لبس نضارات لقلبك
انا كل ما ببلبس نضارتى بشوف كل شىء اوضح
اصل بينى وبينكم انا نظرى ضعيف
...
اوعوا تقولوا لحد بقى
اما بلبسها بشوف الخيال ملامح
بشوف طريقى اخره ايه
بشوف الصح والغلط فين
اجى بقى للمهم
ياترى حد مننا فكر
الحاجه اللى مش بتشاف بالعين
اعرف ازاى اذا كانت صح او غلط؟
الحاجه دى هى الذنب
والحاجه دى مش محتاجه نضاره على عنيك
محتاجه نضاره على قلبك
توريك الصح فين و الغلط فين
استفتى قلبك وشوف فين هيدلك
كتير حاجات بتمر علينا نسأل عليها بدون علم
يا ترى ده حرام والا لاء؟
ولو عملته هرتكب ذنب والا لاء؟
استفتى قلبك
قبل ما عقلك يعرف كتير عن دينك
قلبك عرف اكتر
اسأله وهيدلك
الحرام بَين والحلال بَين
ساعتها عمرك ما هتيجى ناحيه الذنب ابدا
انا مش بقول منتعلمش عن دينا
ولا نبحث ف فتاوى
ونزود علمنا اكتر واكتر
لاء ابداً
انا بس قصدت ساعه ما تلاقى مفيش مفر ادام ذنب
وجاهل اذا كان ده ذنب والا لاء
استفتى قلبك
والبس نضارتك
هتوضح اكتر
وتدلك عا الصح من الغلط
موضوع: لبس نضارات لقلبك 
الثلاثاء 22 مارس 2011 - 22:16