عملها الوحوش .... عملوها وامتحنوا الولاده .... قولولنا بأه عملتوا إيه ؟

طبعا أنا عارف إن كل واحد فيكم جاى وفيه اللى مكفيه ودماغه أتخن من نفق شبرا وعايزين تتقلبوا على طول بس .....

خليكوا حلوين وخمس دقايق مش هنعطلكم وقولولنا عملتوا إيه والإمتحان جه إزاى والشيت كان سهل ولا صعب وفيه نظرى ولا لأ والعملى كله بيسأل فى الأدوات ؟
من الآخر كل اللى تعرفوه وربنا يجزيكم خير إخوانكم على موعد مع المعترك بكره .

معلش ى دكتور عنانى تقريبا تلات اربع الوحوش حاجات اقل من الوحوش شوية معظمنا امتحن عملى فقط زى حلاتى او خلى التنين بكرة اما العملى فية كل حاجة و انت و حظك ممكن fetu تعدل وضعة و ادوات وكيف تدير فيتوتومى و ادوات و اعمل لوب اما الشيت اللى حضروا يفيدونا لاحظ تكرار ادوات و ربنا معانا

طبعا ماحدش هيرد عليك لأني سايبه كل المنتدى لسه عند المكتبه بيصوروا ورق وطبعا جبنا أجل المكنه بتاعت الراجل
وطبعا كلكم مشتاقين تعرفوا هدية الولاده لينا ف العم الجديد
أولا الإمتحان كان 9 ونص بدأنا بالداتا شو وهما سبع شرايح يمين عظيم أبدا أول مره ف حياتي أشوفهم بس كل شريحه عليها سؤال أو إتنين أو تلاته على حسب وكان فيهم كل حاجه أدوات والله لحد دلوقتي ماعارفه منهم غير الrope والفيتوتوم والبوزيشن
ثانيا الشيت ودا كان مدته نص ساعه وكانت النص ساعه كافيه جدا لأننا حلينا إل عرفناه ف النص ساعه والباقي حتى لو قعدنا لحد بكره ماكناش حالينه لأننا مش عارفين حاجه وهوا كان تلت أسئله وصل وصحح الخطأ وأذكر السبب
وبعد كده بقه االإمتحان الشفوي وطبعا دا مش محتاجين أعرفكم بيه
بس كل ال أقدر أقوله حسبي الله ونعم الوكيل أنا مش بخوفكم لا سمح الله بس شدوا حيلكم وربنا يعينكم
أنا عايزه بقه أعرف من الناس ال امتحنوا هوا الإمتحان كان صعب عليه لوحدي ولا عليه وعلى غيري

بداية العام الجديد تنذر بعام كبيس
يبدا العام بامتحان ولادة وما ادراك ما امتحان الولادةبصو يارجاله وعايزين نفتح الدماغ الاول تذاكر الفيديو اللى يسرى نزله جزهم الله خيرا
ثانيا تجرى وتذاكر اخر 5 سكاشن كويس جدا جدا جدا
واقرا الشويه اللى ف الاول ع السريع واتحداك لو ماقفلت الامتحان الا ربعه يعنى هو فى كام نقطه هيبقا فيه اختلاف عليهم لكن الامتحان ف مجمله كويس جدا والله ولاتقلقو من اى حاجه بس ركزوا ف ال ppp
وربنا معاكم

صحيح يا جماعة ال data اول مرة تشوفوها ولا ايه وعايزه اعرف بالضبط الصور كانت عباره عن ايه

امتحان النهاردة كان تسعة وربع

الامتحان كان كويس جدا لكن الشريحة الواضحة اللى انفينتيود بتقول عليها ديل صغير جدا تحت الديل الكبير ههههههههههههه ديل طالع من الفاجينا ولو الدكتور ماقلش كده ما اظنش لو مين كان يعرف يجبها
ده طبعا بريتش بوزيشن

بقيت الشيت كةويس والادوات سهله اعرف فايده كل واحدة
وركز ووسع مخيلتك فى ال بى بى بى وتعديل الاوضاع

اما العملى فانت وحظك انا كل اسألتى عن يترين برولابس كنت خايف اقول ما خدنهوش ويطلع اننا خدنا يقلى الدكتور عاطف انك ما بتحضرش فجوبنا عليه والحمد لله ولا فيها عوص ولا ادوات

خير ما تقلقوش الامتحان كويس

شكرا يا جماعة ع الأخبار اللى زى الطين دى وربنا يباركلكم وتنجحو يا رب واحنا معاكم .
المفحوتين بيشجعوا وإحنا معاهم .

اقتباس :

أدا ياجماعه دا كله أنتوا كدا بتخوفوا الناس جدا

هوا انتى كده بتطمنينا ؟ ده الرصه اللى انتى رصتيها تحت دى تقلق الدكتور على عبد الرحيم نفسه الله يسامحك .

وعلى رأى المثل الحزب الوطنى شمعه تحترق من أجل مصر والشعب المصرى ............ مين اللى طفا النور ؟!!!!!!!! .

تماااااااااااااااام

لا اله الا الله

ياجماعة والله العظيم الولادة دة مابشيل همها ابدا اصلى كدة كدة هو تقدير معين هجيبة فيها ان شاء الله حتى طلعت السما ب dorsal sacral position والدليل على كدة السنة اللى فاتت قفلت المتحان فى الشيت والعملى دكتور بكر ادانى 9 تقريبا وقالى دى اعلى درجة عندة ونظرى زى الفل وفى الاخر جبت 34ههههههههه فعادى ياجماعة احنا علينا المتحان بكرا عايزين نبقى متفائلين واهم حاجة الابتسامة هيا اللى هتنفعنا احنا لو جالنا ضغط ولا سكر لاقدر الله ماحدش هينفعنا

اهم حاجة الروح الرياضية ياناااااس
هاهاهاهاهعاهعاهاهاهاهعاه
هاهاهاهاهاهاهاهاا

والله وأنا نفسى أضحك معاك يا متعب هع هع هع هع هع هع هع هع .

اى حد قلقان من امتحان بكره يروح يصلى العشا كده لو لسه مصلهاش وبعدين يقعد يشرب شوية شاى حلوين مش زى بتاع الكافتيريا
وبعد كده يقرا شوية ف اى حاجه بتاع نص ساعه كده وبعدين ينام
بلاش وجع دماغ
خدنا ايه من الولاده غير عسر التفكير

ولا كأنى كنت معاهم عندى زهايمر ؟؟؟؟؟؟؟؟؟؟؟؟؟؟ حد يعرف ليه؟؟؟؟؟؟؟؟؟؟؟؟؟؟؟

انتو قلقتونا جدا

ربنا يسترها ان شاء الله

انا لله وانا اليه راحعون
الرجالة قضى عليهم لا حول ولا قوة الا بالله
سنة 2011 سنة مميزة جدا وزى ما بيقولوا بداية القصيدة كفر
حسبى الله ونعم الوكيل
احنا خدنا جرعة معتبرة من المطبات لحد لما اتعورنا
والحمد الله دخلت لدكتور على عبد الرحيم واول ما دخلت عليه وكنت لابس البالطو واقفلوه وكنت لابس gloves من افضل الانواع واول ما شفنى لابسة قالى خد ياد يافاشل
وعينك ما تشوف الى النور واسألوا ايمان وجيه كانت بتمتحن معايا
وضرب بنت معانا فى المجموعة
احب اقول كل واحد يركز جدا فى الشيت علشان كله فهم وليس حفظ
وعلى العموم اتصلوا بالاسعاف قبل ماتخشوا الامتحان علشان لو حد اغمى عليه ةلا حاجة تكونوا جاهزين
وحسبى الله ونعم الوكيل [ندعوك للتسجيل في المنتدى أو التعريف بنفسك لمعاينة هذه الصورة]

قلتلك ياايمن هوه عايز راجل يعنى يشمر قمصيه ويدخل فى الحالة على طول مش تقلى بقه جونتى
ياد يا نايتى ههههههههههههه انت ما شفتش عمل ايه مع حمدان وهوه رايحلك
بس بصراحة انا بحضر معاه العملى راجل منتهى الاحترام والعلم والتواضع
وربنا يكرمه ويكرمنا وتحلوا كويس

والله الامتحان كان كويس بس ايمن مابيسمعش الكلام ياعم حسام..............يستاهل انا بصراحه بحب الدكتور على جدا والله وبحترم دماغه جدا جدا جدا وفى مشروع لو كمل معاه هنبقا عملنا انجاز بس يارب يوافق وربنا ييسر

امتحان الولادة لا تعليق يلا بالشفا ماهى ولادة هنعمل اية على راى د ميتشو لو طلعنا السما ب .......

هههههه عندك حق ياشادو dorsal sacral position longitudinal presentation