إعلان هام من إتحاد الطلبة

أولا : شكرا على مجهودك يا إبراهيم لصالح زملائك فى الكلية
ثانيا : لسه بدرى علينا أوى على كلمة طائلة العقوبات والكلام ده

إنت عضو فعال فى الإتحاد ومينفعش تطلع كلام كده وخلاص
أرجو إنك تاخد بالك بعد كده من كل كلمة

وعموما المجهود ده أكيد الناس عارفه مين اللى بيعمله مهما اتغيير شكله
ولا إيه يا هيما

وعموما ربنا يوفقك ويوفق كل زملائنا الطلبة فى الفترة القادمة وربنا معاكوا

د / أحمد عبدالدايــــــــــــــــــــــم

قلب مجروح (الخميس ديسمبر 16, 2010 7:30 am) كتب:

كلامك علي عيني و علي راسي يا دكتور أحمد و أحترمه بس أحب الفت نظرك اني مغلطتش في حد و الله يا أبو حميييد و عمري ما هغلط في حد انما انا حبيت أقول الكلام دة لإن بدأ يظهر حاجات في الفترة الأخيرة منسوبة لناس و بتتظاهر بيها كأنها هي اللي قدمتها للناس و بتظلم اللي عملوها و دة مش يصح

و ردا علي ما يسمي بأسرة النور .. أحب أنوه ان الإتحاد طول حياته بيخدم الطلبة و ان عجز في حاجة في دة علشان خاطر حاجات بتخرج من ايده و احنا مش مش بأيدينا نغير العالم و لسة فيه مفآجآت تانية كتير خدمات متميزة ان شاء الله للطلبة من أول إتحاد السنة دية 2010 / 2011 و انا غي مسؤول عن أداء الإتحادات السابقة و اللي فعلا كان بيعيبها بعض القصووور انما من ناحية اللي يخدم الطلبة فياريت اللي بيتكلم تحت ما يسمي باسم اسرة النور دة و انا اعرفه ايه الانجازات دية

كما اني احب أني انوه بأه تنويه شديد جدا بأنه لا يوجد ما يسمي بأسرة النور مطلقا و غير مصرح بها في كلية الطب البيطري و لا يوجد لها اي اوراق رسمية تم الموافقة عليها من الجامعه او من خلال الكلية لتأسيسها و أكيد كلكم عارفين الأسباب

جزاك الله خير .... بس لو أسرة النور مش هيبقي ليها انجاز غير انها خلت الإتحاد يعمل مذكرة امتحانات .. فده كفايه علينا ..... إستمر يا جميل ربنا يعنكم

ارى ان الحوار اخذ طابعا لايليق ابدا بدكاترة
فقد اخذ الطابع السياسى وهو مالا ارحب به فى جنبات المنتدى ولذا ارجو من الاعضاء تصفية الخلافات بعيدا عن صفحات المنتدى ويتم قفل الموضوع
وانا ارحب بمن يستطيع افادتنا باى شكل من الاشكال بغض النظر عن معتقداته وفكره سواء اكان صحيحا ام خاطئا
وفقنى الله واياكم لما فيه الخير