هل الصراحة تغضب ؟؟

الاختلاف في الرأي لا يفسد للود قضية نجدها شعارنا بالقول لا بالفعل، مجرد جملة في قوانين النقاشات، تنتهي بالضرب بها عرض الحائط …هذه الجملة بداية بدأتها لأبدا حديثا صادق من القلب إلى القلب على أمل أن يصل لكل من أراد أن يرتاد هذا الصرح، ليرقى به للأفضل ..لتكن لدينا فكرة، نبنيها بناء متكاملا، ولا ننظر إليها من جانب واحد فنجحفها حقها ..لا ننظر لأفكار الغير بدافع التشدد لأفكارنا وأجناسنا، بل ببصيرة العدل والإنصاف، ولنضيف ما نراه مكملا بصدق، دون هجوم.. يفضي لخلاف غير مستحب..
كثيرون، ما أن يروا أفكارا غير أفكارهم،، و وجهات نظر مختلفة عما يرون، ما يلبثوا إلا برد ليس إلا (تفريغ انفعالات) وهنا رأي الغاضب وليس رأي التعقل ولا الحق، وما أدراك ما رأي الغاضب !! هجوم لا أكثر..فلنعلم أن كل كلمة نسطرها هي في موازيننا لنا أو علينا، نسطرها بأيدينا لتشهد علينا يوم الحساب، تحفظ على صحائف أعمالنا بعيدا عن صحائف
الدنيا التي قد لا ينساها الناس و لا تمحيها الذاكرة ..الأقلام شواهد،، فلنحذر منها،، و نجعلها حجة لنا لا علينا،، هنا على صرح الصراحة..كل منا يطرح ما يحب كما يرى.. و يفكر.. كما يعيش ..كما هي ظروفه وبيئته.. و استقلاليته الشخصية.. وطبيعته المختلفة ..فهل يعقل أن يرى كل من حولنا أفكارنا.. بالمنظار الذي نراه؟!!!

فليكن لكل منا منظارا شفافا،، هو منظار الحق والصدق.. و لنعلم أن لكل قضية أطراف.. قد نغفل عن الإلمام بها لأي سبب كان ..فإذا نظر الإنسان من جهته فلك الحق أن تنظر من جهة أخرى.. تضيف ما تضيف.. بود وصدق لنخرج من نقاشنا بصفاء كما دخلناه.. ولا يملك احدنا أدنى حق في تجاوز حد) الذوق والأدب والرقي في التعامل و الأخوة) و لك أن تخالف برأيك ..فالصدق والحرية متطلبات الصراحة.. لكن يظل حسن التعامل زينة الفكر.. بصمة لاسم كلا منا في نظر أخيه.. فنحن لا نرى من إخوتنا سوى هذه البصمة… فليطبع كل منا بصمته .. برقي و صراحة و لنسعد بأقلام تبحر بلا حدود.
و أخيرا كن كالمطر أينما وقع نفع

الاختلاف في الرأي لا يفسد للود قضية نجدها شعارنا بالقول لا بالفعل

الحمد لله انا غيرت الشعار ده وبقى اسمه اختلاف البط لا يفسد للوز صينيه ههههههههه

جميل التوبيك يا حوده

هههههههههه جميل يابحر

الاختلاف ف الرأى ساعات بيوضح حاجات للناس بتكون مش واخده بالها منها
فمش مشكله ان احنا نختلف

جميل ى ميتشو

جميل ياسعيد
وانا بأعتبر خلاف الاراء رحمة وحكمة من الحكيم سبحانه وتعالى خصوصا اختلاف الاراء في المسائل الفقهية انا شايف انه من باب الرحمة والتوسعة من ربنا على عباده
ولو شاء ربك لامن من في الرض كلهم
وربنا قال ولولا دفع الناس بعضهم ببعض لفسدت الارض

شكا لؤلؤة
الله الله الله اية الجمال دة ياعبدو

ربنا يكرمك
مهم جدا الكلام ده

مممممممممممم
مش عارفه ميتشو ممكن يزعل مني ولا لأ
طالما دا كلامك وانت مقتنع بيه ليه طلبت من مدير المنتدي انه يقفل موضوع كان لعضو اسمه فالنتينو تقريبا
وانت ساعتها كنت مختلف معاها في وجهه نظره ومادتلوش فرصه انه يعرض وجهه نظره حتي وان كانت مش عاجبه ناس في المنتدي
احنا كان ممكن نقومه مش نثور عليه ونقفله التوبيك بتاعه

بجد أرخم حاجه هنا في المنتدي الموضوع اللي مايجيش ع الهوي يتقفل ع طول
ودا دليل ع عدم وجود أحترام الأختلاف في الأراء


طبعا كلكم هتقلبوا عليا دلوقتي
مممممممم ربنا يسترها بس دا رأي ان مافيش هنا في المنتدي الصفه دي

على فكره يا انفينيتيود مش ميتشو بس هو اللى طلب ان الموضوع ينقفل كان كل اللى قرا الموضوع طلب من جمال ان يقفلو وانا كنت واحد من الناس اللى طلبت ان الموضوع ينقفل لان الموضوع اصلا ماكنش يصح ان ينعرض على المنتدى حتى انا اتذكر انى كتبت تعليق وقلت الكلام( اللى كان مكتوب) ده مارضهوش لاختى يبقى ارضاه لبنات الناس ؟ والكل كان موافق ان الموضوع ينقفل

على فكرة ياانغنتيود انا عمرى مامسحت حاجة دة بالعكس اتمسحلى كلام قبل كدة واسألى اهلوية هيا اللى مسحتلى مشاركاتى بعد مااتكلمنا واتناقشنا فى دة
اما بالنسبة لفالانتينو دة انا مامسحتش حاجة انا لقيت ان كلامة تقيل شوية فرديت علية على فكرة وبعد مارديت علية كذا مرة واتناقشت معاة قولت لجمال فى موضوع كذا خش وشوفة مناسب ولا لا لانى كنت شايف انة مش مناسب لكن تناقشت معاة مش سبتة زى مابتقولى
المنتدى بتاعنا يا انتفنتيود وانتى اكتر واحدة عارفة كدة لانك مناقدم الناس هنا ومش بنعترض على اى راى بدليل ناس بتكتب فى السياسة زى ماهما عايزين مع انى بعترض معاهم كتير
ناس بتكتب فى الكورة وبتتريق على الزمالك اللى انا بشجعة وبختلف معاهم جامد بس دة مش بياثر على العلاقة ابدا
وبعدبن انا بقول علطول انفنتيود دى تبعى ومفيش حد يقدر يكلمها وتروحى انتى قايلة كدة ملكييش حق

هههههههه
طبعا ياميتشو تبعك
بس دا كان مجرد رأي بس

ههههههههه ماشى ياستى