طفرات رمضان

السلام عليكم ورحمة الله وبركاته
أيه رأيكم رمضان السنة دى يكون مختلف عن رمضان اللى قبل كده
تعالوا نعمل طفرات فى رمضان ده ...يعنى ايه طفرة؟

الطفرة دى حاجة معملنهاش قبل كده ..طيب زى ايه؟
1_ممكن نستنى لما الناس تمشى من المسجد وبعدين ننظفه

2_ممكن نصلى تهجد بال3 أجزاء اللى ورا ونكون زى ما الرسول صلى الله عليه وسلم من المقنطرين"
من قام بعشر آيات لم يكتب من الغافلين ومن قام بمائة آية كتب من القانتين
ومن قام بألف آية كتب من المقنطرين الراوي: عبدالله بن عمرو بن العاص
المحدث: أبو داود - المصدر: سنن أبي داود -

3_ممكن نروح لحد غلبان ونقضى حاجته

4_ممكن نودى فطار للبواب بتاعنا

5_ممكن ننزل السوق ونساعد اى ست ونشيل معاها الشنط

بجد عايزين رمضان مختلف السنة دى

طيب يلا كل واحد فينا يفكر فى طفرة ويحطها لينا عشان نعملها كلنا وياخد هوا ثوابها