2011 يبدأ بأحد أبشع الأعمال الإرهابيه عنفا ....... تفجير كنيسة القديسين بالإسكندريه ليلة رأس السنه .

[ندعوك للتسجيل في المنتدى أو التعريف بنفسك لمعاينة هذه الصورة]

أعلن الدكتور عبد الرحمن شاهين المتحدث الرسمي باسم وزارة الصحة أن عدد حالات الوفيات في حادث كنيسة القديسين بالإسكندرية ارتفع إلى 21 حالة، كما بلغ عدد المصابين 79 مصابا.
وقال شاهين في تصريح له اليوم /السبت/، "إن وزير الصحة الدكتور حاتم الجبلي تابع الحادث لحظة بلحظة وأمر بإرسال فريق طبي بالإسعاف الطائر برئاسة الدكتور هاني مورو إلى الاسكندرية، يشمل عددا من التخصصات الطبية، ويضم 7 أعضاء" .
وأشار إلى أن الفريق توجه فور وصوله إلى مستشفى شرق المدينة وتابع جميع حالات المصابين، موضحا أن الإصابات تراوحت ما بين كسور وحروق وجروح قطعية، وقرر الفريق الطبي إرسال حالتين من المصابين إلى القاهرة لاستكمال علاجهم بمستشفى معهد ناصر حيث إن حالتهم تتطلب مهارات طبية خاصة.
وأضاف أن الفريق الطبي يقوم حاليا بمتابعة حالات المصابين في المستشفى الجامعي للاطمئنان عليهم وسوف يتم نقل أي من المصابين الذين تستدعي حالتهم إلى القاهرة لاستكمال العلاج.
وقال شاهين "إنه تم استدعاء جميع التخصصات الطبية بالمستشفيات التي استقبلت المصابين فور وقوع الحادث، وقاموا بعمل الاسعافات والفحوصات والاشعات والتحاليل اللازمة لجميع المصابين".
جريدة الأهرام .

وقالت المصادر الأمنية أن الانفجار نجم عن سيارة مفخخة بجوار بوابة الكنيسة ولكن السيارة التي فحصتها أجهزة المعمل الجنائي والتي قلبت علي ظهرها وتدمرت بشكل كلي لم يبدو عليها أي اثار للتفحم جراء الانفجار بينما تبعد عنها سيارة أخري قدر خمسة أمتار قد تفحمت كليا واحترقت عجلاتها الأمامية ومازلت أجهزة المعمل الجنائي تفحص آثار الانفجار , ورجحت مصادر أمنية رفضت أن تفصح عن اسمها أن الانفجار نجم عن شخص مفخخ يرتدي حزام ناسف إلا أنه استدرك أن هذا أحد التحليلات المبدئية .
جريدة الدستور الإلكترونيه .

يقول رسول الله صلى الله عليه وسلم " من قتل معاهدا لم يرح ريح الجنة " كما قال صلى الله عليه وسلم " من أمن رجلا على دمه ثم قتله فأنا برئ من القاتل وإن كان المقتول كافرا "
نعم إن رسول الله يبرأ ممن يقتل المعاهد أو الذمى أو حتى الكافر إذا أخذ الأمان على دمه من ولى الأمر أو حتى من أدنى مسلم فهو يقول صلى الله عليه وسلم " ذمة المسلمين واحده يسعى بها أدناهم " ونحن كذلك نبرأ إلى الله تعالى من هؤلاء الذين قتلوا الأبرياء فى الإسكندريه ولا نعتبرهم من المسلمين ولا نواليهم ولا نعادى من أجلهم ولا نعتبر ما قاموا به من ديننا فديننا لا يدعوا لقتل الناس بغير ذنب .
الحمد لله على نعمة الإسلام وكفى بها من نعمة

قال تعالى لا ينهاكم الله عن الذين لم يقاتلوكم ف الدين ان تبروهم وتقسطو اليهم
اياكان من قام بهذا العمل فلا اعتقد بانه يمت للاسلام بصلهومن الممكن ان تكون مدبره للايقاع بين المسلمين والنصارى فى ارض السلام
فكثيرا مانسمع عن تدابير اليهود ولكن انا انكر هذا العمل بشده ولا اظن بانه مسلما من قام بهذا العمل الذى ينافى اخلاق الاسلام

لا اله الا الله
اذا كان اللى يفجر نفسه فى اليهود فى فلسطين فيه كلام استشهاد ولا لا بالك بالنصارى وكمان فى ارضالغلبة فيها للاسلام

والله ما اظن الا انه عمل هدفه سياسى بحت وربنا يصبر اهالى المصابين ويهدى كل من هو ضال يارب العالمين
تعازينا لهم

[ندعوك للتسجيل في المنتدى أو التعريف بنفسك لمعاينة هذه الصورة]

الكنيسة أدامها جامع في قلب شارع متقابلين
و اللي راحوا ولاد بلدنا مش مسيحيين ومسلمين
بيقولوا فتنة و خلاص صابتنا .. بس صوت العقل فين؟
يا ولاد بلدنا دي مصيبتنا و الضحايا من الطرفين
زعلان مينا على ولده حنا .. ماهو برده أحمد راحله حسين
هتقولوا الضحايا من اليمة ديه أكتر كتير من اليمة ديه
هقولكم هو المصيبة بتفرق ما بين البني آدمين
المصيبة هي هي سواء لمية ولا اتنين
المصيبة إنك تصحى لا تلقى مينا ولا حتى حسين
المصيبة فقدت حارتنا أعز صحابنا من سنين
يلا بينا نرم بيتنا و بلاها فتنة يا مصريين

الناس كلها تشارك يا جماعه لو سمحتم على الأقل بالإدانه ده سهم موجه لقلب مصر ووالله لو كنت فى اسكندريه لكنت روحت اتبرعت بدمى لما طلبوا .
نشارك يا جماعه ما ينفعش نكون سلبيين أدام مصيبه زى دى .

" قوى الإرهاب لن تنجح فى مخططاتها وستفشل فى زعزعة استقرار مصر أو النيل من أمان شعبها ووحدة مواطنيها مسلميها وأقباطها "
الرئيس المصرى محمد حسنى مبارك

فاجعة هزت القلوب ........اللهم ارحمهم واغفر لهم وابعد عنا شر هؤلاء القوم

اقتباس :

اللهم ارحمهم واغفر لهم

المسلمين من القتلى بس يا دكتوره لإنه لا يجوز للمسلم الدعاء بالرحمه لغير المسلم بعد البعثه المحمديه .

مش كنت اعرف انك بتحب الريس ياعنانى وكمان بتستشهد بكلامه
ربنا يكرمه زى ما كرم السادات -يرزقه الشهاده- ويرزقه البطانه الصالحه اللى ما تخرب بيوتنا وولى من بعده من هو اصلح للبلاد ومصلحة البمسلمين

اقتباس :

مش كنت اعرف انك بتحب الريس ياعنانى وكمان بتستشهد بكلامه

ههههههههه مش حب والله يا حس لكن الوحش مش وحش على طول أنا صحيح مخنوق منه بس ده مش هيغير واقع إنه رئيس البلد وكلامه مهم حتى وإن كان ضحك ع الدقون وهيا أول مره تحصل التفجيرات ؟ طيب فين اللى فجروا فندق الحسين وقتلوا السياح ؟ ولسا الأعمال دى هتستمر طول ما فيه مغفل ماسك الداخليه إسمه حبيب الشر كل همه إنه يقفش فى الإخوان ويبلطج هوا وشرطته على خلق الله عمال على بطال .

اقتباس :

ربنا يكرمه زى ما كرم السادات -يرزقه الشهاده-

آمين يارب يسمع منك ربنا يا حسام فعلا محتاجينه شهيد أكتر منه رئيس ونفسى من زمان أقوله ........ مصر محتاجاك فوق يا ريس هتطلع إمتى بأه ؟

اقتباس :

ويرزقه البطانه الصالحه اللى ما تخرب بيوتنا

أصلح من نظيف وحبيب وبطرس والطنطاوى ؟ مابيتهيأليش ...............

اقتباس :

وولى من بعده من هو اصلح للبلاد ومصلحة البمسلمين

أكيد تقصد جمال هوا فيه ولى عهد غيره ؟!!!!!! ربنا يريحنا من العيله دى بأه .

وبعدين معاكم ماتهدوا اللعب شوية وسيبكوا من الريس وخليكوا ف المصيبة ال مصر فيها.............. يا جماعة دى كارثة بكل المقاييس.
احنا محتاجين نزود احساسنا بالانتماء اكتر.يستحيل يكون ال عمل كده مصر او مسلم. بس الاكيد انه فقد هويته .فقد ايمانه. الاكيد انه اجوف النفس والروح.فقد احساسه.فهانت عليه نفسه وقتل نفس بغير نفس! يا جماعة لما البنى آدم يبقى جواه فاضى بيبقى هش سهل ينكسر ويستقطب وتتملكه افكار هدامهيبثها فيه عناصر ارهابيه مدمره
انا لما شفت الحادثة دى اقسملكم ان دموعى نزلت .ما فكرتش وقتها على مسلم ولا مسيحى . الاهم انهم مصريين احتموا ف البلد دى ال لازم توفرلهم الحماية
احنا محتاجين نغذى روحنا نصلى وندعى ربنا يعدى المحنة دى على خير

ياجماعة الموضوع دة اكيد مدبر من برة طبعا فى دول كتير مضايقة من مصر وبتحب توقعها فى مشاكل وماادراك بالمشكلة بتاعت الفتنة الطائفية بالذات وبعدين مفيش مصرى مسلم ممكن يعمل كدة بدليل حاجتين اولا ان مفيش لغاية دلوقتى جماعة اعلنت مسئوليتها
ثانيا ان الجامع المواجة للكنيسة هو كمان حصلة اذى كبيير

يا دكتوره بوتشى هتلفيها يمين هتجيبيها شمال هيطلعلك مسئول واحد عن المصيبه دى
اللى عمال فاتح بؤه وعمال يقول قوى الإرهاب لن تنجح ..... يا عم الحاج لن تنجح إيه بس دول شغالين على ودنه والناس ماعادتش طايقه بعض فى البلد وأنت بتقولى لن تنجح .
ووزير الداخليه جناب الباشا ده كان فين إن شاء الله يكونش كان فى الحمام ساعتها ولا حاجه والشرطه بتاعته فين ولا هوا وزعهم خلاص على بوابات الجامعات يضربوا البنات بالرجل ويقلعوا المنتقبات ويمسكوا الإخوان ويعسسوا ع الملتزمين ....... أنا غلطان صحيح الراجل هيعمل إيه بس ولا إيه كفايه المشغوليات اللى عليه .
أما الشعب بأه فدى مسئوليته كل واحد يمشى فى الشارع ويقابله حد يقلعه هدومه ويدور ليكون لابس حزام ناسف ولا حاجه ولا بالعله صابعين ديناميت .
المتفجرات المستخدمه فى الحادث كانت لها قوة تفجيريه عاليه يعنى ماهيش مصنعه محليا يعنى متهربه من بره طيب دخلت البلد إزاى دى ؟ يكونش عضو من مجلس الشعب جابها معاه هديه لمراته فى عيد ميلادها وعدا بيها فى المطار ماهم مابيتفتشوش حصانه بأه عقبال عندك .
طيب يكون تبع أنه حزب المجرم ده بس يا رب ؟ ............ آه نسيت ده المجلس كله حزب واطى بس دول تبع الريس يا عم الحاج ..........................
هقول إيه غير حسبى الله ونعم الوكيل فى الريس ووزير الداخليه وكل المسؤلين اللى مش مسئولين أصلا يلا ربنا ينتقم .

هدى نفسك يا سيادة الريس. والله عندك حق .ماهو لو كل واحد منهم كان عمل ال عليه ما كانش يبقى ده حالنا!!!!!!!

ياعنانى المنتدى ليس ساحة لسب فئة معينة بعينها او توجيه التهم المنسوبة اليها
ولايجوز التصريح بالكلام
رحبت جدا بموضوعك الا انه قد انقلب للسب لذا ارجو قفل الموضوع فقد اكدنا مسبقا ان المنتدى علمى بحت الى جانب اننا نهتم بعض الشىء بالجوانب السياسيه لكن لاتصل الى هذا الحد ارجو قفل الموضوع
والله الموفق

ههههههههه
هدى نفسك انت يا جيمى مفيش سب ولا حاجه ده مجرد رأى وبعدين إحنا فى بلد ديموقراطى ولا إنت ناسى يعنى تفقدر تقول رأيك فى أى حد ولو حتى رئيس الجمهوريه وبعدين انت مش كتبت " جميع المقالات والمواضيع والتعليقات والمشاركات بكافة أنواعها والتي يكتبها أحد أعضاء الموقع تقع على مسؤولية كاتبها وتعبر عن رأيه الشخصي. " مش انت اللى كاتب كده خلاص مفيش عليك مسؤليه .