اريد حلا

ربنا يزيل عنك الهم اختى
احنا كلنا كده بس عارفة انا وصلت لحل للكابة اللى كنت فيها
باقول لنفسى ان التدريب فرصة اقعد مع صحابى اللى مش باشوفهم واكون فريش ومفكرش فى تدريب ولا غيره
واحنا قاعدين فى السكشن فى الوقت الفاضى بنسلى نفسنا باى حاجة
والاهم ان بعد ما نخلص التدريب نقعد شوية فى الكليه مع بعض وهاتك ياضحك وتهييس ولا للكابه ونخرج نشترى اى حاجة او نروح او ناكل بره فى مطعم ونتمشى ونعايشين حياتنا ولا للكابه
منها اخدنا تدريب واستفدنا ان شاء الله معلومة واحدة وشوفت اصحابى
وخرجنا مع بعض دا نفع معانا ربنا يزيل عنك الهم وحاولى باى طريقة تبعدى الاكتئاب عنك ومتخلهوش يسيطر عليكى ممكن يدمرك
تقبلى مرورى

الله وكيل إنتى فعلا عندك حق تكتئبى ولو وصلتى لمرحة الإحباط مش هلومك بس .......

أكيد مفيش حاجة فى الدنيا تستحق إن الإنسان يفقد الأمل ولا يكتئب علشانها ودايما بصى للدنيا على إنها إمتحان .

التدريب هو عبارة عن خيبة أمل كبرى أنا إعتقدت إنه هيختلف عن تدريب السنة اللى فاتت بما إننا أخدنا مواد المستشفى ودخلنا فى البيطرى فعلا بس صدمت لما لقيت الحال كما هو عليه علشان كده الغياب هو الحل أنا بغيب أول يومين فى الماده وآجى يوم الإمتحان واليوم اللى قبله وبس .


وقعدت أفكر إيه الإجراء اللى ممكن نفكر فيه ونعرف الناس اللى سايقينا عليه علشان نحاول نخلى التدريب أكثر جدية خفت من الناس زمايلنا ده أصحابى بيقولولى إنت بتاع مشاكل وفاكر نفسك هتغير الدنيا وأنت كده كده مش هتقدر تعمل حاجه .... حتى الكلمة مستكترينها عليا يبقى خلاص اللى يتضايق من حاجه فى الكليه يشرب من تحت رجليه وهوا ده اللى هما عاوزين يوصلونا ليه وبسم الله ما شاء الله نجحوا وعلى أكمل وجه .

وعلى العموم كبرى دماغك هانت بس انتى حاولى تلاقى حاجه أكثر جديه من الخرف اللى اسمه التدريب ده تحسسك انك استفدتى نت الاجازه الفلصو دى

الى يوجا
احب اشكرك لانك اول من رد على موضوعى
ان طبعا بحب اصحابى جدا وبشوفهم كل يوم طول السنة بس اللى نفسى فية اانى اتعلم حاجة جدديدة تنمى شخصيتى و تحسسنى انى عايشة وبستفيد مش ايامى بتعدى كدا
الحمد لله انا بحاول ادور على حاجة تشغلنى ودعواتكم انى الاقيها

الى د/عنانى
عارف امتى التدريب الفاشل دة هيتيغر
لما يكون كلنا فعلا عندنا استعداد للفهم و المحاولة وبندور فعلا على الفايدة ويكون فية احساس عام باهمية اللى بنعملة ودا مش هيحصل يا دكتور غير لما نتعامل بادمية وناخد اجازة محترمة نرتاح فيها زى اى انسان بتحترم طاقتة وادميتة و نرجع احسن من الاول بدون احباط او احاسيس سلبية

او لواقتصر التدريب على المهتمين فقط وليس العدد فى اللمون زى ما بيعملوا

وساعنها هنطلب العلم اللى بجد والتغيير بقلب جامد وبلا خوف لان كل الموجودين يهمهم الهدف من التدريب ومش زى دلوقتى


والله اللى احنا فية دة قمة الغباء الادارى وتسطيح الفكر

وطبعا مشكور يا دكتور على ردك وطموحك للافضل واوعى تسمح للناس دى تبعدك عن كفاحك
او انك تقول كلمة الحق
لانك ببساطة
انت صح

جميل عارف إن كلامك مظبوط وصح ولكن الناس عندنا بسم الله ما شاء الله بتعمل ودن من طين وودن من عجين ساعة ما نتكلم عن الإدارة أى إدارة مهما كانت حتى لو إدارة البوفيه كلمة إدارة نفسها بتخلى الناس تحط لسانها فى بقها وتقول لأ يا عم أنا كده هتأذى أنت ترضالى الضرر برده ويبقى زى ما يكون هيشحت خلاص
أنا بصراحة والله إحتار أمرى مع الناس إزاى مستنى إنك تتغير للأحسن وأحوالك تتعدل وبلدك تبقى أفضل وأنت حتى خايف تقول أنا ليا حق بل على العكس الناس بتتنازل عن حقوقها عن طيب خاطر سبحان الله علشان خايفه أما بقى خايفه من إيه وعلى إيه فدى يطول فيها الشرح اللى خايف على نفسه واللى خايف على مستقبله واللى خايف على عياله واللى خايف على مستواه ووجاهته وغيره وغيره .
يبقى إزاى هنتغير وإحنا مش قادرين نطالب حتى بحقنا المفروض لينا ياجماعة كما يقول الحكماء الحرية لا تعطى ولكن تنتزع مفيش حد هييجى يقولك إتفضل حريتك على طبق من دهب انت اللى لازم تنتزع حريتك وحقوقك بنفسك بس المهم لازم الأول نحس إن لينا حق وإن عندنا إستعداد إننا ندافع عنه وندفع تمنه ولا أنا غلطان
يقول إبراهيم طوقان

أفنيت يا مسكين عمرك بالتأوه والحزن .
مالم تقم بالعبء أنت فمن يقوم به إذن .
وطن يباع ويشترى وتقول فليحيا الوطن .
لو كنت تبغى خيره لبذلت من دمك الثمن .

فعلا لما نكون مستعدين ندفع ثمن الحريه ساعتها بس هنستحق أن نكون أحرارا وأن ننال حريتنا .

على ايه يا زهرة الياسمين دا حتى اسمك ليه معزة خاصة عندى اوى
طيب انا باغبط عليكى فى حاجة انا مبشفش اصحابى على طول ربنا يوفقك فى اللى بدورى عليه ولو لاقيتى مكان فاضى ابقى قوليلى وانا معاكى انا كمان عاوزة اعمل حاجة مفيدة فى الاجازة
ربنا يسعدكوا كلكوا اللهم اميييييييين

على فكره يا جماعه اللى عايز يستفيد بجد هيحاول يستفيد ولما يحاول اكيد هيستفيد
يعنى مثلا اخر ماده كانت باثولوجى اينعم الدكاتره كانت عايزه تخدها نظرى وداتا شو بس زى المجموعه اللى قبلنا لكن قولنالهم عايزين نشرح اى حاجه وتبرعت انا وجبت فراخ نافق واشتغلنا وبعده جابوا خروف وشاركنا معاهم اىنعم ختمت بموقف مش ظريف فى الامتحان بس دى كانت اول ماده احضر الاربع ايام واستفاد منها بجد


المقصود ان انا احاول استفاد وادور استفاد ازاى يعنى اللبن مثلا اعرفنا ازاى نعمل جبنه فى اخر ساعه من التدريب لكن استفدنا


ربنا ييسر لنا وانا عايز اطمن على مواد المستشفى يعنى ولاده هنجس ولا لا جراحه ممكن نفتح ونحيط ولا لا

اما الكآبة والزهق والطهق اللى الكل وانا منهم بيعانوا منه الواحد لو حسن علاقته وقرب من ربنا شويه اكيد هيكون الحل يعنى بدل القصص الواهيه والادب اللى مش مؤدب نقرأ فى السيرة فى التاريخ الاسلامى وده فيه من التسلية ما لا يوصف ونسأل الله الا يحرمنا الاجر من بعد الهداية والثبات على الصراط القويم



اسف جدا للاطالة معلش ما كتبتش من زمان -بجرب الحروف يعنى- تقبلوا مرورى

فعلا هو دة اللى وصلتلة الافضل لنا كلنا نحسن علاقتنا بالله
ودة لا محتاج وقت ولا مكان معين عايز قلب فعلا تعب من الدنيا ومحتاج يقرب لله اللى خلقة وقادر يسعدة وينور طريقة
اللى كنت بدور علية الفترة اللى فاتت وطار كالعادة هو فرصة تدريب فى معمل الترا
وقالو انه هيبدا فى اول رمضان وفية ميعادين واحد الصبح للناس من خارج الزقازيق والتانى من 8-12 مساء بالنسبة للى ف الزقازيق
وطبعا انا لا عايزة اضيع رمضان ولا هروح بالليل
الحمد لله
انا بس قلت اقول للناس عشان لو حد حابب يروح الناس هناك فعلا بيدربوا


نفسى كلنا بجد نشجع بعض نقرب من الله ونعمل حاجة تفيدنا فى دنيانا والاخرة




ومن هنا نفسى نعمل حملة بعنوان يلا نقرب
نعمل خطة اعداد قلوبنا لرمضان ونشجع بعض بلا احباط بلا انتظار
ونتعاون على حاجة جميلة و مفيدة وترجع ايام التعاون الجميل عشان نحقق هدف كلنا بنتمناة


ارجو التصويت وعندى افقتراحات للحملة بس نشوف الناس هتقول اية


يارب اهدينا وثبتنا جميعا وجمعنا على الخير دايما

أولا يازهره الياسمين كلنا مرينا بنفس اللي انتي مرتي بيه من ظغط نفسي بسبب الأمتحانات وبعديه التدريب
بس فعلا الحل الأول هو التقرب لله
وتاني حاجه انك لازم تلاقي حاجه تشغلي بيها وقتك وبلاش تقيدي نفسك بأنك لازم تدربي في الترا ممكن تجدي مكان أخر
ثالثا أنا معاكي في حملتك وأول المشاركين

اما د عناني
أنت طموحك رائع وفوق الرائع
وهتلاقي كتير زيك بس محتاجين امان في اللي ممكن نعمله
لأن مش ممكن الأنسان يرمي نفسه في النار
ممكن نعمل اللي احنا عايزينه من غير مانضر نفسنا ولا الناس اللي بيحبونا
ودا مش خوف دا عقل في التصرف

بصى موضوع الخنقة والزهق دة مش عندك بس دة عندنا كلنا خصوصا احنا كرجالة على اساس ان احنا كان نفسنا نستغل الاجازة دى فى حاجة مفيدة يعنى انا مثلا كان عندى فرصة كبيرة ادرب فى شركة ادوية ومش اى حاجة دى ايبيكو كمان بس طبعا التدريب منعنى
لكن دكتورة فى اللبن قالت لينا حاجة كويسة جدا وهيا ان برة حاجات كتير بتتعمل غصب عنهم لكن هما بيتميزوا عننا ان هما بيحاولوا يتاقلموا مع الوضع ويستفيدوا منة اكبر استفادة حتى لو مش على هواهم فياريت احنا نحاول نعمل دة

اد بقي ياميتشو دانت واسطه كبيره بقي

طيب ماتنساناش بقي معاك
ابقي افتكرنا بعد التخرج

ايوة ايوة ماهو قركوا دة اللى هيجيبنا لورا ههههههههههههههه

هيا دي اخرتها امال ايه بقي وراكي رجااااااااااااااله

هيا الرجوله في حاجات حاجات ولا ايه ياعم الراجل

ومش هتقر عليك الله يساهلك دي عناني بقي طلع احسن ع الأقل عايز التغير للكل
مش لنفسه بس
ههههههههههههههه