فضيحة إهدار مال عام: وكالة الأهرام اشترت الحقوق الإعلانية لقناة الأهلي بعشرين مليون جنيه رغم الخسائر

كشفت جريدة "الدستور" المصرية عن توقيع وكالة
الأهرام للإعلان عقداً مع قناة النادي الأهلي لشراء الحقوق الإعلانية
للقناة في العام القادم، والمثير أن وكالة الأهرام اشترت حقوق الإعلان بهذا
المبلغ الكبير، بينما لم تتجاوز إيرادات الإعلانات لقناة النادي الأهلي في
العام الماضي الخمسة ملايين جنيه، وفي حين أن الأهرام اشترت الحقوق في
مزايدة إلا أن الوكالات التي دخلت المزايدة أعلنت أنها لم تقدم هذا المبلغ
الكبير في الحقوق الإعلانية لأن المنتج الأساسي الذي تقدمه قناة النادي
الأهلي وهو مباريات بطولة الدوري العام موجود علي كل القنوات بل إن نسبة
متابعة قناة النادي الأهلي تكاد تكون الأقل بين باقي القنوات نظراً لضعف
الاستديو التحليلي وعدم وجود نجوم مؤثرة فيه.. على حد قول الجريدة.

ولذلك
فإن الوكالات الإعلانية أكدت أن شراء حقوق القناة بهذا المبلغ الكبير فيه
إفراط ومبالغة كبيرة من وكالة الأهرام، حيث ينفق «حسن حمدي» بأموال الأهرام
علي أهلي «حسن حمدي»!!.

حيث إن «حسن حمدي» ــ رئيس النادي الأهلي
ورئيس وكالة الأهرام للإعلان ــ قام بتحويل ملف شراء حقوق قناة النادي
الأهلي من الإدارة التي تشتري الدقائق التليفزيونية في وكالة الأهرام إلي
إدارة النشاط الرياضي التي يشرف عليها «عاصم خليفة» ــ رئيس اتحاد الأسكواش
ــ وهي الإدارة التي تولت ملف قناة النادي الأهلي.

والغريب أن
الحقوق الإعلانية للنادي الأهلي ما بين قناته وفانلته هي ملك للأهرام فقط،
الأمر الأغرب أن لا أحد في مصر يلتفت إلي تداخل المصالح بين رئيس وكالة
الأهرام ورئيس النادي الأهلي هو «حسن حمدي» ولكن لا أحد يحاسب الرجل علي ما
يفعله في الوكالة أو ما يفعله في النادي.

أما الأمر المهم حسبما
تقول الجريدة في هذه القضية فهو الضغط الذي تمارسه وكالة الأهرام ورئيسها
«حسن حمدي» علي الإعلامي «أحمد شوبير» من أجل الانضمام لقناة النادي الأهلي
وتولي مسئولية برامجها، ووصلت المفاوضات بين «حسن حمدي» و«أحمد شوبير» إلي
مراحل متطورة جداً واقترب «أحمد شوبير» من ارتداء فانلة قناة النادي
الأهلي ويبقي فقط الوصول إلي اتفاق مادي بين الوكالة الإعلانية التي تتولي
تسويق «أحمد شوبير» وقناة النادي الأهلي

ههههههههههههههههههههههههههههههههههههههههههههههههههههههههههه
عمااااااااار يامصر

واحنا مالنا اللى معاه قرش محيره يجيب حمام ويطيره

يعنى احنا بنستفيد ايه مثلا من ان كل لاعب ياخد كام مليون

واحنا مالنا

ماشى يااهلوية بس بصى وكالة الاهرام دى فلوسها مننا احنا فلازم يكون فى رقيب عليها مش كدة وعلى فكرة الموضوع مالوش دعوة باهلى وزمالك

يا جماعة أنا طول عمرى بقول إن قناة النادى الأهلى مالهاش علاقة بالنادى علشان ما نربطش القضية بالنادى الأهلى يعنى الأهلى دلوقتى مالهوش دخل فى اللى إحنا بنتكلم فيه

ده فساد أفراد لما أنفق 20 مليون جنية من المال العام لشراء الحقوق الإعلانية لقناة لا تحقق أرباح أصلا فده فساد مؤسسى من الدرجة الأولى وإهدار للمال العام ويعتبر إستغلال لمنصب حكومى فى تحقيق مآرب شخصية حيث أن مؤسسة الأهرام هى مؤسسة حكومية يعنى مال عام ورئيس مجلس إدارتها ورئيس تحريرها عبارة عن موظفين فى الدولة

ومش علشان اللى منزل الموضوع ميتشو اللى كلنا عارفين أد إيه هوا زملكاوى صميم يبقى الموضوع بيطعن فى النادى الأهلى بل بالعكس زى ما هوا قال الموضوع مالهوش علاقة بأهلى وزمالك الموضوع له علاقة بفساد حكومى الراجل بيحاول ينوه عنه زى كل أخبر الفساد الحكومى اللى بنزلها

هوا كل الفرق المرة دى إن الخبر بيمس إسم الأهلى - طبعا القناة وليس النادى - واللى نزل الخبر راجل زملكاوى بس يشكر

الله ياعنانى انت قولت المفيد والله العظيم

ايه ياجماعه زملكاوى يعنى هو يهودى

مهو معروف ان الموضوع ملوش علاقه باهلى او زمالك

بس دى مش الحاجه الوحيده اللى فيها اهدار للمال العام


واحنا معترضناش ع غيرها هتيجى على دى يعنى؟؟؟

بس ده كان قصدى

تمااااااااااااااااااااااااااااام هوا ده بيت القصيد

بس دى صورة من صور الفساد ومفيش أى حرج إن إحنا نعرضها ولو فى غيرها نعرضها برده وما نقولش جت على دى لأن ده بيهون الأمور

نداء للوكالة المذكورة الاه
انا عايز من 20 مليون
20 او 40 جنيه بس نجيب بيهم مروحة في لجنة الامتحان في معمل الباثولوجي
واذا كان على باقي الفلوس فحلال عليهم
يا سيادة استاذنا الدكتور العميد لو سمحتم اذااطلعت حضرتك على الموضوع ده عبرونا ياناس المكان لا يطاق
مروووووووووووحة
ياريت تنزل من باب الرعاية
في الميزانية الجاية بتاعت وكالة الاهرام وكالة الخردوات وكالة البلح المهم تنزل ويتحقق الحلم

عذرا للاطالة

مروحة يا ظالم إنت فاكر نفسك فين فى أمريكا أنت كفايه عليك فرخ ورق تلفه وتعمله مروحه وإن ما نفعش خلى واحد زيى مخنوق ينفخ فى وشك علشان يجيب هوا بس فى الحالة دى يبقى هتتحرق

وبعدين خليك حسيس يا أخى أنت باصص للناس فى لقمة عيشهم كده ليه إيه الحقد ده
بطلوا حقد بأه
عفوا مؤسسة الأهرام إحنا ما نقصدش ومتأسفين على موضوع المروحه ده

ياعبدالرحمن والله عيب عليك بقى بتمتحن فى نفس لجنتى وجنبى وكمان مش عجبك عايز اية تانى احسن من كدة وبعدين مفيش مراوح لان الكلية خايفة على صحتنا تجيبلنا برد بتاع كدة يعنى

مين اللي قال ان الجو عايز مروحة علشان الحر ليه
هو الجو في الصيف بيبقى حر ؟؟؟؟؟؟؟
الجو بيبقى لا يطاق بس
وبعدين الطراوة في اللجنة كانت درجتها عالية
بس كانت بتيجي على فترات وبرضو وجود صديق زي محمود باشا
مشرف القسم الرياضي الزمالكاوي الصميم كل ده بيهون الموضوع كده ولا ايه يا اوووووو؟

NB
براحة يا يا اخ عناني انت حسستني ان اناالي خدت ال20 مليون ولا انت كان نصيبك في العملية هو ثمن المروحة ولا ايهبالضبط؟؟

ماشى ياعبدالرحمن ثبتنى كالعادة
ياعنانى المروحة اللى انت جبتهالى مابتشتغلش ليييييية؟؟؟؟

هاهاهاهاهاهاهاها
كمان بيعتها لمحمود ياسلام عليك يا Anani