أعطى كل ذى حق حقه

أولا : ياريت الموضوع نآخده كلنا كأنه نصيحة ومهم جداً جداً

انا لا إخوانجية ولا سلفية , مع إن ليا الشرف الانتماء ليهم

لكن مستحيل اسمح لحد مهما كان هوه مين أنه يتكلم عن أي شيخ من الشيوخ وعلماء الدين , احنا اتعلمنا منهم كتير وده دَيْن علينا لازم نردهولهم ونشكرهم على كده , مش نرد عليهم بالإساءة لكل واحد والاستهزاء بيهم
...
لكن ان واحد ما اسمعش ولا لواحد فيهم ويجي يتكلم عنهم , فلا وألف لا لأن ده خط أحمر محدش يقدر يتخطاه , ويجي في الآخر ويزعل لما حد يقوله هوه انت مين في الشيوخ دول

-- قال رسول الله صلى الله عليه وسلم : *( من يرد الله به خيرا يفقه في الدين. )

*( فضل العالم على العابد كفضل القمر على سائر الكواكب ليلة البدر. العلماء هم ورثة الأنبياء . إن الأنبياء لم يورثوا ديناراً ولا درهماً ، وإنما ورثوا العلم ، فمن أخذ به ؛ فقد أخذ بحظ وافر )

* ( صاحب العلم يستغفر له كل شيء حتى الحوت في البحر )

-- قال تعالى في كتابه العزيز : * " قل هل يستوي الذين يعلمون والذين لا يعلمون "

* " إنما يخشى الله من عباده العلماء "

ممكن الشيخ يغلط يغلط وانت تغلط وانا اغلط انا مش معصوم من الخطأ
-- قال الإمام الشافعي وهو إمام الأمة : ( قولي صواب قد يحتمل الخطأ )

وبالنسبه للشيوخ والدعاة , فجميعهم على رؤوسنا, سواء عمرو خالد او غيره من الدعاه , فمفيش حد فيهم بيدعي الي الفسق ولا العصيان

ومن ثمّ يجب ألا نعيب في قدر أي شيخ من الشيوخ والتحلي بأدب الخلاف فالصحابة اختلفوا لكن مع الأدب في الخلاف فبأدب الخلاف لا يوجد خلاف

اه اسمع لده ولده ولده واخد المفيد من كل واحد وابعد عن السئ بتاعه فكله بيغلط فهوه ده الصح و ده منهج العقلاء

وده رأي الشيخ في السياسة وقال كذا , انت عقلك فين , ما تآخد لرأي ده ورأي ده وانت بنفسك اللي تحكم وتختار بحريتك الشخصية لكن ما تعيبش في شخص شيخ من الشيوخ لان رأيه ممكن يكون غلط

وماحدش يقول برضه ايه اللي جاب الدين في السياية والسياسة في الدين , هرد عليك بآيه واحده بس

-- قال تعالى : " وما فرطّنا في الكتاب من شئ "

ليست العبرة أن يقال الحق ولكن العبرة ان يُقام الحق

فياريت محدش يكون زعل مني لما اتعصبت لكن ده مش بإيدي , فأ،تم جميعا أفضل مني وعلى رأسي

واحذروا فوربي لحوم العلماء مسمومة

وياريت مش كل ما ادخل على اى جروب ألاقي جدال في الحوار ده

احبكم في الله والسلام عليكم

يقول الإمام على بن أبى طالب
الحق لا يعرف بالرجال ولكن الرجال يعرفون بالحق
.
.
.
.
.
بس أنا بصراحه مش قادر أربط العنوان بالموضوع

انا اخطئت فى اختيار اسم للموضوع بس بفضل الله انا غيرته

بارك الله لكم ونفع بكم