جس المجترات

***** بعض المعلومات التى سوف تفيدنا فى الجس palpation :
1- المجترات تضم الابقار والجاموس والاغنام والماعز والجمال (بس انا مش هزكر الجمال لان ما عندناش جمال) وسوف نتطرق بالشرح على الابقار والجاموس ثم الاغنام والماعز.
2- الجس فى المجترات الكبيره( الابقار والجاموس) بتكون من خلال المستقيم( rectal palpation) ولكن فى المجترات الصغيره( الاغنام والماعز) بتكون من خلال البطن.
3- يهمنا الجهاز التناسلى الانثوى فى الابقار والجاموس والذى يتكون من الخارج للداخل من الحيا (vulva) وهى شفتين طوليتين ثم المهبل(vagina)وهوانبوبه طريه جدا ولا تشعر بها عند الجس ثم عنق الرحم (cervix) وهو اهم جزء فى الجس وهو جزء انبوبى غليظ الملمس يشبه فى ملمسه رقبه ديك رومى او بطه ثم جسم الرحم (uterine body) وهو صغير جدا وغير مهم ثم يحدث تفارق لليمين واليسار ليتكون قرنى الرحم(uterine horns)وهما كالازنين المتدليان من عنق الرحم. ثم فى اخر قرنى الرحم توجد المبايض (ovaries) وهما يشبها حبه الفاصوليا المسلوقه فى الملمس والشكل .
4- يفصل المستقيم (rectum) عن الجهاز التناسلى غشاء رقيق جدا وحساس لاى خشونه .

****** الاحتياطات اللازمه عند عمليه الجس:
1- قص الاظافر جيدا حتى لا يحدث نزيف فى المستقيم.
2- اليد مطهره جيدا ومغسوله بماء وصابون.
3- ارتدى جاونتى الجس الطويل.
4- لابد من وضع ماده لزجه لتساعد فى دخول اليد الى المستقيم مثل الصابون او الزيت او حتى الماء فقط.

******* الغرض من الجس:
1- تحديد اسباب عدم الصروف (anestrum) فى الحيوانات او عدم التعشير( no conception )
2- تحديد اذا ما كانت البهيمه عشر (pregnant) ولا لا وتحديد مده الحمل.

******* كيفيه الجس :
1- البس الجاونتى وثبته من اعلى الزراع بخيط او اى شى حتى لا يسقط منك عند الجس.
2- ادهن الجاونتى باى ماده لزجه.
3- ادخل ايدك مثل الشينيور وبنفس الطريقه التى تدخل بها الترمومتر بالدوران حول محور اليد.
4- اخرج كل محتويات المستقيم جيدا حتى يصبح خاليا (back racking).

*** اولا فى حاله تحديد اسباب عدم الصروف او عدم التعشير.
أ) فى حاله عدم الصروف (anestrum)
صاحب الحاله هيقلك البقره او الجاموسه دى ما صرفتش او ما طلبتش ليها مده معينه اكتر من 21 يوم ( مده الدوره عند الابقار والجاموس).
وهنا تبدا تدخل ايدك وتروح تمسك عنق الرحم اللى هيكون اغلظ شى فى الداخل وتمشى معاه حتى تجد مفترق الطريق وتمشى يمين وشمال وانت ماسك عنق الرحم ورجاء لا تتركه وهنا هتمسك قرنى الرحم وهنا ابدا امشى معاهم هتوصل للمبيض وفى الحاله الطبيعيه هتلاقى المبيض بحجم الفاصوليا لكن لو لقتهم صغيرين وممكن يصل حجمهم لحجم الحمص يبقى ده كسل مبايض(inactive ovaries)
وده بيبقى غالبا فى الجاموس فى فصل الصيف نتيجه التغذيه وهنا بندى مصدر فوسفور زى التونوفوسفان او الكافوزال حقن بالعضل اما ان كانت حاله البهيمه كويسه وحجمها كويس ولقينا المبايض صغيرين يبقى كسل مبايض عضوى نتيجه خلل فى الهرمونات وهنا بندى الرسبتال او الجونادوبريد حقن عضل.والسبب التانى لعدم الصروف هو وجود الجسم الاصفر على المبيض باستمرار وهنا هتلاقيه على المبيض ولكن لابد ان تجس بعد 10 ايام مره اخرى للتاكد لانه قد يكون الجسم الاصفر الطبيعى بتاع الدوره لكن بعد 10 ايام لو تحلل يبقى طبيعى لكن لو لم يتحلل يبقى (persistant corpus luteum) وده علاجه باليوتاليز او الاسترومات حقنن عضل او فى حيا البهيمه.

ب) فى حاله عدم التعشير (no conception)
صاحب الحاله هيقلك انها صرفت ولم تمسك او لم تعشر وهنا تشك فى اى التهابات فى الجهاز التناسلى وهنا العلاج بالغسيل وممكن استخدام vaginoscope وهتلاقى الغشاء المخاطى للمهبل احمر محتقن وكمان لو دخلت ايدك فى المستقيم ممكن تلاقى عنق الرحم اكبر من حجمه او قرنى الرحم وده بسبب الالتهابات .وهنا بنغسل بlugols او بيتادين بشرى مخفف الى 2% مع المضادات الحيويه ومضادات الالتهاب.

*** ثانيا فى حاله تحديد الحمل ومدته .
نفس الطريقه وبتدخل تمسك عنق الرحم وتمشى معاه لحين الوصول لقرنى الرحم .
//// اشياء تسهل الجس.
1- الرحم الفاضى والعشر فى شهرين او تلاته بيبقى الرحم داخل التجويف الحوضى (pelvic cavity).اما من الرابع للاخر بيبقى فى تجويف البطن(abdominal cavity).
2- عنق الرحم بيبقى طافى لاعلى وقريب اوى من غشاء المستقيم فى حاله الرحم الفاضى وعشر شهرين .اما بعد ذلك بيبقى نايم على عظمه الحوض.
3- ال placentomes بتبقى موجوده من الشهر التالت للاخر. لكن قبل كدا ما فيش وتقدر تحسها على جانبى الرحم العشر وليس من اعلى . يعنى بعد ما تدخل ايدك وتمسك القرن العشر لازم تتحسس على جانبيه مش من اعلى علشان تقدر تمسك ال placentom او الزراير بالفلاحى ودول بيبقوا صفين على الشمال وصفين على اليمين حوالى من 90 الى 120 زرار او بلاسنتومه.
4- الاحساس بمجرى الدم والنبض فى الشريان الرحمى الاوسط (middle uterine artery)
بيبدا من الشهر الخامس على جانبى المستقيم وده هتقدر تمسكه بانك تمشى ايدك على عظمه ال ilium على جانبى المستقيم وهتلاقى خرطوم صغير ( الشريان) ماشى للامام فى اتجاه راس الحيوان ومن الشهر الخامس هتحس النبض فيه على الجانبين لكن قبل كدا هتحسه فى جنب واحد اللى فيه الحمل والنبض بيزيد مع تقدم الحمل وتحس قطره والنبض فيه بانك تضع اصبعك عليه وتحصره على العظم او تحصره بين صابعينك وتحسس النبض واحساس مجرى الدم فيه .
5- الرحم يمكن شده نحوك حتى عشر 2.5 شهر لكن بعد ذلك لا يمكن شده نحوك.

****** تحديد مده الحمل :::::::::::: مهم جدا جدا جدا
1- البهيمه فاضيه
- عنق الرحم طافى لاعلى .
- قرنى الرحم صغيرين وما فيش فروق جوهريه بينهم فى الحجم وفاضيين ولا يوجد اى احساس مائى فيهم وموجودين داخل الحوض.

2-شهر ونصف
- المتمرس بس اللى يقدر يجبها.
- عنق الرحم طافى لاعلى.
- قرنى الرحم واحد اكبر من التانى .ووجود سوائل داخل القرن الكبير.
-الرحم موجود فى الحوض.
- هتحس ال amniotic vesicle فى القرن الكبير وكانها غده ليمفاويه صغيره قطرها مثل اصبعين من يدك وهتلاقيها تتزفط من بين صوابعك وانت بتمشى ايدك على ظهر القرن العشر.

3- شهرين
مثل شهر ونصف بس ال amniotic vesicle اكبر قليلا مثل ثلاث او اربع اصابع من يدك فى قطرها .وحجم الرحم بمقدار قبضه يدك . بس مش ايدك تكون كبيره وتقلى قبضه يدك انا بتكلم على اساس ايدى انا . يعنى زى حجم ثمره مانجو كبيره شويه.

4- ثلاث شهور
- عنق الرحم نايم على الحوض.وهترفعه بجهد بسيط.
-القرن العشر نايم على حافه الحوض واللى هتحسها لما تنزل ايدك تحت الانتفاخ اللى هتلاقيه وهتمسك عظمه الحوض وحافتها وتطلع لفوق وانت ماشى مع الانتفاخ هتلاقيه على الحافه وجزء منه فى الحوض.
- حجم الجنين وليس حجم الرحم وده هتحسه بانك تضغط على اخر الانتفاخ للداخل بحيث تجذب الجنين نحوك وهنا هتمسكه وتحس حجمه اللى هيبقى زى الفار.
- تقدر تعمل fetal membrane slip بانك تشد من الجنب بين البلاسنتوم تشد كل الطبقات وتبدا تسيب طبقه طبقه ولو لقتهم 3 طبقات يبقى عشر ( طبقه الجنين وطبقه الرحم وطبقه المستقيم)
لكن لو طبقتين يبقى فاضيه وده ممكن يكون صديد او سوائل فى الرحم (hydrometra) (طبقه الرحم فقط ومعاها طبقه المستقيم).
- هنا بيتكون البلاسنتوم ( الزراير) وبيكون قطرها حوالى 1 سم .يعنى بحجم الزرار الطبيعى او اقل قليلا.

5- اربعه اشهر
- عنق الرحم نايم على الحوض وهترفعه بجهد اقوى لكبر حجم الرحم اللى بيشده للداخل.
- القرن العشر ناحيه اليمين وبيكون نزل فى التجويف البطنى .
- بتقدر تصل لحدود القرن العشر للداخل .
- حجم الجنين كبر شويه وبقى بحجم قط لسه مولود من اسبوع.
- البلاسنتوم بقت اكبر وقطرها حوالى 2 سم.

6- خمس اشهر
- عنق الرحم نايم على حافه الحوض لدرجه انك تدخل تدور عليه فى الاول يهيالك انه مش موجود لكن هو اتشد للامام لكبر حجم الرحم .
- مش هتقدر تصل لحدود القرن العشر.
- صعب تصل للجنين الا لو نزلت ايدك اوى لتحت فى الناحيه اليمين من الجسم ممكن تحس راسه لانه نايم فى التجويف البطنى تحت وممكن تخلى حد يرفع من تحت البطن بخشب علشان تقدر تحسه.
- البلاسنتوم 3 سم فى القطر.
- النبض فى الشريان الرحمى بدا وهتحسه فى الجانبين من المستقيم لكن اللى فى القرن العشر اوضح ولكن النبض بطى وقطره حوالى نصف سم.

7- سته اشهر
- عنق الرحم نايم على حافه الحوض
- مش هتقدر تصل لحدود الرحم مهما مديت ايدك للداخل.
- الجنين نايم فى التجويف البطنى بس ممكن توصله.
- البلاسنتوم 4 سم فى القطر تقريبا .
- النبض بدا يظهر اكتر فى الجانبين وكبر قطر الشريان الرحمى الى 1 سم.
- يصعب التفريق بينه وبين الخامس الا مع الخبره لانه بدا يطفو لاعلى وممكن تعمله palotoming بانك تخبط لاسفل والسوائل هترفعه لاعلى وهيخبط فى ايدك.

8- 7 شهور
- واضح جدا الشهر ده عن 6 شهور .
- عنق الرحم نايم على حافه الحوض.
- لن تصل لحدود الرحم.
- البلاسنتوم كبرت اوى ووصل قطرها ل5 سم.
- البالوتومنج واضح جدا .
- تقدر تتحسس الجنين كويس وتمسك جزء من اعضاءه زى الارجل الاماميه والراس.
- الجنين طافى فى التجويف البطنى.
- نبض الشريان زاد اوى ومجرى الدم فيه واضح والشريان كبر اوى لدرجه 1.5 سم قطر وواضح اوى على الجانبين( بيسموها ظاهره fremitus او thrilling).

9- 8 شهور
- كله زى ال 7 شهور بس الجنين وضح اوى وطافى اوى وتحسس الاعضاء واضح اوى .10

10
- 9 شهور واكتر .
- تقدر تضع ايدك فى فم الجنين وتحس تكون الاسنان وبيبدا يدخل رجليه على باب عنق الرحم .

ملحوظات مهمه جدا:
- الدكاتره بتدخل ايديها وتقول بحر جوا وما فيش حاجه . لا يا دكتور ربنا خلق الجسم منظم . انت لازم تلاقى بس ركز وانت بتجس واستحضر تركيب الجهاز التناسلى .
- الشهر التانى والتالت بيتشابه مع وجود صديد وده بيتعرف بالعلامات اللى احنا قلناها عن كل شهر وكمان احساس الصديد غير احساس السوائل الرحميه .
وكدا بحمد الله خلص جس المجترات الكبيره . والسهو منى ومن الشيطان بس اعزرونى انا بسرد من دماغى وبتخيل الوضع وكانه بعمله علشان انتوا كمان تتخيلوه لان هنا ما ينفعش فيديو بس دى بعض الصور تساعد وافضل الدعم بفيديو الدكتور محسن لتبسيط الصوره.وده الرابط. ادخل free use وبعد كدا download وبعد كدا سايف الملف وشغله.
[ندعوك للتسجيل في المنتدى أو التعريف بنفسك لمعاينة هذا الرابط] | 138 KB



*********** جس المجترات الصغيره ( الاغنام والماعز)
- لازم يعدى 2.5 شهر على الحمل حتى يتم الجس وهذا لان فتره الحمل 5 شهور وبعد نصف فتره الحمل تبدا تتكون الاعضاء والعظم فيسهل الجس.
- الجس هنا من البطن وليس المستقيم.
-بتضع الحيوان بين رجليك وراسه للخلف نحو رجليك ورجليه للامام بعيد عنك وتبدا بوضع يدك اليمين على الكرش وتضغط للناحيه الاخرى وتتحسس بيدك اليسرى على الجنب اليمين للحيوان وتتحسس كتله صلبه او اى عظام وده هيبقى الجنين . وممكن ترفع بيديك الاثنين البطن لاعلى وتتركها تنزل ثم تتحسس اى كتله صلبه وبكدا تبقى عشر ولو فيه اى مشاكل تعامل مثل المجترات الكبيره مع اختلاف الجرعات

جميل يا جمال
شكرررررررررررررررا