عيزه رائيكم موضوع حياه او مووووووووووت

بسم الله الرحمن الرحيم

معظمنا بيرجع على طول من الكليه عشان يقعد على النت وبيعيش حياه تانيه ويحس انه مسيطر فى العالم الالكترونى اللى هو النت اكتر من الواقع بتعمل اللى عيزه فمثلا انا مشرفه ممكن احذف رد اى حد مش عاجبنى او حتى اعدل فيه مانا ليه سيطره هنا وطبعا انا مليش سيطره فى اىمكان غير هنا وبصراحه اهى بناخد اللى بيحصل او الرود ونقعد فى الكليه نحكيها لاصحبنا واهو كلام ومواضيع بنتسلى بيها بس احنا كده ممكن نلاقى نفسنا اتحصرنا فى العالم ده ومحتاجين دكاتره نفسين
ارجو ان منكم ايها الساده الاعضاء والمشرفون والادارين ان يناقشونا بارائهم وتجاربهم الشخصيه
واحنا فعلا محتاجين دكاتره نفسين ولا انا بس؟

هههههههههههههه يالؤلؤة ايه التعقيد ده بس مش انتى بس اللى بيحصل معاها كده كل الناس كده ولكن فى ناس بتنظم نفسها
انا عن نفسى الكمبيوتر بتاعى شغال بعد الكليه لحد مانام واوقات والله بسيبوه يحمل بالليل وانام واخواتى الصغيرين بيلعبو عليه وانا ف الكليه
لكن مش فاهم ايه السيطرة اللى انتى بتتكلمى عليها اذا كانت زى مابتقولى منطقة سيطرتك بس ف المنتدى فاعذرينى دى مش سيطرة لان فى اللى اعلى منك ف عملك ومتحكم بتعيينك او حذفك وده اللى كرهنى ف شركات الادويه ومعامل التحاليل
انا عن نفسى لا اعتبر اى مكان يراسنى فيه احد هو منطقة سيطرة ليا
i love freedom

بصى يالؤلؤة انا بصراحة مافهمتش كلامك اوى ومش عارف قصدك اية بس اللى فهمتة انك قصدك ان انتى او احنا عامة حاصرين نفسنا فى عالم ضيق هو الكلية ثم النت مفيش حاجة غير كدة بس دة بالنسبالك انت بس حاولى تنظمى وقتك شوية تشغلى نفسك بحاجات تانية ممكن احنا عشان صبيان فالموضوع سهل بالنسبة لينا عنكوا انتو كبنات يعنى بالنسبة لينا كصبيان بنروح الكلية وبندخل على النت وبنلعب وخروجات وسفر عشان كدة مش حاسين باموضوع دة اوى المهم حاولى تنشغلى بحاجات تانية بردو الا المزاكرة عشان المزاكرة حرام وبتجيب اكتئااااب هههههههه

اولا اللى خلانى اكتب عن الموضوع ده لما كنت مروحه من يومين كنت راكبه السرفيس عادى لاقيت اتنين من الكليه ولاد مش بنات والله عمالين يتكلموا عن منتدى وهو المدير العام وعمال يقول هو حط ايه وحذف رد مين وده علق قال ايه فلما سمعته قلت فى نفسى مانا كده برضه يا حرام احنا بقينا فى الضياع قوى كده حياتنا اتحصرت كده والمكان الوحيد اللى تعمل فيه اجنور او دليت لحد من حياتك بسهوله على النت يعنى انت لو عرفت ناس وانت اقترحت عليهم موضوع كله هيجوبك فى وشك مش هتقدر تعمل ليهم اى حاجه غير انك ترد لو قدرت اما لو مش قدرت هتسكت والكلام خلاص اتقال مش هتعمل له دليت او هتخليه يرجع فى كلامه

ماهو يا لؤلؤة للاسف الحياة دلوقتى بقت كدة عشان تعيشى لازم تطنشى وتعدى وياستى خلينا نطلع غيظنا واللى جوانا هنا فى المنتدى بتاعنا مفيش مشاكل ياريت بس نطلع غيظنا كلة فى جمال عشان انا متغاظ منة اوى

هههههههههههههههههه
ابعد عن جمال ليطردنا ويقفل المنتدى
ومفيش مشاكل بعد اذن مدير المنتدى نطلع اللى عيزينه فى المنتدى
واكيد بحدود

عارفه يالوءا انا المشكله دى قابلتنى فى تالته ثانوى او من اول تقريبا ماعملت ايميل وبتاع واتعلقت بالنت اوى اللى هى المرحله الاولى بمعرفتى بيه

وصلت لمرحله الادمان لدرجة انى مكنتش بخرج مع اصحابى عشان اقعد عليه

بس انا فعلا بصيت لنفسى وسالت نفسى نفس سؤالك وحاولت ابعد عنه تدريجيا لغاية والحمد لله بقت الحكاية منظمه شوية

وكمان انا مش بحب حاجه تتحكم فيا باى طريقه سواء نت او اى حاجه تانيه

لذلك انا اللى بعدت نفسى فانتى بس اللى تقدرى تنظمى وقتك ومتحصريش نفسك

لان هنيجى فى الاخر ونكتشف اننا ضيعنا وقتنا ع النت وبره ضاعت مننا احلى وقت فى حياتنا

الخروجات مع الاصحاب وطبعا مستقبل الواحد اهم

لكن النت برضه لو هيرفه عنى يبقى كويس بس ميستحوذش عليا

بس موضوع مهم يالوءا فعلا

رائيك فرح قلبى يا شوشا وكلامك صح مليون فى الميه

آه ما ـنتوا مشرفين ولازم تتعقدوا
لكن الأعضاء الغلابه اللى زينا يقولوا يا رب
وعلى فكره أنا أول ما بروح من الكليه بنام لح العشاء وبعدين أصحا أقعد على النت لحد تانى يوم الصبح
ما عنتش بشوف أمى ولا أبويا ولا أخواتى ولا باكل معاهم وباكل لوحدى
مفيش حد يعرفلى حل يا جماعه

يا جماعة احبا لازم نحاول نوسع دايرة حياتنا واهتمامتنا
احنا تقريبا بدأنا نفقد حتى روابطنا الاسرية والاجتماعية.و هييجى وقت ونحس اننا فقدنا القدرة على التعامل مع الناس.وغير قادرين على مواجهة المواقف الحياتية البسيطة

محمد عنانى كتب:

آه ما ـنتوا مشرفين ولازم تتعقدوا
لكن الأعضاء الغلابه اللى زينا يقولوا يا رب
وعلى فكره أنا أول ما بروح من الكليه بنام لح العشاء وبعدين أصحا أقعد على النت لحد تانى يوم الصبح
ما عنتش بشوف أمى ولا أبويا ولا أخواتى ولا باكل معاهم وباكل لوحدى
مفيش حد يعرفلى حل يا جماعه

محمد بكره هتتخرج وهترجع للحياه تانى بس الشئ الوحيد اللى هنفقده للابد المسافات اللى عملناه مع اهلنا لاننا معناش بنشوفهم ولا بنسأل عليهم ولو فى يوم سألت باباك انت عامل ايه يستغرب ليه هو فيه حاجه ولو سألت مامتك سؤال غير طبخه ايه انهرده تحس انك قربت تموت او حاسس بحاجه غلط
والله مفيش حل معرفش كنت لقيت حل لنفسى

botshy كتب:

يا جماعة احبا لازم نحاول نوسع دايرة حياتنا واهتمامتنا
احنا تقريبا بدأنا نفقد حتى روابطنا الاسرية والاجتماعية.و هييجى وقت ونحس اننا فقدنا القدرة على التعامل مع الناس.وغير قادرين على مواجهة المواقف الحياتية البسيطة

فعلا عندك حق يا بوتشى

شكرا لمشاركتك