حسام حسن : لايشرفني أن أدرب لاعب مثل "جدو" فهو بدون مبدأ

أكد حسام حسن المدير الفني للفريق الأول لكرة القم بنادي الزمالك علي
سعادته بالمستوى الذي وصل إليه الفريق علي المستويين الفني والبدني بعد
معسكر الإعداد الخارجي في المانيا وسويسرا.


وعبر العميد من خلال التصريحات التي أدلي بها للموقع الرسمي لناديه عن
تفاؤله بالمرحلة المقبلة للفريق الأبيض في الدوري عطفاً علي البرنامج
الإعدادي المعد للجميع.


وفيما يتعلق باللاعب محمد ناجي "جدو" أكد المدير الفني للزمالك أنه
ناديه سلك كل الطرق الشرعية من أجل التعاقد مع اللاعب.


وإختتم حسام التصريحات بأنه لا يشرفه أن يدرب هذا اللاعب فى أى مكان
لأنه يتعامل مع أصحاب المبادئ والقيم فقط وهذا اللاعب ليس له مبدأ.

هههههههههههههههههههههه
من امتى يا عميد ؟

حسام يتعامل فقط مع اصحاب المبادئ والقيم تخيلوا طيب مش إما يعرف ايه هيا المبادئ والقيم الأول

ع العموم مشكور يا عميد لكن الأهلى يشرفه إنه يدرب أى لاعب فى مصر لأنه يقدر يغير أى لاعب ويخليه صاحب مبدأ وإن كان الاعب لن يتقبل ذلك هيعمل بالظبط زى جمال حمزه .

شكرا يا ميتشو ع الخبر

هههههههههههههه طب ماتعرفة يااخ عنانى اية هيا المبادىء والقيم
ثانيا مش عيب على نادى القيم والمبادىء انة ياخد لاعب ماضى لفرقة تانية غير انة كداب ومش قد كلمتة ولا القيم بتاعتة غير القيم بتاعت اى حد

أولا يا أخ ميتشو أنا لو فاضى كنت علمته لكن للأسف ما عنديش وقت .

ثانيا أعتقد إنه عيب على أى نادى مهما كان إنه يحارب علشان يضم لاعب مش عايز يلعبله ولا يكون فى التيم بتاعه ولو الزمالك كلن على قدر النادى الأهلى كان إحترم رغبة جدو فى عدم اللعب له كما إحترم الأهلى رغبة جمال حمزه وتركه يرحل عن صفوف الفريق.

وثالثا النادى الأهلى لما لقى إن جدو مصر على اللعب ضمن صفوفه ووجد إن المستحقات الماليه اللى على الاعب هى مجرد صوره وأن الاعب لم يتسلم أى أموال من النادى ومش عايزين ننسى إن توقيع جدو للزمالك تم بمساعده ومش عايز أقول بضغط من حسن شحاته - لاعب الزمالك السابق - أثناء معسكر الإعداد لنهائيات الأمم الإفريقية الأخيره وده كان لسا لاعب مش معروف وحسن شحاته كان بيمثله كل حاجه بعد ما ضمه فى تشكيلة المنتخب على حساب كثير من النجوم ولكن اللعب لما عرف رغبته الحقيقيه بعد ما زال الضغط بعد الفوز بالأمم الإفريقية .

بيتهيألى صعب نقارن بين مواقف الناديين وحتى بين أسلوب الإدارتين والجهاز افنى فى التعامل مع مشاكل اللاعبين نادى بيقاضى ويسب ويشتم ويطلق تصريحات ضد اللاعب وكأنها حرب بين بلدين ونادى يحترم رغبة اللاعب ويقدر المواقف ويتنازل عن اللاعب بكل أدب ثم يخرج ويكذب كل الشائعات التى أطلقت على اللاعب من قبل جماهيره ومن المنافسين ليعلن أن اللاعب رحل عن الفريق بكل أدب ولا توجد مشاكل .

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
معلش طب علمنى انا بلاش هو
اولا الزمالك مابيجريش وراة عشان يلعب فية هما عايزين حقهم عند البنى ادم دة وكرامة النادى اللى هو مسها وبعد كدة يروح فى 60 داهية
اما بالنسبة للاهلى اللى لقى اللاعب مصر على اللعب عندة انا معرفش والله انتوا بتضحكوا على نفسكوا ولا على مين طالما هو مصر ماراحش من الاول لية
اما بالنسبة لموضوع شحاتة فدة بجد حاجة تضحك وهرد بكلمة واحدة ان اللى بيقول كدة يكسف على دمة لان شحاتة وصل لمرحلة عيب اوى لما نشكك فية, لعيب مين يابابا اللى مصر اللى ممكن حد يضغط علية طب ماكان ضغط على متعب ولا بركات ولا وليد سليمان اللى هو لسة مغمور زى جدو لكن احنا بنقول اى حاجة وواحد بيغنى والباقى بيعنى وراة
وبعدين بشهادة الوكلاء بتوع جدو انة راح الزمالك برجلة وماكانش مصدق نفسة لانة هيلعب فى نادى كبير مفيش حد بقى سقاة مية صافراء ولا شحاتة خطفة ولا حاجة
ربنا يرحمنا بقى

هههههههههههههههههههههههههههههههههههههههههههههههههههه
يا بطنى مش قادر أضحك تانى كفايه بقى

ع العموم هتكسف على دمى حاضر ومش هشكك فى شحاته بس ده مش تشكيك على فكرة ولا حاجه والله الراجل مخلص لناديه القديم وبيحبه ولما لقى لاعب جيد وله مستقبل حب يستقطبه أنا مش بعيب عليه أنا ببرر ليه اللاعب مضى للزمالك مش بشكك ولا حاجه .

ع العموم تسلم ع الرد برده مهما كان .................
بحبك يا أبيض

معلش أنا في كلمه عاوزه أقولها بمناسبة القيم والمبادئ فعلا نادي الزمالك نادي القيم والمبادئ بدليل أخد الحضري ال إدى مصر كلها زمبه وهرب وبعدين رجع وشهر بالأهلي في كل حته وطلع ف الآخر كل كلامه كدب ف كدب ورجع تاني وقعد يتسول الرجوع للأهلي
والعميد مايشرفوش يدرب جدو بس يشرفه يدرب الحضري ولا صحيح دا مش هوا ال بيدرب الحضري دي مهمة مدرب حراس المرمى
أنا مانكرش إن جدو غلطان بس دا مش معناه نهاجم النادي الأهلي إل الزملكاويه قبل الأهلويه عارفين مبادئه

NO comment
الزمالك كبير كبير كبير
طيب المفروض لاعب زي ده مايفرقش مع النادي الكبير
المفرو النادي الكبير
يعمل زي كبير الكبار اللي مافرقش معاه
وائل القباني ولا شيكا بتاع باويك اليوناني ولا عمرو لوكوموتيف
ولا هاني السعيد ولاحسني عبد ربه
ومش حيفرق معاه المعتصم وبالناقص جدو
ليه لان الاهلي فوق الجيع اين كان هذا الجميع

زملائي واصدقائي وحبايبي زمالكاوية او اهلاوية
طبعااختلافنا في الاراء لا يفسد للود بيننا قضية
شكررررر يا اووو على الموضوع
تقبل مروري

ياعبدالرحمن ياحبيبى ماانا قولتك قبل كدة الاهلى فوقك انت مش فوقنا احنا مش عارف انت بتغلط كتير لية ربنا يكون فى العون وبعدين انت غيرت اسمك ولا اية
اما بالنسبة لامال فانا بجد مش فاهم يعنى الحضرى ادى زمبة للاهلى وجماهيرة ماشى لكن لمصر كلها لا لانة قبلها كان واخد افريقيا للمرة التالتة فعلا كان غلطان بس فى حق الاهلى مش فى حق مصر كلها اماحكاية انة يتسول اللعب لنادية القديم فاكيد دة من حقة لانة راجل من زمان وهو فى الاهلى وكان سبب فى 3\4 بطولات الاهلى فى الفترة الاخيرة ومشيانة من الاهلى كان بسبب المعاملة بتاعت جوزية لية وبتاع فدة مايعيبش الحضرىانة عايز يرجع لنادية واعتزر وبتاع لكن الاهلى رفض ودة من حق الاهلى فانا مش شايف مشكلة يعنى فى دة
اما بالنسبة للمبادىء والقيم والكلام الفاضى دة انا عن نفسى مش مقتنع بالمرة ودة حقى

هوده الرد الزمالكاوي
لالالالالالاتعليق

ياميتشو طبعا من حقك يكونلك وجهة نظرك بس ياريت وجهة النظر دي تبقى ثابته مش كل شويه بحال يعني منين قبل كدا لما محمد عناني سألك عن المقارنه بين الأهلي والزمالك قلت إن إدارة الأهلي رغم إنك بتختلف معاها إلا إنها إداره ناجحه وبتحترمها يبقى إزاي يبقى في إداره ناجحه العمر دا كله من غير مايكون عندها قيم ولا مبادئ
ثانيا لما الحضري هرب كل الزملكويه قبل الأهلويه قعدوا يقولوا دا خاين ومعرفش إيه دلوقتي بقى الراجل صاحب حق وحسام حسن بتاعكوا دا أول واحد قال إن الحضري غلط وهوا جاب الحضري لأنه شبهه من غير لا قيم ولا مبادئ وبكره يعرف إنه غلط لما الحضري يولعها حريقه زي ماعمل ف الإسماعيلي
أما بالنسبه لجدو فمن الواضح إن الزمالك كان كل كلامه فشنك كالعاده وماعندوش ورق ولا حاجه وكان كله كلام بيهدي بيه الجمهور عشان مايتقلبش عليه
واللاعب غلط مع الزمالك أو الزمالك هوا ال غلطان دي مش مشكلة الأهلي الأهلي قدامه لاعب عاوز ييجي الأهلي وإدارة الإتحاد موافقه والأهلي إتأكد من موقف اللاعب يبقى مايخدوش ليه هيروح يقول للزمالك بعد إذنكوا اللعيب عاوز ييجي آخده ولا لأ ؟
وبدل ماتلوموا ع الأهلي وكل لاعب ناخدو منكم تطلعو بفيلم القيم والمبادئ روحوا دوروا ليه إدارتكم فاشله في إنها تاخد صفقه واحده من الأهلي
ممكن يكون الرد عشان نادي الزمالك نادي القيم والمبادئ فبيتواضع ويسيب الصفقات للأهلي

اولا انا لما اتسألت على ادارة الاهلى قلت فعلا انها ناجحة ومستقرة وبتحمى حقوق الاهلى ودة صحيح لكن ليها طرق كتير مش محترمة عشان تحمى النادى بتاعها يعنى مثلا لما حسن حمدى رئيس وكالة الاهرام للدعاية ورئيس الاهلى فلى نفس الوقت وكالتة ترعى قناة الاهلى ب 20 مليون على الرغم انة من ساعة مااتفتحت ربحها ماعداش مليون فى السنة يبقى دة اسمة تبديد للمال العام وتهريج وقلة ادب
ثانيا بالنسبة للحضرى انا هكلم عن نفسى اول لما هرب من الاهلى طبعا قلت انة غلطان لان دة نادية وبتاع لكن لما عرفت المعاملة اللى كانت بتحصلة من جوزية لدرجة انة بعد امم افريقيا بتاعت غانا سلم على كل اللعيبة بتاعت المنتخب ماعدا الحضرى دة غير الشارة اللى سحبها منة وغير وغيرة وان الادارة كانت عارفة ومطنشة مش هقولك التمستلة العزر لا على الاقل عزرتة شوية وجة بعد كدا جابلنا افريقيا 2010 مع المنتخب فالموضوع هدى شوية
اما بالنسبة لكلامك عن حسام حسن فواضح ان لسة معلوماتك عن حسام صغيرة ممكن تروحى تسألى باباكى او اى حد كبير عن حسام حسن عمل اية للاهلى ومين اللى مشاة من الاهلى وهو يقولك
اما جدو فمايستهالش اكلم عنة لكن انتى بتقولى بيحب النادى وعايز يلعب فية طب طالما هو بيحب الاهلى كدة مارحلوش لية من الاول يمضيلة ولا هو شاف ان الزمالك اقرب لة من بيتة ولا حاجة
وعجبى

ههههههههههههههههههههههههه
آمال شكرا على الرد السخن ده بجد من الآخر .

أما بالنسبة للأخ ميتشو فياريت ما تعملش حكاية حسن حمدى لبانه فى بقك كل ما تتكلم عن النادى إحنا قلنا فى الموضوع ده إن قناة النادى الأهلى مالهاش علاقة بالنادى ومش معنى إنها إتسمت على إسم النادى يبقى نلزق كل حاجه بتحصلها فى النادى يعنى مثلا قناة أزهرى آهى قناة فضائية وبتحمل إسم الأزهر وكل اللى بيطلع فيها أزهرية بلا إستثناء لكن شيخ الأزهر الراحل ياما تعارض معاها ومع صاحبها الشيخ خالد الجندى ....... واللى حصل من حسن حمدى قلنا عنه إنه فساد أفراد ويمكن طالعله بقرشين من وراء الصفقه دى لكن النادى مالهوش علاقة بيها .

أما بالنسبه للحضرى فياريت يا أهلويه ما نفضلش نقلب الموضوع ده كتير اللى حصل حصل وبعدين كتير من الأهلوية بيختلفوا فى موقف عصام منهم اللى بيعذره وبيقول من حقه إنه يحترف ويجرب حظه ولازم النادى ما يضيقش على اللعيبه فى مسألة الإحتراف وفى ناس بتقول لأ ده إبن كذا وكذا إزاى يهرب ويسيب النادى أنا بقول لو الحضرى غلط الراجل جه واعتذر وإحنا كجمهور متسامح يبقى لازم نقبل إعتذاره ويرجع النادى كمان لكن الإدارة شايفه غير كده دى حاجه تخصهم
وبعدين مش الحضرى اللى هيفرق مع النادى الأهلى ألف مبروك يا عم ع الزمالك وندعيله بالتوفيق كمان .

أما بالنسبة عن حسام حسن فمش محتاجين نسأل لا بابا ولا ماما الراجل عامل زى الكتاب المفتوح ومواقفه وأخلاقه لا تخفى عن أحد لو كان محترم قبل كده وعمل للنادى الأهلى كتير فكويس إنه ما ختمش حياته فى النادى وبعدين عمل الفضايح دى كلها فيقولو الناس أهه هما دول الأهلويه وهيا دى أخلاقهم وهوا راح المكان اللى فعلا قدر يتبنى أخلاقه ويتناسب مع مبادئه اللى إحنا عارفينها .

أما جدو فالكلام كتر أوى عليه وإتكلمنا فيه ألف مرة لكن واضح يا ميتشو إنك ما بتقبلش الكلام من حد غير زملكاوى واللى النادى بتاعك يقولك عليه صح يبقى صح لكن غير كده ما تقتنعش ..... يا إبنى الومالك مالهوش إدنى حق فى التمسك بجدو لإنه ببساطه لا يملك أى أوراق تثبت تعاقده مع الاعب وناديه اللى هوا الإتحاد السكندرى زى ما بيقول الإتحاد وياريت تحاول تفتح مخك وتفهم بنفسك مش لازم كل حاجه تروح تجرى على النادى بتاعك تقولهم أفهم إيه وما أفهمش إيه .

بحبك يا أبيض

صدق بالله والله العظيم كلامك ان قناة النادى الاهلى بانها مالهاش علاقة بالاهلى وانها منفصلة عن ادارة الاهلى دى كفاية لانها تدل معلش يعنى انك مابتفهمش فى الكورة وواخدها كدة جدعنة ودة بالنسبة ليا كفاية ومش مكلم معاك فى اى حاجة كروية تانى لان كفاية بردو حكاية ان جدو مامضاش على عقود دى تثبت جهلك اكتر
اما بالنسبة لاهانتك لنادى الزمالك فى كلامك عن حسام حسن وان دة يتناسب مع اخلاقوة ومبادئة اللى هيا فى وجهة نظرك مش محترمة فانا مش هرد عليك لان اتعودت منك على كدة دة العادى بتاعك
اما بالنسبة لانى مش بسمع لكلام حد غير زملكاوى فانتا ممكن تسأل عبدالرحمن اهو معانا فى السكشن او حتى اسال اهلوية جدا ماهى معانا فى المنتدى الكلام دة صح ولا غلط ولو انا زى ماتقول ماكنتش رديت على امال ولا بتاع
وبعدين بصراحة انا مش فاهمك يعنى انت معروف بينا انك رجل ثائر وبتاع يعنى اعتقد لو موضوع الفساد بتاع القناة دة كان فى اى حتة تانية ماكنتش هتسكت دة رايى لانى عارفك كويس ياااااا احمر

يخرب بيت اليهود .

إنت لسانك بقى طويل كدا ليه ياد ما بتعرفش تتكلم يبقى ماتتكلمش وتستنى تتعلم الكلام الأول علشان ما تعكش

إحنا إتكلمنا فى موضوع الفساد ده مع بعض وعرفت رأيى يبقى ماينفعش اللى أنت قولته فى الآخر ده إلا إذا كنت بتنسى بسرعه وساعتها أعذرك وأقول نسى الكلام اللى قولتهوله ولو عايز تفتكر إرجع للموضوع اللى إنت منزله بتاع الفساد ده وأقرأ ردى مرة تانيه يمكن ينشط ذاكرتك .

أما بالنسبة لموضوع جدو اللى زى ما إنت قلت إنه بيبين جهلى أكتر فأرجو من سيادتك تفهمنى الصح اللى أنت فاهمه وإيه الورق اللى مع نادى الزمالك اللى عمال يقول معايا ورق معايا ورق وماحدش عارف ورق إيه اللى معاه يمكن ورق تواليت ولا حاجه . فهمنى يا أخى واكسب فيا ثواب

وحكاية إنك بتسمع كلام حد أهلاوى ولا لأ أنا مش محتاج أسأل حد أنا أسأل نفسى لأنى إتكلمت معاك كتير وعارف موقفك كويس وساعة ما نتكلم وش فى وش بتبان وكإنك متفق معانا وكله تمام لكن ساعة ما بتسيبنا بتقلب مش فاهم ليه إنت عندك إنفصام فى الشخصية ياد ولا إيه ؟

مستنيك ترد بس من غير تجريح لو سمحت .

دة
رايك وانت حر فية لما بالنسبة لجدو عشان نقفل الموضوع دة حمل الملف الصغير دة
http://www.4shared.com/file/Kvd0ha08/__11_.html