مميزات العزوبيه

مميزات العزوبية للشابات

اولا
تنامى براحتك على السرير و تتحركى كما تشائين بدون ان تزعجى البيه اللى نايم جنبك

ثانيا
غطاء الفراش لك وحدك , بلا منازع بدون ان تستيقظى فى منتصف الليل لتجديه اختفى مع البنى ادم اللى جنبك

ثالثا
تستمتعين بنوم هادىء بدون ازعاج شاكمان العربية الى على السرير

رابعا
ريموت التلفزيون سيظل لك وحدك بدون استغلال الطرف الأخر

خامسا
اذا قمتى بتنظيف البيت- فرضا يعنى- سيبقى نظيفا لمدة طويلة لعدم وجود ساكن الزريبة

سادسا
تستطيعين شراء اى شىء فى نفسك مهما كان غاليا بدون الأستماع الى العبارة الشهيرة " فى حاجات اهم من كده يا هانم"صح؟

سابعا
لن تضطرى لأستضافة اصدقائه الذين يقضون السهرة فى الحديث عن ملكات الجمال و مذيعات القنوات الفضائية

ثامنا
لن تضطرى لمشاهدة النشرات الاخبارية و البرامج السياسية و الرياضية بالاجبار

تاسعا
لن تضطرى للدخول فى مشاجرات مع الطرف الاخر لاسباب تافهة

عاشرا
تشيلى مسئولية بيته ليه ؟ هو كان من بقيت عيلتك؟



مميزات العزوبية للشبـــــــــــــــــــــــاب

اولا
تنام على السرير براحتك زى الطيارة بدون ان يزقك حد او يوقعك على الأرض بتعمد

ثانيا
مفيش ازعاج من المدام على اى صوت غريب او انها خايفة من الظلمة او اى شىء يقطع عليك منامك و راحة بالك

ثالثا
تصيع زى ما انت عايز تطلع الصبح زى ما تحب و ترجع وقت ما تحب تقعد مع من تحب ، من غير ميعاد معين لرفع الشبشب

رابعا
تتفرج على التليفزيون براحتك من غير المدام اللى بتموت فى هم و غم المسلسلات او برامج الطعام السقيلة

خامسا
جيعان ؟؟ مفيش ابسط من كده اتلقح على اى مطعم و كل وجبة سريعة او حتى اطلب بالدليفرى او حتى نام خفيف

سادسا
الغسيل ؟؟ سهل قوى غسالة فول اوتوماتيك او حتى هاف توماتيك تقضى الغرض و تخلى غسيلك زى الفل و لا الحوجة

سابعا
تلاقى وقت كافى لممارسة رياضتك المفضلة

ثامنا و المهمة جدا
قرشك فى جيبك فى الحفظ و الصون , بدون المحاولات المستميتة من المدام للاستيلاء على اموالك

هاهاهاهاهاه جامد جدا
بس النقطة التالتة عند الشباب مالكيش حق فيها ابدا
لان اخرهاخصوصا اخرها مش ممكن يكون بيحصل
كده ولاايه........ياررررجالة
شكررا على على الموضوع الرائع دوت

ههههههههههههههههههههههههههههههههههه
جامد على فكرة الموضوع وطبعا عندك حق ياعبدالرحمن
لاااااااااااااااااااا مش احنا اللى يترفع علينا الشباشب

NICE TOPIC
بس تعالى نكمل بعض الفوائد للشباب

لما تخرج مع أس المشاكل وسبب تعاستك ( طبعا الست بتاعتك ) تتمشى ع الكورنيش مش هتضطر تروح البيت مضروب علقة سخنه علشان شوية شباب خنافس طلعوا عليك وعاكسو المدام وهيا متشعلقه فى دراعك زى الجرب .

لما تجوع هتحط على أى مطعم كشرى تضرب واحد طاجن وتحبس بواحد حاجه ساقعة - شويبس بس علشان المقاطعة - ومش هتحتاج لغسيل معده كل أسبوع علشان تكنس الزبالة اللى بتأكلهالك حبيبتك وروح قلبك مراتك وده طبعا من غلاوتك عندها

لما تحتاج كباية شاى هتنزل على إى قهوة تضرب واحد شاى مظبوط يعدل الطاسة ومش هتضطر تستحمل المدام وهيا بتكش فيك وبتقولك أنا حطيت الميه ع النار قوم كمل الشاى ولا على رجليك نقش الحنه أنا مش فاضيالك مش كفاية إبنك اللى جايبهولى يطلع عينى ( زى ما تكون شاريه من السوبر ماركت ) .

والبقية تأتى ......................

هههههههههههههه جميل الموضوع وحيادى جدا وفعلا دا اللى بيحصل بس فى ناس ممكن تتفاهم مع بعضها ههههههههههه بس موضوع بجد جميل دمتى متالقة كالعادة

ههههههههههههههههههه موضوع جامد ولذيذ
بس قول الحق فى حد من الاتنين هيقدر يعيش من غير التانى
وبعدين قرشه فى جيبه ازاى دا من كتر المطاععم والقهاوى مش هيفضل معاه تعريفة مش قرش
اما الهانم دى ابداع فى التوفير و على نايتها اى كلمتين حلوين وهدية متجيش ب20 جنية تلقيها طايرة من الفرح ولا هترفعلك الشبشب ولا حاجة خالص
الله يسعدك اخى
تقبل مرورى

ههههههههههههههههه
تصدقوا بالله كرهتونى فى الجواز فعلا
انا هعنس احسنلى من وجع الدماغ ده

بس توبيك جامد تسلم ايدك

Emad meteeb كتب:

هاهاهاهاهاه جامد جدا
بس النقطة التالتة عند الشباب مالكيش حق فيها ابدا
لان اخرهاخصوصا اخرها مش ممكن يكون بيحصل
كده ولاايه........ياررررجالة
شكررا على على الموضوع الرائع دوت

ههههههههههه
ماظنش بعد ما ارتفعت نسب الضرب للرجاله
ومش لازم الشبشب في طرق تانيه

وميرسي لمرورك

محمد عنانى كتب:

NICE TOPIC
بس تعالى نكمل بعض الفوائد للشباب

لما تخرج مع أس المشاكل وسبب تعاستك ( طبعا الست بتاعتك ) تتمشى ع الكورنيش مش هتضطر تروح البيت مضروب علقة سخنه علشان شوية شباب خنافس طلعوا عليك وعاكسو المدام وهيا متشعلقه فى دراعك زى الجرب .

لما تجوع هتحط على أى مطعم كشرى تضرب واحد طاجن وتحبس بواحد حاجه ساقعة - شويبس بس علشان المقاطعة - ومش هتحتاج لغسيل معده كل أسبوع علشان تكنس الزبالة اللى بتأكلهالك حبيبتك وروح قلبك مراتك وده طبعا من غلاوتك عندها

لما تحتاج كباية شاى هتنزل على إى قهوة تضرب واحد شاى مظبوط يعدل الطاسة ومش هتضطر تستحمل المدام وهيا بتكش فيك وبتقولك أنا حطيت الميه ع النار قوم كمل الشاى ولا على رجليك نقش الحنه أنا مش فاضيالك مش كفاية إبنك اللى جايبهولى يطلع عينى ( زى ما تكون شاريه من السوبر ماركت ) .

والبقية تأتى ......................

ههههههههههه
طبعا عمر ما شويه شباب خنافس هيعكسوا المدام لأنها أكيد ماشيه مع راجل مش كيس جوافه مخليها تلبس لبس سئ يثير الشباب

ولما تجوع أكيد هتاكل أكل كويس مش يتعبك لأنك أكيد في أول الجواز رفعت من معنوياتها في جمال طبخها فابتالي هيا هتتعلم كل حاجه حضرتك بتحتها عشان تعملهالك وتكون مبسوط

ولما تعوز شاي هتعملهولك برموش عينها لأنك طلبت منها الشاي بطريقه شيك( ممكن يا حبي تعملي كوبيتين شاي بأديكي الحلوين دول ونشربوا سوا) 0

وأكيد مافيش باقيه

البحراوى كتب:

خامسا
اذا قمتى بتنظيف البيت- فرضا يعنى- سيبقى نظيفا لمدة طويلة لعدم وجود ساكن الزريبة

عيب اوى الجمله المكتوبه دى عن الزوج وتشبيه بيت الزوجيه بالزريبه
اخيرا وليس اخرا (اذكر الله)

سوري يا دكتور دي مجرد كنايه
الزوج ع راسنا وعينا طبعا
وبيت الزرجيه طبعا دا بيت العمر ما نقدرش نعيب فيه

دا الواحدا منا مالهاش الا بيت جوزها