شوية تهيس مع الامتحانات

بسم الله الرحمن الرحيم


ازيك يا ابناء الدفعة الباسلة


يارب تكونوا بخير


من اول الامتحانات وانا عايز اكتب الموضوع ده


لان الصراحة من اول يوم والله عمال بياخد "على قفاه " لما "قفاه " ورم


الضرب على الاقفه ليه اسباب كتير اهمها الامتحانات العجيبة

المريبة


الفظيعة والمخيفة


المميته والمدمرة












تعالوا نبدأ بالولادة

*امتحان الولادة كان 11 صفحة كاملة وفيها كل ما تشتيهه الانفس
كل انواع الاسئلة من غير ما تطلب
وده نظام بيريح الزباين كلهم
بدل ما يكون واحد عايز "اختر "
والتانى عايز "صح وغلط "
والتالت عايز "حالة "
لا القسم ريح الكل

ضرب ده كله فى الخلاط طلع كوكتيل يودى فى داهية

*الدروس المستفادة من امتحان الولادة
1/شراء اللحمة :
-قبل ما تشترى اللحمة اسأل على تمنها
-وخد حتة من الجزار بالظبط 1سم×1سم
- اجرى عليها كل التجارب اللممكنة
-اذا لم تتوصل الى نتيجه
-اذهب مع الجزار الى سوق البهايم او سوق التلات
- وخد معاك العدة كاملة
- خد عينه دم وعينة لبن وكل العينات اللى تقدر عليها واللى مش تقدر عليها
-مهما كانت نتيجة الاختبارات
-لاتعود الى الجزار لانه كده كده هيعلقك لانه اتخنق منك


2/Wild animals:
اى قطة او كلب ماشى فى الشارع
اقلع جزمتك وازقله بيها ومش تاخده تانى
او حوش طوب معاك فى جيبك عشان ترمى القطط والكلاب بيهم
لان الحيوانات دى بتلعب دور فظيع فى نقل الامراض


3/اعزل نفسك بعيدا عن اى ملوثات
والاحرص ارتدى قناع دائما وانت فى الشارع
حتى لا تصاب باى مرض عن طريق الinhalation
وان شاء الله تموت مخنوق


4/ اذا لم تمت مخنوقا فعليك
ان تمتنع عن الطعام لحين ارساله الى المعامل المتخصصة للفحص
حتى لا تصاب بالامراض التى تنتقل عن طريق ال ingestion
وظل على ذلك من 100 الى 200 يوم
حتى تموت من الجوع

5/ اذا لم تمت من الجوع فعليك ان تقتل نفسك بمذاكرة الولادة
وحفظ جميع امراضها وتواريخها وكل ساعات الولادة
واوقات الاجهاض
واسماء الولاد والبنات لكل بقرة
وكل ما تذاكر تنسى كل ماتذاكر تنسى
لحد ما يجيلك لسعان فى نفوخك وتموت بالجلطة وده احسن طريقة للموت

6/summary:
عند دراسة الولادة اختار الطريقة التى تموت بها



















* نيجى للاهم " اللبن "
-برضه الكبير كبير
-هو ده اللبن
-احلى ما فيه رشاقته وانسيابه ورعونته
-اجمد ما فيه القشطة
-اروع ما فيه الايس كريم
- اسوأ اللى فيه امتحان 14/6/2010
-احلى حاجة الواحد يدوب داخل الامتحان بيقول صباح الخير لقى ان الامتحان متشال منه 8 درجات ضرايب
- متفرجتوش على اعلانات الضرايب بتاعت " محمد شومان .. ومن بعده عبد القوى " ما احنا الجزء التالت منها
-الحمد لله دفعنا8 درجات ضرايب فى امتحان اللبن
-بس اهم حاجة تاخد بيهم وصل امانة عشان تضمن حقك
- بعد ال8 درجات تلاقى اسئلة غريبة
ومقارنات ولا فى الاحلام
- بجد انا كنت خارج عمال اضحك زى فيلم "الليمبى " اللى فيه الست اول ما خدت
ورقة الاجابة قامت مشيت وهى بتضحك


-الدروس المستفادة :
1/ عليك الغاء كلمات معينة من قاموس حياتك
مثل : صباح القشطة وصباح الحليب وصباحك ابيض
واستبدلها : بصباح اللى بتغنى
واللى يقولك اى كلمة من دول خد منه " 8 جنيه " تعويض عن ال 8درجات


2/شراء البيض:
عليك قبل شراء البيض
ان تقف فى السوبر ماركت وتاخد بيضه للفحص كالتالى :
-ارميها الى اعلى واحسب الوقت الذى تستغرقه فى النزول وانظر الى النتيجة
اذا تكسرت لا تشترى بيض من هذا المحل _اذا اخرجت كتكوت اشتر كرتونة_اذا لم تنكسر اشترى الفراخ اللى بتبيض البيض ده

-طريقة اخرى لفحص البيض وهى انا تاخذ كرتونة بيض وتروح اسكندرية وتأجر مركب وفى نص البحر ترميهم واحدة واحدة
واللى تطفو تاخده اللى مش تطفو كلف صاحب المحل بالتكاليف

-اصطحب مدفع اشعة فو ق حمراء وتحت بنفسجية للكشف عن مشاكل البيض

-الطريقة الامثل ان تقف بجوار الفرخة وهى ترقد على البيض مهما كانت مدة الرقد
وتاخد البيض اول ما تطلع




3/عليك بالاشتراك فى باقة قنوات " المعلم هانى اليابانى " وذلك لتحصل على ميزة مشاهدة
15 قناة يابنية متخصصة فى صناعة الزبادى
واذا اتصلت حالا
للحصول على الباقة ستحصل على 2 قناة زيادة لصناعة اللبن الرايب
كما ستحصل فورا على "سلطانية الزبادى " اللى كلنا عارفنها
واللى كلنا لبسناها الحمد لله



4/ عليك ترتيد نشيد
"جاموستنا الحلوة بقيت طعمة بقيت طعمة وليها قرن كبير "
صباحا ومساءا ..قبل وبعد شرب اللبن




















*السمك :
- السمك كان معقول شوية بس هو كان محتاج شوية اكواد
- يعنى المفروض ينزلوا مع الكتاب
كتيب صغير فيه " الاسامى الحركية " لكل الامراض
-تعلم حفظ اسامى الدلع لكل الامراض اللى تقبل فى حياتك
-تعلم ان امتحان السمك لا يأتى ابدا mcq
_اشترى السمك اللى بيلعب الصاحى
-ابتعد عن كل سمكة متمردة
-ذاكر ما تذاكر مش هتجيب تقدير
زى الترم الاول بالظبط
















[ندعوك للتسجيل في المنتدى أو التعريف بنفسك لمعاينة هذه الصورة]


انتظرونى للحديث بقية ان شاء الله
تصبحوا على خير