كله خير........

اه خرجت من ظلمه رحم لنور
وده يبقى خير

اه خرجت من دفء وحنان فى صغرك من صدر امك
لبرد وخوف وقلق من احضان ناس تانيين
وبردو خير

اه شوفت كتير وياما لسه هتشوف
ما هو ده بردو خير

خير خير
خير ازاى؟

خير عشان ده ابتلاء

ما اصل انت مجتش للدنيا
عشان تعيش علطول فى حال

لاء سبحانه مغير الاحوال

وزى ما بيقولوا دوام الحال ده محال

عشان كده فى كل شىء
قول يارب اى شىء منك خير

مهما حصل
مهما اللى حالك له وصل

بردو خير

ما هو مستحيل تكون طمعان فى جنه غاليه
من غير ما تدفع اجرها فى دنيا فانيه

وتقول انا شوفت شر فى دنيتى
ولسه كمان هشوفه فى اخرتى

لاء ده انت تٌبشر
اللى انت فيه ده كله خير

عشان ربك اراد ليك بلاء
يمحى عن كتفك ذنوب تعباك

ومن ايدك ياخدك لجنه طول عمرها شغلاك

وزى ما هتترسم دلوقتى على شفايفك بسمه
زود عليهم كمان كلمه

قول استعنت بك يا وكيلى

ويا محلاها بقى لو كانت فى مناجاه

بينك وبين الله

وفى وقت ليل ووقت صلاه

لو يدرك المرء كيف يُدبر الله له الأمور… لأحبَهُ وأحبَهُ ثم أحبَهُ..
ثم فوض الأمر له وحدَه وهو مطمئن واثق أن الخير فيما
اختاره الله
…فقط لو يُدرك المرء … لو يُدرك .

كله خير ............الحمد لله

الحمد للللللللللللللللللللللللللللللللللللللللللللللهه

احسن كلمه الواحد يقولها

على اى حاجه تحصله

"خير ان شاء الله"