ازاى تبقى خنيق طحن لحد ما تنضرب علقة سخنة

ازاى تبقى خنيق طحن لحد ما تنضرب علقة سخنة

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

• فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

ملحوظة صغيرة : لو اتضربت أنا مليش دعوة

أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

السلام عليكم ورحمه الله وبركاته
بدايه ارحب بيكى فى المنتدى واشكرك على المواضيع الفكاهيه اللى بتكتيبيها
ثانيا انا عندى اعتراض بسيط وهو ماينفعشى ندوس على الكاتشب برجلينا لان ده كده حرام لان ده شىء بيتاكل والطعام ده نعمه على الرغم انا عارف ان حضرتك كتبه الموضوع ده من اجل الفكاهه لا اكثر بسى حبيت انبه علشان محدش يعمل كده
اخيرا وليس اخرا (اذكر الله)

جميييييييييييييييييييل ياعاشقة ابو تريكة على الرغم انك اههلوية بس يالا مش مشكلة انا هعديهالك بس عشان خاطر القمر اللى انتى حاطة صورتها دى

البحراوى: شكرا لردك الجميل وطبعا دة للفكاهة فقط وجزاك الله خير
ميتشو: شكرا لردك الجميل اوى دة
ميرسي للمرور

جميلة اختى الفكاهه اللى كتباها والله ضحكتنى
بس هو كده مش هيبقى خنيق دا هيقولوا عليه اهبل ومجنون وقليل الذوق
قمورة الصورة اللى حطاها مش هى لين بنت المنشد عمر الصعيدى قمر ما شاء الله
تقبلى مرورى

واحد خنيق بيطلب تعيدي كتابت الموضوع تاني بس بالانجليزي لو سمحتي
وشكررررا

Emad meteeb كتب:: واحد خنيق بيطلب تعيدي كتابت الموضوع تاني بس بالانجليزي لو سمحتي
وشكررررا

ههههههههههههههههههه

أدي أول خنيق

موضوعك لذيذ جدا بس لو عاملنا كدا مش هنضرب بس
دا حنا هنتعدم في ميدان عام
ومش هيكون كفايه

» هل يمكن لهذا أن يحدث ؟ دى تبقى مصيبه
» ماذا تبقى من بلاد الأنبياء - فاروق جويده
» شوف الصينين بيشربو شاى ازاى ^_^
» عايز تعرف امتحان الباطنه جالنا ازاى .......... هقولك
» عاوز تعرف امتحان الجراحه جالنا ازاى النهارده ؟.......... هقولك