال الإسرائيلي خاصة أنه مارس ضغوطاً على الدول
الأوروبية لمنع مواطنيها من المشاركة في الأسطول.


فيما قال كاسياس قائد منتخب إسبانيا ونجم فريق ريال مدريد في تصريحات
نقلها الموقع "من المستحيل أن نضحك ونمزح في ظل الأوضاع التي تحدث في
غزة,حيث من الصعب الإحتفال بكأس العالم طالما أن غزة تحت الحصار".


ومن جانبه، لام رافائيل نادال لاعب التنس المصنف رقم "1" عالمياً،
إسرائيل فيما فعلته في فلسطين وغزة أواخر 2008 أوائل العام 2009.


الجدير بالذكر أنه تم تأجيل إنطلاق "أسطول الحرية 2" حتى أواخر سبتمبر
أو أول أكتوبر المقبل نظراً لتوسع قاعدة المشاركة من الدول الأوروبية.

أنا بصراحه بدأت أحس أن القضية الفلسطينية أصبحت عبئا ثقيلا على المسلمين والعرب بوجه خاص وقد بدأو يصدرونها إلى الغرب الذى يظنون أنه يقوى على تحملها رغم أنه لا علاقة له بها والمسلمون مرتاحون بل ويبتهجون أن الأوربيين هم من يتخذون مساعى جدية لدفع إسرائيل لرفع الحصار عن غزة والتعامل مع القضية الفلسطينية بجديه وعداله .

أتعلمون ؟ هذا هو نتيجة الضعف الذى آلت إليه بلادنا بفضل قادتنا الحكماء الذين يضمنون لنا سلاما شريفا وكريما بالإنحناء تحت أقدام الأسياد الأمريكيين والإسرائيليين وتقديم فروض الولاء والطاعة لإلاههم إسرائيل وتابعه المخلص أمريكا .

ذلك السلام ليس شريفا أبدا وليس كريما على الإطلاق بل هو سلام مضمخ بدماء إخواننا فى فلسطين وأبنائنا ونسائنا وقد رأينا ذلك جليا فى حرب إسرائيل الأخيره على قطاع غزة وكيف أن مصر أغلقت حدودها فى وجه اللاجئين الفلسطينيين إليها من قطاع غزة الذين يهربون وأولادهم ونساءهم من الموت ضمانا للسلام الذى ينعم به علينا أسيادنا فى إسرائيل وخشية أن يصبوا جام غضبهم علينا إن نحن ساندنا الفلسطسنيين أو حاولنا حتى إنقاذهم من الموت .

إخوانى أنا أرفض أن أرضخ تحت وطأة قدم اليهود أو أن أكون تابعا لهم لمجرد أن أحمى نفسى من الموت بل أقدم روحى رخيصة فى سبيل عزة دينى وأمتى وإن كانت حكومتى غير قادرة على أن تحمينى وأن تحمى معتقدى من أعدائى فأنى لا أسلم لها زمام أمرى ولا أئتمنها على أمنى وسلامتى .

تتغنى بلادنا العربية والإسلامية ومصر بوجه الخصوص لأنها الدولة الأبرز عربيا وإسلاميا أنها لا تستطيع مجابهة الولايات المتحده الأمريكية ولا تقوى على حربها فكيف لها ذلك وكيف ذلك لأى دولة ؟ لابد أن تكون مصر قادرة على أن تحارب أى دولة مهما عظمت قوتها وأن تتصدى لأى عدوان مهما كان مصدره وإن كانت لا تستطيع فعليها جلب أمور الإستطاعة وأن تسلح نفسها وأن تعد رجالها وجيوشها وأن تعزز ثقتهم بقدرتهم على التصدى لأى عدوان خارجى وقبل كل ذلك عليها أن تعزز ثقة شعبها بها وبأنفسهم وبأن بلدهم قادرة على التصدى لأى عدوان مهما كان .

سامحونى على الإطالة ولكنها من عادتى كما أعتدمونى فأنا لا أستطيع أن أدع موضوعا حتى أستوفيه من جميع جوانبه كما أراه وهذا ما أرى ولله الفضل والمنة وأرجوا من الله أن يكون ما كتبته زادا إلى حسن المصير إليه وعتادا إلى يمن القدوم عليه إنه بكل جميل كفيل وهو حسبنا ونعم الوكيل .
أخوكم فى الله محمد عنانى .

مين اللى يتحد يا infintude واحد عايز يصلح والتانى عايز يخرب يبقى منين هيجتمعوا ؟
كلنا عارفين عباس وولاؤه لليهود زيه زى حسنى بالظبط وزى كل الرؤساء العرب وخوفهم منهم وفتح ما عادتش فتح بتاعة زمان اللى كانت بتحارب اليهود وتدافع عن الأقصى اليهود إستأنسوهم وروضوهم يعنى ما عادوش بتوع حرب والكلام الفاضى ده .

أما حماس فلسا عايزه تحرر ولسا السوس اليودى ما نخرش فى عضمها ولم يبلغ منها الجهد حتى وإن كان بعض المنتمين لحماس بدأ يبيع بس لسا الغالبية العظمى والحمد لله لسا على الحق بإذن الله .

إحن ليه معتقدين إن السلام هوا اللى هيرجع الأقصى ومش معتقدين إن الحرب مش هترجعى رغم إن سيناء لم ترجع إلا بالحرب . يا ترى لو كانت سيناء لسا محتله وكان عرب سيناء عمالين بيحاربو اليهود علشان يحرروها وعمنا حسنى عمال يفاوض ويفاوض مش عارفين إذا كان بيفاوض علشان يستعيد سيناء ولا اليهود مقبضينه وعمال يفاوضهم علشان يموت القضية مع الزمن . بس كل اللى إحنا عارفينه إنه ما إستعادش أى شبر من سيناء بالمفاوضات بتاعته دى .
إحنا كمصريين وشباب مصرى حر زى ما بيقولو علينا من زمان يا ترى هننحاز لمين للى عمال يفاوض من غير نتيجه ولا للى عمال يحارب وفعلا بدأ يجبر اليهود على التراجع ولو قليلا ؟ هنكون مع مين ؟

طيب لو عرب سيناء والحكومة المصريه - حسنى يعنى - إختلفوا والحكومة مش عاجبها إن العرب يقتلوا اليهود ويحاربوهم وكذلك عرب سيناء مش عاجبهم إن الحكومة تفضل تفاوض عمال على بطال واليهود شغاله الله ينور وعماله تبنى فى سيناء المستعمرات وتنقل ليها اليهود وكلها شوية صغيرين ويغلب عدد اليهود على عدد المصريين وهنا الواقع الديموجرافى لسيناء هيفرض عليها إنها تكون يهوديه .

إزاى ممكن نطلب من الحكومة ومن عرب سيناء إنهم يتحدوا وعلى أى أساس يا ترى عرب سيناء يتخلوا عن الجهاد ضد اليهود وتفاوض هيا كمان معاهم ولا الحكومه هتتخلى عن المفاوضات وتحارب اليهود مع عرب سيناء .

أكيد مش ممكن هيتفقوا أبدا لأن الإتفاق يعنى أن يتخلى أحدهم عن مبدأه ودول شايفين إنهم صح ودول شايفين إنهم صح . ياترى إحنا المصريين الشباب هنشوف مين اللى صح ولو طلب مننا أن نكون فى أحد الفريقين هنكون فى أنه جانب ؟؟؟؟؟؟؟؟؟

أنا نقلت الصورة بالكامل من فلسطين إلى مصر علشان نحط نفسنا مكان الفلسطينيين ونقرر .
أنا عايز الناس ترد عليا وتقوللى هتقف فى صف مين عرب سيناء اللى بتحارب ولا الحكومة اللى بتفاوض من سنين بدون أى نتيجه ملموسه ؟
بس الناس تجاوب مش كل ما أسأل سؤال الناس ما تعبرنيش أنا عايز أعرف رأيكم مش زى موضوع التوقيعات مفيش حد عايز يشارك أصلا .

أنا عارف إنى بخنأكم بس سامحونى أنا بحاول والله أختصر كلامى وأخفف بس لوحة المفاتيح بتغرينى سورى .

إنتى ليه بتحاولى تفصلى نفسك عنهم ................. إحنا شعب واحد وقضيتهم هيا قضيتنا والقدس مش للفلسطينيين فقط القدس لكل المسلمين مش بس العرب .

وبعدين العرب رفضوا من زمان أن تكون القضية الفلسطينية للفلسطينيين فحسب بل جعلوها قضية العرب جميعا وتدخلوا فيها وحاربو من أجلها يبقى إزاى نيجى دلوقتى ونرمى الفلسطينيين فيها لوحدهم ونقولهم دى مش حربنا .

وبعدين لو هنسلم زى ما انتى بتقولى إن القضية مش قضيتنا والحرب مش حربنا طيب ليه بنمنع إنهم يشتروا السلاح ويمروا بيه من أراضينا مش الحرب حربهم وهى حرب مشروعة دينيا كما أفتى بذلك العلماء وعلى رأسهم العلامة ابن باز رحمه الله ؟

المسلم للمسلم كالبنيان يشد بعضه بعضا كما قال رسول الله صلى الله عليه وسلم والفقه يقول إنه إذا حدث عدوان على بلد مسلم وعجز أهل ذلك البلد عن التصدى للعدوان إنتقل وجوب الجهاد إلى أقرب جار مسلم . الأرض المسلمة أض واحده وشعبها شعب واحد وهذه هى القومية بس القومية الإسلامية مش قومية عبد الناصر .

يقول الشيخ أبو إسحاق الحوينى العرب لن يجمعهم قوميات ولا أعراق ولكن العرب لن يجمعهم إلا الإسلام .

ذلك الإسلام الذى يجعل المصرى أخا للفلسطينى أخل للسورى يحمل همه ويدفع عنه الظلم إذا وقع
عليه .

عايزين نفكر من المنطلق ده القضية ليست قضية الفلسطينيين فحسب القضية قضية المسلمين عموما كما هى الحال فى العراق وسوريا فتحرير العراق والجولان فى سوريا واجب على المسلمين جميعا بما أنها بلد مسلم .

اختنا

Infinitude
من كلامك عن الموضوع حاسس انك متاثرة بل ومعجبة بالاعلام المصري الوطني الحكومي الصادق هههههها
لانهم ناااس بيقولوا كلام زي الفل ههههها
ومن ناحية الخيانة فديت حاجة كانت موجودة حتى على زمن النبي صلى عليه وسلم وما حدش يقدر يمنعها ولو احنا فاكرين قصة الصحابي اللي بعت رسالة لقريش بيقولهم ان النبي قادم لفتح مكة وهو كان صحابي
وبعدين احنا من بعد سنة 73 ومصر عمالة تقول انتهى عصر الحروب وبدانا عصور السلام والتنمية حد يقدر يقول هي فين التنمية ديت لو قارنها بدولة زي كوريا الجنوبية او حتى الهند على راي الدكتور زويل مع ان البلدين دولي وغيرهم
كانوا زينا في السبعينات ولغاية التسعينات ودلوقتي هما فييييين واحنا فييين
احنا عندنا عباررررات بتغرق في البحر والناس بتنام في الميه 36ى ساعة في مياه البحر الحمر لغاية ماالقوات البحرية
اللي قاعدة في القاهرة
مع ان القاهرة ليس فيها بحر
لكن القوات قاعدة هناك بتعمل ايه (بتشرب شاي ومنيين)
واتحولت الحرب من حرب مع اسرائيل اللى حرب ثقة بين شعب وحكومته
كفااااااية كده

جميل يا متعب وكلامك بالفعل بيستند لواقع مرير بتحياه الأمه المصرية والعربية والإسلامية بوجه عام .
فعلا أنا عايز حد يقوللى فين التنميه ؟ فين التقدم بقالنا من بعد 73 حوالى 37 سنه ومش عارفين نعمل تنميه اللى عملتها ماليزيا فى أقل من نصف الفترة بتاعتنا دى ليه إحنا مش أقوياء ليه إسرائيل مش بتعملنا أى حساب ؟ عارفين ليه لإننا مش دولة قويه فى أى مجال لا إقتصاديا ولا سياسيا ولا عسكريا مانقدرش نتحمل ربع العقوبات اللى أمريكا عماله تفرضها على إيران ولو حصل يبقى أضمن لكم إننا هنشحت الصبح لإن فلوسنا كلها متهربه فى حسابات فى الخارج وساعة ما البلد تقع مش هتلاقى حد من اللى مطلعين عينينا وناهبينا دول هتلاقيهم طاروا ورا فلوسهم اللى هيا فلوسنا وهيسيبونا إحنا اللى نتحمل المصير ونشيل أوزارهم .

أمريكا وإسائيل مش محتاجين أى موقف رجولى مصرى علشان يعلنو الحرب على مصر هوا مش فارق معاهم مصر أصلا طالما إنها ماشية زى ماهما عايزين وساعة ما هييجى دورها هيخترعولها ألف حجه وحجه علشان يدخلوها والعالم طبعا هيصدق حججهم لإن الأقوى هو الأصدق .

ياريت نفهم كده لإن حكومتنا فاهمه بس مستنيين المصيبه تحصل وهما عارفين ساعتها كل واحد هيعمل إيه إحنا اللى مش عارفين هنعمل إيه ساعتها من غير إقتصاد ومن غير قوة عسكريه ياترى هنلاقى جيشنا ساب الخدمه وكل واحد روح بيته يستنى الموت وسط عياله وما نلاقيش جيش زى ما حصل فى العراق ؟ ربنا يستر