عيب اوى ياجمال (ياريت ماتتكررش تانى)

بص ياجمال فى حاجة كدة حصلت وماينفعش تيجى منك
اولا بالنسبة للموضوع البسيط او التتش اللى حصل بين اميرة القلوب وحسام المعظمى اعتقد حسب ماانا قريت ان حسام هو اللى افور الموضوع من الاول ومعلش يااميرة انا بعتذر نيابة عنة
ثانيا بالنسبة ليك ياجمال بعد اذنك انك تقفل الموضوع دة مش بمزاجك المنتدى دة بتاعنا كلنا مش بتاع فرد يوم ماتقفل الموضوع يبقى بقرار من معظم اللى بيكتبوا فى الموضوع لكن انك بمزاجك تقفلة عشان مشكلة بسيطة دة ماينفعش وياريت مايتكررش
اخيرا جمال انت تعلم قيمتك عندى اية لكن معلش ماينفعش
المنتدى بتاعنا كلنا كلنا اخوات والخلاف فى الرأى لا يفسد للود قضية ودة على فكرة جمال بيتفق معايا فية
احترامنا للاخوات على المنتدى مفيش حد يقدر يققل منكن

طبعا انا مش مع جمال من البدايه انه حذف مشاركات ده بيقولى انه حذف ليا كمان ......بيستهل سياته هههههههههه


ولا معاه فى الاخر انه قفل الموضوع

ولا معاك انت بقه فى النص بيقولك ياداخل بين البصلة وقشرتها ما ينوبك منها الا الدموع ههههههههه وانتا مالك ياد تتكلم عن منتدى مالكش اشراف فيه انتا مش ماسك المنتدى الرياضى حد عمره ردك فى حاجه د انا عمر ما دخلت عليه حتى عشان احذف او اعدل او اعمل ايه حاجه تظهر سيطره وبعدين انا قلتلكم شلوه واعمل انقلاب وانا القائد بتاعكم



اما المهم بقه فمن نحيتى مافيش حاجه انا كنت بهزر فلاقيت مافيش قبول فاستفسرت وكنت عايز اه او لأ لاطلت اه ولا لأ طلت خفيف وتريقه ولا وكمان مش عاجب حاسس انى ارتكب جنحه وعايزنى امثل امام القانون


ده اللى حصل واللى عايز يعقب عالكلام ده يا ستميت مرحب

ايوه ان شاء الله مخطط يمشى


وبعدين سبحان الله المشرفين اللى بيطالب بالطلب ده امال الاعضاء الغلابه يعملوا ايه وبالكم بقه لما مشرف يتقفلوا تلات مواضيع ورا بعض يعمل ايه يا عنانى

لالا ما ينفعش النظام ده ونريد اسقاطه . الكلام ده ما ينفعش مع شباب التحرير

هههههههههههه ماشى يامعظمى بس انت مش فاهمنى ياريس انا قصدى انة محصلش حاجة تستدعى ان الموضوع يتقفل وبعدين مش بمذاج جمال يقفل المواضيع كدة المفروض يكون سبب واضح
كلنا اخوة ياجدعان ومفيش مشاكل

اتلم ياض انت وهو وكل واحد يركن ف جنب
اولا ياحوده النصيحه ع الملأ فضيحه
ثانيا هذا ليس اختلاف وجهات نظر يا انفنتيود ممكن ترجى للكلام هتلاقيهم كانو هيمسكو ف بعض كمان شويه
ثالثا انا ناس قالتلى افضل انك قفلت الموضوع
رابعا استقرار وسلامة المنتدى والحفاظ عليه اسرة واحده فوق اى اعتبار
واللى مش عاجبه يبعتلى رساله وارد عليه وكل واحد يشوف شغله علشان مانتنرفزش على حد

ماتيجى تضربنا احسن ياجمال زى ماانفنتيود قالتلك والله العظيم نخلعك بس للاسف مش هتهون علينا يارخم

طب فهمونا ياجماعه فيه ايه؟؟؟؟؟؟؟؟؟؟؟

عايزين ندافع برضه

بصى ياستى كان فى موضوع بتاع نتيجة الفرقة الخامسة 2011 المهم حصل تتش بسيط بين اميرة القلوب وحسام المعظمى المهم جمال راح قفل الموضوع خالص بس كدة

ايه ياجمال هما نازلين فيك ضرب ضرب كده ليه بس تصدق انت تستاهل خد اشمعنه انا اللى مش هضرب ههههههههههههههههههههه ياعم جمال سايس امورك مع الناس انت مش ناوى تتعلم من الريس بتاعك احنا فى انقلاب فى الدوله يعنى انت ممكن تتشال فى اوى وقت بس محمود قال انك مش هتهون عليه لكن انتا عارف انك هتهون عليا طبعا عارف لانك حبيبى من ايام الجيزه ههههههههههههههه والله واحشنى جدا ياجيمى انت وحسام وكل الناس ...............

ههههههههههههههههههه ايه ده

اقتباس :

سيبهم يتخانقوا واحنا نصالحهم تاني

الواحد يسمى ده ايه ياناس يا شر كفايه أر

واصلا ما فيش خناقه ولا حاجه د ميتشو بيهدى الامور واد لئيم انا عارفه




اما انت بأه يا عل ياحسن اقول فيك ايه ماشى مع الماشى انت ياابنى مش حزب خاين ولا حرقت الكارنبيه والريس حبيبك راح فين ما عندكش فكره طفش ولا لأ

مع انى معرفش ايه اللى حصل بالظبط

بس بناءً على ماسمعت

كبرى دماغك يااميره لان احنا اللى المفروض نكبر

هنعمل ايه بس

بس دكتور حسام على قدر من الاحترام وانتى يااميره برضه فانا معرفش ايه اللى حصل
بس والله لو حد تانى لو دكتور محمد عنانى مثلا او اى حد كنت قلتلك لازم نقيم عليه الحد لكن دكتور حسام نحسبه على خير

المهم ياريت يادكتور حسام انت ودكتور جمال تعتذرولها ف رساله خاصه ع الاقل وخلاص الموضوع يخلص
وكمان يااميره الناس ومن الاخوه الولاد كمان اعتذرولك ياباشا
لو عايزه اكتر من كده هيعملوا
اى خدمه
لان احنا غير اى حد احنا المفروض فيه بيننا موده ربنا يديمها علينا

ياريت الاخوه هنا يعرفوا ان البناتيت حساسين شوية يعنى ميهزروش معاهم زى الولاد لان بتتفهموا غلط

خلاص ياجماعة حصل خير
متشكرة ليكو ياجماعه على الشعور الطيب دة منكو
وبالنسبة ليك يادوكتور حسام قبول وأة ولأة ايه اللى بتقول علية انا مشفتلكش غير اول رد
أما انت يادوكتور جمال نمسك فى بعض اية انت شايفنا عيال بنلعب فى الشارع واتخانئنا على لعبة ولا ايه وبعدين باى حق تمسح مساهماتنا وعلى العموم حصل خير ومافيش اى حاجة لا خناقة ولا حاجة
وكل سنة وانتو طيبين ومبروووووووووووووووووووووك لمصر

لا يااميره متفرطيش ف حقك مصر ايه وبتاع ايه

فعلا المفروض ميمسحوش حاجه ع الاقل يبعتولك رساله خاصه بكده
يعنى هما غلطانين
انا بهدى النفوس

المهم متزعليش نفسك

وفرى االزعل لحاجات اهم يابنتى هو فيه حاجه تستاهل الواحد يزعل عشانها

انا هرد على الحوار دا بحاجة واحدة " المنتدى دا يتقفل وكل واحد يروح بيته" هههههههههه والاختلاف فى الراى بيفسد للود قضية عند جمال على فكرة وبعدين اتحذف حاجات قبل كدا يعنى جت على دى

مابلاش انت يادكتور الله يكرمك

ههههههههههههههههههههههههههههههههههههههههههههههههههههههه

اقتباس :

وبالكم بقه لما مشرف يتقفلوا تلات مواضيع ورا بعض يعمل ايه يا عنانى

انت لازم تفكرنى يا ابنى بس ده خلاص ده كان قبل 25 يناير ومش هيتكرر تانى

اقتباس :

رابعا استقرار وسلامة المنتدى والحفاظ عليه اسرة واحده فوق اى اعتبار

بتفكرنى بحسنى وهوا بيقول أمن واستقرار البلد أهم عندى وشكلك نهايتك هتبقى زى نهايته

اقتباس :

بس والله لو حد تانى لو دكتور محمد عنانى مثلا او اى حد كنت قلتلك لازم نقيم عليه الحد

ياخوانا ده انا والله العظيم طيب مش زى ما انتو فاكرين وبكره الأيام تثبتلكم

new_moon كتب:

المهم ياريت يادكتور حسام انت ودكتور جمال تعتذرولها ف رساله خاصه ع الاقل وخلاص الموضوع يخلص

لاتعليق

ايه يادكتور انا قلت حاجه غلط؟؟

ياجماعه والله بجد عيب عليكو
مالقتش رد يدى معلومه استطيع الاستفاده منها
اولا
قلت النصيحه ع الملاء فضيحه واحدا لم يعقب على تلك الكلمه وكان من الاولى من محمود ان يبلغنى باى طريقه فهو يعرف كل طرق الاتصال بى
ثانيا
قلنا ياجماعه احنا اسره واحده وماينفعش يبقا بينا اى مجال ان واحد يدخل بينا واى حد يرجع للموضوع كان هيلاقى الكلام ده حصل واحدا لم يرجع الى الموضوع
ثالثا
قلنا ياجماعه عايزين مشرفين وطبعا كله مش فاضى فلم يتقدم لنا احد بل طلبنا من ناس وقاموا بالرفض
رابعا
احنا هنا ف المنتدى اسرة واحده لما اقفل موضوع اكيد يعنى ماهقفلوش غطرسه واداره انا بكون خايف على حاجه من اتنين يا اما على صاحب الموضوع يا اما ع المنتدى نفسه
يارب كلامى يكون وصل واتمنى الناس تبدى استعداد اكتر من كده انها تتفاعل معانا وتساعدنا
وللعلم بالشىء حاليا كل التنظيم عليا انا وحسام مافيش مساعده من قبل الاشراف والدليل اسالو البحراوى وانا لن اعلق بل هو من يعلق
والله الموفق

اقتباس :

والله الموفق

مش بقولك انت اتعديت وشكلك هتوحشنا
يا حبيب قلبى أنا على فكره مش بتفرق معايا المواضيع دى ولو حتى قفلت المواضيع كلها لإنه ببساطه المنتدى بتاع حضرتك وحضرتك اللى عملته وإحنا اشتركنا عليه ووافقنا على الشروط اللى فى الأول وطبعا انت صاحب الحق الوحيد فى إنك تشوف الصح صح والغلط غلط .
انا مش هناقشك لإنه مالوش لزمه النقاش وبكره هتطلع وتقول أنا فهمتكوا زى بن على وتقول لقد حاربت من أجل هذا المنتدى وسأعيش وأموت وأنا مديره زى حسنى
تقريبا كل الرؤسا زى بعض وخصوصا لما يبقوا مصريين