إوعى تموت فى حادثه على الطريق ......... هتتقلب

هههههههههههههههههههه
موضوع يفطس من الضحك ويموت من البكاء

محام مصرى يثير قضية عجيبه وغريبه
لقد توفيت زوجته فى حادث على الطريق وحينما ذهب لاستلام جثة زوجته من مشرحة زينهم بمستشفى
أم المصريين التابعة لوزارة الصحه ( حكومه يعنى ) وجد أنه تم نزع قرنية زوجته
فقلب الدنيا وقام بتقديم بلاغ فى القسم وأنتقل معه رئيس المباحث الى المشرحه للمعاينه ولما وصل إلى هناك قال
عامل المشرحه أن هناك قرار صادر للمستشفى ويقضى بنزع قرنية أى متوفى جاء فى حادث طريق وذلك دون علم أهله
أو حتى موافقتهم
ولما تأكد رئيس المباحث من هذا القرار أبلغ المحامى أنه بالفعل صدر هذا القرار من قبل كلا من وزير الصحه والنائب العام المصرى


الغريب أنه ليس هناك قانون مصرى يقضى بمثل هذا الأمر والقانون الصادر فى منتصف يونيو عام 2003 يقضى بضرورة موافقة
أهل المتوفى على مثل هذا الأمر أو لو كان المتوفى نفسه قد ترك وصية يذكر فيها أنه يتبرع بجزء من جسده لشخص ما أو لجهة ما
أما غير ذلك فلا يجوز لأحد مهما كان أن يقضى بانتزاع عضو من جسد متوفى دون علم أهله أو دون وصية منه

كيف صدر هذا القرار ومتى وكيف لم يعلم أحد عنه شئ ؟ لا أدرى

الموضوع أنا تابعته على قناة المحور فى برنامج 90 دقيقة مع معتز الدمرداش
والغريب أيضا أنه كان يستضيف أحد نواب مجلس الشعب وهو عضو بلجنة الصحه بالمجلس وقد أكد هذا العضو
أن هذا القرار مخالفا للقانون وحينما سأله معتز وإلى من يوجه اللوم فى هذا الأمر قال وزير الصحه

يعنى وزارة الصحه أصبحت تستخدم المستشفيات الحكوميه - يعنى مش المستشفيات الخاصه - لتقليب الناس فى أعضاءهم



يا خبر أسود


يارب اللهم إنى أسألك ألا تكون نهايتى على طريق وإلا فلن أصل إليك كاملا كما خلقتنى
ممكن أكون ناقص كليه أو كبد أو قلب أو قرنيه
المهم هتقلب فى أى حاجه


لا حول ولا قوة إلا بالله

انا لله وانا اليه لراجعون
ربنا يرحمنا ويرزقنا حسن الخاتمه

اللهم آمين

وفيها ايه ياجماعه يعنى هما هياخدو القرنيه ليه اكيد هيدوها لواحد تانى وتبقا ساعدت واحد انا عن نفسى موافق يتاخد كل اعضائى لكن تعطى لمن يستحق وبعدين ياخدها واحد كويس ماياخدهاش واحد يكسب بها سيئات واهو كله خير وصدقه جاريه عليك بعد الممات ولا انتا محتاج اعضاءك بعد الممات وكققول اسماء بنت ابى بكر لابنها لايضر الشاة سلخها بعد ذبحها

ماشي انا معاك يا د جمال بس لو انتا ضامن ان الحاجة دي هتروح لواحد محتاج بجد مش كالعادة هتتباع في السوق السودا للي يدفع اكتر و بعدين اشمعنا دي الحاجة الوحيدة في مصر الي مش هيبقى فيها كوسا , يا رب عدينا منها على خير.

يا جدعنا أنتو بتتكلموا فى إيه
غالبية العلماء أفتوا بعدم جواز ذلك
لأن جسدك ليس ملكا لك وإنما أنت مؤتمن عليه من قبل الله

وإلا لما أمر الله بنى آدم فى قوله " ولا تلقوا بأيديكم إلى التهلكه " صدق الله العظيم

وبعدين أنت تضمن منين إن العضو اللى هيتاخد منك ده يروح لواحد صالح
مش ممكن يروح لواحد فاسد كان ممكن يكون له يومين فى الدنيا ولما أخد عضو منك عاش
طبعا كبه بتقدير الله ولكن تخيل لو أن هذا الرجل كان من المفسدين فى الأرض هيبقى إنت موقفك ايه ؟
موضوع نقل الأعضاء موضوع كبير وللعلماء فيه جدال واسع ولكن ليس هذا ما أوردت الموضوع لأجله

أنا أتحدث كيف يمكن لأى أحد مهما كان ومهما بلغ نفوذه أن يسلب أحدا عضوا من أعضاءه حتى ولو بعد موته ؟
وأنت عايش مايقدروش لأن روحك تسكن هذا الجسد وبعد مماتك فالمصيبة أعظم لأنك صرت بين يدى الله إحنا مش بنقول للواحد لما يموت إنتقل الى زمة الله
عارف يا دكتور جمال يعنى ايه زمة الله ؟

يعنى أمانة الله يعنى إلى منطقة حمى الله أى أن هذا الجسد عاد إلى ربه وخالقه فكيف لأحد أن تسول له نفسه أن ينتزع من بين يدى الله شيئا يخصه وفى زمته ؟

تلك جرأة على الله
والإمام الشيخ محمد متولى الشعراوى حينما سئل فى هذا الأمر أفتى بعدم جواز نقل الأعضاء عير الدم ولما سئل عن إستثنائه للدم قال لأنه يتجدد فى جسد الحى فهو لن يتخلى عنه

وأنا مع هذا الفريق من أهل العلم فإذا إستطاع الأطباء إصلاح جسد أحدهم فاللهم نعم وإلا فهو بين يدى ربه يرحمه كيف شاء
مش هنرقع الناس الواحد يبقى واخد كليه من هنا وكبد من هناك وقرنيه من أى حته تانيه يعنى بقى بنى آدم تجميع
لا أنا أرى أن هذا عبث بخلق الله

والله ورسوله أعلى وأعلم

الله اعلم بس برده فى حكمه فى الموضوع هو الانسان كان يعرف حاجه اسمها نقل اعضاء وانه لو نقل الاعضاء دى ممكن يخلى واحد غيره يعيش سواء هيعمل صح او غلط كل حاجه فى حياتنا ليها حكمه لايعلمها الا الله سبحانه وتعالى وعلم الانسان ما لم يعلم فعلمنا ده حكمه من عند ربنا لا يعلمها الا هو فسبحان الله محدش يعرف ممكن لو اتنقل عضو من انسان معملش خير ابدا فى حياته فالعضو ده يروح لانسان هيكمل حياته ويصلح مجتمع باكمله والعكس وفى امهات بتتبرع بالكليه بتاعتها لاولدها الموضوع مفهوش جزم بس المشكله انك تدخل مشرحه بعد ما تموت وياخدوا اللى هما عيزينوا ويبيعوه ومحدش يعرف عنهم حاجه شغل حرميه يعنى هو ده اللى غلط ومينفعش

الفكرة حاجه واحده بس


هل يجوز لأحد أن يهب ما ليس له ؟

يعنى أنا أئتمنت واحد صاحبى على عربيتى مثلا وقلت له إنه من حقه إنه يركبها ويروح بيها مشاميره ويحطلها بنزين ويعتبرها بتاعته لكنها فى الأصل بتاعتى

هل يجوز له أن يعطى أى شئ من مقتنيات السياره زى الكاسيت مثلا أو أى حاجه تانيه لأى حد ؟
أكيد ما ينفعش حتى لو العربيه عملت حادثه وبقت كفته ينفع إنه ياخد منها أى حاجه ويتبرع بيها لعربيه سليمه تانيه من غير إذنى ؟

أظنه لا يجوز
مين بقى إستأذن ربنا سبحانه وتعالى فى أن يأخذ أعضاء من أجساد خلقها وأودعها أصحابها وأمنهم عليها ؟
لا أظن أحدا فعل هذا

لذا لا يجوز لنا أن نأخذ من شخص شيئا ليس ملكا له فى الأساس هكذا تقضى الحكمه

وبعدين الموضوع أكبر من أن أتكلم فيه
الموضوع ده زى ما قلت للعلماء فيه جدال ليس بالهين وكل فريق يرى الأمر من وجهة نظر مختلفه عن الآخر

والله أعلى وأعلم